Танфлекс С горячий напиток порошок д/внутр. прим. №10 (саше)

Танфлекс С ыстық сусын

Жоқ

Ішке қабылдау үшін ерітінді дайындауға арналған ұнтақ

Жүйке жүйесі. Аналгетиктер. Басқа  аналгетиктер және антипиретиктер. Анилидтер. Парацетамол, психолептиктерді қоспағанда біріктірілімдер

АТХ коды N02ВЕ51

- Танфлекс С ыстық сусын тұмауда, суық тиіп ауырғанда және синуситте мұрынның бітелуі, бас ауыруы, қызба, дененің ауыру симптомдарын жеңілдету үшін қолданылады.

Қолдануды бастағанға дейін қажетті мәліметтер тізбесі

- препараттың әсер етуші заттарына немесе қосымша заттарының кез келгеніне аса жоғары сезімталдық

- бауыр функциясының ауыр бұзылуы (бауыр циррозы және асцит)/жедел гепатит немесе бауырдың белсенді декомпенсацияланған аурулары

- бүйрек функциясының ауыр бұзылуы (креатинин клиренсі <30 мл/мин)

- тұқым қуалайтын конституциональді гипербилирубинемия (Меуленграхт ауруы)

- жүрек және қан айналымы жүйесінің ауыр аурулары

- гипертония

- феохромоцитома

- гипертиреоз

- қуық асты безінің несеп қалдығы түзілетін қатерсіз гиперплазиясы

- гемолиздік анемия

- жабық бұрышты глаукома

- алкогольді шамадан тыс пайдалану

- МАО тежегіштерімен бір мезгілде емдеу немесе алдындағы 2 апта бойы емдеу

- трициклды антидепрессанттармен қатарлас емдеу

- β-адреноблокаторлармен қатарлас емдеу

- басқа симпатикомиметиктермен бір мезгілде емдеу

- эпилепсиясы бар науқастар

- жүктілік

- лактация кезеңі

- 18 жасқа дейінгі балалар.

Бүлінген пакеттердегі дәріні пайдаланбаған жөн, ұсынылған дозаны арттыруға және препаратты 3 күннен артық қабылдауға болмайды.

Бауырдың уытты зақымдануына жол бермеу үшін препаратты алкоголь ішімдіктерін қолданумен біріктірмеген жөн.

Ұзақ уақыт бойы қабылданатын парацетамолдың үлкен дозалары бауыр функциясының қайтымсыз жеткіліксіздігімен бірге аналгезиялық нефропатияны туындатуы мүмкін.

Қуықасты бездерінің гипертрофиясы және қалқанша без аурулары бар болған кезде препаратты сақтықпен қабылдаған жөн. Фенилэферин спортшыларда допинг-бақылау кезінде жалған оң нәтиже беруі мүмкін.

Фенилэфриннің қантамырларды тарылтатын ықтимал әсеріне байланысты, осы препаратты 70 жастан асқан пациенттерге сақтықпен қолданған жөн.

Аскорбин қышқылының жоғары дозаларын қабылдау несепте оксалаттар деңгейінің жоғарылауына әкеледі, бұл бүйректе кальций оксалатының түзілуіне әкелуі мүмкін. Бүйрек функциясы төмендеген немесе анамнезінде тастары бар пациенттерде осы құбылыстар дамуы ықтимал.

Үлкен дозаларды қабылдау гемохроматозы, талассемиясы, полицитемиясы, лейкемиясы немесе сидеробластты анемиясы бар пациенттерде қауіпсіз емес, өйткені аскорбин қышқылы темірдің сіңуін арттырады. Темірдің мөлшері шамадан тыс болғанда аскорбин қышқылы ең аз мөлшерде қабылдануы тиіс.

Аскорбин қышқылын қабылдау глюкоза-6-фосфат дегидрогеназа (Г6ФД) жеткіліксіздігі бар пациенттерде гемолизге әкеп соғуы мүмкін, сондықтан оны қолданған кезде сақ болу қажет.

Парацетамол

Парацетамолдың сіңу жылдамдығы метоклопрамидті немесе домперидонды қабылдаған кезде жоғарылайды және пропантелинді немесе холестираминді қабылдаған кезде төмендейді. 3 типті серотонин рецепторларының антагонистері трописетрон және гранисетрон парацетамолдың аналгезиялық әсерін фармакодинамикалық өзара әрекеттесулер арқылы толық тежеуі мүмкін. Парацетамолды және азидотимидинді (АЗТ-зидовудин) бірге қолдану нейтрофилдер санының төмендеуіне (нейтропения) үрдісті арттырады. Демек, парацетамол және АЗТ препараттарын дәрігердің тағайындауынсыз бірге қабылдау ұсынылмайды.

