Женьшеня Настойка настойка д/внут. прим. по 50 мл (флакон)

Тұндырма 50 мл

Ас қорыту жолы және зат алмасу. Жалпы сергітетін препараттар.

АТХ коды А13А

Кешенді ем құрамында

- астениялық жағдайларда

- ақыл-ой және жұмысқа қабілетінің төмендеуінде

- инфекциялық және жүдететін сипаттағы басқа да аурулардан кейінгі сауығу кезеңінде

- шығу тегі неврастениялық жыныс функциясының әлсіреуінде

Қолданудың басталуына дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- артериялық гипертензия

- жоғары қозғыштық, эпилепсия, құрысу жағдайлары

- ұйқының бұзылуы, ұйқысыздық

- шығу тегі және сипаты әр түрлі қанағыштыққа бейімділік

- жедел инфекциялық аурулар, қызба жағдайы

- алкоголизм

- гипогликемия

- бауыр аурулары

- балалар мен 18 жасқа дейінгі жасөспірімдер

- жүктілік және лактация кезеңі.

Препаратты ұйқының бұзылуын болғызбау үшін күннің екінші жартысында қолдануға болмайды.

Женьшень тұндырмасы әсерінің маусымға байланыстылығы айқын байқалады: күз бен қыста қолдану тиімдірек болады.

Жылдың ыстық мезгілінде абайлап қолдану керек – дене температурасының жоғарылауы байқалады, ол күннің өтуіне түрткі болуы мүкін.

Женьшень тұндырмасы психостимуляторлардың, анальгетиктердің, кофеиннің, камфораның, фенамин мен басқа да орталық жүйке жүйесі стимуляторларының әсерін күшейтеді. Ұйықтататын дәрілік заттардың, нейролептиктердің әсерін төмендетеді.

Препарат барбитураттардың физиологиялық антагонисі болып табылады, сондықтан оларды біріктіріп қолдану тиімсіз. Антидепрессанттармен, алкогольмен бірге қолдануға болмайды.

Гипогликемиялық дәрілік заттардың әсерін күшейтеді. Варфариннің әсерін күшейтеді. Сондай-ақ басқа антикоагулянттармен (гепаринмен) өзара әрекеттесуі мүмкін. Фенелзинмен (МАО тежегіштерімен) өзара әрекеттеспейтіні анықталған. Ілмектік диуретиктерге төзімділіктің даму қаупін жоғарылатады. Дигоксинмен біріктірілімі қандағы дигоксин концентрациясының жоғарылауын бақылай отырып, тек тағайындалуы бойынша қолданылуы мүмкін.

Препарат ОЖЖ функциясын бәсеңдететін дәрілердің (транквилизаторлардың, құрысуға қарсы дәрілердің) антагонисі болып табылады.

Педиатрияда қолдану

Балалар мен 18 жасқа дейінгі жасөспірімдерге қолдануға болмайды.

Жүктілік немесе лактация кезінде

Жүктілік немесе емшек емізу кезеңінде препаратты қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат құрамында этанол болуына байланысты Женьшень тұндырмасын автомобиль басқару кезінде немесе басқа механизмдермен жұмыс жасағанда қолдануға болмайды.

Дозалау режимі

Женьшень тұндырмасын тамақтануға дейін 30-40 мин бұрын 15–25 тамшыдан күніне 2 – 3 рет ішуге тағайындалады.

Емдеу курсы - 30 - 40 күн.

Көрсетілімдері бойынша емдеудің қайталау курсын 2 – 3 аптадан соң жүргізеді, дәрігер тағайындауы бойынша.

Симптомдары: бас ауыруы, бас айналуы, жүрек айнуы, құсу, дене температурасының көтерілуі, тыныс алудың бұзылуы, естен тану. Уыттануға тән симптомдары қан аралас құсумен және іш өтуімен көрініс беретін қанағыштық болып табылады.

Емі: арнайы антидоты жоқ. Асқазанды шаю, белсендірілген көмір, сұйықтықтың көп мөлшері, симптоматикалық ем жүргізу тағайындалады. Жедел шаралар жүргізілгеннен кейін науқастарға медициналық бақылау қажет.

Дәрілік препаратты қолданар алдында дәрігермен немесе фармацевтпен кеңесіңіз.

- жүрек айнуы, құсу, диарея

- ашушаңдық, ұйқының бұзылуы

- тахикардия, артериялық қысымның жоғарылауы

- бас ауыруы

- мұрыннан қан кету

- жайылған розеолезді тері бөртпесі, қышыну

- гипогликемия.

Аллергиялық реакциялар (оның ішінде терінің қызаруы, розеолезді бөртпе, қышыну), қызыл иектің және мұрынның шырышты қабығының қанағыштығы (ауыр жағдайларда – құсық массасында және нәжісте қан іздерінің болуы), артериялық қысым артуы, қатты қозу, ұйқысыздық, бас ауыруы, тахикардия, жүрек айнуы, құсу болуы мүмкін.

Қандай да бір жағымсыз реакциялар пайда болған жағдайда емді тоқтату және дәрігерге қаралу керек.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі  Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 литр тұндырманың құрамында

белсенді зат – ірілей ұсақталған женьшень тамырлары 100 г,

қосымша зат - 70% этил спирті.

Сарғыш түсті мөлдір сұйықтық. Сақтау кезінде шөгіндінің түзілуіне жол беріледі.

50 мл препараттан ниппельді тығынмен және бұралып кигізілетін қақпақпен тығындалған құтыда.

Әрбір құтыны медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында,25 0С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«Лубныфарм» АҚ.

Украина, 37500, Полтава обл., Лубны қ., Барвинков көш., 16.

Телефон нөмірі +38 (05361) 7-09-26

Электрондық поштасы lubnypharm@lf.com.ua

«Лубныфарм» АҚ,

Украина, 37500, Полтава обл., Лубны қ., Барвинков көш., 16.

Телефон нөмірі +38 (05361) 7-09-26

Электрондық поштасы lubnypharm@lf.com.ua

Фарм-Евро ЖШС

050039, Алматы қ., Майлин көш., 72 үй, 34 пәтер

Факс: +7(272) 71-84-97

Е-mail: farmevro@mail.ru