Ципромед капли глаз. 0,3% по 5 мл (флакон)

Ципромед

Ципрофлоксацин

0.3 % 5 мл, көзге тамызатын дәрі

Сезім мүшелері. Офтальмологиялық препараттар. Микробқа қарсы препараттар. Микробқа қарсы препараттар, басқалары. Ципрофлоксацин.

Код АТХ S01AX13

Дәрілік препарат емдеу үшін қолдануға көрсетілген:

- мөлдір қабықтың ойық жараларын

- ципрофлоксацинге сезімтал штаммдардн туындаған көздің және оның қосалқыларының беткейлік инфекцияларын

Бактерияларға қарсы дәрілерді дұрыс пайдалану туралы ресми нұсқауларды ескеру қажет.

Қолданудың басталуына дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- хинолондарға жоғары сезімталдық

- жүктілік

- 8 жасқа дейінгі балаларда (препарат құрамында бензалконий хлориді болуына байланысты)

Препарат жергілікті офтальмологиялық қолдануға арналған, инъекцияға немесе ішке қолдануға болмайды.

Ципромед көзге тамызатын дәрісі препаратын тері бөртпесінің алғашқы көріністерінде немесе жоғары сезімталдықтың кез келген басқа белгісінде қолдануды тоқтату керек.

Кейбір жағдайларда жоғары сезімталдықтың (анафилаксиялық реакциялар), кейде бірінші дозадан кейін күрделі өлімге жеткізетін реакциялары жүйелі хинолондарды қабылдаған науқастарда байқалды. Кейбір реакциялар жүрек-қантамыр жеткіліксіздігімен, естен танумен, шаншумен, көмейдің немесе беттің ісінуімен, ентігумен, есекжеммен және қышынумен қатар жүрген. Аса жоғары сезімталдықтың күрделі жедел реакциялары клиникалық қажеттілік жағдайында оттегін, венаішілік ерітінділерді, венаішілік антигистаминдік дәрілерді, кортикоидтарды, тамыр тарылтатын факторларды және өкпені жасанды желдетуді қоса алғанда, эпинефринмен (адреналинмен) шұғыл дереу емді және реанимацияның басқа шараларын талап етеді.

Хинолондар класының кейбір дәрілерін жүйелі қабылдау кезінде тікелей күн сәулесі астында болған пациенттерде күнге күю реакциялары түрінде орташадан ауырға дейінгі дәрежедегі фотоуыттылықтың біліну жағдайлары туралы белгілі. Шамадан тыс күн сәулесін алудан аулақ болу керек. Фотоуыттылық жағдайлар пайда болған кезде емдеуді тоқтату керек.

Бактерияға қарсы басқа препараттармен жағдайдағы сияқты, препаратты ұзақ уақыт қолдану сезімтал емес бактериялық штамдар немесе зеңдер мөлшерінің шамадан тыс артуына алып келуі мүмкін. Суперинфекция туындаған жағдайда сәйкесінше емді бастау керек.

Фторхинолондармен, соның ішінде ципрофлоксацинмен жүйелі емдеу кезінде, әсіресе, егде жастағы пациенттер мен кортикостероидтарды бір мезгілде қабылдап жүрген пациенттерде, сіңірлердің қабынуы мен үзілу жағдайлары болуы мүмкін. Сондықтан, сіңірлердің қабынуының алғашқы белгілері пайда болған жағдайда Ципромед көзге тамызатын дәрісімен емдеу тоқтатылуы тиіс.

Мөлдір қабықтың ойық жарасы бар пациенттерде және ципрофлоксациннің көз тамшы дәрілерін жиі енгізгенде, ципрофлоксациннің көзге тамызатын дәрісін ұзақ уақыт қолданғаннан кейін жойылып кеткен жергілікті әсері бар көздің ақ бөлінділері (дәрі қалдықтары) байқалды. Тұнба ципрофлоксациннің көзге тамызатын дәрісін одан әрі қолдануға кедергі келтірмейді және қалпына келтіру процесінің клиникалық ағымына теріс әсер етпейді. Тұнбаның пайда болуы ем басталғаннан кейін 24 сағат -7 күн ішінде жүрді. Тұнбаның жойылуы ем басталғаннан кейін дереуден 13 күнге дейін өзгерді.

