Диоксидин

Диоксидин®

Жоқ

Қуыс ішіне және сыртқа қолдануға арналған ерітінді, 10 мг/мл

Дерматология. Антисептиктер және дезинфекциялайтын препараттар. Басқа антисептиктер және дезинфекциялайтын препараттар.

ATX коды: D08AX

Диоксидин ® препараты ересек пациенттерді емдеу үшін көрсетілген.

Басқа химиотерапиялық препараттардың тиімсіздігімен немесе олардың нашар төзімділігімен сезімтал микрофлорадан туындаған іріңді бактериялық инфекциялар.

Қуыс ішіне енгізу

- кеуде және құрсақ қуыстарының  іріңді процестер, іріңді плевритте, плевра эмпиемасында, өкпе абцестерінде, перитониттерде, циститтерде, терең іріңді қуыстары бар жараларда (жұмсақ тіндер абсцестерінде, жамбас шел қабатының флегмоналарында, операциядан кейінгі несеп және өт шығару жолдарының жараларында, іріңді маститте және т. б.)

- қуықты катетеризациялаудан кейінгі инфекциялық асқынулардың профилактикасында.

Сыртқа қолдану

- орналасуы әртүрлі беткейлік және терең жаралар, ұзақ уақыт жазылмайтын жаралар мен трофикалық ойық жараларда,  жұмсақ тіндер флегмоналары, инфекция жұқтырған күйікте, остеомиелит кезіндегі іріңді жараларда.

Егер жақсару болмаса немесе 7 күннен кейін денсаулығыңыз нашарласа, дәрігерге қаралу керек.

Қолдану басталғанға дейін қажетті мәліметтер тізбесі

- Диоксидинге аса жоғары сезімталдық;

- Бүйрек үсті безінің жеткіліксіздігіне (оның ішінде анамнезде);

- Жүктілік және бала емізу кезеңі;

- 18 жасқа дейінгі балалар мен жасөспірімдер.

Дәрілік препараттармен өзара әрекеттесу түрлері

Препаратқа жоғары сезімталдық кезінде Диоксидин® препаратын антигистаминдік препараттармен немесе кальций препараттарымен бір мезгілде қолданады.

Дәрілік препараттың әсеріне әсер етуі мүмкін өзара әрекеттесу түрлері (алкогольмен, темекімен, тамақпен)

Дәрілік препараттың әсеріне әсер етуі мүмкін өзара әрекеттесу түрлері (алкогольмен, темекімен, тамақпен) жоқ.

Көлік құралдарын басқару немесе механизмдермен жұмыс істеу қабілетіне ықтимал әсері туралы мәліметтер

Емдеу кезеңінде көлік құралдарын жүргізу және зейіннің жоғары шоғырлануын және психомоторлық реакциялардың жылдамдығын талап ететін басқа да қауіпті қызмет түрлерімен айналысу кезінде сақ болу қажет.

Диоксидин® препаратын тек инфекциялық аурулардың ауыр түрлерінде немесе бактерияға қарсы басқа препараттар,  соның ішінде ІІ-ІV буын цефалоспориндері, фторхинолондар, карбапенемдер тиімсіз болған кезде ғана тағайындайды.

Созылмалы бүйрек жеткіліксіздігінде сақтықпен қолданылады, дозаны азайтады.

Пигментті дақтар пайда болған кезде дозаны енгізу ұзақтығын 1,5-2 сағатқа дейін ұзартады, дозаны төмендетеді, антигистаминді препараттар тағайындайды немесе Диоксидинді® препаратын оқтатады.

Дозалау режимі

Қуыс ішіне енгізу.

Іріңді қуысқа оның мөлшеріне байланысты тәулігіне 10-нан 50 мл-ге дейін 1% (0,1-0,5 г) Диоксидиннің® ерітіндісі енгізіледі. Диоксидиннің® ерітіндісі қуысқа катетер, дренажды түтік немесе шприц арқылы енгізіледі. Қуысқа енгізуге арналған ең жоғары тәуліктік доза - 70 мл 1% ерітінді (0,7 г).

Сыртқа қолдану.

