Нистатин суппозитории вагинал. по 500000 ЕД №10 (2 блистера х 5 суппозиториев)

Нистатин

Нистатин

Қынаптық суппозиторийлер, 500 000 ӘБ

Несеп-жыныс жүйесі және жыныс гормондары. Гинекологиялық инфекцияға қарсы және антисептикалық препараттар. Инфекцияға қарсы және антисептикалық препараттар, кортикостероидтармен біріктірілімдерін қоспағанда. Бактерияға қарсы препараттар. Нистатин.

ATX коды G01AA01

- қынаптық кандидоздың жергілікті емінде және профилактикасында

Қолданудың басталуына дейінгі қажетті мәліметтер тізбесі

- нистатинге немесе қосымша заттардың кез келгеніне аса жоғары сезімталдық

- жүктіліктің I триместрі

Емдеу кезеңінде жыныстық қатынастан аулақ болу ұсынылады.

Реинфекцияның алдын алу мақсатында жыныстық жұптасы бір мезгілде емдеу ұсынылады.

Етеккір кезінде, сондай-ақ емнің алғашқы бірнеше күнінде симптоматикалық жақсару пайда болған жағдайда да емдеуді үзе тұруға немесе тоқтатуға болмайды.

Нистатин мен клотримазолды бір мезгілде қолданғанда соңғысының белсенділігі төмендейді.

Қынаптық нистатин суппозиторийлері құрамында жергілікті тері реакцияларын (мысалы, жанаспалы дерматит) немесе көздің немесе шырышты қабықтардың тітіркенуін тудыруы мүмкін бутилгидроксианизол (Е320) және бутилгидрокситолуол (Е321) бар.

Бауыр мен бүйрек функциясы бұзылған пациенттерде қолдану: ерекшеліктері жоқ.

Егде жастағы пациенттерде қолдану: ерекшеліктері жоқ.

Педиатрияда қолдану: препарат қыздығы бұзылмаған қыздарға ұсынылмайды.

Жүктілік және лактация кезінде

Жүктіліктің I триместрінде қолдануға болмайды.

Жүктіліктің II және III триместрінде және лактация кезінде анасы үшін күтілетін пайдасы шарана мен бала үшін ықтимал қаупінен асып түсетін болса ғана қолдануға болады.

Көлік құралдарын және қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын және қауіптілігі зор механизмдерді басқару қабілетіне әсер етпейді.

Дозалау режимі

Күніне бір рет 1 суппозиторийден, кешке, қынапқа терең енгізеді (гигиеналық емшаралардан кейін). Емдеу курсының ұзақтығы 10-14 күн.

Емдеу ұзақтығы мен қайталанатын курстардың қажеттілігін аурудың ауырлығына байланысты дәрігер анықтайды.

Енгізу әдісі және жолы

Қынаптық.

Суппозиторийді қабықтан шығарып алыныз және қынапқа терең енгізу керек.

Осы уақытқа дейін препаратпен артық дозалану жағдайлары туралы хабарланған жоқ.

Қажет болған жағдайда дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынылады

Дәрілік препарат стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Сирек (≥1/10 000, <1/1 000):

- аллергиялық реакциялар

- қынаптың шырышты қабығының тітіркенуі.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір суппозиторийдің құрамында

белсенді зат – нистатин 500 000 ӘБ,

қосымша заттар: бутилгидроксианизол (Е320), бутилгидрокситолуол (Е321), лимон қышқылы, сұйық парафин, қатты май

Сыртқы түрінің, иісінің, дәмінің сипаттамасы

Цилиндр-конус пішінді, сары түсті суппозиторийлер. Кесігінде бос және кеуекті өзегінің және шұңқыр тәрізді ойманың болуы мүмкін.

Поливинилхлоридті полиэтиленмен ламинацияланған үлбірден жасалған пішінді ұяшықты қаптамада 5 суппозиторийден.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшада.

2 жыл.

Жарамдылық мерзімі өткеннен кейін қолдануға болмайды.

Жарықтан қорғау үшін түпнұсқалық пішінді ұяшықты қаптамада,

25 °C-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«ФАРМАПРИМ» ЖШҚ

Кринилор көш., 5, Порумбень а., Криулень ауд.,

Молдова Республикасы, MD-4829

телефон (+373 22) 28-18-45

факс (+373 22) 28-18-46

e-mail: safety@farmaprim.md

«ФАРМАПРИМ» ЖШҚ, Молдова Республикасы

«ФАРМАПРИМ СРЛ» ҚР өкілдігі

Қазақстан Республикасы, Алматы қ., Гоголь көш., 86, 528 кеңсе,

тел. 8-727-279-65-18

e-mail: tatiana.abdulkhairova@farmaprim.md