Тиотриазолин Киевмедпрепарат таблетки по 200 мг №90 (6 блистеров х 15 таблеток)

Тиотриазолин

Тиазот қышқылы

Таблеткалар 200 мг

Жүрек-қантамыр жүйесі. Басқа кардиологиялық препараттар. Тиазот қышқылы. АТХ коды СО1ЕВ23

Кешенді ем құрамында:

- жүректің ишемиялық ауруы (стенокардия, миокард инфарктісі, инфарктіден кейінгі кардиосклероз), жүрек аритмиясы;

- этиологиясы алуан түрлі созылмалы гепатиттер (оның ішінде алкогольдік гепатит),  бауыр циррозы.

Қолдану басталғанға дейін қажетті мәліметтер тізбесі

- Тиотриазолинге және препараттың басқа компоненттеріне жоғары сезімталдық;

- бүйрек жеткіліксіздігі;

- жүктілік және лактация кезеңі

- 18 жасқа дейінгі балалар мен жасөспірімдер;

- тұқым қуалайтын фруктоза жақпаушылығы немесе глюкоза-галактоза мальабсорбциясы.

Тиотриазолинді кардиопротекторлы препарат ретінде жүректің ишемиялық ауруын емдейтін базистік дәрілермен біріктіріп қолдануға болады. Гепатопротекторлы дәрі ретінде этиологиясы сәйкес келетін гепатиттерді емдеудің дәстүрлі әдістерін тағайындаумен біріктірілуі мүмкін.

Жүктілік немесе лактация кезінде.

Жүктілік немесе лактация кезінде препаратты қолданудың тиімділігі мен қауіпсіздігі зерттелмеген.

Балалар

Препаратты балаларда қолдану тәжірибесі жеткіліксіз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Қазіргі кезде хабарлар жоқ, алайда бас айналуы мүмкін екендігін ескеру керек.

Қолдану бойынша ұсынымдар

Дозалау режимі

Тұрақты жүктемелік стенокардия кезінде Тиотриазолин ішке 200 мг тәулігіне 3 рет тағайындалады. Емдеу курсы - 8 апта.

Тыныштық күйдегі стенокардия, миокард инфарктісі, инфарктен кейінгі кардиосклероз кезінде Тиотриазолин ішке 200 мг тәулігіне 3 рет 20-30 күн бойы тағайындалады.

Жүрек ырғағы бұзылған кезде Тиотриазолин ішке 200 мг немесе тіл астына тәулігіне 3 рет тағайындалады.

Бауыр аурулары кезінде Тиотриазолин ішке 200 мг тәулігіне 3 рет 20-30 күн бойы тағайындалады.

Емдеу курсының ұзақтығын ауырлығына және ауыру ағымына қарай дәрігер жекелей белгілейді.

Енгізу әдісі мен жолы

Ішке қабылдау үшін.

Артық дозалану жағдайында қабылдануы қажет шаралар

Симптомдары: несепте натрий мен калий концентрациясының жоғарылауы.

Емі: симптоматикалық ем, препаратты тоқтату.

Егер сізде қосымша сұрақтар туындаса, дәрілік препаратты қолдану тәсілін түсіндіру үшін медициналық қызметкерден кеңес алыңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Препарат, әдетте, жақсы көтерімді.

Жеке сезімталдығы жоғары науқастарда туындауы мүмкін:

тері және тері асты шелі тарапынан: қышыну, тері гиперемиясы, бөртпе, есекжем, ангионевроздық ісіну.

Кешенді емде қабылдағанда, негізінен егде жастағы пациенттерде туындауы мүмкін:

иммундық жүйе тарапынан: анафилаксиялық шок, аллергиялық реакциялар;

орталық және шеткері жүйке жүйесі тарапынан: бас айналу, құлақтағы шуыл, жалпы әлсіздік, бас ауыруы;

асқазан-ішек жолы тарапынан: диспепсиялық құбылыстардың көріністері, соның ішінде ауыздың құрғауы, жүрек айнуы, құсу; іштің кебуі;

тыныс алу жүйесі, кеуде және көкірек ортасы ағзалары тарапынан: ентігу, тұншығу, бронх түйілуі;

жалпы бұзылыстар: жалпы әлсіздік, қызба;

Тіркеуден кейінгі бақылау кезеңінде Тиотриазолин препаратын қабылдаумен байланысты екендігін дәлелденбеген реакциялар да байқалды:

жүрек-қантамыр жүйесі тарапынан: артериялық гипертензия, тахикардия, артериялық қысымның төмендеу жағдайлары, жүрек аумағындағы ауырсыну, аритмия.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік заттың 1 таблеткасы құрамында:

белсенді зат - 100 % затқа шаққанда тиазот қышқылының морфолин тұзы – 200 мг, ол 133 мг тиазот қышқылына баламалы.

қосымша заттар: картоп крахмалы, повидон, қант-ұнтақ, микрокристалды целлюлоза, кальций стеараты.

Тегіс беткейлі, ойығы мен сызығы бар дөңгелек пішінді, ақ немесе ақ дерлік түсті таблеткалар.

10 немесе 15 таблеткадан поливинилхлоридті үлбірден және лакталған, баспалы алюминий фольгадан немесе үш қабатты материалдан (полиамид/алюминий/поливинилхлорид) және лакталған, баспалы алюминий фольгадан немесе Аклар 4000 поливинилхлоридті үлбірден және лакталған, баспалы алюминий фольгадан жасалған пішінді ұяшықты қаптамада.

10 таблеткадан тұратын 9 пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

15 таблеткадан 6 пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

2 жыл

Қаптамада көрсетілген жарамдылық мерзімі өткеннен кейін қолдануға болмайды!

Түпнұсқалық қаптамасында, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Киевмедпрепарат» ЖАҚ, Украина, 01032, Киев қ., Саксаганский к-сі, 139.

тел / факс: +38-044-490-75-22

E-mail: office@arterium.ua

«Киевмедпрепарат» ЖАҚ, Украина, 01032, Киев қ., Саксаганский к-сі, 139.

тел / факс: +38-044-490-75-22

E-mail: office@arterium.ua

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ТД Фармамед» ЖШС, 

050060, Алматы қ., Ходжанов к-сі, 67 ғимарат, 5 қабат, т.е. 4а

Тел.: +7 (727) 344-99-05/06

E-mail: Almaty@pharmamed.kz