Диоксидиннің® 0,1-1% ерітінділері қолданылады. 0,1-0,2% ерітінді алу үшін препараттың ампуладағы ерітіндісін қажетті концентрациясына дейін стерильді натрий хлоридінің 0,9% ерітіндісімен немесе инъекцияға арналған сумен сұйылтады. Беткейлік инфекциялық іріңді жараларды емдеу үшін жараға Диоксидиннің® 0,5-1% ерітіндісінде суланған сүрткілер салынады Терең жараларды өңдегеннен кейін Диоксидиннің® 1%  ерітіндісінде суланған тампондар бос салынады, ал дренаж түтігі болған кезде қуысқа 20-дан 100 мл-ге дейін препараттың 0,5% ерітіндісі енгізіледі.

Остеомиелит кезінде терең іріңді жараларды емдеу үшін (қолдың, табанның жаралары) ванна түрінде препараттың 0,5% ерітіндісі қолданылады немесе кейіннен Диоксидиннің® 1% ерітіндісімен таңу арқылы препараттың ерітіндісімен жараны арнайы емдеу жүргізіледі. Ең жоғары тәуліктік доза - 2,5 г. Диоксидиннің® 0,1-0,5% ерітіндісі түрінде операциялық араласудан кейін инфекцияның алдын алу және емдеу үшін пайдалануға болады.

Егде жастағы адамдарда қолданғанда бүйрек функциясының жасқа байланысты төмендеуін ескеру керек, ол препарат дозасын азайтуды талап етуі мүмкін.

Енгізу әдісі мен жолы

Диоксидин® препаратын стационар жағдайында, дәрігердің қатаң бақылауымен тек ересектерге тағайындалады.

Сыртқа, қуыс ішіне қолданылады.

Инфекциялық аурулардың ауыр түрлерінде немесе басқа бактерияға қарсы препараттар тиімсіз болған кезде ғана тағайындайды.

Емдеу курсын бастар алдында препараттың төзімділігіне сынама жасайды, ол үшін 10 мл 1% ерітіндіні инфекциялық ошақ-қуысқа енгізеді. Жағымсыз құбылыстар (бас айналу, қалтырау, дене температурасының жоғарылауы және т.б.) 3-6 сағат ішінде болмаса, курстық емдеуді бастайды. Жағымсыз реакциялардың алғашқы белгілері пайда болғанда енгізуді тоқтатады. Диоксидин® 1% ерітіндісін төмен температурада сақтау кезінде ерітіндінің тұрақсыздығына байланысты вена ішіне енгізу үшін қолдануға болмайды.

Диоксидиннің® ерітіндісі бар ампулаларда сақтау процесінде (15°С-ден төмен температурада) кристалдары шөккен жағдайда, ампулаларды қайнап тұрған су моншасында кристалдары толық ерігенге дейін (мөлдір ерітінді) сілки отырып қыздырып ерітеді. Егер 36-38°C дейін салқындаған кезде кристалдар қайтадан түспесе, препарат қолдануға жарамды.

Қабылдау уақыты көрсетілген қолдану жиілігі

Қуыс ішіне енгізу.

Препаратты қуысқа әдетте күніне бір рет енгізеді. Көрсеткіштер бойынша тәуліктік дозаны екі қабылдауда енгізуге болады. Жақсы төзімділік жағдайында препаратты күн сайын енгізуге болады.

Сыртқа қолдану.

Остеомиелит кезінде терең іріңді жараларды емдеу үшін (қол білезігі, табан жаралары) жараны 15-20 минут ішінде препараттың ерітіндісімен арнайы емдеу жүргізіледі (осы кезеңде жараға ерітінді енгізу), содан кейін таңғыштар салынады.

Операциялық араласымнан кейін инфекцияның профилактикасында және емдеу үшін көрсеткіштер бойынша (остеомиелитпен ауыратын науқастар) және жақсы төзімділік жағдайында емдеуді күнделікті жүргізуге болады

Қуыс ішіне енгізу.

Жақсы төзімділік жағдайында препаратты 3 апта бойы немесе одан да көп уақытқа енгізуге болады. Қажет болғанда емдеу курсын 1-1,5 айдан кейін қайталайды.