Бензалконий хлориді

Препараттың құрамында бензалконий хлориді бар, сондықтан ирит болуы мүмкін. Жұмсақ жанаспалы линзалармен жанасудан аулақ болу керек, жанаспалы линзаларды қолданар алдында алып тастау дұрыс және препаратты тамызғаннан кейін кемінде 15 минут күту қажет. Бензалконий хлориді жұмсақ жанаспалы линзаларды түссіздендіреді. 8 жасқа дейінгі балаларға қолданылмайды.

Дәрілердің офтальмологиялық ципрофлоксацинмен өзара әрекеттесуіне нақты зерттеулер жүргізілген жоқ. Препаратты көзде жергілікті қолданғаннан кейін ципрофлоксациннің жүйелік төмен концентрациясын назарға ала отырып, дәрілік заттармен өзара әрекеттесуі екіталай. Егер көзге қолдануға арналған бірден астам жергілікті дәрілік зат пайдаланылса, дәріні кемінде 5 минут аралықпен енгізу керек. Көз жақпа майларын соңғы кезекте енгізу керек.

Арнайы сақтандырулар

Педиатрияда қолдану

8 жасқа дейінгі балаларда қолдануға болмайды

Жүктілік немесе лактация кезінде

Жүкті әйелдерде ципрофлоксациннің көзге тамызатын дәрісін пайдалану бойынша клиникалық деректер жоқ. Ципромед препаратын, көзге тамызатын дәрісін қолдану, жүктілік кезінде ұсынылмайды.

Пероральді қабылдаған кезде ципрофлоксацин емшек сүтінде анықталады. Көзге жергілікті қолданғанда ципрофлоксациннің емшек сүтіне енуі туралы сенімді деректер жоқ. Көптеген дәрілік препараттар емшек сүтіне шығарылатындықтан, сәби үшін емшек емудің артықшылығы мен әйел үшін емнің пайдасын ескере отырып, емшек сүтімен емізуді тоқтату немесе Ципромед препаратымен, көзге тамызатын дәрісімен емдеуді тоқтату/бас тарту туралы орынды шешім қабылдау қажет. Препаратты емшекпен емізу кезеңінде қолданғанда емшекпен емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты тамызғаннан кейін көрудің уақытша көмескілігі немесе басқа да көрудің жайсыздығы болуы мүмкін, бұл автомобильді және қауіптілігі зор механизмдерді басқару қабілетіне теріс әсер етуі мүмкін. Мұндай жағдайларда көру қалпына келгенге дейін біршама уақыт күту керек.

Емдеу кезеңінде жоғары зейін қоюды және психомоторлық реакциялардың жылдамдығын талап ететін аса қауіпті қызмет түрлерімен айналысудан бас тарту қажет.

Қолдану жөніндегі нұсқаулар

Дозалау режимі

Ересектер мен 8 жастан асқан балалар

Мөлдір қабықтың ойық жаралары

Ципромед көзге тамызатын дәрі 3 мг/мл келесі уақыт аралықтарында, тіпті түнгі уақытта да қолданылуы тиіс:

- алғашқы тәуліктерде зақымданған көздің конъюнктива қалтасына алғашқы алты сағатта әр 15 минут сайын 2 тамшыдан; және содан соң зақымданған көздің конъюнктива қалтасына тәулік соңына дейін әр 30 минут сайын 2 тамшыдан

- екінші тәулікте зақымданған көздің конъюнктива қалтасына сағат сайын 2 тамшыдан

- үшінші тәуліктен он төртінші тәулікке дейін зақымданған көздің конъюнктива қалтасына әр 4 сағат сайын екі тамшыдан.

Мөлдір қабықтың ойық жараларын емдеу ұзақтығы 14 күннен артықты құрауы мүмкін; дозасы мен емдеудің ұзақтығын емдеуші дәрігер реттейді.

Көздің және оның қойнауларының беткейлік инфекциялары

Әдеттегі дозасы - зақымданған көздің конъюнктива қалтасына күніне 4 рет 1 немесе 2 тамшы. Күрделі инфекциялар жағдайында, алғашқы екі күндегі дозасы ояу уақыттарда әр 2 сағат сайын 1-2 тамшыны құрайды.

Емдеудің әдеттегі ұзақтығы-7-14 күнді құрайды.

Балалар

8 жасқа дейінгі балаларда қолдануға болмайды.

Егде жастағы пациенттер

Дозаны түзету қажет емес.

Бауыр жеткіліксіздігі бар пациенттер

Бауыр жеткіліксіздігі бар пациенттерде ципрофлоксациннің көзге тамызатын дәрісін қолданумен ешқандай зерттеулер жүргізілген жоқ

Бүйрек жеткіліксіздігі бар пациенттер

Бүйрек жеткіліксіздігі бар пациенттерде ципрофлоксациннің көзге тамызатын дәрісін қолданумен ешқандай зерттеулер жүргізілген жоқ.

Енгізу әдісі және жолы

Жергілікті офтальмологиялық қолдануға арналған көзге тамызатын дәрісі.

Тамызғаннан кейін қабақты жеңіл жабу немесе мұрын-көз жасы өзегін басып-қысу ұсынылады. Бұл көз тіндері арқылы енгізілген дәрілік препараттың жүйелі сіңуін төмендетеді және жүйелі жағымсыз әсерлердің дамуының профилактикасы ретінде қызмет етеді.

Басқа жергілікті офтальмологиялық дәрілік препараттармен бірлескен ем жағдайында препараттар арасында шамамен 10-15 минут аралықты сақтау ұсынылады.

Құты ішіндегісінің ластануын болдырмау үшін пипетка ұшын көзге немесе кез келген басқа беткейге тигізбеу керек.

Артық дозалану жағдайында қабылдау қажет болатын шаралар

Жергілікті офтальмологиялық қолдану кезінде ципрофлоксацинмен артық дозаланғанда немесе бір құтының ішіндегісі кездейсоқ жұтылған жағдайда уытты әсерлерді күтпесе де болады.

Симптомдары: конъюнктиваның гиперемиясы, ауырсыну сезіну

Емі: таза, жылы ағынды сумен молынан шайыңыз. Қажет болса, симптоматикалық ем жүргізіледі.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Егер сізде осы препаратты қолдану туралы қосымша сұрақтар туындаса, дәрігерге хабарласыңыз.

Жиі

- мөлдір қабық қыртыстануы, көздегі жайсыздық, көз гиперемиясы

- дисгевзия

Жиі емес

- бас ауыруы

- кератопатия, нүктелік кератит, мөлдір қабық инфильтраты, көздің қарығуы, көру өткірлігінің төмендеуі, қабақтардың ісінуі, бұлыңғыр көру, көздің ауыруы, көздің құрғауы, көздің ісінуі, көздің қышынуы, көзден жас парлау, көзден жас парлаудың күшеюі, көзден шығатын бөліністер, қабақ жиектерінде қабыршақтардың түзілуі, қабақ терісінің қабыршақтануы, конъюнктиваның ісінуі, қабақ эритемасы

- жүрек айнуы

Сирек

- аса жоғары сезімталдық

- бас айналуы

- офтальмологиялық уыттылық, кератит, конъюнктивит, мөлдір қабық эпителийінің ақаулары, диплопия, көз гипестезиясы, астенопия, көздің тітіркенуі, көздің қабынуы, гордеолум

- құлақ ауыруы

- мұрын маңы қойнауларының гиперсекрециясы, ринит

- диарея, іш ауыруы

- дерматит

Белгісіз

- байлам аппараты тарапынан

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер