Текназол капсулы по 100 мг №4 (блистер)

Текназол®

Итраконазол

Капсулалар, 100 мг

Жүйелі пайдалануға арналған инфекцияға қарсы препараттар. Жүйелі қолдануға арналған зеңге қарсы препараттар. Триазол және тетразол туындылары. Итраконазол.

АТХ коды М01АН05

- вульвовагинальді кандидоз

- дерматомикоз

- кебек тәрізді теміреткі

- ауыз қуысының кандидозы

- зеңдік кератит

- онихомикоз

- жүйелік микоздар

- жүйелік аспергиллез және кандидоз

- криптококкоз (криптокктік менингиттің профилактикасын қоса)

- гистоплазмоз

- споротрихоз

- паракоксидиоидомикоз

- бластомикоз

- пенициллиоз

- зең инфекциясында болатынқайталануын болдырмау үшін ЖИТС-пен ауыратын науқастарды демейтін ем.

- нейтропениямен иммун тапшылығы бар науқастарда микоздар профилактикасы.

Қолдану басталғанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

Текназол ® препаратымен емдеу кезінде қабылдауға болмайды:

- өмірге қауіп төндіретін немесе басқа күрделі инфекцияларды емдеу жағдайларын қоспағанда, жүректің қарыншалық дисфункциясы белгілерінің болуы (мысалы, қазіргі уақытта немесе анамнезінде іркілісті жүрек жеткіліксіздігі (ІЖЖ))

- жүктілік және лактация кезеңі (өмірге қауіп төндіретін жағдайларды қоспағанда)

- 18 жасқа дейінгі балалар

-тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға

- CYP3A4 субстраттарының қатарымен бір мезгілде қолдану:

- Анальгетиктер, анестетиктер - қастауыш алкалоидтары (мысалы, дигидроэрготамин, эргометрин, эрготамин, метилэргометрин)

- Жүйелі қолдануға арналған бактерияға қарсы препараттар; микробактерияға қарсы дәрілер; жүйелі қолдануға арналған антимикотиктер - изавуконазол

- Антигельминттік дәрілер: антипротозойлық – галофантрин

- Жүйелі қолдануға арналған антигистаминдік препараттар – астемизол, мизоластин, терфенадин

- Ісікке қарсы агенттер – иринотекан

- Тромбозға қарсы дәрілер – дабигатран, тикагрелор

- Жүйелі вирусқа қарсы препараттар – омбитасвир / паритапревир / ритонавир (дасабувирмен немесе онсыз)

- Жүрек-қантамыр жүйесі (ренин-ангиотензинді жүйеге әсер ететін дәрілер, антигипертензивті дәрілер, бета-блокаторлар, кальций өзекшелері блокаторлар, кардиотерапия, диуретиктер) – алискирен, дронедарон, нисолдипин, беприл, эплеренон, хинидин, дизапирамид, ивабрадин, ранолазин, дофетилид, лерканидипин, силденафил (өкпе гипертония кезінде)

- Асқазан-ішек препараттары, оның ішінде диареяға қарсы, ішектің қабынуға қарсы/инфекцияға қарсы дәрілері; құсуға қарсы және құсуға қарсы дәрілер; іш қатуды емдеуге арналған дәрілер; асқазан-ішек жолының функционалдық бұзылыстарын емдеуге арналған препараттар – цизаприд, домперидон, налоксегол

- Статиндер – ловастатин, ломитапид, симвастатин

- Психоаналептиктер: психолептиктер (нейролептиктер, ансиолитиктер және ұйықтайтын дәрілер сияқты) - луразидон, пимозид, сертиндол, мидазолам (пероральді), кветиапин, триазолам

- Урологиялық препараттар – аванафил, дарифенацин, солифенацин( ауыр бүйрек жеткіліксіздігі немесе орташа немесе ауыр бауыр жеткіліксіздігі бар пациенттерде), дапоксетин, фезотеродин (орташа немесе ауыр бүйрек немесе бауыр жеткіліксіздігі бар пациенттерде), варденафил (75 жастан асқан пациенттерде)

