Генферон

ГЕНФЕРОН® ЛАЙТ

Жоқ

Қынап ішіне немесе ректальді енгізуге арналған суппозиторийлер, 125 000 ХБ, 250 000 ХБ

Антинеопластикалық және иммуномодуляциялайтын препараттар. Иммуностимуляторлар. Интерферондар.

АТХ коды: L03AB

- кешенді ем компоненті ретінде - балаларда жедел респираторлы вирустық инфекцияны және басқа бактериялық және вирустық этиологиядағы инфекциялық ауруларды емдеу үшін,

- кешенді емнің компоненті ретінде – 3 жастан 6 жасқа дейінгі жиі және ұзақ ауыратын балалардағы жедел респираторлық вирустық инфекциялардың қайталанатын көріністерін емдеу және профилактикасы үшін,

- балаларда және әйелдерде, оның ішінде жүктілерде, дәрігермен тағайындалған және бақыланатын спецификалық ем аясында урогенитальді жолдың инфекциялық-қабыну ауруларын емдеу үшін.

Қолдануды бастағанға дейін қажетті мәліметтер тізбесі

- әсер етуші заттарға немесе препараттың қосымша заттарының кез келгеніне аса жоғары сезімталдық

- жүктіліктің I триместрі

Препаратты ересектерде қынап ішіне де және ректальді түрде де қолдануға болады:

балаларда – тек ректальді!

ГЕНФЕРОН® ЛАЙТ кешенді ем компоненті ретінде айтарлықтай тиімдірек. Бактерияларға қарсы, фунгицидті және вирустарға қарсы препараттармен үйлестірген кезде әсерінің өзара күшеюі байқалған, ол жоғары қосынды емдік әсер алуға мүмкіндік береді.

Аллергиялық және аутоиммунды аурулар асқынған кезде сақтықпен қолдану керек.

Жүктілік немесе лактация кезінде

Жүктіліктің 13-40 аптасында жүрген әйелдерде ГЕНФЕРОН® ЛАЙТ препаратын қолданудың қауіпсіздігі мен тиімділігі клиникалық зерттеулерде дәлелденген. Жүктіліктің I триместрінде қолдануға болмайды

Лактация кезеңінде қолдануға шектеулер жоқ.

Дәрілік заттың автокөлік құралдарын немесе қауіптілігі зор механизмдерді басқару қабілетіне әсер ету ерекшеліктері

ГЕНФЕРОН® ЛАЙТ препараты ерекше назар аударуды және жылдам реакцияларды қажет ететін қауіпті қызмет түрлеріне әсер етпейді.

Дозалау режимі

Енгізу тәсілі, дозасы және курс ұзақтығы жасқа және нақты клиникалық жағдайларға байланысты болады.

Ересектерге және 7 жастан асқан балаларға ГЕНФЕРОН® ЛАЙТ препаратын альфа-2b интерферонының 250 000 ХБ дозасында бір суппозиторий түрінде қолданады. 7 жасқа дейінгі балаларда препаратты альфа-2b интерферонының 125 000 ХБ дозасында суппозиторий түрінде қолдану қауіпсіз болып табылады. Жүктіліктің 13-40 аптасындағы әйелдерде препарат альфа-2b интерферонының 250 000 ХБ дозасында суппозиторий түрінде қолданылады.

Енгізу әдісі мен жолы

Препаратты ересектерде қынап ішіне де және ректальді түрде де қолдануға болады:

балаларда – тек ректальді!

Ұсынылатын дозалар және емдеу режимі:

Балаларда жедел респираторлы вирустық инфекцияларда және басқа жедел вирустық сипаттағы ауруларда: 1 суппозиторийден ректальді күніне 2 рет 12-сағаттық аралықпен негізгі еммен қатар 5 күн бойы жүргізіледі. Егер 5 күндік емдеу мерзімі өткеннен кейін ауру симптомы азаймаса немесе айқынырақ бола түссе, пациент дәрігерге қаралуы тиіс. Клиникалық көрсетілімдер бойынша емдеу курсын 5 күндік үзілістен кейін қайталауға болады.

3 жастан 6 жасқа дейінгі жиі және ұзақ ауыратын балалардағы жедел респираторлық вирустық инфекцияларда: 1 суппозиторийден (125 000 ХБ) ректальді тәулігіне 2 рет 12 сағат аралықпен стандартты еммен қатар 10 күн бойы жүргізіледі. Жедел респираторлық вирустық инфекцияны емдеудің негізгі кезеңі аяқталғаннан кейін, профилактикалық сызбаға көшуге болады: 3 апта бойы күнара 1 рет түнге қарай 1 суппозиторийден (125 000 ХБ) ректальді.

7 жастан асқан балаларда вирусты этиологиядағы созылмалы инфекциялық-қабыну ауруларында: 1 суппозиторийден (250 000 ХБ) ректальді күніне 2 рет 12 сағаттық аралықпен стандартты еммен қатар 10 күн бойы жүргізіледі. Одан кейін 1-3 ай бойы – күнара түнге қарай 1 суппозиторийден ректальді.

Балаларда урогенитальді жолдың жедел инфекциялық-қабыну ауруларында: дәрігермен тағайындалған және бақыланатын спецификалық ем аясында ректальді 10 күн бойы 12 сағаттық аралықпен күніне 2 рет 1 суппозиторийден.

Жүктілерде урогенитальді жолдың инфекциялық-қабыну ауруларында: дәрігермен тағайындалған және бақыланатын спецификалық ем аясында қынап ішіне 10 күн бойы 12 сағаттық аралықпен күніне 2 рет 1 суппозиторийден (250 000 ХБ).

Әйелдерде урогенитальді жолдың инфекциялық-қабыну ауруларында: дәрігермен тағайындалған және бақыланатын спецификалық ем аясында қынап ішіне немесе ректальді (аурудың сипатына байланысты) 10 күн бойы 12 сағаттық аралықпен күніне 2 рет 1 суппозиторийден (250 000 ХБ). Аурудың созылған түрінде 1-3 ай бойы аптасына күнара 1 суппозиторийден 3 рет.

Курстың дозасы мен ұзақтығы жасқа, нақты клиникалық жағдайға байланысты және емдеуші дәрігер анықтайды.

ГЕНФЕРОН® ЛАЙТ препаратының артық дозалануы туралы хабарлар жоқ.

Дәрігердің тағайындауынан өзгеше абайсызда суппозиторийдің көп мөлшерін бір мезгілде енгізген кезде ары қарайғы енгізуді 24 сағатқа тоқтату керек, одан кейінгі емдеуді сызба бойынша көрсетілгендей етіп бастауға болады.

Дәрілік препараттың бір немесе бірнеше дозасын өткізіп алған кездегі қажетті шаралар

Егер дәріні өткізіп алсаңыз, өз дәрігерге айтыңыз.

Тоқтату симптомдары қаупінің болуын көрсету

Дәрігермен алдын-ала кеңес алмай, препаратты қолдануды тоқтатпау керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну бойынша ұсынымдар

Егер пациентте осы дәріні пайдалануға қатысты қандай да бір қосымша сұрақтар болса, онда ол өз дәрігеріне қаралуы қажет.

Науқастарға препараттың жағымдылығы жақсы.

Өте сирек (жиілігі 10000 жағдайға 1 аз)

- аллергиялық реакциялар (бірлі-жарым хабар)

Бұл құбылыстар қайтымды және енгізуді тоқтатқаннан кейін 72 сағат ішінде қайтады. Емдеу ұзақтығы дәрігердің кеңесінен кейін болуы мүмкін.

Осы уақытқа дейін жағымсыз әсерлерінің өмірге қауіпті немесе ауыр түрі байқалмаған.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлері) бойынша тікелей ақпараттық дерекқорға жүгіну керек.

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір суппозиторийдің құрамында

белсенді заттар – адамның рекомбинатты альфа-2b интерфероны (арИФН-альфа2b)** - 125 000 ХБ, 250 000 ХБ, таурин – 0,00500 г.

қосымша заттар: декстран 60000, макрогол 1500, полисорбат 80, эмульгатор Т2, натрий гидроцитраты (натрийдің номиналды мөлшері ммольдегі бір дозада – 0,00042), лимон қышқылы, тазартылған су, суппозиторий массасын алу үшін қатты май.

** - «Адамның рекомбинатты альфа-2b интерфероны (арИФН-альфа2b)» субстанциясына «БИОКАД» ЖАҚ ФСП сәйкес қосымша заттар кіреді, Ресей: натрий хлориді (ЕФ*), натрий ацетаты тригидраты (ЕФ*), сірке қышқылы (мұзды) (ЕФ*), инъекцияға арналған су (ЕФ*).

Сыртқы түрінің, иісінің, дәмінің сипаттамасы

Ұшы үшкір келген цилиндр түріндегі, ақ немесе сарғыш реңді ақ түсті, ұзына бойы қимасында біртекті суппозиторийлер. Қимасында кеуектік өзекшесінің немесе құйғы тәрізді қуыс болуына жол беріледі.

5 суппозиторийден МЕМСТ 745-2003 сәйкес алюминий фольгадан (алюминий/алюминий) немесе импортталған, немесе МЕМСТ 25250-88 сәйкес поливинилхлоридті үлбірден (ПВХ/ПВХ) немесе импортталған пішінді ұяшықты қаптамада.

2 пішінді ұяшықты қаптама медициналық қолдану жөніндегі нұсқаулықпен бірге қазақ және орыс тілдерінде МЕМСТ 7933-89 сәйкес немесе импортталған картон қорапшаға салынады.

2 жыл.

Жарамдылық мерзімі өткеннен кейін қолдануға болмайды!

2-ден 8 °С-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз (125 000 ХБ суппозиторий)

Рецепт арқылы (250 000 ХБ суппозиторий)

«БИОКАД» АҚ, Ресей

Заңды мекенжайы: Ресей, 198515, Санкт-Петербург қ-сы., қал.іш.аум. Стрельна кентi, Стрельна кентi, Связь көш., 38 үй, 1 құр., 89 орынжай.

Телефон: +7 (812) 380 49 33, факс: +7 (812) 380 49 34; biocad@biocad.ru.

Орналасқан мекенжайы: Ресей, Мәскеу обл., Красногорск қ.о., Петрово-Дальнее а-лы, Промышленная көш., 5 үй, 2 к.

«БИОКАД» АҚ, Ресей

Ресей, 198515, Санкт-Петербург қ-сы., қал.іш.аум. Стрельна кентi, Стрельна кентi, Связь көш., 38 үй, 1 құр., 89 орынжай.

Телефон: +7 (812) 380 49 33, факс: +7 (812) 380 49 34; biocad@biocad.ru.

«ВИВА ФАРМ» ЖШС, Қазақстан, 050030, Алматы, Дегдар к-сі, 33,

тел: +7 727 383 74 63, факс: +7 727 383 74 56, E-mail: pv@vivapharm.kz.