Аугментин таблетки 875 мг / 125 мг №14 (2 блистера х 7 таблеток)

Аугментин®

Жоқ

Үлбірлі қабықпен қапталған таблеткалар, 875 мг/125 мг

Жүйелі қолдануға арналған микробқа қарсы препараттар. Жүйелі қолдануға арналған бактерияға қарсы препараттар. Бактерияға қарсы бета-лактамды препараттар, пенициллиндер. Пенициллиндер, бета-лактамаза тежегіштерімен біріктірілімде. Амоксициллин және бета-лактамаза тежегіші.

АТХ коды J01CR02

- жедел бактериялық синусит (диагноз расталғанда)

- жедел ортаңғы отит

- созылмалы бронхиттің өршуі (диагноз расталғанда)

- ауруханадан тыс пневмония

- цистит

- пиелонефрит

- тері және жұмсақ тіндердің инфекциясы

- тері асты шелінің қабынуы - целлюлитте, жәндіктер шаққанда, жедел абсцесстер мен жақсүйек-бет маңының флегмоналары

- сүйек және буын инфекциялары (остеомиелит)

Бактерияға қарсы дәрілерді тиісінше қолдану бойынша ресми нұсқауларды назарға алған жөн

Қолданудың басталуына дейін қажетті мәліметтер тізбесі

- пенициллиндер немесе препараттың кез келген компонентіне аса жоғары сезімталдық

- басқа да бета-лактамды антибиотиктерге (цефалоспориндерге, карбапенемдерге, монобактамдарға) белгілі аса жоғары сезімталдық

- амоксициллин/клавулан қышқылы біріктірілімін қабылдау аясында дамыған сарғаю немесе бауыр функциясының бұзылуы.

Амоксициллин/клавулан қышқылымен емдеуді бастар алдында пенициллиндерге, цефалоспориндерге немесе басқа бета-лактамдық агенттерге аса жоғары сезімталдықтың алдыңғы реакцияларына қатысты егжей-тегжейлі анамнез жинау қажет.

Пероральді антикоагулянттар

Пероральді антикоагулянттар мен пенициллинді антибиотиктер практикада өзара әрекеттесуі туралы есептерсіз кеңінен пайдаланылды. Алайда, әдебиетте амоксициллин курсы тағайындалған, аценокумаролмен немесе варфаринмен емделіп жүрген пациенттерде халықаралық қалыптасқан қатынастың жоғарылау жағдайлары бар. Егер біріккен ем қажет болса, амоксициллинді қосумен немесе алып тастаумен протромбин уақыты немесе халықаралық қалыптасқан қатынас мұқият бақылануы тиіс. Одан өзге, пероральді антикоагулянттардың дозасын түзету қажет болуы мүмкін.

Метотрексат

Пенициллиндер уыттылықтың потенциалды ұлғаюын тудыра отырып, метотрексат экскрециясын төмендетуі мүмкін.

Пробенецид

Пробенецидті бірге қабылдау ұсынылмайды. Пробенецид амоксициллиннің бүйректегі өзекшелік секрециясын азайтады. Пробенецидті бір мезгілде қабылдау қандағы клавулан қышқылы емес, бірақ амоксициллин деңгейінің жоғарылауына және ұзаруына әкелуі мүмкін.

Микофенолят мофетил

Микофенолят мофетилін қабылдайтын пациенттерде амоксициллинге қоса клавулан қышқылын қабылдау басталған соң белсенді метаболит - микофенол қышқылының (МРА) доза алдындағы концентрациясының 50% төмендеуі байқалды. Доза алдындағы деңгейінің өзгеруі МРА жалпы экспозициясының өзгерісін дәл дерлік көрсетпеуі мүмкін. Демек, трансплантат дисфункциясының клиникалық белгілері болмаса, әдетте, микофенолат мофетилінің дозасын өзгерту міндетті емес. Дегенмен де, біріктірілім кезінде және антибиотиктермен емдеуден кейін тез арада мұқият мониторинг өткізу керек.

Амоксициллин/клавулан қышқылымен емдеуді бастар алдында пенициллиндерге, цефалоспориндерге немесе басқа бета-лактамдық заттарға аса жоғары сезімталдық реакцияларының болуы қатысты толығырақ анамнез жинау қажет.

Пенициллинмен емделген пациенттерде ауыр және кейде өлімге әкелетін аса жоғары сезімталдық реакциялары (анафилаксиялық және терінің ауыр жағымсыз реакцияларын қоса алғанда) дамуы туралы хабарламалар алынған. Аса жоғары сезімталдық реакциялары сондай-ақ Коунис синдромына, миокард инфарктіне әкелуі мүмкін елеулі аллергиялық реакцияға дейін өршуі мүмкін.

Бұл реакциялар анамнезінде аса жоғары сезімталдығы бар және пенициллин мен атопия бар адамдарда жиі кездеседі. Аллергиялық реакциялар пайда болған жағдайда амоксициллин/клавулан қышқылымен емдеу тоқтатылып, тиісті альтернативті ем тағайындалуы тиіс. Аса жоғары сезімталдық реакциялары стенокардия белгілерімен бірге жүретін және амоксициллин клавуланатына аллергиялық реакция дамыған кезде аллергиялық медиаторлардың шығарылуында пайда болатын жедел аллергиялық коронарлық синдром Коунис синдромы түрінде көрінуі мүмкін.

Егер инфекция амоксициллинге төзімді болса, ресми нұсқауларға сәйкес амоксициллиннің орнына амоксициллин/клавулан қышқылын қолдану мүмкіндігін қарастырған жөн.

Қоздырғыштың бета-лактамдық антибиотиктерге төзімділік қаупі жоғары болған жағдайда Аугментин® препаратын қолдануға болмайды. S. pneumoniae туындаған пенициллинге резистентті инфекцияларды емдеу үшін препаратты қолдану ұсынылмайды.

Бүйрек функциясы бұзылған пациенттерде және препараттың жоғары дозасын қабылдайтын пациенттерде құрысулар пайда болуы мүмкін.

Қызылша тәрізді бөртпенің туындау мүмкіндігі салдарынан инфекциялық мононуклеозға күдік болса, амоксициллин/клавулан қышқылын (амоксициллинге) қолданудан аулақ болу керек. Амоксициллинмен емдеу кезінде аллопуринолды бір мезгілде қолдану терінің аллергиялық реакцияларының ықтималдығын арттыруы мүмкін.

Ұзақ мерзімді пайдалану кейде сезімтал емес микроорганизмдердің шамадан тыс өсуіне әкелуі мүмкін.

Емдеудің басында пустуламен байланысты қызбалық жайылған эритеманың туындауы жедел жайылған экзантемдік пустулездің (ЖЖЭП) симптомы болуы мүмкін. Бұл реакция Аугментин® қолдануды тоқтатуды қажет етеді және амоксициллинді әрі қарай қабылдауға қарсы көрсетілім болып табылады. Амоксициллин/клавулан қышқылын бауыр жеткіліксіздігі белгілері бар пациенттерде сақтықпен қолдану керек.

Бауыр функциясы бұзылуының пайда болу жағдайлары негізінен еркектер мен егде жастағы пациенттерде тіркелді, препаратты ұзақ уақыт бойы қабылдаған балаларда сирек кездеседі. Белгілер мен симптомдар әдетте емдеу кезінде немесе одан кейін бірден дамиды, бірақ кейбір жағдайларда терапия тоқтатылғаннан кейін бірнеше аптадан кейін ғана пайда болуы мүмкін. Бұл симптомдар әдетте қайтымды. Бауырдың зақымдануы ауыр болуы мүмкін және өте сирек жағдайларда өлімге әкелуі мүмкін. Олар әрдайым дерлік күрделі негізгі ауруы бар пациенттерде немесе бауырға әсер ететін дәрілік заттарды қабылдау кезінде пайда болды.

Амоксициллинді қоса, барлық дерлік бактерияға қарсы препараттарды қолданғанда антибиотикпен астасқан колит дамығаны туралы хабарланды және оның ауырлығы жеңілден өмірге қауіп төндіретін препараттарға дейін өзгеруі мүмкін. Сондықтан бұл диагнозды диареясы бар пациенттерде антибиотиктерді уақытында немесе қабылдағаннан кейін ескеру қажет. Антибиотикпен астасқан колит дамыған жағдайда амоксициллин/клавулан қышқылын қабылдауды дереу тоқтатып, дәрігермен кеңесіп, тиісті емдеуді бастау керек. Бұл жағдайда антиперистальтикалық дәрілік заттарды қолдануға болмайды.

Дәрілік-индукцияланған энтероколит синдромы (DIES) көбінесе амоксициллин/клавуланат алған балаларда байқалды. Аллергиялық тері немесе респираторлық симптомдар болмаған кезде DIES – ұзаққа созылған құсудың жетекші симптомымен аллергиялық реакция (препаратты қолданғануданудан 1-4 сағаттан кейін) байқалды. Қосымша симптомдарға іштің ауруы, диарея, гипотензия немесе нейтрофилиямен лейкоцитоз кіруі мүмкін. Шокқа дейінгі үдеуді қоса алғанда, ауыр жағдайлар орын алды.

Ұзақ мерзімді терапия кезінде бүйрек, бауыр және қан түзу функцияларын қоса, ағзалар мен жүйелер функцияларын мерзімді бағалау ұсынылады.

Амоксициллин / клавулан қышқылын қабылдаған пациенттерде протромбин уақытының ұзаруы туралы сирек хабарланды. Антикоагулянттарды бір мезгілде тағайындау кезінде тиісті мониторинг жүргізу керек. Антикоагулянттардың қажетті деңгейін ұстап тұру үшін пероральді антикоагулянттардың дозасын түзету қажет болуы мүмкін.

Бүйрек функциясы бұзылған пациенттерде дозаны бұзылу дәрежесіне қарай түзету керек.

Диурезі төмендеген пациенттерде кристаллурия (жедел бүйрек жеткіліксіздігін қоса) өте сирек, негізінен парентеральді ем кезінде байқалды. Амоксициллиннің жоғары дозаларын енгізу кезінде амоксициллин кристаллуриясының мүмкіндігін азайту үшін сұйықтық пен диурезді адекватты қабылдауды сақтаған жөн. Қуық катетері бар пациенттерде өткізгіштігін үнемі тексеріп отыру керек.

Амоксициллинмен емдеу кезінде несепте глюкозаның бар-жоғын әрбір тестілеу кезінде ферментативті глюкозооксидаза әдістерін пайдалану керек, өйткені ферментативті емес әдістерді қолданған кезде жалған оң нәтижелер алуға болады.

Аугментинде® клавулан қышқылының болуы IgG мен альбуминді эритроциттердің жарғақшаларымен спецификалық емес байланыстыруды тудыруы мүмкін, бұл Кумбс тестінің жалған оң нәтижесіне әкеледі.

Bio-Rad Laboratories Platelia Aspergillus EIA тестін пайдалана отырып, амоксициллин/клавулан қышқылын алған, кейіннен аспергиллезді инфекция анықталмаған пациенттерде тесттің оң нәтижелері туралы есептер бар. Bio-Rad Laboratories Platelia Aspergillus EIA тестінің көмегімен Aspergillus-ге жатпайтын полисахаридтермен және полифураноздармен айқас реакциялар туралы хабарланды. Сондықтан, амоксициллин/клавулан қышқылын алатын пациенттерде тесттің оң нәтижелерін сақтықпен түсіндіру және диагностиканың басқа әдістерімен растау керек.

Бұл дәрінің құрамында бір таблеткаға 1 ммоль натрий (23 мг) аз, яғни құрамында натрий жоқ.

Қолдану жөніндегі нұсқаулар

Дозаның әрбір компоненті үшін жеке көрсетілетін жағдайларды қоспағанда, доза біріктірілімдегі амоксициллин мен клавулан қышқылының мөлшеріне қатысты көрсетіледі.

Жеке инфекцияны емдеу үшін таңдалған Аугментин® препаратының дозасын таңдау кезінде назарға алу қажет:

- Күтілетін патогендер және олардың бактерияға қарсы агенттерге ықтимал сезімталдығы

- Инфекцияның ауырлығы мен орны

- Төменде көрсетілгендей пациенттің жасы, салмағы және бүйрек функциясы.