- Басқа заттар - Колхицин( бүйрек немесе бауыр жеткіліксіздігі бар пациенттерде, Элиглустат (баяу метаболизаторлар CYP2D6 (PM); аралық метаболизаторлар (IM) CYP2D6 немесе белсенді метаболизаторлар (EM), күшті немесе орташа CYP2D6 тежегіштерін қабылдайтын пациенттер)

- CYP3A4 метаболизденетін препараттар, мысалы, астемизол, бепридил, цизаприд, дофетилид, левацетилметадол (левометадил), мизоластин, пимозид, хинидин, сертиндол және терфенадин сияқты QT аралығын ұзарта алатын (осы дәрілік заттардың плазмадағы концентрациясының артуына байланысты, бұл QT аралығының ұзаруына, ал сирек жағдайларда - пируэтті- қарыншалық тахикардия), ықтимал өлімге әкелетін аритмия

Айқаспалы аса жоғары сезімталдық

Итраконазолдың басқа азол туындыларына, зеңге қарсы дәрілерге айқаспалы аса жоғары сезімталдығы туралы ақпарат жоқ. ТЕКНАЗОЛ® капсулаларын басқа азол туындыларына аса сезімталдығы бар пациенттерге тағайындағанда сақ болу керек.

Жүрек тарапынан асқынулар

Дені сау еріктілердің қатысуымен жүргізілген итраконазолдың в/і дәрілік түрінің зерттеуінде сол қарыншалыққ шығару фракциясының өтпелі симптомсыз төмендегені туралы хабарланған. Бұл көрсеткіш препаратты келесі инфузиясына дейін қалпына келген. Препараттың пероральді дәрілік түрлері үшін бұл бақылаудың клиникалық релеванттылығы белгісіз. Қолда бар мәліметтерге сәйкес, итраконазол теріс инотропты әсерге ие, ал итраконазоломмен емдеу аясында жүректің іркілісті жеткіліксіздігі жағдайлары туралы хабарланған. Жүрек жеткіліксіздігі көбінесе, тәуліктік жалпы төменірек дозаларымен емдеудегі хабарлармен салыстырғанда, препаратпен жалпы тәуліктік 400 мг дозада емдеу кезіндегі өздігінен анықталған хабарларда айтылады, бұл итраконазолдың тәуліктік жоғары дозасы кезіндегі жүрек жеткіліксіздігі қаупінің артатынын болжауға мүмкіндік береді.

Текназол® препараты іркілісті жүрек жеткіліксіздігі бар немесе анамнезде іркілісті жүрек жеткіліксіздігі бар пациенттерге ұсынылмайды (мұндай емнің пайдасы, сөзсіз, оның қаупінен асатын жағдайларды қоспағанда). Жекелеген пациенттер үшін пайда/қауіп арақатынасын бағалау кезінде қолдануға көрсетілім, дозалау режимі (мысалы, жалпы тәуліктік доза) және іркілісті жүрек жеткіліксіздігінің (жүректің ишемиялық ауруы мен жүрек клапандарының зақымдануын қоса алғанда, жүрек аурулары, өкпенің созылмалы обструктивті ауруын қоса алғанда, тыныс алу ағзаларының ауыр аурулары, сондай-ақ жүрек жеткіліксіздігі дамуының қауіп факторларының болуы сияқты факторларды ескеру қажет. бүйрек жеткіліксіздігі және ісінуге бейім басқа аурулар).

Мұндай пациенттерге жүрек жеткіліксіздігінің белгілері туралы ескерту керек, оны жүргізу кезінде жүрек жеткіліксіздігінің белгілерін емдеу және бақылау кезінде ерекше назар аударуды қажет етеді. Тиісті симптомдар анықталған кезде Текназол® препаратын қабылдауды тоқтату керек. Кальций өзекшелерінің блокаторлары теріс инотроптық әсеріге ие, бұл аталған препараттарды бір мезгілде тағайындағанда итраконазолдың сәйкесінше әсерінің күшеюіне алып келеді. Бұдан өзге, итраконазол кальций өзекшелері блокаторларының метаболизмін тежейді. Осылайша, ЖІЖ даму қаупінің жоғарылыған байланысты, итраконазолмен және  кальций өзекшелері блокаторларымен бір мезгілде емдеу сақтықпен жүргізілуі тиіс.

Бауыр функциясы тарапынан болатын асқынулар

Итраконазол капсулаларын пайдалану кезінде елеулі гепатоуыттылықтың өте сирек жағдайлары, оның ішінде өліммен аяқталған жедел бауыр жеткіліксіздігінің кейбір жағдайлары орын алды. Бұл жағдайлардың көпшілігінде бауыр ауруы бар, жүйелік көрсеткіштер бойынша емделген, басқа да ауыр аурулары бар және/немесе басқа гепатоуытты препараттарды қабылдаған пациенттер болды. Кейбір пациенттерде бауыр ауруының айқын қауіп факторлары болған жоқ. Бұл жағдайлардың кейбіреулері емдеудің бірінші айында, соның ішінде кейбіреуі бірінші аптада байқалды. ТЕКНАЗОЛ® капсулаларымен ем қабылдайтын пациенттерде бауыр функциясын мониторингтеу мүмкіндігін қарастыру керек. Пациенттерге анорексия, жүрек айну, құсу, шаршау, іштің ауыруы немесе күңгірт несеп сияқты гепатитті көрсететін белгілер мен симптомдар туралы дереу өз дәрігеріне хабарлау қажеттілігі туралы нұсқау беру керек.

Бауыр жеткіліксіздігі бар пациенттерге итраконазолды пероральді қолдану туралы деректер шектеулі. Препаратты пациенттердің осы тобына тағайындағанда сақ болу керек. Итраконазолды қабылдаған кезде бауыр функциясы бұзылған пациенттерді мұқият бақылау ұсынылады. CYP3A4 метаболизденетін басқа препараттармен емді бастау туралы шешім қабылдау кезінде циррозы бар пациенттерде итраконазол капсулаларының бір реттік пероральді дозасын клиникалық сынақтарда байқалатын итраконазолдың жартылай шығарылуының ұлғайған кезеңін ескеру ұсынылады.

Бауырдың жоғары немесе аномальді ферменттері бар немесе бауырдың белсенді ауруына шалдыққан немесе бауырға басқа дәрілермен уытты әсері байқалатын пациенттерге, егер күтілетін пайда қауіптен асатын, ауыр немесе өмірге қауіпті жағдай болмаса, итраконазолмен емдеу үзілді-кесілді ұсынылмайды. Бұрын бауыр функциясының бұзылуына шалдыққан пациенттерде немесе басқа препараттарды қолдану кезінде бауырға уытты әсер еткен пациенттерде бауыр функциясына мониторинг жүргізу ұсынылады.

Асқазан сөлінің төмен қышқылдығы

Аурудан туындаған асқазан сөлінің қышқылдығы төмен пациенттерге (мысалы, ахлоргидриясы бар пациенттер) немесе дәрі-дәрмектерді қатар қабылдайтын пациенттерге (мысалы, асқазан сөлінің қышқылдығын төмендететін препараттарды қабылдайтын пациенттер) ТЕКНАЗОЛ® капсулаларын қышқыл сусынмен (мысалы, диеталық емес кола) қабылдау ұсынылады. Зеңге қарсы белсенділікті бақылау және қажет болған жағдайда итраконазол дозасын арттыру керек.

Балалар.

Педиатриялық пациенттерде итраконазол капсулаларын қолдану туралы клиникалық деректер шектеулі. Итраконазол капсулаларын педиатриялық пациенттерде пайдалану, егер потенциалды пайдасы ықтимал қауіптерден асып түсетіні анықталмаса, ұсынылмайды.

Егде жастағы науқастар

Егде жастағы пациенттерде итраконазол капсулаларын қолдану туралы клиникалық деректер шектеулі. Бұл пациенттерде итраконазол капсулаларын, егер әлеуетті пайдасы әлеуетті қауіптерден асып түсетіні анықталған жағдайда ғана пайдалану ұсынылады. Жалпы алғанда, бауыр, бүйрек немесе жүрек функциясы төмендеуінің жоғары жиілігін, сондай-ақ қатар жүретін ауруларды немесе басқа да дәрілік емдеуді көрсететін егде жастағы пациент үшін дозаны таңдауды назарға алу ұсынылады.

Бүйрек жеткіліксіздігі бар пациенттер

Бүйрек жеткіліксіздігі бар пациенттерге итраконазолды пероральді қолдану туралы деректер шектеулі. Бүйрек жеткіліксіздігі бар кейбір науқастарда итраконазол экспозициясы төмен болуы мүмкін. Осы препаратты пациенттердің осы тобына тағайындағанда сақтық таныту керек және дозаны түзету мүмкіндігін қарастыру керек.

Естімей қалу

Итраконазол қабылдаған пациенттерде уақытша немесе тұрақты естімей қалу туралы хабарланды. Осы хабарламалардың кейбіреуі қарсы көрсетілімді болып табылатын, хинидиннің бір мезгілде қабылдауын қосқан. Естімей қалу әдетте емдеуді тоқтатқаннан кейін кетеді, бірақ кейбір пациенттерде сақталуы мүмкін.

Иммунитеті төмендеген пациенттер

Иммунитеті төмендеген кейбір пациенттерде (мысалы, нейтропения, ЖИТС немесе трансплантацияланған мүшелері бар пациенттер) итраконазол капсулаларының пероральді биожетімділігі төмендеуі мүмкін. 

Өмірге қауіп төндіретін жүйелі зеңдік инфекциялары бар пациенттер

ТЕКНАЗОЛ® препаратының капсула түріндегі фармакокинетикалық сипаттамаларының салдарынан оны пациенттердің өміріне қауіп төндіретін жүйелі микоздарды емдеу үшін қолдану ұсынылмайды.

ЖИТС-қа шалдыққан науқастар

Қайталану қаупіне ұшырауы мүмкін деп саналатын споротрихоз, бластомикоз, гистоплазмоз немесе криптококкоз (менингиальді және менингиальді емес) сияқты жүйелі зеңдік инфекциямен емделген ЖИТС-пен ауыратын пациенттерде емдеуші дәрігер қолдау көрсететін емнің қажеттілігін бағалауы керек.

Кистоздық фиброз

Муковисцидозы бар пациенттерде итраконазолдың емдік деңгейлерінің өзгергіштігі байқалды. ТЕКНАЗОЛ® препаратымен емге жауап болмаған кезде баламалы емге көшу мүмкіндігін қарастыру керек.

Невропатия

ТЕКНАЗОЛ® капсулаларын қабылдаумен байланысты болуы мүмкін нейропатия дамыған жағдайда препаратты қабылдау тоқтатылуы тиіс.

Көмірсу алмасуының бұзылуы

Фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігінің сирек тұқым қуалайтын проблемалары бар пациенттер бұл дәріні қабылдауға болмайды.

Айқаспалы қарсылық

Жүйелік кандидоз кезінде Candida штаммдарының флуконазолға төзімділігіне күмән болған кезде олар итраконазолға сезімтал деп болжауға болмайды, сондықтан олардың сезімталдығын ТЕКНАЗОЛ® емі басталғанға дейін тексеру керек.

