Ауробин

Жақпамай, 20 г

Жүрек-қантамыр жүйесі. Вазопротекторлар. Жергілікті қолдануға арналған геморрой мен анус сызаттарын емдеуге арналған дәрілер. Жергілікті қолдануға арналған геморрой мен анус сызаттарын емдеуге арналған басқа дәрілер. Басқа да препараттар және олардың біріктірілімдері

АТХ коды С05АХ03

- перианальді аймақтың қабыну аурулары, оның ішінде артқы өтістің қышынуы, перианальді аймақтың экземасы және дерматиті, геморрой және артқы өтістің сызаттары

Қолданудың басталуына дейінгі қажетті мәліметтер тізбесі

- белсенді затқа немесе қандай да қосымша заттарға аса жоғары сезімталдық

- амидтер тобының жергілікті анестетиктеріне (бупивакаин, этидокаин, мепивакаин және прилокаин) қатысты жоғары сезімталдық.

- терінің бастапқы бактериялық, вирустық немесе зеңдік инфекциясы (мысалы, қарапайым герпес).

- бет розацеасы, кәдімгі безеу, ауыз маңындағы дерматит, баздану, тері туберкулезі, мерездің терілік көріністері, терінің құрғақ ұсақпластинкалы қабыршақтануы

- 1 жасқа дейінгі балалар

- Жүктіліктің бірінші триместрі

- көзді және периорбиталық аймақты емдеу үшін қолдануға болмайды

- лидокаинді басқа көрсетілім бойынша бір мезгілде қолдану

АУРОБИН жақпамайының басқа дәрілік заттармен өзара әрекеттесуіне зерттеу жүргізілген жоқ.

Аритмияға қарсы басқа препараттармен бір мезгілде қолдану сақтықты талап етеді.

Арнайы сақтандырулар

Тітіркену немесе сезімталдық туындаған жағдайда, АУРОБИН жақпамайымен емдеуді тоқтату және сәйкесінше қосымша емдік шараларды қолдану керек.

Жақпамайды терінің ауқымды немесе зақымдалған бөліктеріне, тері қыртыстарына, окклюзиялық таңғыштардың астына және/немесе ұзақ уақыт жағудан бас тарта отырып, жергілікті немесе жүйелі уыттылығының дамуын болдырмауға болады.

АУРОБИН жақпамайын терінің бір жеріне ұзақ уақыт бойы қолданғанда, әсіресе балаларда тері атрофиясы дамуы мүмкін.

Зеңдік немесе бактериялық инфекция дамыған жағдайда сәйкесінше жергілікті немесе жүйелі емді пайдалану керек.

Препараттың құрамына кіретін глюкокортикостероидтың әсерінен гипоталамус-гипофиз-бүйрекүстібез осін басу мүмкіндігіне байланысты қант диабеті, туберкулез және анемия кезінде ерекше сақтық таныту керек.

Көрудің бұзылуы

Жергілікті және жүйелі әсер ететін глюкокортикостероидтарды қолдану кезінде көрудің бұзылуы туындауы мүмкін. Анық көрмеу немесе көрудің басқа да бұзылулары туындаған кезде пациентті катаракта, глаукома немесе орталық серозды хориоретинопатия (ОСХ) сияқты сирек ауруларды қамтуы мүмкін ықтимал себептерді анықтау үшін офтальмологке жіберу керек. Аталған аурулар жергілікті және жүйелі әсер ететін глюкокортикостероидтарды қолданғаннан кейін пайда болуы мүмкін.

Қосымша заттар

АУРОБИН жақпамайы құрамында қосымша заттар ретінде метилгидроксибензоат (E218), цетил спирті және пропиленгликол (E1520) бар. Метилгидроксибензоат (парабен ретінде белгілі зат) аллергиялық реакцияларды тудыруы мүмкін (бәлкім, баяу дамитын типін). Цетил спирті терінің жергілікті реакциясын тудыруы мүмкін (мысалы, жанаспалы дерматит). Пропиленгликоль, сондай-ақ теріні тітіркендіруі мүмкін.

Педиатрияда қолданылуы

Препараттың құрамына кіретін глюкокортикостероидтың әсерінен гипоталамус-гипофиз-бүйрекүстібез осін басу мүмкіндігіне байланысты балалар жасындағы пациенттерде ерекше сақтық таныту керек.

Балаларда АУРОБИН жақпамайын терінің бір жеріне ұзақ уақыт бойы қолданғанда тері атрофиясы дамуы мүмкін.

Жүктілік немесе лактация кезінде

Жүктілік

Жүктілік кезінде препаратты қолдану қауіпсіздігі туралы мәліметтер жеткіліксіз. Сондықтан жүктілік кезінде АУРОБИН жақпамайын қолдануға болмайды.

Бала емізу

Кортикостероидтар мен лидокаин емшек сүтімен бірге шығады. Кортикостероидтар жаңа туған нәрестелердегі бүйрекүстібез функциясына әсер етуі мүмкін және өсудің бұзылуына әкелуі мүмкін. Лидокаиннің аз мөлшері емшек сүтімен бірге шығады. Қолдану кезінде бала үшін ешқандай қаупі анықталмағанына қарамастан, емшек емізу кезінде аса сақтық таныту қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ауробин препаратының көлік құралдарын басқару және механизмдермен жұмыс істеу қабілетіне ықтимал әсері зерттелмеген.

Дозалау режимі

АУРОБИНді дененің зақымданған жеріне тәулігіне 2-ден 4 ретке дейін жағу керек. Симптомдардың айқындылығы азайған кезде препаратты сирек қолдануға болады.

Пациенттің жасына қарамастан, терінің зақымдалған аймақтарына, тері қыртыстарына немесе ауқымды жерлерге ұзақ уақыт қолданудан аулақ болу керек.

Окклюзиялық таңғыштардың астына қолдану ұсынылмайды.

АУРОБИНді 1 жасқа дейінгі балаларда қолдануға болмайды.

Осы препаратты 1 жастан асқан балаларда қолдану тек ерекше жағдайларда және емдік әсерге қол жеткізу үшін жеткілікті ең азғантай дозаларда ғана мүмкін болады. Емдеу ұзақтығы 5 күннен аспауы керек.

Жағымсыз әсерлерді азайту үшін препарат зақымданған аймақтарға күніне 2 реттен жиілетпей жағылуы керек.

Енгізу әдісі мен жолы

Тек сыртқа қолдануға арналған.

Емдеу ұзақтығы

Емдеу қысқа кезеңге ғана созылуы мүмкін (5-тен 7 күнге дейін).

Артық дозалану жағдайында қабылдау қажет болатын шаралар

Симптомдары: сіңірілген стероидтар мен лидокаиннің мөлшеріне байланысты жергілікті немесе жүйелік көріністер дамуы мүмкін.

Емі: симптоматикалық және демеуші ем. Арнайы антидоты жоқ.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Егер препаратты қолдану әдісіне қатысты күмән туындаса, емдеуші дәрігермен кеңесіңіз.

Белгісіз: (жағымсыз құбылыстардың туындау жиілігін қолда бар деректер негізінде анықтау мүмкін емес).

- субклиникалық инфекциялардың активациялануы, инфекция көріністерінің бүркемеленуі, оппортунистік инфекциялар

- аса жоғары сезімталдық реакциялары

- бүйрекүстібездің қыртысты заты функциясының тежелуі

- гипокалиемиялық алкалоз, сұйықтықтың іркілуі, гипокалиемия, натрийдің іркілуі

- ұйқысыздық, психикалық бұзылыс, құрысулар, бас айналу, бас ауыру, бассүйекішілік қысымның жоғарылауы

- катаракта (балаларда катарактаның даму ықтималдығы жоғары), субкапсулярлық катаракта, экзофтальм, глаукома, көру жүйкесі дискісінің ісінуі, мөлдір қабықтың ойықжаралары, хореоретинопатия, анық көрмеу

- жүрек функциясының жеткіліксіздігі, жүрек өткізгіштігінің бұзылуы, артериялық гипертензия, шеткері вазодилатация

- асқазаннан қан кету, асқазан-ішектен қан кету, асқазан-ішек жолы ағзаларының тесілуі, эзофагит, панкреатит, асқазанның ойықжаралы ауруы

- дерматит, фолликулит (қолдану орнында), акни типі бойынша бөртпе, жанаспалы дерматит, терінің құрғауы және жұқаруы, эритема, есекжем, гирсутизм, гипергидроз, интертриго, қышыну, терінің атрофиясы, гипопигментация, терінің тітіркенуі, стриялар, телеангиэктазия, тері ашығандай сезіну

- жаралардың баяу жазылуы

- өсудің тежелуі, стероидты миопатия, остеонекроз, остеопороз

- көзішілік қысымның жоғарылауы, теріс азоттық теңгерім, провокациялық тестілерге тері реакциясының тежелуі

Глюкокортикостероидтарды жергілікті қолданғанда негізінен жергілікті жағымсыз реакциялар туындауы мүмкін. Тері сіңіретін стероидтар мен лидокаиндердің мөлшеріне байланысты олардың жүйелік әсерінің әсері көрінуі мүмкін.

Глюкокортикостероидтарды ұзақ уақыт бойы топикалық қолданғанда немесе оларды дененің үлкен беткейлеріне жаққанда бүйрекүстібез функциясының бәсеңдеуі дамуы мүмкін. Әсіресе, бұл құбылыс балаларда және АУРОБИН жақпамайын герметикалық таңғ ыш астындағы теріге жаққан кезде байқалады. Ақуыздар катаболизмі теріс азоттық теңгерімді туындатуы мүмкін.

Жеткілікті көп мөлшерде топикалық қолданғаннан кейін лидокаиннің жүйелі сіңірілуі орталық жүйке жүйесін стимуляциялауы және/немесе бәсеңдетуі мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 сықпаның ішінде

белсенді заттар: 0,04 г преднизолон капронаты,

0,40 г декспантенол

0,40 г лидокаин гидрохлориді,

қосымша заттар: полисорбат 60, триклозан, метилпарагидроксибензоат, цетил спирті, глицерин, пропиленгликоль, макрогол стеараты, сұйық парафин, диметикон, бейтарап май, стеарин қышқылы, тазартылған су

Ақ немесе ақ дерлік түсті, иісі жоқ дерлік гомогенді жақпамай.

Тесетін ұштығы бар полиэтилен қалпақшамен тығындалған алюминий сықпаларда 20 г-ден.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды.

8 0 С-ден 15 0 С дейінгі температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Венгрия, «Гедеон Рихтер» ААҚ

Н-1103 Будапешт, Дёмрёи к-сі, 19-21

Тел: +361-431-4000, +361-431-4782, +361-431-4985

Факс: + 361-431-5944

E-mail: RA.CISRichter@richter.hu

Венгрия, «Гедеон Рихтер» ААҚ

Н-1103 Будапешт, Дёмрёи к-сі, 19-21

Тел: +361-431-4000, +361-431-4782, +361-431-4985

Факс: + 361-431-5944

E-mail: RA.CISRichter@richter.hu

«Гедеон Рихтер» ААҚ ҚР өкілдігі, Алматы қ., Төле Би к-сі 187

E-mail: info@richter.kz; pv@richtergedeon.kz (фармакологиялық қадағалау)

Телефоны: 8-(7272)-58-26-22, 8-(7272)-58-26-23, 8-701-787-47-01