Йодбаланс таблетки по 200 мкг №100 (4 блистера х 25 таблеток)

Таблеткалар, 200 мкг

Жүйелі гормональді препараттар, жыныс гормондарын және инсулиндерді қоспағанда. Қалқанша без ауруларын емдеуге арналған препараттар. Йод препараттары.

АТХ коды Н03СА

йод тапшылығы ауруларының (зобтың пайда болуы) профилактикасы, соның ішінде жүкті әйелдерде және бала емізу кезеңі

хирургиялық жолмен алып тастағаннан кейін, сондай-ақ қалқанша без гормондары препараттарымен кешенді емдеу аяқталғаннан кейін зоб қайталануының профилактикасы

жасөспірімдер мен ересектердегі йод тапшылығы туғызған диффузиялық эутиреоидтық зобты емдеу

Қолдануды бастағанға дейін қажетті мәліметтер тізбесі

әсер етуші затқа немесе кез келген қосымша заттарға аса жоғары сезімталдық

манифестік гипертиреоз

йодтың тәулігіне 150 микрограмнан асатын дозаларын қолданғандағы субклиникалық (симптомсыз) гипертиреоз

қалқанша бездің уытты аденомасы, сондай-ақ, қалқанша бездің ошақтық және диффузиялық автономдық бұзылыстары, түйінді уытты зоб (қалқанша без блокадасы үшін операция алдындағы терапияны қоспағанда)

тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар адамдар

Емдеуді бастар алдында пациентте гипертиреоздың немесе түйінді уытты зобтың бар-жоқтығын, сондай-ақ бұл аурулардың анамнезінде болуын анықтап алу қажет.

Емдеуді бастар алдында диффузиялық немесе қалқанша бездің шектелген автономдық бұзылыстарының бар-жоқтығын спецификалық диагностикалау әдістері арқылы анықтап алу қажет, йодтың тәуліктік 150 микрограмм немесе жоғарырақ дозалары пайдаланылған мұндай ем гипертиреозға әкелуі мүмкін.

Қалқанша бездің йодпен қанығуы емдік немесе диагностикалық мақсаттарда пайдаланылған радиоактивті йодтың жинақталуына кедергі келтіруі мүмкін. Осыған байланысты препаратты радиоактивті йодты қолданар алдында қабылдау ұсынылмайды.

Галактоза жақпаушылығы, лактоза жеткіліксіздігі немесе глюкоза-галактоза мальабсорбциясына байланысты сирек тұқым қуалайтын аурулары бар пациенттерге тағайындау ұсынылмайды.

Препаратпен емдеу аясында бүйрек жеткіліксіздігі бар науқастарда гиперкалиемия дамуы мүмкін екендігін ескеру керек.

Басқа дәрілік препараттармен өзара әрекеттесуі

Тиреостатикалық дәрілік заттар йодтың қалқанша безінің ішіндегі органикалық заттармен байланысты түрге өтуін тежейді сондықтан зобтың пайда болуына әкелуі мүмкін.

Йод сияқты, «қармау» принципі бойынша қалқанша безге сіңірілетін заттар, бәсекеге қабілетті механизм арқылы, қалқанша безге йодтың сіңірілуін тежеуі мүмкін (мысалы, қалқанша бездің ішінде бір мезгілде йодтың рециркуляциясын бәсеңдететін перхлорат).

Тежелу өздігінен сіңірілмейтін дәрілік заттар (мысалы, 5 мг/дл-ден жоғары концентрациядағы тиоцианат) тарапынан да болуы ​​мүмкін.

Қалқанша бездің йодты сіңіруін және оның метаболизмін тиреотропты гормон (ТТГ) көтермелейді.

Жоғары дозаларда йодпен және литий препараттарымен емдеуді бір мезгілде тағайындау зоб пен гипотиреоздың дамуына ықпал етуі мүмкін.

Емдеуді бастар алдында пациентте гипертиреоздың немесе түйінді уытты зобтың бар-жоқтығын, сондай-ақ бұл аурулардың анамнезінде болуын анықтап алу қажет.

Емдеуді бастар алдында диффузиялық немесе қалқанша бездің шектелген автономдық бұзылыстарының бар-жоқтығын спецификалық диагностикалау әдістері арқылы анықтап алу қажет, йодтың тәуліктік 150 микрограмм немесе жоғарырақ дозалары пайдаланылған мұндай ем гипертиреозға әкелуі мүмкін.

Қалқанша бездің йодпен қанығуы емдік немесе диагностикалық мақсаттарда пайдаланылған радиоактивті йодтың жинақталуына кедергі келтіруі мүмкін. Осыған байланысты препаратты радиоактивті йодты қолданар алдында қабылдау ұсынылмайды.

Галактоза жақпаушылығы, лактоза жеткіліксіздігі немесе глюкоза-галактоза мальабсорбциясына байланысты сирек тұқым қуалайтын аурулары бар пациенттерге тағайындау ұсынылмайды.

Препаратпен емдеу аясында бүйрек жеткіліксіздігі бар науқастарда гиперкалиемия дамуы мүмкін екендігін ескеру керек.

Жүктілік және лактация кезеңі

Йод плацента арқылы өтеді және емшек сүтімен бөлініп шығады. Жүктілік және бала емізу кезеңдерінде Йодбаланс дәрілік затын қабылдау туралы ақпарат «Қолданылуы» бөлімінде келтірілген. Емдеу жүргізген кезде тамақпен және тамақ қоспаларымен түсетін йод мөлшерін ескеру қажет. Егер бала емізетін әйел Йодбаланс қабылдайтын болса, дәрілік затты емшек еметін сәбилерге қосымша тағайындау қажет емес.

Шарана мен нәрестенің қалқанша бездің йод препараттарына сезімталдығының жоғарылауына байланысты жүктілік және бала емізу кезінде йодтың өте жоғары дозаларын тағайындаудан аулақ болыңыз (миллиграмм диапазонында). Бұған радиобелсенді инциденттерден кейінгі қолданылатын йодтың жоғары дозалы профилактикасы қосылмайды.

Препараттың көлік құралдары мен механизмдерді басқаруға әсер ету ерекшеліктері

Әсер етпейді.

Дозалау режимі

Йодбаланс® дәрілік затының қажетті дозасын анықтаған кезде йодтың тамақпен бірге қабылдануының аймақтық және жеке дара ерекшеліктерін ескеру қажет. Бұл әсіресе нәрестелер мен 4 жасқа дейінгі балаларға дәрілік затты тағайындау кезінде өте маңызды.

Зоб дамуының профилактикасы үшін:

12 жастан асқан жасөспірімдер және ересектер: күніне 100-200 мкг йод.

Жүктілік және бала емізу кезінде: күніне 100 - 200 мкг йод.

Хирургиялық жолмен алып тастағаннан кейін немесе қалқанша без гормондары препараттарымен емдеу курсы аяқталғаннан кейін зоб қайталануының профилактикасы: күн сайын 100 -200 мкг йод.

Эутиреоидтық зобты емдеу:

12 жастан кейінгі жасөспірімдер мен ересектер: күніне 200 мкг йод.

Препараттың тәуліктік дозасын тамақтан кейін, судың жеткілікті мөлшерімен ішіп, бір қабылдаумен қолдану керек.

Енгізу жолы және тәсілі

Ішке қабылдау үшін

Емдеу ұзақтығы

Йодбаланс® препаратын профилактикалық қабылдау мақсатында өмір бойына анда санда жүргізіледі.

Балаларда, жасөспірімдер мен ересектерде әдетте 6-12 ай немесе одан да көп қажет болады. Емдеу ұзақтығын эндокринолог анықтайды.

Артық дозалану жағдайында қабылдануы қажет шаралар

Симптомдары: йодпен жедел уыттануда рефлекторлық құсу, іштің ауыруы, диарея байқалады. Дегидратация және шок басталуы мүмкін. Сирек жағдайларда өңеш стенозы туындауы мүмкін.

Йодты көп мөлшерде қабылдаған жағдайда өлім жағдайлары тіркелді

(0,75-6,25 г I2 сәйкес келетін 30-дан 250 мл-ге дейінгі дозалардағы йод тұнбалары).

Созылмалы артық дозалану «йодизм» феноменіне: ауыздың темір татуына, шырышты қабықтардың ісінуі мен қабынуына (ринит, конъюнктивит, гастроэнтерит, бронхит), буллезді немесе туберкулезді йододерма, эксфолиативті дерматит, ангионевроздық ісінуне әкеледі. Сирек температураның жоғарылауы, безеу бөртпесі, сілекей бездерінің ісінуі туралы хабарланды.

Жедел артық дозалануды емдеу: асқазанды шаю, су және электролиттік теңгерім бұзылыстарын симптоматикалық емдеу, шокты емдеу.

Калий йодиді тудырған созылмалы артық дозалану жағдайында, Йодбаланс® препаратымен емдеуді тоқтату керек. Йод туғызған гипотиреозда, Йодбаланс® препаратын қолдануды тоқтату және қалқанша без гормондарымен емдеуді бастау керек. Йод туғызған гипертиреозда, антитиреоидтық дәрілермен емдеу көрсетілген.

Өте сирек жағдайларда, қарқынды емдеу, плазмаферез немесе тиреоидэктомия қажет болуы мүмкін.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қабылдамас бұрын дәрігерден кеңес алыңыз.

Жағымсыз реакциялардың жиілігін сипаттау үшін келесі жіктеме қолданылады: өте жиі (( 1/10), жиі (( 1/100, бірақ < 1/10), жиі емес (( 1/1000, бірақ < 1/100), сирек (( 1/10000, бірақ < 1/1000), өте сирек (<1/10000), жиілігі белгісіз (қолда бар деректер негізінде бағалау мүмкін емес).

Сирек

тері бөртпесі, Квинке ісінуі

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

Бір таблетканың құрамында

белсенді зат – 261,6 мкг калий йодиді (бұл 200 мкг йодқа сәйкес келеді),

қосымша заттар: лактоза моногидраты, целлюлоза ұнтағы, жүгері крахмалы, коллоидты кремнийдің қостотығы, магний стеараты, микрокристалды целлюлоза.

Дөңгелек пішінді, беткейі тегіс, шеттері қиғашталған, үстіңгі бөлігінде «ЕМ 70» жазуы және төменгі бөлігінде декоративті сызығы бар, ақ дерлік түсті таблеткалар. Таблетканың диаметрі 7.0–7.2 мм, қалыңдығы – 1.8–2.1 мм.

25 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

4 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Мерк Хелскеа КГаА, Германия

Frankfurter Str. 250, 64293 Darmstadt, Germany

Франкфуртер Штрассе 250, 64293 Дармштадт, Германия

Телефон/Факс: +49 6151 72-0/+49 6151 72-2000

Электронды пошта: service@merckgroup.com

«Мерк» ЖШҚ,

Валовая к-сі, 35 үй, Мәскеу қ., 115054, Ресей

Телефон: +7-495-937-33-04

Факс: +7-495-937-33-05

«Ацино Каз» ЖШС

Қазақстан, Алматы қаласы, Бостандық ауданы, Нұрсұлтан Назарбаев даңғылы, 223 үй, 243 т.е., пошталық индексі 050047

Телефон нөмірі: 8 (727) 364 56 61, 8 (727) 291 61 51

Электронды пошта: PV-kaz@acino.swiss