Өзара әрекеттесу потенциалы

Белгілі бір препараттарды итраконазолмен бірге қолдану итраконазолдың және/немесе бір мезгілде қабылданатын препараттың тиімділігінің өзгеруіне, өмірге қауіпті әсерлердің туындауына және/немесе кенеттен өлімге әкелуі мүмкін.Мысалы, итраконазолды CYP3A4 тудыратын агенттермен қолдану итраконазолдың плазмадағы субтерапиялық концентрациясына, демек, емдеудің тиімсіздігіне әкелуі мүмкін. Сонымен қатар, итраконазолды CYP3A4 кейбір субстраттарымен қолдану осы препараттардың қан плазмасындағы концентрациясының жоғарылауына және QT аралығының ұзаруы және қарыншалық тахиаритмиялар, соның ішінде torsades de pointes жағдайлары, ықтимал өлім, аритмия сияқты ауыр және/немесе өмірге қауіп төндіретін жағымсыз реакцияларға әкелуі мүмкін. Дәрігер осы дәрілік заттың плазмадағы концентрациясының жоғарылауы жағдайында туындауы мүмкін елеулі немесе өмірге қауіпті жағымсыз әсерлер туралы қосымша ақпарат алу үшін бірлесіп қолданылатын дәрілік затқа қатысты ақпаратты ескеруі тиіс. Итраконазолмен үйлесімде сақ болу ұсынылатын немесе қарсы көрсетілімді дәрілік заттарды бір мезгілде қолдануға қатысты ұсынымдар.

Қосымша заттар

ТЕКНАЗОЛ® құрамында азорубин (Е 122), патенттелген көк V (Е 131) сияқты бояғыштар бар және 18 жасқа дейінгі балалар мен жасөспірімдерге қолдануға болмайды.

Итраконазол негізінен CYP3A4 арқылы метаболизденеді. Осы изоэнзменттің қатысуымен метаболизденетін немесе оның белсенділігін өзгертетін басқа дәрілік препараттар итраконазолдың фармакокинетикасына әсер етуі мүмкін. Осыған ұқсас итраконазол осы изоферменттің қатысуымен метаболизденетін дәрілік заттардың фармакокинетикасына әсер етуі мүмкін.Итраконазол - CYP3A4 күшті тежегіші, Р-гликопротеин тежегіші, сүт безі қатерлі обырының резистентті ақуыз тежегіші (BCRP). Итраконазолды басқа дәрілік заттармен бірге қолданған кезде метаболизм жолы және дозаларды түзетудің ықтимал қажеттілігі туралы ақпарат алу үшін тиісті нұсқаулықпен танысу ұсынылады.

Қан плазмасындағы итраконазол концентрациясына әсер етуі мүмкін препараттардың мысалдары төмендегі 1-кестеде класс бойынша келтірілген. Қан плазмасындағы концентрациясына итраконазол әсер етуі мүмкін препараттардың мысалдары төмендегі 2-кестеде келтірілген. Өзара әрекеттесулердің көптігіне байланысты өзара әрекеттесетін дәрілік заттардың қауіпсіздігіне немесе тиімділігіне байланысты потенциалды өзгерістер енгізілмеген. Қосымша ақпарат алу үшін өзара әрекеттесетін препаратты қолдану жөніндегі нұсқаулықты қараңыз.

Осы кестелерде сипатталған өзара әрекеттесулер өзара әрекеттесетін препараттар концентрациясының жоғарылау шамасы мен қауіпсіздік бейінін ескере отырып, «қолдануға болмайтын жағдайлар», «ұсынылмайды» немесе «итраконазолмен сақтықпен пайдалану» деп жіктеледі. Аталған дәрілік заттардың потенциалды өзара әрекеттесуі адамдардағы итраконазолдың фармакокинетикалық зерттеулері және/немесе CYP3A4 (мысалы, кетоконазол) және/немесе in vitro басқа күшті тежегіштерімен адамдардағы фармакокинетикалық зерттеулер негізінде бағаланды:

- «Қолдануға болмайтын жағдайлар»: ешқандай жағдайда препаратты итраконазолмен бір мезгілде және итраконазолмен емдеуді тоқтатқаннан кейін екі апта ішінде қолдануға болмайды.

- «Ұсынылмайды»: егер пайда жағымсыз әсерлердің ықтимал жоғары қаупінен асып кетпесе, итраконазолмен емдеуді тоқтатқаннан кейін екі аптаға дейін препаратты пайдаланудан аулақ болу ұсынылады. Егер бір мезгілде енгізуді болдырмау мүмкін болмаса, өзара әрекеттесетін дәрілік заттың күшейту немесе ұзаққа созылған әсер ету белгілері мен симптомдарына немесе жағымсыз әсерлеріне клиникалық мониторинг жүргізу ұсынылады, ал оның дозасын қажеттілігіне қарай азайтуға немесе тоқтатуға болады. Қажет болған жағдайда бір мезгілде енгізілетін дәрілік заттың плазмадағы концентрациясын өлшеу ұсынылады.

- «Сақтықпен қолдану»: дәрілік затты итраконазолмен бір мезгілде қолданғанда мұқият мониторинг жүргізу ұсынылады. Бірге қолданған кезде пациенттерді кез келген белгілерге немесе күшейтілген немесе ұзаққа созылған әсер ету симптомына немесе өзара әрекеттесетін препараттың жағымсыз әсерлеріне мұқият бақылау ұсынылады және қажет болған жағдайда оның дозасын азайту керек.

Осы кестелерде көрсетілген өзара әрекеттесулер итраконазолдың ұсынылған дозаларымен жүргізілген зерттеулерде сипатталды. Алайда, өзара әрекеттесу дәрежесі итраконазолдың дозасына байланысты болуы мүмкін. Артықтау өзара әрекеттесу жоғары дозада немесе дозалаудың қысқа аралығында болуы мүмкін. Басқа дозалау режимдерімен немесе басқа препараттармен нәтижелерді экстраполяциялауды сақтықпен жүргізген жөн.

Емдеуді тоқтатқаннан кейін итраконазолдың плазмадағы концентрациясы дозасына және емдеу ұзақтығына байланысты 7-14 күн ішінде іс жүзінде айқындалмайтын деңгейге дейін төмендейді. Бауыр циррозы бар пациенттерде немесе CYP3A4 тежегіштерін қабылдайтын адамдарда плазмадағы концентрацияның төмендеуі одан да ұзақ болуы мүмкін. Бұл әсіресе итраконазол метаболизміне әсер ететін дәрілік заттармен емдеудің басында өте маңызды.

1-кесте: Препараттар класы бойынша итраконазолдың плазмадағы концентрациясына әсер етуі мүмкін препараттар мысалдары

2-кесте. Қан плазмасындағы концентрациясына итраконазол әсер етуі мүмкін, кластарға бөлінген препараттардың мысалдары.

Пациенттердің ерекше топтары

Балалар

Итраконазолды балаларда қолдану туралы клиникалық деректер шектеулі. Препаратты 18 жасқа дейінгі балаларға қолдануға болмайды, өйткені құрамында бояғыштар бар.

Егде жастағы пациенттерде қолдану

ТЕКНАЗОЛ® препаратын егде жастағы пациенттерде қолдану туралы клиникалық деректер жеткіліксіз болғандықтан, күтілетін пайда ықтимал қауіптен асып түсетін жағдайларды қоспағанда, оны егде жастағы пациенттерге тағайындау ұсынылмайды.

Егде жастағы пациенттерге арналған препараттың дозасы бүйрек, бауыр немесе жүрек функциясының бұзылуын, сондай-ақ қатар жүретін аурулардың болуын немесе басқа дәрі-дәрмекпен емдеуден өтуді назарға ала отырып белгіленуі тиіс.

Бүйрек жеткіліксіздігі бар пациенттерде қолдану

Бүйрек жеткіліксіздігі бар пациенттерде итраконазолдың пероральді дәрілік түрлерін қолдану жөніндегі деректер шектеулі. Бүйрек жеткіліксіздігі бар кейбір науқастарда итраконазолдың әсер ету деңгейі төмен болуы мүмкін. Бұл препаратты бүйрек жеткіліксіздігі бар пациенттерге тағайындаған кезде ерекше сақ болу керек. Дозаны түзету нақты жағдайға байланысты жүзеге асырылуы тиіс.

Бауыр жеткіліксіздігі бар пациенттерде қолдану

Бауыр жеткіліксіздігі бар пациенттерде итраконазолдың пероральді дәрілік түрлерін қолдану жөніндегі деректер шектеулі. Қаралып отырған пациенттер тобын емдеу сақтықпен жүргізілуі тиіс.

Жүктілік

Текназол® өмірге қауіп төндіретін жағдайларды қоспағанда және ана үшін күтілетін оң әсер шаранаға төнетін ықтимал зияннан асып кетсе, жүктілік кезінде қолдануға болмайды.

Жануарларға жүргізілген зерттеулерде итраконазол репродуктивтік уыттылықты көрсетті.

Итраконазолды жүктілік кезінде қолдану туралы ақпарат шектеулі. Маркетингтен кейінгі тәжірибе кезінде туа біткен ауытқулар туралы хабарланбаған. Бұл жағдайларға қаңқа дамуы ақаулары, несеп-жыныс жолдары, жүрек-қантамыр жүйесі және офтальмология, сонымен қатар хромосомалық және бірнеше даму ақаулары қамтылған. Итраконазолмен себеп-салдарлық байланыс анықталмаған.

Жүктіліктің бірінші триместріндегі итраконазолдың әсері туралы эпидемиологиялық деректер - негізінен вулвовагинальді кандидоздан қысқа мерзімді ем алатын пациенттерде - қандай да бір белгілі тератогендердің әсеріне ұшырамаған бақылау субъектілерімен салыстырғанда даму кемістіктерінің жоғары қаупін көрсеткен жоқ.

Бала туу жасындағы әйелдер

Текназол® препаратын қабылдайтын бала туатын жастағы әйелдерге оны аяқтағаннан кейін алғашқы етеккір басталғанға дейін емдеудің барлық курсы бойына контрацепцияның талапқа сай әдістерін пайдалану қажет.

Бала емізу

Итраконазолдың өте аз мөлшері емшек сүтімен шығарылады. Итраконазолмен емдеудің күтілетін артықшылықтарын емшек емізу қаупімен салыстыру керек. 

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бұлыңғыр көру, бас айналу, есту қабілетінің жоғалуы сияқты жағымсыз әсерлердің ықтимал дамуын ескере отырып, көлік құралдарын немесе қауіптілігі зор механизмдерді басқару кезінде сақ болу керек.

Қолдану бойынша ұсынымдар

Дозалау режимі

Ересектер

Қысқа мерзімді қолдану:

Емдеу 4 аптадан аспауы тиіс.

Ұзақ мерзімді қолдану:

Терілік, вульвовагинальді және орофарингеальді инфекцияларда оңтайлы клиникалық және микоздық әсерге ем аяқталғаннан кейін 1 - 4 аптадан соң жетеді, ал тырнақтар зақымдалғанда ем аяқталғаннан кейін 6 - 9 айдан соң қол жеткізіледі. Ол итраконазолдың теріден, тырнақ және шырышты қабықтан шығарылуымен туындаған, қан плазмасынан осы заттың шығарылуына қарағанда баяу жүреді.

Жүйелі зеңдік инфекцияларда емдеу ұзақтығын емдеуші дәрігер емге микологиялық және клиникалық реакцияға байланысты анықтайды:

1 Емдеу ұзақтығы клиникалық реакцияға байланысты түзетілуі тиіс.

Енгізу әдісі мен жолы

Ішке қабылдауғ арналған.

Капсулаларды толыққанды тамақтанудан кейін бірден ішке қабылдаған жөн. Капсулаларды бүтіндей жұтады.

Асқазан сөлінің қышқылдығы төмендеген пациенттерде не ауруға (мысалы, ахлоргидриясы бар пациенттер), не қатар емдеуге байланысты (мысалы, асқазан қышқылдығын төмендететін препараттар қабылдайтын пациенттер), ТЕКНАЗОЛ® капсулаларын қышқыл сусынмен (РН 3,0-ден кем) қабылдау ұсынылады.

