Троксевазин капсулы по 300 мг №50 (5 блистеров х 10 капсул)

Троксевазин®

Троксерутин

Капсулалар, 300

Жүрек-қантамыр жүйесі. Вазопротекторлар.

Капиллярларды тұрақтандыратын дәрілер. Биофлавоноидтар. Троксерутин.

АТХ коды C05СА04

Дәрілік препарат ересектерде қолдануға арналған

- созылмалы веналық жеткіліксіздіктің симптомдары: ісіну, ауыру, аяқтағы ауырлық, құрысулар, парестезия, мазасыз аяқ синдромы;

- тромбофлебиттен кейінгі синдром: ауыру, бұлшықет құрысуы, қышыну, шаншу, ісіну, терінің гиперпигментациясы, липодерматосклероз, трофикалық ойық жара;

- склеротерапиядан кейінгі жағдайлар, веналарға операциядан кейінгі асқынулар профилактикасы;

- созылмалы веналық жеткіліксіздікті кешенді емдеуде компрессиялық тоқымамен (шұлықтар, колготкалар) үйлеседі;

- лимфедеманың кешенді емінде;

- жедел симптомдарды емдеу және созылмалы геморройдың өршуі;

- диабеттік ретинопатияны кешенді емдеудің құрамында.

Қолданудың басталуына дейінгі қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық;

- лактоза жеткіліксіздігі, галактоземия немесе глюкоза-галактоза мальабсорбция синдромы;

- жүктілік кезеңі (1 триместр) және лактация;

- 18 жасқа дейінгі балалар мен жасөспірімдер.

Дәрілік өзара әрекеттесулер анықталған жоқ.

Препарат бауыр мен өт қабының ауыр аурулары бар пациенттерде сақтықпен қолданылады.

Троксевазин тамақтану кезінде қабылдайды, өйткені ол асқазанның шырышты қабығын тітіркендіреді.

Бояғыштың (Е110) болуына байланысты препарат аллергиялық реакцияларды, соның ішінде демікпені тудыруы мүмкін. Аспиринге жоғары сезімталдығы бар пациенттерде аллергиялық реакциялардың даму қаупі жоғары.

Жүктілік

Жүктілік кезінде (II және III триместр) Троксевазин капсулаларын қолдану, егер ана үшін күтілетін пайда құрсақішілік шарана үшін потенциалды қауіптен жоғары болған жағдайларда мүмкін болады.

Лактация

Лактация кезінде препаратты қолдануға болмайды.

Педиатрияда қолдану

18 жасқа дейінгі балалар мен жасөспірімдерде қолдану тәжірибесі шектеулі, сондықтан препаратты осы популяцияда тағайындау ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Троксевазин автокөлік құралын басқару және қозғалыстағы механизмдермен жұмыс істеу қабілетіне әсер етпейді.

Дозалау режимі

Созылмалы веналық жеткіліксіздік және оның асқынулары, созылмалы геморройдың жедел және асқынуын симптоматикалық емдеу

Ұсынылатын доза - симптомдардың ауырлығына байланысты тәулігіне 2-3 рет (600-900 мг) 1 капсуладан (300 мг). Емдеу симптомдар (ауырсыну, қышыну, ісіну және т.б.) толығымен басылғанға дейін кемінде 2 апта бойы жалғасады. Симптомдар қайта пайда болған кезде емді сол дозада қайта жаңғыртуға немесе дозаны төмендетуге болады – тәулігіне 2 рет 1 капсуладан (600 мг). Емдеу курсы 3-4 аптаны құрайды.

Қол жеткізілген әсер кемінде 4 апта бойы сақталады.

Лимфедема

Ұсынылатын тәуліктік доза 3000 мг құрайды: 5 капсуладан тәулігіне 2 рет. Емдеу курсы пациенттің жағдайының ауырлығына байланысты.

Диабеттік ретинопатия

Ұсынылатын тәуліктік доза 1800 - 3000 мг құрайды: 3-5 капсуладан тәулігіне 2 рет. Емдеу курсы 3-4 аптаны құрайды.

Ұзақ уақыт емдеу қажеттілігі дәрігермен жекелей кеңескеннен кейін анықталады

Енгізу әдісі мен жолы

Троксевазин капсулалары тамақтану кезінде ішке қабылданады.

Артық дозалану жағдайында қабылдануы қажетті шаралар

Препараттың артық дозалану жағдайлары байқалған жоқ. Өте жоғары дозаларды қабылдаған немесе күрделі жағымсыз реакциялар туындаған жағдайда троксевазинмен емдеуді тоқтатып, симптоматикалық ем тағайындау керек.

Сирек

- асқазанның ауыруы, асқазан жайсыздығы, диспепсия, метеоризм, диарея

- бөртпе, қышыну, есекжем

Өте сирек

- анафилаксиялық шок, анафилактоидты реакциялар, аса жоғары сезімталдық реакциялары

- бас айналуы, бас ауыруы

- экхимоз

- шаршау

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК.

http://www.ndda.kz

Қосымша мәліметтер

Бір капсуланың құрамында

белсенді зат - троксерутин 300 мг

қосымша заттар: лактоза моногидраты, магний стеараты

қатты желатинді капсуланың құрамы: сары хинолин (E104), сары сансет (E110), титанның қостотығы (E171), желатин

Капсула қақпақшасының құрамы: сары хинолин (E104), сары сансет (E110), титанның қостотығы (E171), желатин

Қатты цилиндрлі №1 желатинді капсулалар, корпусы мен сары түсті қақпақшасы бар.

Капсуланың ішінде – сарыдан сарғыш-қоңыр түске дейінгі ұнтақ, қысқан кезде ыдырайтын конгломераттардың болуына жол беріледі.

10 капсуладан ПВХ үлбірден және баспалы алюминий фольгадан немесе ПВХ/ПВДХ және баспалы алюминий фольгадан жасалған пішінді ұяшықты қаптамада.

5 пішінді ұяшықты қаптамадан қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

5 жыл

Жарамдылық мерзімі өткеннен кейін қолдануға болмайды!

25° С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Балканфарма-Разград АД,

Апрельское восстание буль., № 68

7200 Разград, Болгария

Тел. (+359 84) 660 999

Факс (+359 84) 634 272

E-mail: mainraz@actavis.bg

Балканфарма-Разград АД,

Апрельское восстание буль., № 68

7200 Разград, Болгария

Тел. (+359 84) 660 999

Факс (+359 84) 634 272

E-mail: mainraz@actavis.bg

«ратиофарм Қазақстан» ЖШС, 050059 (А15Е2Р), Қазақстан Республикасы, Алматы қ., Әл-Фараби даңғылы, 17/1, Нұрлы-Тау БО, 5Б, 6 қабат.

Тел.: (727) 3251615, е-mail: info.tevakz@tevapharm.com; веб сайт: www.kaz.teva