Шілтер жапырақты шайқурай (Hypericum perforatum) қанда парацетамолдың деңгейін төмендетуі мүмкін. Варфариннің және басқа да кумариндердің антикоагулянттық потенциалы парацетамолды ұзақ уақыт күн сайын қолданғанда жоғарылап, қан кетулердің даму қаупінің ұлғаюына әкелуі мүмкін. Сирек жағдайларда елеулі ықпал етулер байқалмайды.

Фенилэфрин гидрохлориді

МАО тежегіштерін және МАО қайтымды тежегіштерін қабылдап жүрген пациенттерге Танфлекс С ыстық сусын препаратын қолданбаған жөн. Трициклді антидепрессанттармен, тәбетті басатын препараттармен, симпатомиметикалық препараттармен (деконгестанттармен, тәбетті басатын препараттармен, және амфетамин тәріздес психостимуляторлармен) және симпатомиметикалық аминдердің катаболизміне ықпалын тигізетін МАО тежегіштерімен (фуразолидонды қоса) бірге қолдану кейбір жағдайларда артериялық қысымның жоғарылауына соқтыруы мүмкін. Моклобемидпен және окситоцинмен қатар қолдану артериялық қысымның жоғарылауына әкелуі мүмкін. Жүрек гликозидтері және эрготаминді алкалоидтар ырғақтың бұзылуын және эрготизмнің даму қаупін туындатуы мүмкін.

Фенирамин малеаты

Алкогольмен және классикалық антигистаминдік препараттармен (седативті әсері бар) бірге қолдағанда седацияның даму қаупі ұлғаяды. Седативті реакциялар седативті емес антигистаминдік препараттармен бірге қабылдаған кезде аз дәрежеде көрініс береді. Жергілікті қолдануға арналған (ингаляциялықты қоса) антигистаминдік препараттар осындай реакцияларды туындатпайды. Фенирамин малеатының эпилепсияға қарсы препараттармен және ұйқыны реттейтін және үрейленуді емдеуге арналған препараттармен біріктірілімін сақтықпен қабылдаған жөн.

Аскорбин қышқылы

Ішуге арналған контрацептивтер С дәруменінің сарысулық деңгейін төмендетеді. Ацетилсалицил қышқылы, дисульфирам, мексилетин, темір, фенитоин, барбитураттар және тетрациклин С дәруменінің элиминациясын арттырады. Аскорбин қышқылы флуфеназинмен және варфаринмен өзара әрекеттесуге түседі.

Аскорбин қышқылының жоғары дозаларын қабылдау несептің қышқылдылығының жоғарылауына әкеледі, ол қышқылдық рН препараттардың өзекшелік кері сіңуіне, олардың деңгейінің жоғарылауына және жағымсыз реакциялардың дамуына әкеледі. Сілтілік рН препараттарды қабылдау олардың кері сіңуінің төмендеуіне және емдік әсерінің төмендеуіне әкеледі.

Бүйрек / бауыр жеткіліксіздігі бар пациенттер

Препаратты бүйрек/бауыр жеткіліксіздігі бар пациенттерге қолдануға болмайды.

Жүктілік және лактация кезеңі

Жүктілік кезінде Танфлекс С ыстық сусын препараты дәрігердің тағайындауынсыз қолданылмауы тиіс.

Лактация кезінде Танфлекс С ыстық сусын препаратын дәрігердің тиісті нұсқауынсыз қолдану ұсынылмайды. Фенилэфрин және аскорбин қышқылы емшек сүтіне өтеді.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Препаратты қабылдаған кезде автомобильді немесе басқа да механизмдерді басқару ұсынылмайды, өйткені препарат транквилизаторларды және седативтік дәрілерді қабылдаған кезде күшейетін ұйқышылдықты туындатуы мүмкін.

Дозалау режимі

Ересектерге (егде жастағыларды қоса) әрбір 6 сағат сайын 1 сашеден қабылдау ұсынылады. Қабылданатын сашелердің ең жоғары мөлшері күніне 4-тен аспауы тиіс. 7 күннен көбірек қабылдағанда тиімділігі болмаған жағдайда дәрігерге қаралу қажет.

Танфлекс С тек пероральді түрде қолдануға арналған.

Сашенің ішіндегісін стаканға салып, ыстық суда араластыру арқылы еріту және ыстықтай ішу керек.

Парацетамол

Ересектерде 7,5-10 г және дене салмағына қарай 140-200 мг/кг балаларда парацетамол қабылдаған кезде жедел артық дозалануы туындайды. Ересек пациенттерде, балаларда, алкогольді шамадан тыс қолданғанда бауыр аурулары бар пациенттерде, дұрыс тамақтанбағанда немесе бауыр ферменттерін индукциялайтын препараттарды бір мезгілде қабылдағанда артық дозалануының қаупі жоғары болады.

Симптомдары және белгілері: парацетамолдың артық дозалануының алғашқы белгілеріне бозару, анорексия, жүректің айнуы және құсу жатады. Бауыр некрозы парацетамолдың артық дозалануының дозаға тәуелді асқынуы болып табылады. Белдің айқын ауыруы, гематурия және протеинурия болатын бауыр некрозы бар бүйректің жедел жеткіліксіздігі бауырдың ауыр зақымдануынсыз дамуы мүмкін. Жүрек ырғағы бұзылуы және панкреатит болуы ықтимал. Ауыр жағдайларда бауыр жеткіліксіздігі, энцефалопатия, гипогликемия, қан кетулер, мидың ісінуі және өлім жағдайы болуы мүмкін.

Емі: кешірек болатын гепатоуыттылық сиптомдары дамуының профилактикасы үшін, парацетамолдың артық дозалануын дереу емдеу қажет. Осы мақсатта сіңу дәрежесін төмендетуге қатысты шараларды (асқазанды шаю немесе белсендірілген көмір қабылдау) жүргізеді, вена ішіне N-ацетилцистеин енгізеді немесе метионинді пероральді түрде қабылдайды. Егер пациентте құсу байқалса немесе белсендірілген көмірмен конъюгация болса, метионинді қабылдамаған жөн. Парацетамолды ең жоғары плазмалық концентрациясына жеткізуді артық дозаланудан кейін 4 сағатқа дейін ұзартуға болады. Демек, гепатоуыттылыққа жол бермеу үшін, препаратты қабылдағаннан кейін, ең жоқ дегенде, 4 сағат бойы парацетамолдың плазмалық концентрациясын қадағалау қажет. Парацетамол қанда сақталғанда немесе препаратты қабылдағаннан кейін ұзақ уақыт өткен жағдайда демеуші шаралар (әрі қарай метионинді пероральді түрде қабылдау немесе N-ацетилцистеинді вена ішіне енгізу) қажет. Ұзақ уақыт бойы алкогольге тәуелді немесе тамақтанудың созылмалы жеткіліксіздігі бар, бауыр ферменттерін индукциялайтын дәрілік препараттарды қабылдап жүрген пациенттерге қабылдап жүрген N-ацетилцистеиннің дозасын 30-50%-ға төмендету ұсынылады. Осы пациенттер парацетамолдың уытты әсеріне сезімталдау болуы мүмкін. Бауырдың фульминантты жеткіліксіздігі мамандандырылған шараларды қажет етеді.

Фенилэфрин гидрохлориді

Симптомдары: артық дозалану белгілері жағымсыз реакциялар бөлімінде сипатталғандармен ұқсас. Қосымша ретінде гипертензия симптомдары дамуы мүмкін, және рефлекторлы брадикардия да болуы ықтимал. Ауыр жағдайларда сананың шатасуы, елестеулер, құрысулар және аритмия дамуы мүмкін. Бұған қосымша, фенилэфриннің күрделі уыттылығының дамуы үшін парацетамолмен уыттылықтың дамуына қажетті дозадан көп есе артық дозалар қажет болады.

Емі: талапқа сай ем жүргізу қажет. Ауыр гипотензия фентоламин сияқты α-адреноблокаторлармен емдеуді қажет етеді.

Фенирамин малеаты

Тәуліктік дозадан 3-5 есе артық дозаларды пероральді түрде пайдалану уыттанудың дамуына әкеледі. Балалар антигистаминдердің антихолинергиялық уытты әсеріне өте сезімтал келеді. Симптомдар мен белгілері седацияны, ОЖЖ парадоксальді қозуын, уытты психозды, құрысуларды, апноэні, антихолинергиялық біліністерді, дистонияны, аритмияны және коллапсты қамтиды. Өлімге әкелетін доза дене салмағының әр кг шаққанда 25-50 мг құрайды. Қажет болған жағдайда өмірлік қызметтерді демеуге қатысты негізгі және спецификалық шаралар жүргізіледі. Ырғақсыз қарыншалар фибрилляциясы кезінде дефибрилляцияны бастау қажет. Артық дозалану симптомдарының дамуы антихолинергиялық әсерлердің салдарынан кешірек дамуы мүмкін болғандықтан, симптомдары жоқ пациенттер, ең жоқ дегенде, 6-8 сағат бойы бақылауда болуы тиіс. Гипотензия және аритмия қарқынды емді қажет етеді. Бақылау кезеңінде кома, құрысулар, гипертермия және тахикардия дамуы мүмкін.