Артық дозалану жағдайында қабылдануы қажет шаралар

Симптомдары мен белгілері

Жалпы алғанда, артық дозаланғанда хабарланған жағымсыз құбылыстар итраконазолды қолдану кезіндегі жағымсыз әсерлерге сәйкес келді.  

Емі

Артық дозаланған жағдайда демеуші ем жүргізу керек.Сорбент ретінде белсендірілген көмір беруге болады. Итраконазол гемодиализ кезінде организмнен шығарылмайды. Арнайы антидоты жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Егер сіз осы препаратты қолдану туралы қосымша сұрақтарыңыз болса, дәрігермен немесе фармацевтпен кеңесіңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жиі

- бас ауыруы, іштің ауыруы, жүрек айнуы;

Жиі емес

- синусит, жоғарғы тыныс жолдарының инфекциясы, ринит

- аса жоғары сезімталдық

- диарея, құсу, іш қату, диспепсия, метеоризм, бауыр функциясының бұзылуы

- есекжем, бөртпе, қышыну

- етеккір оралымының бұзылуы;

Сирек

- сарысу ауыруы, ангионевроздық ісіну, анафилаксиялық реакция

- гипертриглицеридемия

- парестезия, гипестезия, дисгевзия

- көрудің бұзылуы (диплопия мен көрудің бұлыңғырлығын қоса), естудің уақытша немесе тұрақты жоғалуы, құлақтың шуылдауы, тремор

- созылмалы жүрек жеткіліксіздігі

- ентігу

- панкреатит, ауыр гепатоуыттылық (өліммен аяқталатын жедел бауыр жеткіліксіздігінің кейбір жағдайларын қоса), гипербилирубинемия

- уытты эпидермальді некролиз

- Стивенс-Джонсон синдромы, жедел жайылған экзантематозды пустулез, көп формалы эритема, эксфолиативті дерматит

- лейкоцитокластикалық васкулит

- алопеция

- жарыққа сезімталдық

- поллакиурия

- эректильді дисфункция

- ісіну

- креатинфосфокиназаның жоғарылауы

Жоғарыда аталған симптомдар пайда болған жағдайда препарат қабылдауды тоқтатып, дереу медициналық көмекке жүгініңіз.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір капсуланың құрамында

белсенді зат – итраконазол микропеллеттері* - 460.00 мг (100.00 мг итраконазолға баламалы)

капсула қабығының құрамы

корпус: қарапайым карамель (Е 150а), желатин

қақпағы: азорубин (Е 122), патенттелген көк V (Е 131), титанның қостотығы (Е171), желатин

** Микропеллеттің құрамы, миллиграмм

белсенді зат - итраконазол-100.0 мг

қосымша заттар: гидроксипропилметилцеллюлоза Е5, эвдрагит Е 100, қанттық сфералар

Қоңыр түсті мөлдір корпусы және қызғылт түсті күңгірт қақпақшасы бар № 0 қатты желатинді капсулалар. Капсулалардың ішіндегісі – ақ немесе ақ дерлік түсті, иісі жоқ сфералық микропеллеттер.

4 немесе 5 капсуладан поливинилхлоридті үлбірден және баспалы алюминий фольгадан жасалған пішінді ұяшықты қаптамада.

1 (4 капсула үшін), 3 немесе 6 (5 капсула үшін) пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге өндіруші фирманың голограммасы бар картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25ºС-ден аспайтын температурада сақтау керек.

Рецепт арқылы

«Нобел Алматы фармацевтикалық фабрикасы» АҚ

Қазақстан Республикасы, Алматы қ., Шевченко к-сі, 162 Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz

Тіркеу куәлігінің иесі

«Нобел Алматы фармацевтикалық фабрикасы» АҚ

Қазақстан Республикасы, Алматы қ., Шевченко к-сі 162 Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы фармацевтикалық фабрикасы» АҚ

Қазақстан Республикасы, Алматы қ., Шевченко к-сі 162 Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz