Хлорофиллипт Галичфарм раствор спирт. 1% по 100 мл (флакон)

Хлорофиллипт

Жоқ

10 мг/мл спирт ерітіндісі, 100 мл

Дерматология. Антисептиктер және дезинфекциялайтын препараттар. Антисептиктер және  басқа да дезинфекциялайтын препараттар.

АТХ коды D08AX

Антибиотикке төзімді стафилококктардан туындаған ауруларда кешенді ем құрамында:

- күйіктер, трофикалық ойық жаралар

- жатыр мойнының эрозиясы

- асқазан-ішек жолының инфекциялық аурулары

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- 18 жасқа дейінгі балалар және жасөспірімдер

- алкоголизмнен, эпилепсиядан зардап шегетін адамдар үшін

- бауыр аурулары бар пациенттер

- жүктілік және бала емізу кезеңі

Антисептикалық препараттар мен антибиотиктердің әсерін потенциялайды. Препарат құрамында 96% этил спирті бар, сондықтан бір мезгілде қолданған кезде психотропты, миорелаксациялаушы дәрілердің және алкогольдің әсері күшеюі мүмкін. Жарада сутегінің асқын тотығының қалдығы қалған кезде хлорофиллипт тұнбаға түседі, сондықтан жараны сутегінің асқын тотығымен жуғаннан кейін оның қалдығын натрий хлоридінің стерильді изотониялық ерітіндісімен кетіру қажет.

Емдеуді бастар алдында таңдалған қолдану тәсіліне қарамастан, хлорофиллиптке сезімталдықты анықтайды, ол үшін пациент 1 ас қасық суға сұйылтылған препараттың 25 тамшысын ішеді. 6-8 сағаттан соң аллергия белгілері (еріннің, аңқа шырышының ісінуі және т.б.) болмаса, препаратты қолдануға болады.

Препарат құрамында 96% этил спирті бар, сондықтан оны пациенттерге оларда алкоголь немесе есірткіге тәуелділік дамуына бейімділік болған кезде, сондай-ақ бауыр функциясының айқын бұзылуы, эпилепсия, қант диабеті бар пациенттерге тағайындамау керек.

Айрықша нұсқаулар

Емдеуді бастар алдында таңдалған қолдану тәсіліне қарамастан, хлорофиллиптке сезімталдықты анықтайды, ол үшін пациент 1 ас қасық суға сұйылтылған препараттың 25 тамшысын ішеді. 6-8 сағаттан соң аллергия белгілері (еріннің, аңқа шырышының ісінуі және т.б.) болмаса, препаратты қолдануға болады.

Препарат құрамында 96% этил спирті бар, сондықтан оны пациенттерге оларда алкоголь немесе есірткіге тәуелділік дамуына бейімділік болған кезде, сондай-ақ бауыр функциясының айқын бұзылуы, эпилепсия, қант диабеті бар пациенттерге тағайындамау керек.

Жүктілік немесе лактация кезінде

Жүктілік кезінде немесе емшек сүтімен емізу кезінде препаратты қолданудың тиімділігі мен қауіпсіздігі зерттелмеген, сондықтан препаратты пациенттердің осы санатына қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат құрамында этил спирті болғандықтан, емдеу кезінде жоғары зейін қоюды қажет ететін қауіптілігі зор жұмыс түрлерінен бас тарту керек.

Дозалау режимі

Күйіктерді және трофикалық ойық жараларды емдеу

1% спирт ерітіндісін 0,25% новокаин ерітіндісімен 1:5 пропорцияда сұйылтады және ерітіндіге малынған дәке таңғыштар түрінде пайдаланады. Емдеу курсы – 2-3 апта.

Жатыр мойнының эрозиясын емдеу

Шырышты қабықтың барлық қатпарларын және жатыр мойнының қынаптық бөлігін тампонмен алдын ала құрғатады және жатыр мойнының өзегіне және эрозияға 1% спирт ерітіндісін жағады. Немесе алдын ала қайнатылған 1 л жылы суда 15 мл 1% спирт ерітіндісін сұйылтып алынған ерітіндімен қынапты бүркіп шаяды. Емдеу курсы - 2 апта. Эпителизация толық болмаған кезде емдеу курсын қайталауға болады.

Асқазан-ішек жолының инфекциялық ауруларын емдеу

Ішектегі стафилококк тасымалдаушылығы кезінде ересектерге ішке тағайындайды: алдын ала қайнатылған 30 мл жылы суда сұйылтылған 5 мл 1% спирт ерітіндісі препаратын 25 тамшыдан күніне 3 рет тамақтанудан 40 минут бұрын күнделікті  қолданады. Емдеу курсы 7-10 күн.

Ішектегі стафилококк тасымалдаушылығы кезінде ересектерге ректальді клизма түрінде  қолданады: 20 мл 1 % спирт ерітіндісін алдын ала қайнатылған 1 л жылы суда сұйылтады (1 клизмаға арналған дозасы). Хлорофиллиптпен клизманы әрбір 2 күн сайын қояды. Емдеу курсы 10 емшарадан тұрады.

Енгізу әдісі мен жолы

Препараты ішке, ректальді және жергілікті тағайындайды.

Артық дозаланған жағдайда қабылдануы тиіс шаралар

Симптомдары: жағымсыз реакцияларының көріністері күшеюі мүмкін.

Емі - симптоматикалық.

Препаратты қабылдау бойынша сұрақтар туындаған жағдайда дәрілік препаратты қолдану тәсілін түсіндіру үшін медициналық қызметкерге кеңес алуға жүгінуді ұсынамыз.

Жағымсыз реакциялар жүйелік-орган классификациясына және олардың пайда болу жиілігіне қарай жіктелді. Пайда болу жиілігі бойынша келесі санаттарға бөлінеді: өте жиі (>1/10), жиі (>1/100 және <1/10), сирек (>1/1000 және <1/100), сирек (>1/10000 және <1/1000), өте сирек (<1/10000), белгісіз (қолда бар мәліметтерден бағалау мүмкін емес).

Иммундық жүйе тарапынан: белгісіз: препаратты қолданғанда шырышты қабықтардың ісінуін, гиперемияны, қышынуды, бөртпені қоса, аллергиялық реакциялар болуы мүмкін.

Жүйке жүйесі тарапынан: белгісіз: бас айналуы, бас ауыруы.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

1 мл құрамы, миллиграммен:

Белсенді зат: эвкалипт жапырақтары қою экстрактісі 10.0 (extractum ex folii eucalypti spissum), құрғақ заттың 100% мөлшеріне шаққанда (1: 15,3)

Қосымша зат: этанол 96 %.

Сыртқы түрінің сипаттамасы

Күңгірт-жасыл түсті сұйықтық. Сақтау үдерісінде шөгінді түзілуіне жол беріледі.

100 мл препараттан полиэтилен тығынмен тығындалған және бұралатын қақпағы, немесе алюминий қалпақшасы, немесе бірінші ашылуы бақыланатын қақпақтары, немесе бірінші ашылуы бақыланатын және балалардан қорғалған қақпақтары бар шыны құтыда немесе шыны банкіде, немесе полимер қақпағы бар полимер құтыда. Құтыларға немесе банкілерге заттаңба жабыстырылады.

1 құты немесе банкі қолдану жөніндегі қазақ және орыс тілдеріндегі нұсқаулықпен бірге, картоннан жасалған қорапшаға салынады.

2 жыл

Жарамдылық мерзімі өткеннен кейін қолдануға болмайды.

Түпнұсқалық қаптамасында, 25 °C-ден аспайтын температурада сақтау керек.

Балалардың қолы жетпейтін жерде сақтау керек.

Рецепт арқылы.

«Галичфарм» ЖАҚ, Украина, 79024, Львов қ., Опрышковская к-сі, 6/8

тел./факс: (032) 294-99-94, 294-99-02

E-mail: office@arterium.ua

Тіркеу куәлігін ұстаушысы

«Галичфарм» ЖАҚ, Украина, 79024, Львов қ., Опрышковская к-сі, 6/8

тел./факс: (032) 294-99-94, 294-99-02

E-mail: office@arterium.ua

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Тұтынушылар шағымдарын мына мекенжайға жолдау керек:

«Фармамед СҮ» ЖШС, 

Алматы қ., Ходжанов көшесі, 67 ғимарат, 4а т.е.

Тел.: +7 (727) 344-99-05/06

E-mail: Almaty@pharmamed.kz