Сыртқа қолдану.

Остеомиелитет (қол білезігі, табан жаралары) терең іріңді жараларды емдеу үшін - 3 аптаға дейін.

Операциялық араласымнан кейін инфекцияның профилактикасында және емдеу үшін - 1,5 - 2 ай.

Артық дозаланған жағдайда қабылдануы тиіс шаралар

Диоксидин® артық дозаланғанда бүйрек үсті безінің жедел жеткіліксіздігі (артериялық қысымның төмендеуі, бради- немесе тахикардия, жүрек ырғағының бұзылуы, жүрек айну, құсу, диарея, метеоризм, іштің ауыруы, мәңгіру, елестеулер, парестезия, бұлшықет құрысулары, кома) дамуы мүмкін, бұл препаратты дереу тоқтатуды және тиісті гормондық орын басу емін қажет етеді.

Дәрілік препараттың бір немесе бірнеше дозасын өткізіп алған кезде қажетті шаралар

Жекелеген дозаларды өткізіп алған жағдайда препараттың қос дозасын қабылдауға болмайды.

Тоқтату симптомдары қаупінің болуын көрсету

Осы уақытқа дейін тоқтату симптомдары туралы хабарланған жоқ.

Дәрілік препаратты қабылдамас бұрын дәрігерге кеңес алу үшін жүгініңіз.

Қуыс ішіне енгізгенде:

Жүйке жүйесі тарапынан бұзылулар:

Белгісіз

- бас ауыруы

Иммундық жүйе тарапынан бұзылулар:

Сирек

- анафилаксиялық шок

Белгісіз

- аллергиялық реакциялар

- фотосенсибилизациялаушы әсері (күн сәулесінің әсер етуінен денеде пигментті дақтардың пайда болуы)

Бұлшықет, қаңқа және дәнекер тіндер тарапынан бұзылулар:

Белгісіз

- бұлшықеттердің құрысып жиырылуы

Асқазан-ішек бұзылулары:

Белгісіз

- жүрек айнуы

- құсу

- іштің ауыруы

- диарея

Жүйке жүйесі тарапынан бұзылулар:

Белгісіз

- қалтырау

- дене температурасының жоғарылауы.

Сыртқа қолдануда:

Тері және теріасты шелі тарапынан бұзылулар:

Белгісіз

- жара маңындағы дерматит

- қышыну

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Препараттың бір дозасының құрамында:

1 мл Диоксидин® препаратының құрамында:

белсенді зат: гидроксиметилхиноксалиндиоксид (диоксидин) - 10.0 мг;

қосымша зат: инъекцияға арналған су - 1 мл дейін

Мөлдір жасыл-сарғыштау сұйықтық.

5 мл немесе 10 мл-ден бейтарап шыны ампулаларда.

5 ампуладан поливинилхлоридті үлбірден жасалған пішінді ұяшықты қаптамаға салынады.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Жарамдылық мерзімі өткеннен кейін қолдануға болмайды.

Жарықтан қорғалған жерде, 15-тен 25°С-ге дейінгі температурада сақтау керек.

Балалардың қолы жетпейтін жерде сақтау керек!

Рецепт арқылы

«Новосибхимфарм» АҚ, Ресей Федерациясы

630028, Ресей, Новосибирск қ., Декабристер көш., 275.

Телефон: +7 (383) 363-32-44, факс +7 (383) 363-32-55

Е-mail: mail@nskpharm.ru

«Валента Фарм» АҚ, Ресей

141101, Ресей, Мәскеу облысы, Щелково қ., Фабричная көш., 2-үй.

Телефон: +7 (495) 933-48-62, факс +7 (495) 933-48-63

Е-mail: moscowoffice@valentapharm.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Валента Фармацевтика» акционерлік қоғамының Қазақстан Республикасындағы өкілдігі

Қазақстан Республикасы, 050009, Алматы қаласы, Алмалы ауданы, Абай даңғылы, № 151 үй, № 1106 кеңсе

Тел: +7 (727) 3341551 іш.4027 Моб. +7 771 779 79 37

Электронды пошта: asia@valentapharm.com