Аскорбин қышқылы

Аскорбин қышқылын жоғары дозаларда (˃3000 мг) қабылдау асқазан-ішек тарапынан өткінші осмостық диарея, жүректің айнуы, және абдоминальді ауыру сияқты симптомдардың дамуына әкеп соғуы мүмкін. Аскорбин қышқылының артық дозалануының ықпалы парацетамолдың артық дозалануының әсерін күшейтеді, бұл бауырдың ауыр уыттануының дамуына әкеледі.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсыныстар

Егер сізде осы препаратты қолдану туралы қосымша сұрақтар туындаса, дәрігермен кеңесіңіз.

Жиі

- ұйқышылдық

- жүрек айнуы және құсу

Жиі емес

- эритематозды немесе уртикарлы тері реакциялары және терінің қызаруы

Сирек

- негізі аллергиялық тромбоцитопения (кейде көгерулер және қан кетулер пайда болатын), лейкопения, агранулоцитоз, панцитопения, нейтропения, гемолиздік анемия

- ангионевроздық ісіну түріндегі аллергиялық реакциялар (Квинке ісінуі), тыныс алу жеткіліксіздігі, бронх түйілуі, тершеңдік ұстамалары, жүрек айнуы, АҚ шок жай-күйіне жеткенге дейін төмендеуі.

Ацетилсалицил қышқылынан туындаған демікпемен немесе ацетилсалицил қышқылының жағымсыздығы деп аталатын басқа көріністері болатын кейбір пациенттерде (5-10%) парацетамолға осыған ұқсас реакция болуы мүмкін (анальгетиктер тудыратын демікпе)

- бас айналуы, бас ауыруы

- қозу, ұйқының бұзылуы

- тахикардия, жүрек соғуының жиілеуі, артериялық гипертензия

- ауыз құрғауы, іш қатуы, диарея немесе асқазандағы ауырлық сезімі

- бауыр ферменттерінің белсенділігі жоғарылауы

- бөртпе, қышыну

Өте сирек

- Стивенс-Джонсон синдромы және уытты эпидермалық некролиз (Лайелл синдромы) сияқты күрделі тері реакцияларының жағдайлары бақыланды

Белгісіз (қолда бар мәліметтер негізінде бағалау мүмкін емес)

- анафилаксиялық реакция

Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір сашенің ішінде

белсенді заттар: 10 мг фенилэфрин гидрохлориді,

20 мг фенирамин малеаты,

50 мг аскорбин қышқылы,

500 мг парацетамол

қосымша заттар: лимон хош иістендіргіші, сукралоза, сусыз лимон қышқылы, сусыз натрий дигидроген цитраты, макрогол 8000 (микрондалған полиэтиленгликоль 8000), маннитол SD 200, D&C Сары №10 (Е 104).

Сыртқы түрінің, иісінің, дәмінің сипаттамасы

Бөгде бөлшектері жоқ ақ немесе ақшыл ұнтақ тәрізді қоспа.

Көп қабатты үлбірден: полиэтилентерефталаттан/алюминий фольгадан/тығыздығы төмен полиэтиленнен жасалған сашеге 5.0 г ұнтақтан салынған.

10 сашеден медицинада қолдану жөніндегі мемлекеттік және орыс тілдеріндегі нұсқаулықпен бірге картон қорапшаға қоса салынады.

3 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«ABDI IBRAHIM», Orhan Gazi Mahallesi, Tunç Caddesi No:3, Стамбул, Түркия, тел.: +90 212 366 84 00, электронды пошта: info@abdiibrahim.com.tr

«ABDI IBRAHIM», Reşitpaşa Mahallesi Eski Büyükdere Caddesi No:4, Maslak-Sarıyer – 34467 Стамбул, Түркия, тел.: +90 212 366 84 00, электронды пошта: info@abdiibrahim.com.tr

«Абди Ибрахим Глобал Фарм» ЖШС

Қазақстан Республикасы, Алматы обл., Іле ауд., Өндіріс аймағы 282, тел.: +7 (727) 356-11-00, 8-800-070-1100, электронды пошта: info@aigp.kz