Аугментин® препаратының альтернативті шығарылу түрлерін (мысалы, амоксициллиннің анағұрлым жоғары дозаларын және/немесе амоксициллиннің клавулан қышқылына әр түрлі арақатынасын қамтамасыз ететіндерді) пайдалануды қажетіне қарай қарастыру керек.

Ересектер мен салмағы > 40 кг балалар үшін Аугментин® препаратының бұл құрамы мен дәрілік түрі күніне екі рет қабылдаған кезде 1750 мг амоксициллин/250 мг клавулан қышқылының және төмендегі нұсқауларға сәйкес тағайындалған кезде 2625 мг амоксициллин/375 мг клавулан қышқылының жалпы тәуліктік дозасын қамтамасыз етеді. 40 кг-ден кем балалар үшін Аугментин® препаратының осы құрамы мен дәрілік түрі төмендегі нұсқауларға сәйкес тағайындалғанда 1000-2800 мг амоксициллин/143-400 мг клавулан қышқылының ең жоғары тәуліктік дозасын қамтамасыз етеді. Егер амоксициллиннің анағұрлым жоғары тәуліктік дозасын қабылдау туралы шешім қабылданса, клавулан қышқылының артық жоғары тәуліктік дозаларын енгізбеу үшін басқа Аугментин® препаратын таңдау ұсынылады.

Ересектер мен > 40 кг балалар , ұсынылатын дозалар:

˂40 кг балалар:

Балалар таблетка, суспензия немесе педиатриялық саше түріндегі Аугментинмен ем ала алады.

Ұсынылатын дозалар:

• күніне 25 мг/3,6 мг/кг-ден 45 мг/6,4 мг/кг-ге дейін екі бөлінген доза түрінде;

• күніне 70 мг/10 мг/кг дейін екі бөлінген доза ретінде кейбір инфекцияларда (мысалы, ортаңғы отит, синусит және төменгі тыныс алу жолдарының инфекциялары) қарастырылуы мүмкін.

Дене салмағы 25 кг аз балаларға Аугментин таблеткаларын қабылдауға болмайды, өйткені таблеткаларды бөлуге болмайды.

Дене салмағы 25 кг дейінгі және 6 жасқа дейінгі балаларға суспензия немесе педиатриялық саше түріндегі Аугментин тағайындау ұсынылады.

2 жасқа дейінгі балаларда тәулігіне бір кг үшін 45 мг/6,4 мг жоғары дозаларға қатысты Аугментин 7:1 препараттары туралы клиникалық деректер жоқ.

2 айдан кіші пациенттер үшін Аугментин препаратының 7: 1 құрамын қолдану бойынша ешқандай деректер жоқ. Сондықтан пациенттердің осы тобында дозалау бойынша нұсқаулар жоқ.

Егде жастағы пациенттер

Дозаны түзету қажет деп саналмайды.

Бауыр жеткіліксіздігі бар пациенттер

Дозалауда сақ болыңыз және бауыр функциясын үнемі бақылау керек.

Бүйрек жеткіліксіздігі бар пациенттер

Креатинин клиренсі (CrCl) 30 мл мин астам пациенттерде дозаны түзету талап етілмейді.

Креатинин клиренсі 30 мл/мин төмен пациенттерде амоксициллиннің клавулан қышқылына қатынасы 7:1 Аугментин препаратының дәрілік түрін қолдану ұсынылмайды, өйткені дозаны түзету бойынша ешқандай нұсқаулар жоқ.

Аугментин® препараты пероральді қолдануға арналған.

Аугментин® препараты потенциалды асқазан-ішектің көтере алмауын барынша азайту үшін тамақтану кезінде қабылдаған жөн. Таблеткаларды толығымен жұтып, сумен ішіп, шайнауға, ұнтақтауға немесе таблетканы бөліктерге бөлуге болмайды. Тұншығу қаупін азайту үшін балаларға бір уақытта бір таблеткадан артық ішуге болмайды.

Симптомдары: асқазан-ішек бұзылыстары және су-электролит теңгерімінің бұзылуы мүмкін.

Аугментин® препаратын бүйрек функциясы төмендеген пациенттерге тағайындаған кезде немесе жоғары дозаларды пайдаланған кезде құрысулар дамуы мүмкін.

Амоксициллиннің көпіршікті катетерлерде, әсіресе вена ішіне енгізу арқылы жоғары дозаларды тағайындағаннан кейін шөгуі мүмкін.

Емі: симптоматикалық ем жүргізу, су-электролит теңгерімін түзету. Аугментин® препараты гемодиализ арқылы қаннан шығарылады.

Өте жиі:

- диарея

Жиі:

- тері және шырышты жабындар кандидозы

- жүрек айнуы, құсу

Жүрек айнуы көбінесе препараттың жоғары дозаларын пайдаланумен байланысты болды. Егер препаратты қабылдау басталғаннан кейін асқазан-ішек жолы тарапынан жағымсыз реакциялар байқалса, егер Аугментин® препаратын тамақ қабылдаудың басында қабылдаса, олар жойылуы мүмкін.

Жиі емес:

- бас айналуы, бас ауыруы

- ас қорытудың бұзылуы

- АЛТ/АСТ бауыр ферменттерінің орташа жоғарылауы, бұл реакция бета-лактамдық антибиотиктермен ем алатын пациенттерде байқалады, алайда оның клиникалық маңыздылығы белгісіз.

- тері бөртпесі, қышыну, есекжем

Сирек:

- қайтымды лейкопения (нейтропенияны қоса), тромбоцитопения

- мультиформалы эритема

Жиілігі белгісіз:

- Сезімтал емес микроорганизмдердің жылдам өсуі

- Қайтымды агранулоцитоз

- Гемолиздік анемия

- Қан кету уақытының және протромбин уақыты индексінің ұлғаюы

- Ангионевроздық ісіну

- Анафилаксия

- Транзиторлық сарысу ауруына ұқсас анафилаксия

- Аллергиялық васкулит

- Қайтымды жоғары белсенділік

- Құрысу

- Асептикалық менингит

- Антибиотикпен астасқан колит

- Қара түкті тіл

- Дәрілік препаратпен индукцияланған энтероколит синдромы

- Жедел панкреатит

- Гепатит

- Холестаздық сарғаю

- Стивенс-Джонсон синдромы

- Уытты эпидермальді некролиз

- Буллезді эксфолиативті дерматит

- Жедел жайылған экзантематозды пустулез (AGEP)

- Эозинофилиямен және жүйелі симптомдармен дәрілік реакция (DRESS)

- IgA тәуелді сызықтық дерматоз

- Интерстициальді нефрит

- Кристаллурия, бүйректің жедел зақымдануын қоса алғанда

- Коунис синдромы

Бауыр тарапынан жағымсыз реакциялар негізінен ерлер мен егде жастағы пациенттерде байқалды және ұзақ еммен байланысты болуы мүмкін. Бұл жағымсыз реакциялар балаларда өте сирек кездеседі. Аталған белгілер мен симптомдар әдетте емдеу процесінде немесе аяқталғаннан кейін бірден пайда болады, алайда жекелеген жағдайларда ем аяқталғаннан кейін бірнеше апта ішінде байқалмауы мүмкін. Жағымсыз реакциялар, әдетте, қайтымды. Бауыр тарапынан жағымсыз реакциялар ауыр болуы мүмкін, өте сирек жағдайларда өліммен аяқталғаны туралы хабарламалар тіркелген. Барлық дерлік жағдайларда бұл күрделі қатар жүретін патологиясы бар пациенттер немесе бір мезгілде гепатоуытты препараттарды қабылдайтын пациенттер болды.

- Стивенс-Джонсон синдромы

- уытты эпидермальді некролиз

- буллезді эксфолиативті дерматит, жедел жайылған экзантематозды пустулез;

Бұл симптомдар дамыған кезде препарат тоқтатылуы тиіс.

- интерстициальді нефрит, кристаллурия;

- эозинофилиямен және жүйелік симптомдармен дәрілік реакция (Drug reaction with eosinophilia and systemic symptoms – DRESS-синдромы).

Аллергиялық реакциялар кезінде назар аудару қажет жағдайлар: тері бөртпесі, қан тамырларының қабынуы (васкулит), ол теріде қызыл немесе күлгін шығыңқы дақтар түрінде көрінуі мүмкін, бірақ дененің басқа да бөліктерін зақымдауы мүмкін, қызба, буындардың ауыруы, мойындағы, қолтықтағы немесе шаптағы ісінген бездер, ісік, кейде бет немесе тамақ (ангионевроздық ісік), тыныс алудың қиындауын, коллапсты, аллергиядан туындаған миокард инфарктісінің (Коунис синдромы) симптомы болуы мүмкін аллергиялық реакциялар фонында кеуденің ауыруы.

Егер қандай да бір симптомдарыңыз болса, дереу дәрігерге қаралыңыз. Аугментин® үлбірлі қабықпен қапталған таблеткаларды қабылдауды тоқтатыңыз.

Жуан ішектің сулы диареяны тудыратын қабынуы, әдетте қан мен шырыштың араласуы, іштің ауыруы және/немесе қызба.

Егер сіздің асқазаныңыз қатты және үнемі ауырса, бұл жедел панкреатиттің белгісі болуы мүмкін.

Дәрілік-индукцияланған энтероколит синдромы (DIES).

Негізінен амоксициллин/клавуланат алған балаларда DIES жағдайлары туралы хабарланды. Бұл қайталанатын құсудың жетекші симптомы бар аллергиялық реакцияның бір түрі (Аугментин®, үлбірлі қабықпен қапталған таблеткаларды қабылдағаннан кейін 1-4 сағат өткен соң). Басқа симптомдарға іш ауруы, әлсіздік, іш өту және төмен қан қысымы жатады.

Егер сізде осы симптомдар пайда болса, тез арада дәрігерден кеңес алыңыз.

Жиілігі белгісіз (жиілік қолда бар деректер негізінде бағаланбайды) Несептегі кристалдар жедел бүйрек жетіспеушілігіне әкеледі.

Қабығы ортасында шеңбер бойынша орналасқан сулы бөртпе немесе інжу жіптері түрінде (IgA сызықтық ауруы).

Мидың және жұлынның айналасындағы қабықтардың қабынуы (асептикалық менингит).

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Дәрілік препараттың «пайда–қауіп» арақатынасына жүйелі мониторингті қамтамасыз ету мақсатында дәрілік препаратты тіркеуден кейін күдікті жағымсыз реакциялар туралы хабарлау маңызды. Медицина қызметкерлеріне дәрілік препараттың кез келген күдікті жағымсыз реакциялары туралы Қазақстан Республикасының жағымсыз реакциялар туралы ұлттық хабарламалар жүйесі арқылы хабарлаған жөн.

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында:

белсенді заттар: 875 мг амоксициллин (амоксициллин тригидраты түрінде); 125 мг клавулан қышқылы (калий клавуланаты түрінде),

қосымша заттар: магний стеараты, натрий крахмалы гликоляты А типі, сусыз коллоидты кремнийдің қостотығы, микрокристалды целлюлоза,

“Opadry OY-S-7300” үлбірлі қабық құрамы: титанның қостотығы (Е 171), гипромеллоза (5 cps), гипромеллоза (15 cps), макрогол 4000, макрогол 6000, силикон майы (диметикон 500).

Таблетканың екі жағында да «АС» таңбалануы және бір жағында сызығы бар, ақ немесе ақ дерлік түсті үлбірлі қабықпен қапталған, капсула пішінді таблеткалар.

7 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

1 пішінді қаптамадан алюминий фольгадан жасалған пакетке салынады.

2 пакеттен медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

СмитКляйн Бичем Лимитед, Ұлыбритания

Clarendon Road, Worthing, West Sussex, BN 14 8QH, United Kingdom

СмитКляйн Бичем Лимитед, Ұлыбритания

980 Great West Road, Brentford, Middlesex, TW89GS, United Kingdom

«Registrarius» ЖШС

Мекенжайы: Алматы қ., Бостандық ауданы, Байзақов көшесі 280, Smart Point-2 коворкинг орталығы, 29-кеңсе.

Тел.: +7 727 313-12-07, +7 771 888-77-11

Дәрілік препараттың сапасына шағымдарды электронды поштаға жіберу керек: QDNP.Complaints@gsk.com

Жағымсыз реакциялар туралы хабарламаларды электронды поштаға жіберу керек: safety_kz@smart-pharma.group