Дуовит

Дәрілік препаратты медициналық

қолдану жөніндегі нұсқаулық (Қосымша парақ)

Саудалық атауы

Дуовит®

Халықаралық патенттелмеген атауы

Жоқ

Дәрілік түрі, дозасы

Драже

Фармакотерапиялық тобы

Ас қорыту жолдары және зат алмасу. Дәрумендер. Басқа препараттармен біріктірілімдегі полидәрумендер. Минералды заттармен полидәрумендер. Басқа да минералдармен және олардың біріктірілімімен полидәрумендер.

АТХ коды А11АА03

Қолданылуы

Дуовит® дәрумендер мен минералдар қажеттілігінің артуымен қатар жүретін жай-күйлерде профилактикалық дәрі ретінде қолданады:

- жоғары дене және жүйке-психикалық жүктемесінде

- спорттың белсенді түрлерімен айналысқанда

- тұрақсыз, толыққанды емес тамақтану немесе бір текті тамақтану рационында

- тағамның жеткіліксіз конверсиясында (егде адамдарда, темекі тартатын және алкоголді артық мөлшерде тұтынатын адамдар)

- тамақтану тәртібінің дұрыс болмауында (ең бастысы, фаст-фудпен тамақтану, құрғақтай жеу, көпшілік асханаларында тамақтану кезінде)

- тамақтанудың шектеулі тәртібінде (дене салмағының төмендеуі, диабет және т.б.)

- жас көкөністер мен жемістер тапшылығы кезеңдерінде

- ауруды өткергеннен кейінгі сауығу кезеңінде

- минералдарды көп жоғалтқанда (құсу, диарея, етеккірдің қарқынды келуі, тердің көп бөлінуі)

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер ететін затқа немесе «Қосымша мәліметтер» бөлімінде көрсетілген қосымша заттардың кез келгеніне аса жоғары сезімталдық

- А және D гипервитаминозы

- бүйрек жеткіліксіздігі

- 18 жасқа дейінгі балалар және жасөспірімдер

- жүктілік және бала емізу кезеңі

Қолдану кезінде қажетті сақтық шаралары

Басқа дәрумендермен, дәруменді-минералды және/немесе минералды кешендермен бір мезгілде қабылдау тұрғысында дәрігерден немесе фармацевттен кеңес алу керек.

Диабетке шалдыққан пациенттердің Дуовит® қабылдауларына болады, бірақ мұндай кезде күнделікті дозада қант құрамының 1,6 г екенін ұмытпау қажет. Әр драже құрамында 0,8 г жуық қант бар.

Асқазандағы жағымсыз сезімді туындатпас үшін Дуовитті тамақтанудан кейін қабылдау қажет.

Дуовит® препаратын құрамында А дәрумені бар басқа препараттармен немесе пероральді ретиноидтармен бір мезгілде қолдану А гипервитаминозын туындатуы мүмкін.

Басқа дәрілік препараттармен өзара әрекеттесуі

Препаратты құрамында хош иісті сақиналар (мысалы, тетрациклиндер, хинолондар, холестирамин) антацидтер бар препараттармен бір мезгілде қабылдау ұсынылмайды. Оларды бір мезгілде қабылдау салдарынан минералдар мен тетрациклиндердің сіңірілуі төмендейді. Кейбір антацидтер минералдардың сіңірілуін төмендетеді. Егер емдеуде мұндай препараттарды бір мезгілде қабылдау қарастырылған болса, Дуовит® пен тетрациклинді антибиотиктер/антацидтерді қабылдау арасында кем дегенде 3 сағат аралықты сақтау қажет. А гипервитаминозының даму мүмкіндігіне байланысты Дуовит® препаратын құрамында А дәрумені бар препараттармен немесе пероральді ретиноидтар бір мезгілде қолдану ұсынылмайды.

Арнайы ескертулер

Қосымша заттарға қатысты айрықша нұсқаулар

Дуовит® құрамында лактоза, сорбитол, глюкоза және сахароза бар. Егер емдеуші дәрігер сізге қанттың белгілі бір түріне жақпаушылық бар екенін хабарласа, бұл препаратты қабылдардың алдында емдеуші дәрігерден кеңес алыңыз.

Дуовит® құрамында аллергиялық реакцяларды туындата алатын, Е124 және Е110 азобояғыштар бар.

Қызыл түсті Дуовит® дражесінің құрамында 131 мг сорбитол бар, көк түсті драженің құрамында 105,7 мг сорбитол бар.

1 Дуовит® дражесінің құрамында 0,01 мг натрий бензоаты бар.

Жүктілік және лактация кезінде

Жүктілік және лактация кезеңінде қолдану ұсынылмайды.

Жануарларға жүргізілген зерттеулер А дәруменінің үлкен дозалары тератогендік әсер ететінін көрсетті.

Фертильділік

Ұрпақ өрбіту жүйесінің уыттылығы туралы дәстүрлі зерттеулерге негізделген клиникаға дейінгі деректер адамдар үшін ерекше қауіп таппады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дуовит® көлік құралдарын және басқа механизмдерді басқару қабілетіне әсер туралы харарланған жоқ.

Қолдану жөніндегі нұсқаулар

Дозалау режимі

Ересектер күніне 1 рет қызыл түсті 1 драже және көгілдір түсті 1 драже қабылдау ұсынылады.

Енгізу әдісі және жолы

Дуовит® дражесін таңертеңгі астан кейін қабылдау ұсынылады.

Дражені судың аздаған мөлшерімен іше отырып, бүтіндей жұту керек.

Емдеу ұзақтығы

Емдеу курсы 1 айға дейін. Одан кейінгі емдеу үзілістен кейін (1 айдан 3 айға дейін) немесе дәрігердің ұсынымы бойынша жүргізілуі мүмкін.

Артық дозаланған жағдайда қолдану қажет шаралар

Ұсынылған дозаны сақтаған кезде уыттану күтілмейді.

Өте үлкен дозаларды ұзақ уақыт қолдану А және D гипервитаминозына әкелуі мүмкін.

Дәрілік препаратты қолдану тәсілін анықтау үшін медицина қызметкерінің кеңесіне жүгіну бойынша ұсынымдар

Осы препаратты қолдану бойынша қосымша сұрақтар туындаса, емдеуші дәрігерге немесе фармацевтке жүгіну керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қолдану керек шаралар

Жекелеген ағзалар жүйелері бойынша жағымсыз әсерлердің жиілігі:

Иммундық жүйенің бұзылулары

Сирек (≥1/10000 <1/1000 дейін)

- аса жоғары сезімталдық реакциясы (аллергиялық).

Өте сирек (<1/10000)

- анафилаксиялық реакция.

Аса жоғары сезімталдық (аллергиялық) реакциясы пайда болған кезде, емдеуді тоқтатып, дәрігерден немесе фармацевттен кеңес алу керек. Анафилаксиялық реакция пайда болған кезде, жедел медициналық көмекке дереу жүгіну керек.

Асқазан-ішек бұзылыстары

Белгісіз (қолда бар деректер негізінде бағалау мүмкін емес)

- асқазан-ішек жолы тарапынан бұзылулар, әсіресе егер дражені аш қарынға қабылдаса

Ауыр жағымсыз әсерлер пайда болған кезде, емдеуді тоқтату керек.

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Қызыл түсті 1 драженің құрамында

белсенді заттар:

қосымша заттар: лактоза моногидраты, апельсин майы 05073, полисорбат 80, глицерин, майсана майы (салқындатып сығылған), сорбитол, сұйық глюкоза (құрғақ зат), көбікке қарсы зат 1510, магний стеараты, *Опалюкс АS-F-2833G (E124 + E110), капол 600 фарма, сахароза

Көгілдір түсті бір драженің құрамында

қосымша заттар: лактоза моногидраты, апельсин майы 05073, полисорбат 80, глицерин, майсана майы (салқындатып сығылған), сорбитол, сұйық глюкоза (құрғақ зат), көбікке қарсы зат 1510, магний стеараты, сұйық парафин, повидон, **Опалюкс АS-20912 көгілдір (E132), капол 600 фарма, сахароза

*Опалюкс АS-F-2833G (E124 + E110) қабығының құрамы: сахароза, тазартылған су, ponceau 4R lake (Е124), титанның қостотығы, FDC сары 6/сансет сары FDC aluminium lake (E110), повидон, натрий бензоаты

**Опалюкс АS-20912 көгілдір (E132) қабығының құрамы: сахароза, титанның қостотығы, тазартылған су, FDC көгілдір 2/индигокармин aluminium lake (E132), повидон, натрий бензоаты

Сыртқы түрінің, иісінің, дәмінің сипаттамасы

Қышқыл-тәтті дәмі бар, қызыл түсті қабықпен қапталған тегіс қатты драже (дәрумендер) және көгілдір түсті қабықпен қапталған тегіс қатты драже (минералдар).

Шығарылу түрі және қаптамасы

10 дражеден (қызыл түсті 5 драже дәрумендермен және көгілдір түсті 5 драже минералдармен) поливинилхлоридті/поливинилдихлоридті/поливинил-хлоридті (ПВХ/ПВДХ/ПВХ) және үлбірден және алюминий фольгадан жасалған пішінді ұяшықты қаптамаға салынған.

4 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

Түпнұсқалық қаптамасында, 25 °С-ден аспайтын температурада, құрғақ, жарықтан қорғалған жерде сақтау керек.

Балалардың қолы жетпейтін жерде сақтау керек.

Дәріханалардан босатылу шарттары

Рецептісіз

Өндіруші туралы мәлімет

КРКА, д.д., Ново место

Шмарьешка цеста 6, 8501 Ново место, Словения

тел.: +386 7 331 21 11

факс: +386 7 332 15 37

info@krka.biz

Тіркеу куәлігінің ұстаушысы

КРКА, д.д., Ново место

Шмарьешка цеста 6, 8501 Ново место, Словения

тел.: +386 7 331 21 11

факс: +386 7 332 15 37

info@krka.biz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«КРКА Қазақстан» ЖШС

Қазақстан Республикасы, 050040, Алматы қ., Шағын ауданы КӨКТЕМ-1, үй 15А, офис 601

тел.: +7 (727) 311 08 09

info.kz@krka.biz