Цефавора капли орал. по 50 мл (флакон)

Дәрілік түрі, дозалануы

Тамшылар, 50 мл

Фармакотерапиялық тобы

Басқа препараттар. Басқа емдік препараттар, барлығы. Басқа дәрілік препараттар.

АТХ коды V03AX

Қолданылуы

Гомеопатиялық препарат Цефавора® қолданылады:

- мынадай симптомдары бар қан айналымының бұзылуын кешенді емдеуде: бас айналу, құлақ шуылы, қол немесе аяқтың шаншуы және аяқтың мұздауын сезіну.

Осы гомеопатиялық дәріні көрсетілген қолдану аймағына пайдалану тек қана гомеопатиялық тәжірибеге негізделеді.

Бұл аурулардың ауыр түрлері кезінде клиникалық құжатталған ем қолданылады.

Қолданудың басталуына дейін қажетті мәліметтер тізбесі

Қолдануға болмайтын жағдайлар

- әсер етуші заттарға немесе қосымша заттардың кез келгеніне аса жоғары сезімталдық

- жүктілік және лактация кезеңі

- 18 жасқа дейінгі балалар мен жасөспірімдер

- тұқым қуалайтын фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі

- алкоголизм

Қолдану кезіндегі қажетті сақтандыру шаралары

Препарат құрамында 20 % (көлемі/көлемі) алкоголь болуына байланысты, оны маскүнемдер және бауыр ауруымен зардап шегетін адамдар қабылдамауы тиіс, тек дәрігермен кеңескеннен соң ғана қолданылуы мүмкін.

Егер шағымдануы емдеуге қарамастан 7 күннен аса сақталатын болса, немесе өзінің жай-күйін сезінуі нашарлаған жағдайда дәрігердің кеңесі қажет. Жаңа шағымдары (бұрын байқалмаған) туындағанда, препаратты қабылдау тоқтатылуы тиіс.

Гомеопатиялық препараттарды қабылдау кезінде бар симптомдардың уақытша күшеюі (бастапқы реакция) мүмкін. Мұндай жағдайларда препаратты тоқтату керек. Әрі қарай, бастапқы реакция азайған кезде емдеуді жалғастыруға болады. Симптомдар қайта асқынған жағдайда препаратты қабылдауды тоқтату керек.

Басқа дәрілік препараттармен өзара әрекеттесуі

Басқа дәрілік препараттармен өзара әрекеттесуі белгісіз.

Гомеопатиялық дәрілік заттардың әсеріне пациенттің өмір салтындағы әдеттегі зақымдаушы факторлар және қоздырғыш дәрілер жағымсыз ықпал етуі мүмкін екендігі гомеопатияда белгілі.

Арнайы ескертулер

Педиатрияда қолдану

18 жасқа дейінгі балалар мен жасөспірімдерде қолдану жөнінде жеткілікті деректердің болмауына байланысты препаратты қолдануға болмайды.

Жүктілік немесе лактация кезінде

Құрамында алкоголь болғандықтан препаратты жүктілік және емшек емізу кезеңінде қолдануға болмайды.

Қосымша заттар

Бұл дәрілік заттың құрамында глюкоза және фруктоза бар. Сирек тұқым қуалайтын фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі проблемалары бар пациенттер Цефавора® препаратын қабылдамауы тиіс.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Құрамында алкогольдің болуы көлік құралдарын немесе қауіптілігі зор механизмдерді басқару қабілетіне әсер етуі мүмкін (потенциал негізінде әртүрлі реакциялар жекелей әрбір пациентке қарастырылуы тиіс).

Қолдану жөніндегі нұсқаулар

Дозалану режимі

Ересектерге 20-30 тамшыдан күніне 3-4 рет.

Цефавора® тамшысының дәмі жағымды болғандықтан, сұйылтылмаған күйінде қабылдауға болады.

Емдеу ұзақтығын дәрігер жекелей анықтайды – орташа алғанда 2 ай.

Гомеопатиялық препараттарды дәрігердің кеңесінсіз ұзақ уақыт бойы қабылдауға болмайды.

Пациенттердің ерекше тобы

Балалар

18 жасқа дейінгі балалар мен жасөспірімдерде қолдану жөнінде жеткілікті деректердің болмауына байланысты препаратты қолдануға болмайды.

Енгізу әдісі және жолы

Ішуге арналған.

Артық дозаланған жағдайда қолданылуы қажет шаралар

Қазіргі кезде артық дозалану жағдайлары туралы хабарланбаған.

Дәрілік препараттың бір немесе бірнеше дозасын өткізіп алған кездегі қажетті шаралар

Препаратты өткізіп алғанда оны толықтыру үшін қос дозаны қабылдауға болмайды.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Осы дәрілік препаратты қолдану бойынша қосымша сұрақтар туындаған жағдайда кеңес алу үшін дәрігерге немесе фармацевтке жүгіну керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Гомеопатиялық препаратты қабылдаған кезде бар симптомдардың (бастапқы реакция) уақытша асқынуы мүмкін. Мұндай жағдайларда емдеуді тоқтатып, дәрігерге қаралу керек.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі  Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 г препараттың құрамында

белсенді заттар: Ø 1.3 г гинкго билоба, Ø 2.7 г ақ омела, Ø 7.5 г долана,

қосымша зат - шарап ликері.

Сыртқы түрінің, иісінің, дәмінің сипаттамасы

Шарап иісі және дәмі бар охра түсті мөлдір сұйықтық.

Шығарылу түрі және қаптамасы

50 мл препараттан полиэтилен тамшылатқышы және ақ полиэтилен қақпағы бар қоңыр шыныдан жасалған дөңгелек құтыда.

Құтыға заттаңба жапсырылады.

1 құтыдан медициналық қолдану жөніндегі қазақ және орыс тіліндегі нұсқаулықпен бірге жиналмалы картон қорапшаға салынады.

Сақтау мерзімі

5 жыл

Құтыны ашқаннан кейін 3 ай.

Жарамдылық мерзімі өткеннен кейін қолдануға болмайды!

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Cefak KG

Ostbahnhofstr. 15, D-87437 Kempten, Германия

Тел.: +49 831 57401 0

e-mail: cefak@cefak.com

Тіркеу куәлігінің ұстаушысы

Cefak KG

Ostbahnhofstr. 15, D-87437 Kempten, Германия

Тел.: +49 831 57401 0

e-mail: cefak@cefak.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«AVITA (АВИТА)» ЖШС

Қазақстан Республикасы, Алматы қ., Алмалы ауданы, БӨГЕНБАЙ БАТЫР көшесі, 150 үй, т.ү.е. 13, пошта индексі 050000;

тел.: +77007100151

электронды пошта: Infoavita@mail.ru