Йодомарин таблетки по 100 мкг №100 (флакон)

Йодомарин® 100

Калий йодиді

таблеткалар, 100 мкг

Жүйелі әсер ететін гормондық препараттар, жыныстық гормондар мен инсулиндерді қоспағанда. Қалқанша без ауруларын емдеуге арналған препараттар. Йод препараттары.

АТХ коды Н03СА

- Йод тапшылығынан болатын аурулар профилактикасы (мысалы, эндемиялық зоб профилактикасы үшін және йод тапшылығы себеп болатын зоб резекциясынан кейін)

- Жаңа туған нәрестелер, емізулі жастағы балаларда, жасөспірімдер мен жас кезеңдегі ересектерде диффузды эутиреоидты зоб кезіндегі емдеу

Препаратты қабылдау алдындағы қажетті ақпарат тізбесі

- Әсер етуші затқа немесе қосымша заттардың кез келгеніне жоғары сезімталдық;

- Манифестік гипертиреоз;

- Жасырын гипертиреоз – тәулігіне 150 мкг мөлшерден асып кететін йод дозаларында;

- Автономды аденома, сондай-ақ қалқанша бездің ошақтық және диффуздық автономиясы – тәулігіне 300-1000 мкг йод дозасында пайдаланғанда (Пламмер әдісі бойынша қалқанша бездің операция алдындағы блокадасын қоспағанда);

- Қалқанша без аденомасы;

- Герпес пішінді Дюринг дерматиті (кәрілік кезіндегі);

- Тұқым қуалайтын фруктоза жақпаушылығы, лактаза ферментінің тапшылығы, глюкоза-галактоза мальабсорбциясы.

Йодомарин® 100 препаратының құрамында лактоза бар. Галактозаға жақпаушылық, лактазаның ауыр тапшылығы немесе глюкоза-галактоза мальабсорбциясы синдромы түрінде болатын сирек тұқым қуалайтын патологиядан зардап шегіп жүрген пациенттерге Йодомарин® 100 қабылдауға болмайды.

Йод тапшылығында гипертиреоз кезіндегі тиреостатикалық емге реакция күшейеді, ал йодтың артық мөлшерінде осы реакция әлсірейді; сондықтан гипертиреоз кезіндегі емдеуді бастар алдында немесе ем кезінде, мүмкіндігінше, йод қабылдаудан бас тарту керек. Тиреостатикалық дәрілік заттар, өз тарапынан, қалқанша бездің ішінде йодтың органикалық заттармен байланысқан пішінге ауысуын тежейді, сондықтан да зоб түзілуін туындатуы мүмкін.

Йод сияқты дәл сол «қармау» механизмінің көмегімен қалқанша без тініне түсетін зат (мысалы, калий тиоцианаты немесе без ішіндегі йодидтің кері айналымын тежейтін перхлораты) йодтың қалқанша безде сіңірілуін бәсекелес тежеу әсерін көрсетеді. Сонымен қатар, 5 мг/дл  мөлшерінен жоғары концентрациядағы тиоцианат сияқты, өздігінен сіңірілмейтін заттар ықпалын тигізеді. Йодтың қалқанша безге сіңірілуі және онда оның алмасуы эндогенді және экзогенді ТТГ арқылы көтермеленеді.

Қалқанша без гормондарының инкрециясын бәсеңдететін жоғары дозалардағы йодпен және литий тұздарымен бір мезгілде емдеу зоб және гипотиреоз дамуына ықпал етуі мүмкін.

Калий жинаушы диуретиктермен біріктірілген жоғары дозалардағы калий йодиді гиперкалиемия тудыруға қабілетті.

Оcы дәрілік препарат құрамында бір таблеткасына 1 ммоль мөлшерінен аз натрий (23 мг) бар, яғни «құрамында натрий жоқ» дерлік деп санауға болады.

Жүктілік және лактация кезеңі

Жүктілік және лактация кезеңінде йодқа қажеттілік артады, ал бұл осы кезеңде йодтың (тәулігіне 200 мкг) организмге жеткілікті түсуі ерекше маңызды екенін білдіреді.

Йодтың плацента арқылы өтуіне және оның  фармакологиялық белсенді дозаларында йодқа шарананың сезімталдығына  байланысты, йодты жүктілік кезеңінде миллиграм диапазонындағы дозаларда тағайындауға болмайды.

Бұл лактация кезеңіне де қатысты, өйткені сүттегі йодид концентрациясы сарысудағысынан 30 есе жоғары. Ядролық объектілердегі апаттардан кейін жүргізілетін жоғары дозалардағы йод профилактикасы, шынайы түрде, ерекше жағдай болып табылады.

Көлік құралдарын басқару және зор қауіпті болатын механизмдермен жұмыс істеу қабілетіне болжамды әсері туралы ақпарат

Йодомарин® 100 препаратын қабылдау көлік құралдарын басқару және механизмдер қызметін көрсету қабілетіне әсер етпейді немесе мардымсыз әсерін көрсетеді.

Дозалау режимі

- Зоб профилактикасы

Егер тәулігіне, кем дегенде, 150 мкг-ден 300 мкг дейін құрайтын йодтың тамақпен жеткілікті түсуі қамтамасыз етілмегендіктен (ДДСҰ ересектерге қажетті йод қабылдау шегі ретінде қарастырады), төменде көрсетілген мөлшерде қосымша йод тағайындау керек:

Жаңа туған нәрестелер, емізулі жастағы сәбилер, балалар:

Йодомарин® 100 препаратының тәулігіне ½ - 1 таблеткасы (50-100 мкг йодқа сәйкес келеді).

Жасөспірімдер және ересектер:

Йодомарин® 100 препаратының тәулігіне 1-2 таблеткасы (100-200 мкг йодқа сәйкес келеді).

Жүктілік және лактация кезеңі:

Йодомарин® 100 препаратының тәулігіне 2 таблеткасы (200 мкг йодқа сәйкес келеді).

- Эутиреоидты зоб себебімен жасалған операциядан немесе дәрі-дәрмекпен емдеуден кейінгі қайталанулар профилактикасы

Йодомарин® 100 препаратының тәулігіне 1-2 таблеткасы (100-200 мкг йодқа сәйкес келеді).

- Эутиреоидты зоб кезіндегі емдеу

Жаңа туған нәрестелер, емізулі жастағы cәбилер, балалар және жасөспірімдер:

Йодомарин® 100 препаратының тәулігіне 1-2 таблеткасы (100-200 мкг йодқа сәйкес келеді).

Жас кезеңдегі ересектер

Йодомарин® 100 препаратының тәулігіне 1-2 таблеткасы (300-500 мкг йодқа сәйкес келеді).

Қолдану әдісі және тәсілі

Препаратты тамақтан кейін жеткілікті мөлшерде сұйықтық ішумен қабылдайды.

Қолдану ұзақтығы

Йодомарин® 100 профилактика мақсатында, әдетте, бірнеше жыл бойы, ал ара-тұра бүкіл өмір бойы да қабылданады.

Жаңа туған нәрестелерде зоб кезіндегі емдеу кезеңі, әдетте, 2-ден 4 аптаға дейін; балалар, жасөспірімдер және ересектерде зоб кезіндегі емдеу кезеңі 6 айдан 12 айға дейін созылады.

Уыттану симптомдары

Шырышты қабықтардың қоңыр түске боялуы, рефлекторлы құсу (тағам құрамында крахмал болғанда құсу түйірлері көк түске боялады), іштің ауыруы және диарея (қан аралас болуы мүмкін). Бұл дегидратацияға және шок күйіне әкелуі мүмкін. Сирек жағдайларда өңеш стенозы дамиды. Өліммен аяқталу жағдайлары йодтың көп мөлшерін (30-250 мл йод тұндырмасы) қабылдаудан кейін ғана байқалды.

Ұзақ уақыт артық дозалану сирек жағдайларда йодизм деп аталатын күйдің дамуына әкеледі: ауыздың металл татуы, шырышты қабықтардың ісінуі және қабынуы (тұмаурату, конъюнктивит, гастроэнтерит, бронхит). Йодид туберкулез сияқты жасырын қабыну үдерістерін белсендіруі мүмкін. Ісінулер, эритема, безеу тәрізді және буллезді бөртулер, қан құйылулар, дене температурасының көтерілуі және ашушаңдық дамуы мүмкін.

Уыттану кезіндегі емдеу

асқазанды крахмал, ақуыз ерітіндісімен немесе 5% натрий тиосульфаты ерітіндісімен йодтың бүкіл іздерінің шығарылуына дейін жуып-шаю керек. Су-электролит теңгерімінің бұзылуларында симптоматикалық емдеу, шокқа қарсы ем.

- Созылмалы уыттану кезінде емдеу:

Йод қабылдауды тоқтату.

- Йод индукциялаған гипотиреоз.

Йод қабылдауды тоқтату, қалқанша без гормондарының көмегімен зат алмасуды қалыпқа лүсіру.

- Йод тудырған гипертиреоз

Бұл шын мәнінде артық дозалану емес, өйткені гипертиреоз басқа елдерде физиологиялық шама болып табылатын йод мөлшерінен туындауы мүмкін.

Емдеу ағым түріне сәйкес: Жеңіл түрінде емдеу қажет емес, айқын түрлерінде тиреостатикалық ем көрсетілген (алайда, оның әсері кешірек басталады). Ең ауыр жағдайларда (тиреоуытты криз) қарқынды ем, плазмаферез немесе тиреоидэктомия.

Йодидті кез келген жаста профилактикалық қолдану кезінде жаңа туған нәрестелер, балалар және жасөспірімдерде емдік қолдану кезіндегі сияқты жағымсыз әсерлері күтілмейді. Алайда, қалқанша без автономиясының ауқымды ошақтары болғанда және йод 150 мкг мөлшерінен асып кететін тәуліктік дозаларда тағайындалғанда манифестік гипертиреоз пайда болуын толық жоққа шығару мүмкін емес.

Туындау жиілігі бойынша жағымсыз әсерлері келесі үлгіде жіктеледі:

Өте жиі (≥ 1/10)

Жиі (≥ 1/100-ден < 1/10 дейін)

Кейде (≥ 1/1000-нан < 1/100 дейін)

Сирек (≥ 1/10 000-нан < 1/1000 дейін)

Өте сирек (< 1/10 000)

Белгісіз (қолда бар деректер негізінде жиілігін бағалау мүмкін болмайды).

Иммундық жүйе тарапынан бұзылулар

Өте сирек

- Жоғары сезімталдық реакциялары (мысалы, йод тудырған ринит, буллезді немесе туберозды йододерма, эксфолиативті дерматит, ангионевроздық ісіну, дене температурасының көтерілуі, безеу және сілекей бездерінің ісіп кетуі).

Гормондық жүйе тарапынан бұзылулар

Өте сирек

Ересектерде зобты емдеу кезінде (тәуліктік доза: 300-ден көп дегенде 1000 мкг йодқа дейін) йод тудырған гипертиреоз дамуы мүмкін. Жағдайлардың басым көпшілігінде оның алғышарты қалқанша бездің диффуздық немесе ошақтық автономиясының бар екені болып табылады. Негізінен, ұзақ уақыт бойына зобтан зардап шегіп жүрген егде жастағы пациенттер қауіпке бейім.

Зерттеу

Белгісіз

Тиреоидты пероксидазаға антиденелер (антиТПО) аутоиммундық ауруларға бейім пациенттерде өндірілуі мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге хабарласу немесе, Қазақстан Республикасы аумағында тіркелген дәрілік өзара әрекеттесулер туралы хабарламаларды қоса, дәрілік препараттарға жағымсыз реакциялар (әсерлер) жөніндегі дерекқордағы ақпаратқа тікелей жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» шаруашылық жүргізу құқығындағы республикалық мемлекеттік кәсіпорны

http://www.ndda.kz

Қосымша мәліметтер

Бір таблетканың құрамында

әсер етуші зат - 0,131 мг калий йодиді (0,100 мг йодқа баламалы),

қосымша заттар: лактоза моногидраты, негізгі жеңіл магний карбонаты, желатин, гликолят крахмалының натрий тұзы (А типі), сусыз коллоидты кремнийдің қостотығы, магний стеараты.

Жалпақ қатарлас беткейлерімен, жиектері қиғашталған және бір жағында бөлуге арналған кертігі бар ақ немесе крем реңдес-ақ таблеткалар.

100 таблеткадан қоңыр шыныдан жасалған құтыға салады.

1 құты медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл.

Алғашқы ашылуынан кейін 200 күн ішінде пайдалану керек.

Жарамдылық мерзімі өткеннен кейін пайдалануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Берлин-Хеми АГ

Глиникер Вег 125

12489 Берлин, Германия

Тел.: +7 727 2446183, 2446184, 2446185 Эл. пошта: Kazakhstan@berlin-chemie.com

Берлин-Хеми АГ

Глиникер Вег 125

12489 Берлин, Германия

Тел.:+7 727 2446183, 2446184, 2446185

Эл. пошта: Kazakhstan@berlin-chemie.com

Қазақстан Республикасындағы «Берлин-Хеми АГ» АҚ филиалы

050051, Алматы, Луганский к-сі # 54, №2 құр.

Тел.:+7 727 2446183, 2446184, 2446185

Эл. пошта:Kazakhstan@berlin-chemie.com