Терафлекс капсулы №30 (флакон)

Терафлекс®

жоқ

Капсулалар

Тірек-қимыл аппаратының ауруларын емдеуге арналған басқа препараттар.

АТХ коды М09АХ

- остеоартрит

- остеопороз

- иық-жауырын периартриті

- остеохондроз, омыртқа бағанының дегенеративті-дистрофиялық аурулары

- спондилез

- тізетобық хондромаляциясы

- сынуларда (сүйек шоры түзілуін жылдамдату үшін)

12 жастан асқан балаларға, ересектерге, егде жастағы пациенттерге, тірек-қимыл аппаратының ауруларын, жарақаттан кейінгі және буын шеміршегі тіндерінің дегенеративті-дистрофиялық өзгерістермен қатар жүретін басқа жай-күйлері кешенді емі құрамында ұсынылады.

- препарат компоненттерінің кез келгеніне жоғары жеке сезімталдық (аллергиялық реакциялар)

- фенилкетонурия

- жүктілік, лактация кезеңі

- 12 жасқа дейінгі балалар

Қолдануға қажетті сақтық шаралары

Ұсынылған тәуліктік дозадан асырмау керек.

Қант диабетінде қандағы глюкоза деңгейін мезгіл-мезгіл, әсіресе емдеудің басында бақылап отыру ұсынылады.

Бронх демікпесі кезінде глюкозаминді қабылдау симптомдардың күшеюіне әкелуі мүмкін. Глюкозаминді қабылдау кезінде демікпе симптомдарының өршуі сипатталған.

Өте сирек жағдайларда жүрек және/немесе бүйрек жеткіліксіздігі бар пациенттерде ісіну және/немесе сұйықтықтың іркілуі тіркелген, бұл хондроитин сульфатының осмостық әсерімен байланысты болуы мүмкін.

Теңіз өнімдеріне жоғары сезімталдық кезінде сақтықпен пайдалану керек.

Препарат тетрациклиндердің сіңуін жақсартады және пенициллиндер мен хлорамфениколдың әсерін азайтады.

Терафлекс® антиагреганттардың, фибринолитиктердің, сондай-ақ кумаринді антикоагулянттардың (мысалы, варфарин) әсерін күшейтеді, бұл осы препараттармен бір мезгілде қабылдағанда коагулограмма (ХҚҚ) көрсеткіштерін өзгертіп, қан кету қаупін арттыруы мүмкін.

Терафлексті® қабылдау аясында қабынуға қарсы стероидты емес дәрілерге қажеттілік азаяды.

Жүктілік немесе лактация кезінде

Жүктілік. Жүкті әйелдерде тиімділігі мен қауіпсіздігі туралы клиникалық деректердің болмауына байланысты препаратты жүктілік кезінде қолдануға болмайды.

Лактация. Терафлексті® лактация кезінде қолдануға болмайды, өйткені препараттың емшек сүтімен шығарылуы және емшек сүтімен қоректенетін балаға қауіпсіздігі туралы ақпарат жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын және қауіптілігі зор механизмдерді басқару қабілетіне әсер етпейді.

Дозалау режимі

Ересектер мен 12 жастан асқан балаларға алғашқы үш аптада 1 капсуладан тәулігіне 3 рет тамақтан кейін тағайындайды; одан кейінгі күндері –1 капсуладан тәулігіне 2 рет.

Ішке қабылдау үшін.

Қабылдаудың ең аз курсы 2 айды құрайды. Емдеу курстары 3 ай аралықпен немесе дәрігердің келісімі бойынша қайталанады.

Осы уақытқа дейін артық дозалану жағдайлары сипатталмаған. Артық дозаланғанда жағымсыз әсерлердің күшеюі мүмкін.

Емі: асқазанды шаю және симптоматикалық ем жүргізу.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажет болғанда)

Қолда бар деректер әдетте қабылданатын дозалар диапазонында глюкозамин мен хондроитин сульфатын (тиісінше тәулігіне 1500 мг және тәулігіне 1200 мг) пациенттердің жақсы қабылдайтынын көрсетеді.

Аталған жағымсыз дәрілік реакциялар өздігінен келіп түскен хабарламаларға негізделген, сондықтан оларды СММНО III жиілік санаттарына сәйкес жіктеу қолданылмайды.

Жүрек айну, құсу, асқазанның ауыруы, ішектің кебуі, диарея немесе іш қату, аллергиялық реакциялар, бас айналу, бас ауыру, ұйқышылдық.

Әдебиеттегі басқа жағымсыз реакциялар туралы хабарламалар

1200 мг хондроитин сульфатын қолданған кезде экстрасистолдар мен таздану туралы хабарламалар бар, бірақ олар өте сирек кездеседі.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір капсуланың құрамында

белсенді заттар - D-глюкозамин гидрохлориді 500 мг, натрий хондроитин сульфаты 400 мг;

қосымша заттар - желатин, стеарин қышқылы, магний стеараты, марганец сульфаты.

Өлшемі № 00, елеусіз ақ реңді немесе ашық-ақсары түсті кристалл бөлшектері бар ұнтақпен толтырылған, мөлдір, қатты желатинді капсулалар.

30, 60, 120 капсуладан ақ полипропиленнен жасалған бұрандалы қақпағы бар тығыздығы жоғары полиэтилен құтыда.

200 капсуладан компанияның логотипі бар термопластикалық эластомер жапсырмасы, полипропиленнен жасалған түрлі-түсті бұрандалы қақпағы бар тығыздығы жоғары полиэтиленнен жасалған құтыға салынған.

Құтының мойнын біріктірілген материалдан жасалған фирмалық жарғақшамен: полиэтиленмен ламинатталған алюминий фольга/қағаз, қақпақтың үстіне - мөлдір полиэтиленнен жасалған қорғаныш үлбірмен жабады.

Құтыны медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.

3 жыл.

Жарамдылық мерзімі өткеннен кейін қолдануға болмайды.

25 С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Контракт Фармакал Корпорейшн,

135 Адамс Авеню, Xoпoг, Нью-Йорк 11788, АҚШ

тел: +1 631 231 4610факс: +1 631 231 4156

e-mail: info@cpc.com

Байер Консьюмер Кэр АГ

Петер Мериан Страссе, 84, 4052 Базель, Швейцария

тел: +41 58 272 7542

факс: +41 58 272 7173

e-mail: www.basel.bayer.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Байер КАЗ» ЖШС

Тимирязев к-сі, 42, «Экспо-Сити» бизнес орталығы, 15 пав.

050057 Алматы, Қазақстан Республикасы

Тел. +7 701 715 78 46

Факс: +7 727 244 70 01

e-mail: www.bayer.ru