Залаин суппозитории вагинал. по 300 мг №1 (блистер)

Залаин®

Сертаконазол

Қынаптық суппозиторийлер, 300 мг

Несеп-жыныс жүйесі және жыныс гормондары. Гинекологиялық инфекцияға қарсы және антисептикалық препараттар. Инфекцияға қарсы және антисептикалық препараттар, кортикостероидтармен біріктірілімдерін қоспағанда. Имидазол туындылары. Сертаконазол.

АТХ коды G01AF19

Қынаптық кандидозды жергілікті емдеу.

Өзіне тән клиникалық белгілері болмаған жағдайда өздігінен оң микробиологиялық қорытынды жасау емдеуді бастау үшін көрсетілім болмайды.

Қолданудың басталуына дейінгі қажетті мәліметтер тізбесі

- белсенді затқа немесе қосымша заттардың кез келгеніне аса жоғары сезімталдық

- латексті мүшеқапты немесе диафрагманы бір мезгілде пайдалану

Үйлесімсіздік

Спермицидтік контрацептивтермен бірге пайдалану ұсынылмайды.

Емделу кезінде латексті мүшеқаптарды немесе диафрагмаларды, олардың бүліну қаупі бар болғандықтан, қолдануға болмайды.

Залаин суппозиторийлері жергілікті спермицидтік контрацептивтердің тиімділігін төмендетуі мүмкін, сондықтан оларды бір мезгілде қолдану ұсынылмайды.

Арнайы сақтандырулар

Кандидоз диагнозы расталғанда зеңдік инфекциялардың дамуына және сақталуына мүмкіндік беретін тұрмыстық және гигиеналық факторларды анықтау және жою ұсынылады.

Сондықтан қайталануына жол бермеу үшін қоздырғыштарды жою және жоғарыда ескертілген тұрмыстық және гигиеналық факторларды анықтау қажет болып табылады.

Кандидозбен қоса жүруі мүмкін кез келген басқа патологиялық микроорганизмдерді емдеу ұсынылады.

Жергілікті жағымсыздық немесе аллергиялар туындаған жағдайда емдеу тоқтатылуы тиіс.

Пациенттерге қышқыл рН бар сабынды пайдаланбауды ұсыну керек.

Жүктілік немесе лактация кезінде

Жүктілік

Клиникаға дейінгі зерттеулерде сертаконазол үшін тератогендік әсерлердің жоқ екендігі көрсетілгендіктен, адамға қолданған жағдайда оның әсерлері пайда болуы күтілмейді.

Дегенмен, сертаконазолды қолданудың болуы мүмкін фетоуыттық және тератогендік әсерлері туралы нақты деректер жоқ.

Оны қолдану тәсілін (бір реттік дозамен емдеу) және жүйелік сіңірілуінің болмайтындығын ескеріп, сертаконазолды жүктілік кезінде, егер дәрігердің пікірі бойынша оның артықшылығы ықтимал қаупінен басым болса ғана, қолдануға болады.

Лактация

Емшек сүтімен сертаконазолдың бөлініп шығуын айғақтайтын немесе жоққа шығаратын анық деректер жоқ.

Емшек емізу кезінде препаратты, егер дәрігердің пікірі бойынша оның артықшылығы ықтимал қаупінен басым болса ғана, қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Қынаптық Залаин® суппозиториін қолдану көлік құралдары мен жабдықтарды басқару қабілетіне әсер етпейді.

Дозалау режимі

Кешке ұйықтар алдында шалқасынан жатқан күйде, қынаптық бір суппозиторийді қынап ішіне терең енгізу ұсынылады.

Жеті күннен кейін, егер аурудың клиникалық симптомдары сақталса, тағы бір қынаптық суппозиторий енгізуге болады.

Тәжірибелік нұсқау:

Сыртқы жыныс мүшелерін жуған кезде бейтарап рН бар сабынды пайдалану ұсынылады.

Инфекцияның сақталуына мүмкіндік беретін факторларды жою керек (мысалы, синтетикалық киімнің орнына мақта-мата іш киімдерді пайдалану, қынапты қарқынды жуудан аулақ болу және т.б.).

Вульва аумағына және сыртқы өтіс айналасы аумағына зеңге қарсы кремді қосымша пайдаланған дұрыс.

Жыныстық серіктесті қатар емдеуді әрбір нақты жағдайда жекелей негізде қарастыру керек.

Етеккірдің келуі суппозиторийлерді қолдануға қарсы көрсетілім болмайды.

Пациенттердің ерекше топтары

Балалар

Қынаптық Залаин® супппозиторийлерін балаларға қолдану үшін тиісті көрсетілімдер жоқ.

Қынап ішіне қолдануға арналған.

Артық дозалану жағдайлары сипатталмаған.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар

Егер сізде осы препаратты пайдалану туралы қосымша сұрақтар туындаса, өз дәрігеріңізге қаралыңыз.

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥1/100 - < 1/10 дейін), жиі емес (≥1/1000 - < 1/100 дейін), сирек (≥ 1/10000 -  < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес).

Жағымсыз реакциялардың түйіні

Иммундық жүйе тарапынан бұзылулар

Сирек: аллергиялық реакциялар.

Жалпы бұзылыстар және енгізген жердегі реакциялар

Сирек: қынап ішінде ашыту және қышыну сезіну сияқты уақытша жергілікті тітіркену реакциялары. Бұл сондай-ақ жойылған қоздырғыштардың ыдырауының әсерінен пайда болуы мүмкін, сондықтан мұндай реакция емнің дұрыстығының белгісі болуы да мүмкін.

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметттер

Бір суппозиторийдің құрамында

белсенді зат – 300 мг сертаконазол нитраты

қосымша заттар: қатты жартылай синтетикалық глицеридтер - витепсол H 19, суппоцир NAI 50, сусыз коллоидтыкремнийдің қостотығы.

Ақ немесе ақ дерлік, сопақша пішінді, балауыз тәрізді суппозиторий.

Біріктірілген ПВХ/ПЭ үлбірден жасалған пішінді ұяшықты қаптамада 1 суппозиторийден. Пішінді ұяшықты 1 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

5 жыл.

Жарамдылық мерзімі өткеннен кейін қолдануға болмайды.

30°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Троммсдорфф ГмбХ және Ко, Феррер Интернасионал А.О. фирмасының лицензиясы бойынша, Испания

Троммсдорфф 2-6 көшесі, D-52477 Альсдорф, Германия

тел: +492404/553-01, факс: +492404/553-208

e-mail: trommsdorff@trommsdorff.de

«ЭГИС Фармацевтикалық зауыты» ЖАҚ

1106 Будапешт, Керестури көшесі, 30-38 Венгрия

Тел.: (36-1) 803-5555 Факс: (36-1) 803-5529

e-mail: mailbox@egis.hu

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасы

«ЭГИС Фармацевтикалық зауыты» ЖАҚ ҚР-дағы өкілдігі

050060, Алматы қаласы, Жароков көшесі, 286 Г

тел: + 7 (727) 247 63 34, + 7 (727) 247 63 33, факс: + 7 (727) 247 61 41

e-mail: egis@egis.kz