Бетадин суппозитории вагинал. по 200 мг №14 (2 блистера х 7 суппозиториев)

Бетадин®

Қатысты емес

Қынаптық суппозиторийлер, 200 мг

Антисептиктер және гинекологиялық ауруларды емдеуге арналған микробқа қарсы препараттар (кортикостероидтармен біріктірілімдерін қоспағанда). Басқа антисептиктер және гинекологиялық ауруларды емдеуге арналған микробқа қарсы препараттар. Повидон-йод.

АТХ коды: G01AX11.

- Қынаптың этиологиясы әртүрлі жедел және созылмалы инфекцияларында (вагинит) :

- аралас инфекцияларда

- спецификалық емес инфекцияларда (Gardenerella vaginalis туындатқан бактериялық вагиноз)

- зеңдік инфекцияларда

- трихомоназда (Trichomonas vaginalis)

- Антибиотиктермен немесе стероидты препараттармен емдеуден кейінгі қынаптың инфекциясында

- Қынапқа хирургиялық операция және диагностикалық емшаралар жасағанда профилактика мақсатында.

Қолданудың басталуына дейінгі қажетті мәліметтер тізбесі

белсенді затқа немесе қосымша заттардың кез келгеніне аса жоғары сезімталдық

қалқаншабез функциясының бұзылуы.

радиойодпен сцинтиграфияға немесе йодтың бәсекеге қабілетті сіңуіне байланысты қалқаншабез карциномасын радиойодпен емдеуге дейін немесе кезінде. Қалқаншабез карциномасын радиойодты сцинтиграфиямен немесе радиойодтерапиямен емдеуден кейін повидон-йодтың соңғы әсері мен зерттеулер арасында кемінде 1-2 апта уақыт аралығы болуы тиіс

Дюринг герпес тәрізді дерматиті.

препубертат жасындағы қыздар.

жүктілік және бала емізу

Қолдану кезінде қажетті сақтандыру шаралары

Повидон-йодты сілтімен, сутегі асқын тотығымен, тауролидинмен, илік қышқылмен және күміс тұздарымен бір мезгілде қолдануға жол берілмейді.

Зергерлік бұйымдардың, әсіресе құрамында күміс бар бұйымдардың тиіп кетуінен аулақ болыңыз.

Повидон-йод кешенінің рН 2,0-7,0 диапазонында микробқа қарсы белсенділігі бар. Кешен ақуыздармен және басқа да қанықпаған органикалық қосылыстармен әрекеттеседі деп күтіледі, бұл оның тиімділігінің төмендеуіне әкелуі мүмкін.

Жараларды өңдеу үшін ПВП-йод пен ферментті препараттарды бірге қолдану олардың тиімділігінің өзара төмендеуіне әкеледі.

Құрамында күміс, сутегі асқын тотығы және тауролидин бар препараттар повидон-йодпен өзара әрекеттесуі мүмкін, бұл олардың тиімділігінің өзара төмендеуіне әкелуі мүмкін.

Повидон-йодты құрамында октенидин бар антисептикалық дәрілермен бірге немесе жүйелі қолдану осы дәрілер қолданылған тері бетін уақытша қарайтуы мүмкін

Повидон-йодтың тотығу әсеріне байланысты әртүрлі диагностикалық агенттер жалған оң зертханалық нәтижелер бере алады (мысалы, несептегі гемоглобинді және нәжісті немесе несептегі глюкозаны анықтау үшін толуидинмен немесе гваяк шайырымен жүргізілетін тестілер.

Повидон-йодтан йодтың сіңуі қалқаншабездің йодты сіңуін төмендетуі мүмкін. Бұл әртүрлі зерттеулерге кедергі келтіруі мүмкін (мысалы, қалқаншабез сцинтиграфиясы, PBI (йод ақуыздарымен байланысты) анықтау, радийбелсенді йодты анықтау) немесе қалқаншабезді йодпен жоспарлы емдеуге кедергі келтіруі мүмкін (радиойодтерапия). Емдеу аяқталғаннан кейін жаңа сцинтиграмма жүргізілгенге дейін тиісті уақыт аралығын (кемінде 1-2 апта) сақтау керек.

Бетадин қынаптық суппозиторийлері препаратын тұрақты қолдану құрамында литий бар препараттарды қабылдайтын пациенттерде ұсынылмайды.

Арнайы сақтандырулар

Препаратты қолдануды тітіркену, жанаспалы дерматит, аса жоғары сезімталдық пайда болған кезде тоқтату керек.

Қолданар алдында суппозиторийді жылытуға болмайды.

Бүйрек функциясының бұзылуы бар пациенттерде препаратты үнемі қолданғанда сақ болу керек.

Жасөспірімдік жасқа жетпеген қыздарға Бетадин қынаптық суппозиторийлерін қолдануға болмайды.

Жүктілік немесе лактация кезінде

Жүктілік

Бетадин суппозиторийлері препаратын жүкті әйелдерге қолдануға болмайды, өйткені повидон-йод плацента арқылы өтеді.

Лактация

Бетадин суппозиторийлері препаратын бала емізетін әйелдерге қолдануға болмайды, өйткені сіңірілген йод түрінде адамның емшек сүтімен бірге шығады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бетадин суппозиторийлері дәрілік препараты көлік құралдарын басқару және механизмдермен жұмыс істеу қабілетіне әсер етпейді.

Дозалау режимі

Ересектер

Аса ауыр емес инфекцияларда күніне бір рет - қынапқа терең, кешке, ұйықтар алдында - 7 күн ішінде 1 суппозиторийден енгізу ұсынылады.

Аса ауыр инфекциялар немесе емдеуге қанағаттанарлықсыз жауап болған жағдайда, келесі 7 күн бойы күніне бір рет.

Балалар

Бетадин суппозиторийлері препаратын қолдану препубертат жасындағы қыздарда қолдануға болмайды.

Енгізу әдісі мен жолы

Тек қынаптық қолдануға арналған.

Белсенді затты барынша босап шығуы және жергілікті тітіркенудің дамуын болдырмау үшін суппозиторийді сумен сулап, кешке ұйықтар алдында қынапқа терең енгізу ұсынылады. Егер қынаптық суппозиторийді қолдану кезінде етеккір басталса, емдеуді тоқтатпай, белгіленген уақыт кезеңінде жалғастыра беру керек.

Сондай-ақ, емдеу барысында гигиеналық төсемелерді пайдалану ұсынылады.

Ағымы ұзақ болатын тұрақты инфекцияларда емдеу ұзаққа созылуы мүмкін, ал суппозиторийлерді күніне 2 рет қолдануға болады.

Жедел йодтық интоксикация симптомдары:

- асқазан толып кеткендей сезіну, диарея

- бүйрек функциясының бұзылуы, анурия

- қантамыр жеткіліксіздігі

- метаболизмдік ацидоз

Жүйелік уыттылық бүйрек функциясының жеткіліксіздігіне (анурияны қоса), тахикардияға, гипотензияға, қантамыр жеткіліксіздігіне, асфиксияны, өкпе ісінуін, құрысуларды, қызбаны және метаболизмдік ацидозды туындататын дауыс шымылдығы саңылауының ісінуіне әкелуі мүмкін.

Гипертиреоз немесе гипотиреоз дамуы мүмкін.

Қалқаншабез функциясы бұзылған жағдайда повидон-йодпен емдеуді тоқтату керек.

Емі

Емі симптоматикалық және демеуші.

Ауыр гипотензия кезінде сұйықтықты вена ішіне енгізу керек; қажет болған жағдайда вазопрессорларды қосу керек.

Егер жоғарғы тыныс жолдарының коррозиялық зақымдануы айтарлықтай ісіну мен ісінуге әкелсе, эндотрахеальдық интубация қажет болуы мүмкін.

Құстыртпау керек. Пациент тыныс жолдары ашық және аспирациядан қорғалған күйде болуы керек (құсу жағдайында).

Егер пациен құспаса және ауыз арқылы тамақ іше алса, крахмалды тағамдарды қабылдау (мысалы, картоп, ұн, крахмал, нан) йодты аз уытты йодидке айналдыруға көмектеседі.

Егер ішек перфорациясының белгілері болмаса, назогастральдық сүңгі арқылы крахмал ерітіндісімен асқазанды шаюды қолдануға болады (асқазаннан аққан зат қара-көк-күлгін түсті болады және бұл түсті шаюды қашан тоқтатуға болатындығын анықтауда нұсқаулық ретінде қолдануға болады).

Гемодиализ йодтан тиімді тазартады, оны йодтан уланудың ауыр жағдайларында, әсіресе бүйрек функциясының жеткіліксіздігінде қолданған жөн. Үздіксіз вена-веналық гемофильтрация гемодиализге қарағанда тиімділігі аздау.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Егер Сізде осы препаратты пайдалану туралы қосымша сұрақтарыңыз туындаса, дәрігеріңізге қаралыңыз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау  керек шаралар (қажеттілігіне қарай)

Сирек (≥1/10000 - <1/1000)

- аса жоғары сезімталдық

- жанаспалы дерматит (эритема, кішкентай везикулалар және қышу сияқты симптомдармен байқалатын)

Өте сирек (<1/10 000)

- анафилаксиялық реакция

- гипертиреоз (кейде тахикардия немесе мазасыздық сияқты белгілермен байқалатын)*

- ангионевроздық ісіну

Жиілігі белгісіз (қолда бар деректер бойынша бағалау мүмкін емес).

- гипотиреоз***

- электролиттік теңгерімсіздік**

- метаболизмдік ацидоз**

- бүйрек функциясының жедел жеткіліксіздігі**

- қанның аномалиялық осмолярлығы**

* қалқаншабез ауруы бар пациенттерде йодты едәуір мөлшерде қолданғаннан кейін байқалуы мүмкін

** повидон-йодты айтарлықтай мөлшерде пайдаланғаннан кейін байқалуы мүмкін (мысалы, күйіктерді емдеу кезінде)

*** гипотиреоз үлкен беткейлерді өңдеу арқылы ұзақ уақыт пайдаланғанда дамуы мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек(жағымсыз реакциялар бойынша ақпараттық деректер базасын көрсетілсін)

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір суппозиторийдің құрамында

белсенді зат - повидон-йод, 200 мг, (17-24 мг белсенді йодқа баламалы).

қосымша заттар: макрогол 1000

Иод иісі бар, қара-қоңыр түсті, торпеда тәрізді гомогенді суппозиторийлер.

7 суппозиторийден ПВХ қабаты қорғағыш лакпен жабылған, поливинилхлорид/полиэтилен (ПВХ/ПЭ) біріктірілген, қатты үлбірден жасалған пішінді ұяшықты қаптамаға салынған.

1 немесе 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Пішінді ұяшықты қаптаманы ашуға арналған нұсқаулық

Перфорацияланған жолақтан бір суппозиторийді V- тәрізді қиығынан жыртып алыңыз.

Екі қолыңызбен пластик тілшелерден ұстап, суппозиторийді қаптамадан шығару үшін екі жаққа тартыңыз.

3 жыл.

Жарамдылық мерзімі өткеннен кейін қолдануға болмайды.

2 °C-ден 8 °C-ге дейінгі температурада тоңазытқышта сақтау керек.

Балалардың қолы жетпейтін жерде сақтау керек!

Босатылу шарттары

Рецептісіз.

«ЭГИС Фармацевтикалық зауыты» ЖАҚ

1106 Будапешт, Керестури к-сі, 30-38  Венгрия

Телефон: (36-1) 803-5555, факс: (36-1) 803-5529

e-mail: mailbox@egis.hu

Мундифарма А Г лицензиясы бойынша, Швейцария

«ЭГИС Фармацевтикалық зауыты» ЖАҚ

1106 Будапешт, Керестури к-сі, 30-38  Венгрия

Телефон: (36-1) 803-5555, факс: (36-1) 803-5529

e-mail: mailbox@egis.hu

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ҚР-дағы «ЭГИС Фармацевтикалық  зауыты»  ЖАҚ өкілдігі

050060, Алматы қ., Жароков к-сі, 286 Г

тел: + 7 (727) 247 63 34, + 7 (727) 247 63 33, факс: + 7 (727) 247 61 41,

e-mail: egis@egis.kz