Фунгостатин

ФУНГОСТАТИН®

Нистатин

Жергілікті қолдану үшін суспензия дайындауға арналған 100 000 ӘБ/мл7,5 г/50 мл түйіршіктер

Дерматология. Тері ауруларын емдеуге арналған зеңге қарсы препараттар. Жергілікті қолдануға арналған зеңге қарсы препараттар. Зеңге қарсы антибиотиктер. Нистатин.

АТХ коды D01AA01

Ауыздың, өңештің немесе ішектің шырышты қабығына әсер ететін Candida albicans тудыратын зең инфекцияларының профилактикасы және емдеу.

Қолданудың басталуына дейінгі қажетті мәліметтер тізбесі

- нистатинге немесе кез келген қосымша заттарына жоғары сезімталдық

- тұқым қуалайтын фруктоза жақпаушылығы немесе глюкоза-

галактоза мальабсорбциясы бар адамдарға

Препарат құрамында сахароза бар.

Сирек тұқым қуалайтын фруктоза жақпаушылығы, глюкоза-галактоза мальабсорбциясы немесе сукраза-изомальтаза жеткіліксіздігі бар пациенттер бұл препаратты қабылдамауы тиіс. Қант диабеті бар пациенттерге қолданғанда сақ болу керек.

Прпепарат құрамында аллергиялық реакциялар (оның ішінде баяу типті аса жоғары сезімталдық реакциялары) туғызуы мүмкін метилпарагидроксибензоат және пропилпарагидроксибензоат бар.

Жүйелі микоздарды емдеу үшін Фунгостатин қолдануға болмайды.

Басқа дәрілік  препараттармен өзара әрекеттесуі

Белгісіз

Арнайы сақтандырулар

Жүктілік немесе лактация кезеңі

Нистатин жүкті әйелге енгізілгенде ұрыққа зиян келтіруі немесе ұрпақты болу функциясына әсер етуі белгісіз, бірақ нистатиннің асқазан-ішек жолынан сіңуі шамалы. Фунгостатин жүктілік кезінде тек күтілетін пайдасы ұрық үшін ықтимал қауіптен жоғары болған жағдайда ғана қолданылуы керек.

Нистатин елеусіз мөлшерде асқазан ішек жолында сіңірілгенмен, оның емшек сүтімен бөлініп шығарылатын-шығарылмайтыны белгісіз, сондықтан препаратты тағайындаудың орындылығы туралы мәселені дәрігермен кеңескеннен кейін жеке шешу керек.

Препараттың көлік құралын және қауіптілігі зор механизмдерді  басқару қабілетіне әсер ету ерекшеліктері

Әсер етпейді.

Дозалау режимі

Ересектер:

Ересектердегі тіс протездеуімен байланысты стоматитті және C. albicans тудырған ауыз қуысының инфекцияларын емдеу үшін күніне 4 рет 1 мл суспензияны аузына тамызады; зақымданған аймақтармен мүмкіндігінше ұзақ байланыста болуы керек.

Балалар:

Жаңа туылған нәрестелер мен балалардағы ішектің және ауыз қуысының кандидозында (ауыз уылуы) күніне 4 рет 1 мл. Суспензияны біршама уақыт жұтпай, ауызда ұстап тұру керек.

Жаңа туылған нәрестелердегі кандидоздың профилактикасы үшін ұсынылатын доза күніне 1 рет 1 мл құрайды.

Егде жастағы науқастар:

Дозалауына немесе сақтық шараларына нақты ұсыныстар жоқ.

Емдеу курсы 7 күн. Зеңдік инфекцияның қайталануын болдырмау үшін емдеуді аурудың симптомдары жоғалғаннан кейін және өсірінді зерттеулерінің теріс нәтижелерін алғаннан кейін 48 сағат бойы жалғастыру керек. Егер белгілер мен симптомдар нашарласа немесе сақталса (емдеудің 14 күнінен кейін), пациентті қайта бағалау және баламалы емді қарастыру керек.

Қолдану тәсілі мен жолы

Дайын суспензияны өлшеуіш пипетка арқылы ауыз қуысының шырышты қабаттарына жағу керек. Қолданар алдында жақсылап шайқаңыз.

Алынған суспензияны сұйылту ұсынылмайды, өйткені бұл емдік тиімділікті төмендетуі мүмкін.

Суспензияны дайындау тәсілі: түйіршіктер салынған құтыға қайнатылып суытылған суды белгіге дейін қосу керек. Біртекті суспензия қалыптасқанша шайқау керек.

Нистатиннің асқазан-ішек жолынан сіңуі шамалы болғандықтан, артық дозалану немесе кездейсоқ қабылдау жүйелі уыттылықты тудырмайды. Нистатиннің тәулігіне 5 миллион бірліктен асатын пероральді дозалары жүрек айну мен асқазан-ішек жолдарының бұзылуын тудырды.

Емі: препаратты тоқтату, симптоматикалық ем.

Дәрілік препаратты қалай қолдану керектігі туралы дәрігерден кеңес алу бойынша ұсыныстар

Бұл препаратты әрқашан дәрігеріңіз айтқандай пайдаланыңыз. Бірдеңеге сенімсіз болсаңыз, дәрігеріңізбен кеңесіңіз.

Нистатин әдетте барлық жас топтарында, тіпті ұзақ уақыт қолданғанда да жақсы төзімді. Егер тітіркену немесе сенсибилизация пайда болса, емдеуді тоқтату керек.

Сирек жағдайларда нистатиннің жоғары дозалары ішке қабылдауға әкелуі мүмкін:

• диарея,

• асқазан-ішек жолдарының бұзылуы,

• жүрек айну және құсу

• бөртпе

Сирек:

• аса жоғары сезімталдық және есекжем

• ангионевроздық ісіну, оның ішінде беттің ісінуі

• Стивенс-Джонсон синдромы

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер