Тенотен таблетки д/рассас. №40 (2 блистера х 20 таблеток)

Соруға арналған таблеткалар.

Жүйке жүйесі. Психолептикалық препараттар. Анксиолитиктер. Басқа анксиолитиктер.

АТХкоды: N05BX.

- невроздық және неврозға ұқсас жағдайлар, психосоматикалық аурулар; жүйкенің ширығуы, ашушаңдық, үрей және вегетативті реакциялары жоғары болатын стрестік бұзылыстар.

- ОЖЖ орташа айқын органикалық зақымданулары, оның ішінде эмоционалдық фон тұрақсыздығымен, ашушаңдықпен, еске сақтаудың төмендеуімен, вегетативті бұзылулармен қатар жүретін жарақаттық және дисциркуляторлық шығу тегімен.

Қолдануды бастағанға дейін қажетті мәліметтер тізбесі

- препарат компоненттеріне жеке жоғары сезімталдық

- 18 жасқа дейінгі балаларға

- Lapp-лактаза ферментінің тапшылығы, глюкоза-галактоза мальабсорбциясы бар адамдарға

Қатысты емес.

Осы уақытқа дейін басқа дәрілік заттармен үйлесімсіздік жағдайлары анықталмаған.

Препараттың құрамына лактоза моногидраты кіреді, осыған байланысты оны туа біткен галактоземиясы, глюкоза немесе галактоза мальабсорбциясы синдромы, немесе туа біткен лактаза жеткіліксіздігі бар пациенттерге тағайындау ұсынылмайды.

Тенотен препаратының әсерінде белсенділендіретін қасиетінің болуына байланысты соңғы қабылдау ұйықтағанға дейін 2 сағаттан кешіктірмей жүзеге асырылуы керек.

Педиатрияда қолдану

Тенотен препараты балаларда қолдануға арналмаған.

Жүктілік немесе лактация кезінде

Жүкті әйелдерде және лактация кезеңінде Тенотен препаратын қолдану қауіпсіздігі зерттелген жоқ. Жүктілік кезінде ана үшін күтілетін пайдасы шаранаға төнетін потенциалды қаупін ақтайтын жағдайда ғана қолданылады. Препаратты қабылдау қажет болған жағдайда қауіп/пайда арақатынасын ескеру керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тенотен көлік құралдарын және басқа қауіптілігі зор механизмдерді басқару қабілетіне әсер етпейді.

Дозалау режимі

Ішке. Бір қабылдауға – 1 немесе 2 таблетка (толығымен ерігенше ауызда ұстау керек – тамақтану кезінде емес). Күніне 2 рет қабылдау керек; қажет болғанда – тәулігіне 4 қабылдауға дейін. Емдеу курсы – 1-3 ай; қажет болғанда емдеу курсын 6 айға дейін созуға немесе 1-2 айдан соң қайталауға болады.

Емдеуді бастаған соң 3-4 апта ішінде жағдайдың тұрақты жақсаруы болмаса, дәрігерге қаралу керек.

Артық дозалану кезінде препараттың құрамына кіретін қосымша заттар себеп болатын диспепсиялық құбылыстар болуы мүмкін.

Дәрілік препараттың бір немесе бірнеше дозасын өткізіп алу кезіндегі қажетті шаралар

Препарат дозасын қабылдауды өткізіп алған жағдайда өткізіп алған дозаны мүмкіндігінше ертерек қабылдау және басталған сызба бойынша препаратты қабылдау курсын жалғастыру қажет. Ұмытылған дозаның орнына дозаны екі есеге арттыруға болмайды.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Препаратты қолданар алдында дәрігермен кеңесіңіз.

Препарат компоненттеріне жоғары жеке сезімталдық реакциялары болуы мүмкін.

Жағымсыз реакциялардың пайда болу жиілігін маркетингтен кейінгі бақылау негізінде есептеу мүмкін емес.

Егер препаратты қабылдау кезінде жағымсыз реакциялар пайда болса, қабылдауды тоқтатып дәрігерге қаралу қажет.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК.

http://www.ndda.kz

Қосымша мәліметтер

Бір таблетканың құрамында

белсенді зат: аффинді тазартылған миспецификалық S -100 ақуызына

антиденелер – 0,003 г*,

қосымша заттар: лактоза моногидраты, микрокристалды целлюлоза, магний стеараты.

* лактоза моногидратына құрамы 10-15 нг/г аспайтын әсер етуші заттың белсенді түрі су-спиртті қоспа түрінде жағылады.

Сыртқы түрінің, иісінің, дәмінің сипаттамасы

Ақтан ақ дерлік түске дейінгі тегіс цилиндр пішінді сызығы мен ойығы бар таблеткалар.

Сызығы бар тегіс бетінде MATERIA MEDICA деген жазуы бар, екінші тегіс бетінде TENOTEN деген жазуы бар.

Соруға арналған таблеткалар. 20 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл.

Жарамдылық мерзімі өткеннен кейін қолдануға болмайды.

25 ºС-ден аспайтын температурада.

Балалардың қолы жетпейтін жерде сақтау керек.

Препаратты қолдану кезеңі ішінде пішінді ұяшықты қаптаманы өндіруші қарастырған картон қорапшада сақтау керек.

Рецептісіз.

«МАТЕРИА МЕДИКА ХОЛДИНГ» ҒӨФ» ЖШҚ;

Ресей, 127473, Мәскеу қ., 3-й Самотечный қысқа к-сі, 9 үй.

Тел./факс: +7 (495) 684-43-33.

«МАТЕРИА МЕДИКА ХОЛДИНГ» ҒӨФ» ЖШҚ, Ресей.

Ресей, 127473, Мәскеу қ., 3-й Самотечный қысқа к-сі, 9 үй.

Тел./факс: +7 (495) 684-43-33.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«МАТЕРИА МЕДИКА ХОЛДИНГ» ҒӨФ» ЖШҚ ҚР-да өкілдігі,Алматы қ., Сейфуллин к-сі 498.

Тел./факс: 2734713.

E-mail: kz@dep.materiamedica.ru