Акридерм крем д/наруж. прим. 0,05 % по 30 г (туба)

Акридерм

Бетаметазон

Сыртқа қолдануға арналған крем 0.05 %

Тері ауруларын емдеуге арналған препараттар. Дерматологияда қолданылатын кортикостероидтар. Кортикостероидтар. Белсенді кортикостероидтар (III топ). Бетаметазон.

АТХ коды: D07АC01

Дәрілік препарат ересектерде, жаңа туған нәрестелерде, сәбилерде, балаларда, 0-ден 18 жасқа дейінгі жасөспірімдерде қолдануға арналған.

1. Кортикостероидтармен сырттай емдеудің оңтайлы әдісі болып табылатын қолайлы қолданылуы:

· жанаспалы дерматит

· атопиялық дерматит

· лихенизация

2. Қолданылуы кортикостероидтармен сырттай емдеу кезінде стандартты емдеу әдістерінің бірі болып табылады:

· варикозды дерматит

· псориаз (жалпы бөртпелерді қоспағанда)

· теміреткі

· паразиттік аурулармен байланысты емес қышыну

· дисгидроз

·  вульваның склероатрофиялық лихені

· сақина тәрізді гранулема

· дискоидті қызыл жегі

· себореялы дерматит, бет терісіндегі бөртулерден басқа

· зеңді микоз кезіндегі қышынудың симптоматикалық емі

3. Препаратты қысқа мерзімде қолдану көрсетілімі:

· этиотропты ем аяқталғаннан кейін жәндіктердің шағуы және паразиттік аурулардан туындаған қышыну.

Крем түріндегі препарат аурудың жедел кезеңінде суланатын бөртулерді емдеуге арналған.

Ескерту: әр дерматозды емдеу үшін тиісті белсенділік дәрежесіндегі кортикостероидты қолдану керек және барлық бөртпелерді немесе олардың бір бөлігін ғана өңдей отырып, емдеу нәтижелеріне байланысты оны белсенділігі жоғары немесе төмен дәрежедегі препаратпен алмастыру керек.

Қолданудың басталуына дейінгі қажетті мәліметтер тізбесі

- Әсер етуші затқа немесе Акридерм препараттының қосымша заттарының кез келгеніне аса жоғары сезімталдық.

- Бактериялық, вирустық, зеңдік немесе паразиттік бастапқы инфекциялар.

- Ойық жаралы зақымданулар.

- Акне.

- Розацеа.

- Қабақтың терісіне жағу (глаукоманың даму қаупі).

Осы препараттың сыртқы қолданылуын ескере отырып: бетаметазонды ұсынылған дозаларда қолданған кезде басқа дәрілік препараттармен клиникалық маңызды өзара әрекеттесулердің даму ықтималдығы аз.

Бет терісіне өте жоғары дәрежедегі кортикостероидтарды ұзақ уақыт жағу, препаратты әр тоқтатқаннан кейін қайталанатын кортикостероид-индукцияланған және парадоксальды түрде кортикостероидқа сезімтал дерматиттің дамуына әкелуі мүмкін. Препаратты тоқтатуды біртіндеп жүргізу қажет, бұл күрделі мәселе болып табылады.

Бұл дәрілік препарат құрамында цетостеарил спирті бар және ол жергілікті тері реакцияларын тудыруы мүмкін (мысалы, жанаспалы дерматит).

Бұл дәрілік препараттың құрамында хлоркрезол бар және аллергиялық реакциялар тудыруы мүмкін.

Балаларда қолдану

Кортикостероидтар жүйелі қан ағымына енетіндіктен, препаратты тері беткейінің үлкен аумағына немесе окклюзиялық таңғыштың астына қолдану, әсіресе сәбилер мен жас балаларда жүйелі кортикостероидты емнің жағымсыз құбылыстарын тудыруы мүмкін. Бұл құбылыстарға Кушинг синдромы және бой өсуінің тежелуі жатады. Олар препаратты тоқтатқаннан кейін басылады, бірақ емді күрт тоқтату бүйрек үсті безінің жедел жеткіліксіздігінің дамуына әкелуі мүмкін.

Сақтық шаралары

Акридерм препараты офтальмологияда қолдануға арналмаған.

Жаңа туған нәрестелерге белсенділігі жоғары дәрежедегі глюкокортикоидтарды тағайындауға болмайды. Ерекше сақтық таныту және терінің табиғи қатпарларында немесе киім қабаттарының астында пайда болуы мүмкін кездейсоқ окклюзия ықтималдығын ескеру қажет.

Сыртқы кортикостероидтармен емдеуге сезімтал дерматоздардың салдарлы бактериялық немесе зеңдік инфекция жұқтыруы кезінде оларды қолданар алдында этиотропты ем жүргізілуі керек.

Жергілікті жақпаушылық құбылыстары дамыған кезде емді тоқтату және себебін анықтау үшін тексеру жүргізу керек.

Жергілікті және жүйелі қолдануға арналған кортикостероидтарды қолданған кезде (атап айтқанда, мұрынға, ингаляцияға және офтальмологиялық қолдануға арналған препараттар) көрудің бұзылуы дамуы мүмкін. Кортикостероидтармен емдеу аясында көрудің бұлыңғырлануы немесе көру ағзасының зақымдануының кез келген басқа симптомдары пайда болған кезде көрудің бұзылуын, атап айтқанда катаракта, глаукома немесе жүйелік немесе жергілікті кортикостероидтарды қолдану кезінде сипатталған орталық серозды хориоретинопатия сияқты сирек жағдайларды анықтау үшін офтальмологиялық тексеру қажет.

Жүктілік кезінде және бала емізу кезеңінде қолдану

Сыртқы қолдануға арналған кортикостероидтардың тератогенділігі бойынша зерттеулер жүргізілген жоқ.

Ішке қабылдауға арналған кортикостероидты зерттеулерде ақаулардың пайда болу қаупі жалпы популяциядағы бұл қауіптен аспады.

Ішке қабылдауға арналған кортикостероидтарды қолданған кезде бала емізуді тоқтату керек, өйткені бұл препараттар емшек сүтімен бөлінеді.

Сыртқы қолдану кезінде теріге ену, демек, емшек сүтімен кортикостероидтың бөліну қаупі препарат жағылатын тері беткейінің ауданына, эпидермистің зақымдану дәрежесіне және емдеу ұзақтығына байланысты болады.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Қатысты емес.

Қолдану бойынша ұсынымдар

Дозалау режимі

Препаратты теріге тәулігіне 1-2 реттен асырмай жағу керек.

Препараттың аз мөлшерін терінің зақымданған бөлігіне, оны толық сіңгенге дейін жеңіл массаж қимылдарымен тарата отырып жағу ұсынылады.

Кейбір дерматоздар (псориаз, атопиялық дерматит және т.б.) кезінде препаратты біртіндеп тоқтату керек. Мұны жағу жиілігін азайту және/немесе белсенділік дәрежесі төменірек немесе құрамында әсер етуші заттың аз дозасы бар препаратты пайдалану арқылы жүргізу қажет.

Артық дозалану жағдайында қабылдануы қажетті шаралар

Симптомдары

Жергілікті кортикостероидтарды шамадан тыс немесе ұзақ уақыт қолдану гипофиз-бүйрек үсті безі жүйесі функциясының бәсеңдеуіне әкелуі мүмкін және бүйрек үсті безі қыртысының салдарлы жеткіліксіздігінің дамуына және Кушинг синдромын қоса, гиперкортицизм симптомдарына әкеп соқтыруы мүмкін.

Емі

Тиісті симптоматикалық ем көрсетілген. Гиперкортицизмнің жедел симптомдары әдетте қайтымды. Қажет болған кезде, электролитті бұзылуларды түзету керек. Созылмалы уытты әсер кезінде кортикостероидтарды біртіндеп тоқтату ұсынылады.

Жағымсыз реакциялардың сипаттамасы

Белсенділігі жоғары дәрежедегі кортикостероидтарды ұзақ уақыт қолдану терінің атрофиясына, телангиэктазияның пайда болуына (әсіресе бет терісінде), стрияларға (әсіресе, жасөспірімдерде жиі туындайтын аяқ-қол бөлігінің проксималды терісінде), терінің атрофиясымен байланысты экхимоздарға, сондай-ақ терінің жеңіл жарақаттануына әкелуі мүмкін.

Бет терісіне сыртқы кортикостероидтарды жаққан кезде пероральді дерматиттің дамуы немесе розацея көріністерінің өршуі мүмкін.

Сылбыр ағымды жаралардың, тесілулердің, сирақтың ойық жараларының баяу жазылуы байқалуы мүмкін.

Жүйелік құбылыстар дамуы мүмкін.

Безеу немесе пустулезді бөртпе, гипертрихоз, терінің депигментациясының даму жағдайлары тіркелді.

Сондай-ақ, сыртқы кортикостероидтарды қолдану аясында салдарлы инфекция жұқтыру (әсіресе окклюзиялық таңғыш астында немесе тері қатпарларында) және аллергиялық жанаспалы дерматит жағдайлары байқалды.

Кортикостероидтарды қолдану кезінде көрудің бұлыңғырлану жағдайлары тіркелді (жиілігі белгісіз).

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті

Қосымша мәліметтер

100 г кремнің құрамында

белсенді зат - бетаметазон дипропионаты (микрондалған бетаметазон дипропионаты) 100 % затқа шаққанда 0.064 г, бұл 0.05 г бетаметазонға баламалы.

қосымша заттар: метилпарагидроксибензоат (нипагин), қатты парафин, вазелин, пропиленгликоль, сұйық парафин (вазелин майы), эмульсиялық балауыз, динатрий эдетаты (трилон Б), сусыз натрий сульфиті, тазартылған су.

Ақ немесе ақ дерлік түсті крем.

15 г немесе 30 г алюминий немесе импорттық сықпада.

1 сықпадан медициналық қолдану жөніндегі қазақ және орыс тіліндегі нұсқаулықпен бірге тұтынушылық ыдысқа арналған картон қорапшаға салынады.

4 жыл

Жарамдылық мерзімі өткеннен кейін қолдануға болмайды!

15 оС-ден 25 оС-ге дейінгі температурада.

Балалардың қолы жетпейтін жерде сақтау керек!

Рецепт арқылы

«АКРИХИН» химия-фармацевтикалық комбинаты» акционерлік қоғамы («АКРИХИН» АҚ), Ресей

142450, Мәскеу облысы, Богородский қ.о., Старая Купавна қ., Киров көш., 29 үй, 3 құр.

Телефон/факс: +7 (495) 702-95-03

Электронды пошта: info@akrikhin.ru

«АКРИХИН» химия-фармацевтикалық комбинаты» акционерлік қоғамы («АКРИХИН» АҚ), Ресей

142450, Мәскеу облысы, Богородский қ.о., Старая Купавна қ., Киров көш., 29 үй

Телефон/факс: +7 (495) 702-95-03

Электронды пошта: info@akrikhin.ru

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610150)

Автожауап бергіш нөмірі +7 7252 (561342)

Электронды пошта phv@santo.kz; infomed@santo.kz