Бетривис (Betrivis) раствор д/ин. по 5 мл №6 (ампулы)

Бетривис

Жоқ

Бұлшықет ішіне енгізуге арналған ерітінді, 5 мл

Ас қорыту жолы және зат алмасу. Дәрумендер. В1 дәрумені, қарапайымдары және В6 және В12 дәрумендерімен біріктірілімдері. В6 дәруменімен және/ немесе В12  дәруменімен біріктірілген  В1 дәрумені.

АТХ коды А11DB

Пероральді терапиямен түзетілуге келмейтін, В1, В6 және В12 дәрумендерінің ауыр жетіспеушілігінен туындаған неврологиялық аурулар.

Қолдануды бастағанға дейін қажетті мәліметтер тізбесі

- белсенді заттарға немесе қосымша заттардың кез келгеніне жоғары сезімталдық;

- жүктілік және бала емізу кезеңі;

- декомпенсацияланған жедел жүрек жеткіліксіздігі, жүрек өткізгіштігінің бұзылуы;

- 12 жасқа дейінгі балалар.

Бетривис тек бұлшықет ішіне (б/і) енгізіледі, ешқандай жағдайда вена шіне (в/і) енгізілмейді. В12 дәруменін қысқа мерзімді парентеральді енгізу фуникулярлы миелоз немесе пернициозды анемия диагностикасын уақытша нашарлатуы мүмкін.

Препарат алты айдан астам ұзақ уақыт қолданғанда нейропатияны туындатуы мүмкін.

В1 дәрумені

Тиамин құрамында сульфиті бар ерітінділерде толығымен бұзылады. В1 дәруменінің ыдырау өнімдері бар жерде басқа дәрумендердің белсенділігі жойылады. Тиамин тотықтырушы заттармен, сынап хлоридімен, йодидпен, карбонатпен, ацетатпен, танин қышқылымен, темір аммоний-цитратымен, сондай-ақ фенобарбиталмен, рибофлавинмен, бензилпенициллинмен, декстрозамен және метабисульфитпен үйлесімсіз. Мыс тиаминнің ыдырауын жеделдетеді, одан басқа рН (рН 3-тен көп) мәні артқан кезде тиамин өзінің әсерін жоғалтады.

В6 дәрумені

Пиридоксин леводопамен бір мезгілде тағайындалмайды, өйткені соңғысының әсері әлсірейді.

Сондай-ақ, В6 дәрумені пиридоксин әсерін төмендететін циклосерин, D-пеницилламин, эпинефрин, норепинефрин, сульфонамидтермен әрекеттесуі мүмкін.

В12 дәрумені

Цианокобаламин тиамин туындататын аллергиялық реакцияларды күшейте алады. Цианокобаламин аскорбин қышқылымен, ауыр металдардың тұздарымен үйлеспейді.

Препарат құрамында лидокаиннің болуын ескере отырып, адреналин мен норадреналинді қосымша қолданған жағдайда жүрекке жағымсыз әсерді күшейтуі мүмкін. Жергілікті анестетиктермен артық дозаланғанда адреналин немесе норадреналинді қосымша қолдануға болмайды.

Сондай-ақ, сульфонамидтермен өзара әрекеттесу байқалады.

Жергілікті анестетиктермен артық дозаланғанда эпинефринді немесе норэпинефринді қосымша енгізуден аулақ болу керек.

Бетривис препаратын вена ішіне енгізуге болмайды. В12 дәруменін қысқа мерзімді парентеральді енгізу фуникулярлы миелоз немесе пернициозды анемия диагностикасын уақытша нашарлатуы мүмкін.

Шеткері сенсорлық нейропатия (парестезия) симптомдары пайда болған кезде дозаны қайта қарау және қажет болған жағдайда препаратпен емдеуді тоқтату керек. Невропатиялар 50 мг асатын В6 дәруменінің тәуліктік дозаларын ұзақ қабылдау кезінде (6-12 ай ішінде), сондай-ақ тәулігіне 1 г артық В6 дәруменін қысқа мерзімді қабылдау кезінде (2 ай ішінде) байқалды.

Педиатрияда қолдану

Бетривис препаратын балалар мен жасөспірімдерде маңызды себептер болған жағдайда ғана қолдануға болады.

Бензил спиртінің мөлшері

Бұл дәрілік заттың құрамында бензил спирті бар. Шала туған нәрестелерге, жаңа туған нәрестелерге, 3 жасқа дейінгі балаларға қолдануға болмайды. 3 жасқа дейінгі балаларда уытты және аллергиялық реакциялар болуы мүмкін.

Жүктілік немесе лактация кезінде

Емдеуші дәрігер қауіп пен пайда арақатынасын мұқият өлшегеннен кейін жүктілік кезінде осы өнімді пайдалану туралы шешім қабылдауы тиіс.

В1, В6 және В12 дәрумендері адам емшек сүтіне өтеді. В6 дәруменінің  жоғары дозалары сүт өндіруді тежеуі мүмкін. Сондықтан нәресте үшін емшек емізу артықшылығы мен әйел үшін терапевтикалық пайданы мұқият салыстыра отырып емізуді тоқтату немесе Бетривиспен емдеуді тоқтату туралы шешім қабылдау керек.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Бетривис көлік құралдарын басқару және механизмдермен жұмыс істеу қабілетіне әсер етпейді. Ерекше сақтық шаралары қажет емес.

Дозалау режимі

Бетривис препараты бұлшықет ішіне енгізіледі (терең бөксеішілік инъекция арқылы).

Ауыр (жедел) жағдайларда: жедел симптомдар жойылғанға дейін күніне бір ампуладан.

Симптомдар жақсарғаннан кейін: аптасына 1-3 рет бір ампуладан.

Балалар мен жасөспірімдерде емнің шектеулі тәжірибесі бар.

Енгізу әдісі мен жолы

Бұлшықет ішіне (терең).

Қабылдау уақыты көрсетілген қолдану жиілігі

Тәулігіне бір рет.

Симптомдар жақсарғаннан кейін: аптасына 1-3 рет бір ампуладан.

Емдеу курстарының ұзақтығы мен мерзімділігін дәрігер анықтайды.

Артық дозаланған жағдайда қабылдануы тиіс шаралар

Симптомдары: бас айналу, аритмия, құрысулар.

Емі: препаратты тоқтату, симптоматикалық емдеу.

Симптомдар пайда болған кезде ем тағайындау үшін дәрігерге бару керек.

Балалар

Препаратты кездейсоқ қолданған жағдайда емдеуді тағайындау үшін дәрігерге жүгіну керек.

Дәрілік препаратты қолдану тәсілін түсіну үшін медицина қызметкерінен кеңес алуға  бару жөнінде нұсқаулар

Бұл препаратты әрдайым емдеуші дәрігердің ұсынымдарына сәйкес қолданыңыз. Күмән туындаған жағдайда емдеуші дәрігерге хабарласыңыз.

Иммундық жүйе тарапынан бұзылулар:

Сирек: бензил спиртіне аса жоғары сезімталдық реакциялары.

Өте сирек: аса жоғары сезімталдық реакциялары (мысалы, тері бөртпесі, экзантема, тыныс алудың қиындауы, шок, ангионевроздық ісіну).

Жүрек тарапынан бұзылулар:

өте сирек: тахикардия.

Тері және тері асты тіндері тарапынан бұзылулар:

өте сирек: тершеңдік ұстамалары, акне, қышыну және есекжеммен білінетін тері реакциялары

Жалпы бұзылыстар және енгізу орнындағы бұзылулар:

белгісіз: жүйелі реакциялар тез енгізілгенде және жинақталғанда (кездейсоқ венаішілік инъекция, қанмен қамтамасыз етілуі қарқынды тіндерге инъекция) немесе артық дозаланғанда болуы мүмкін. Бұл жағдайда бас айналу, құсу, брадикардия,аритмия, сананың шатасуы және құрысулар болуы мүмкін.

Енгізілген орында ашытып-күйдіру сезімі.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК.

http://www.ndda.kz

Қосымша мәліметтер

Бір ампуланың ішінде

белсенді заттар: тиамин гидрохлориді (В1 дәрумені) - 250 мг,

пиридоксин гидрохлориді (В6 дәрумені) - 250 мг,

цианокобаламин (В12 дәрумені) - 2 мг;

қосымша заттар: динатрий эдетаты, бензил спирті, натрий гидроксиді, инъекцияға арналған су.

Қызғылт-қызыл түсті, өзіне тән иісі бар мөлдір сұйықтық.

5 мл-ден жарықтан қорғайтын I типті шыны ампулаларда.

6 ампуладан пластик сауытта.

1 пластик сауыт медициналық қолдану жөніндегі қазақ және орыс тілдеріндегі нұсқаулықпен бірге картон қорапта.

2 жыл.

Жарамдылық мерзімі өткеннен кейін қолдануға болмайды!

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

HELP S.A.

Педини Янинон,

Янина, 45500, Греция.

Тел: +30 210 281 5353

Perrery Farmaceutici S.r.l.,

Пескантина (ВР), Италия.

Teл. +390 452 378 724

E-mail: info@perrery.it

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«EL company (ЕЛ компани)» ЖШС, Қазақстан Республикасы

050044, Алматы қ.,Затаевич к-сі, 6 үй.

Тел: 8(727)2468888, 8(727)3390606

E-mail: info@elcompany.kz