Вагил порошок №10 (саше)

Вагил

Жоқ

Ұнтақ 10 г

Несеп-жыныс жүйесі және жыныс гормондары. Гинекологиялық инфекцияға қарсы препараттар және антисептикалық препараттар. Инфекцияға қарсы препараттар және антисептикалық препараттар, кортикостероидтармен біріктірілімдерді қоспағанда.

АТХ коды G01А

- несеп-жыныс жүйесі мүшелеріндегі күйдіру, тітіркену, қышуды симптоматикалық емдеуге арналған

- босанғаннан кейінгі кезеңде жергілікті контрацептивтік дәрілерді және қынаптық препараттарды пайдаланғаннан кейін етеккір кезінде гигиеналық зат ретінде

- медициналық аборт алдында, операциялық араласулар алдында қынапты санациялауға арналған

- ішектің және қуықтың әрбір босауынан кейін үй жағдайларында және стационарда төсекке таңылған науқастар мен операциядан кейінгі кезеңдегі науқастарды гигиеналық өңдеуге арналған

Қолдануды бастағанға дейін қажетті мәліметтер тізбесі

- әсер етуші заттарға немесе қосымша заттардың кез келгеніне аса жоғары сезімталдық

Қолданған кездегі қажетті сақтандыру шаралары

Препарат тек сыртқы қолдануға арналған. Препаратты көзге тигізбеу керек.

Препаратты терінің үлкен аймақтарында қолданбуға болмайды.

Қосымша заттар

Препарат құрамында натрий бензоаты бар, ол терінің, көздің және шырышты қабықтың тітіркенуін тудыруы мүмкін.

Жүктілік және лактация кезеңі

Жүктілік кезінде бүркіп шаюды, егер оны дәрігер тағайындамаса жүргізбеген жөн. Тітіркену пайда болған жағдайда пайдалануды дереу тоқтату ұсынылады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Дозалау режимі

Пакет ішіндегісі 1 литр жылы суда ерітіледі және мұқият араластырылады. Алынған ерітінді сыртқы несеп-жыныс мүшелерін және қынапты күніне 1-2 рет шайып жууға пайдаланылады.

Препарат өз бетінше де, басқа препараттармен біріктіріліп те пайдаланылады (зеңге қарсы, трихомонацидті, антибиотиктермен, қабынуға қарсы және т.б.).

Пациенттердің ерекше топтары

Балалар

Бұл өнімдер сыртқа қолдануға арналған және 3 жасқа дейінгі балаларда қолданылмауы тиіс.

Бауыр және бүйрек жеткіліксіздігі бар пациенттер

Деректер жоқ

Енгізу әдісі мен жолы

Сыртқа қолдануға арналған

Артық дозаланған жағдайда қабылдануы тиіс шаралар

Анықталмаған

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Дәрілік препаратты қабылдамас бұрын дәрігер немесе фармацевт кеңесіне жүгініңіз.

Препаратты қолданғаннан кейін бірден жеңіл, тез өтетін ашыту сезімі болуы мүмкін.

Өте сирек

- препарат ингредиенттеріне жоғары сезімталдық болуымен негізделген тітіркену

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір пакетте

белсенді заттар: натрий хлориді 0,8 г

натрий тетрабораты 1,375 г

натрий гидрокарбонаты 7,7 г

L-ментол 0,125 г

қосымша зат- натрий бензоаты 0,2 г

Суда еритін бөгде қосылыстарсыз ментолға тән иісі бар ұнтақ.

10,2 г алюминий фольгадан және тығыздығы төмен полиэтиленнен жасалған герметикалық жабылған пакеттерге салынады. 10 пакеттен медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

30ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Медикал Юнион Фармасьютикалс

Абу-Султан, Исмаилия, Мысыр

Тел: 2(02)22709315; 2(02)22719460

Электронды пошта: export@mupeg.com.

Медикал Юнион Фармасьютикалс

36 Dr.Mohamed Hassan El Gamal St, 6th District, Nasr City, Каир, Мысыр

Тел: 2(02)22709315; 2(02)22719460

Электронды пошта: export@mupeg.com.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Медикал Юнион Фармасьютикалс» компаниясының Қазақстан Республикасындағы өкілдігі.

Алматы қ., Марков к-сі 61/1, 3 блок, 2 қабат

Тел.: 8 (727) 224 27 14, 8 (727) 224 27 19,

e-mail: mupkz.al@gmail.com