Солпадеин Актив таблетки шип. №12 (3 блистера х 4 таблетки)

Солпадеин Актив

Жоқ

Еритін таблеткалар

Жүйке жүйесі. Анальгетиктер. Басқа анальгетиктер және антипиретиктер. Анилидтер. Парацетамол, біріктірілімдері, психолептиктерді қоспағанда.

АТХ коды N02BE51

Солпадеин Актив ересектер, жасөспірімдер және 12 жастан асқан балаларда ауырлығы жеңіл және орташа ауыру синдромы кезінде қолданылады:

- бас ауыруы, бас сақинасы

- тістің ауыруы

- арқаның ауыруы

- ревматизмдік ауыру

- тамақтың ауыруы

- ауырсынумен жүретін етеккірлер

- қызба синдромы кезінде: суық тию аурулары мен тұмау кезінде температураның жоғарылауы және ауыру.

Қолданудың басталуына дейінгі қажетті мәліметтер тізбесі

- парацетамолға, кофеинге немесе кез-келген қосымша заттарға аса жоғары сезімталдық

- жүктілік және бала емізу кезеңі

- 12 жасқа дейінгі балалар

Қолдану кезіндегі қажетті сақтық шаралары

Құрамында парацетамол бар. Құрамында парацетамол бар басқа препараттармен бір мезгілде қолдануға болмайды. Құрамында парацетамол бар басқа препараттармен бір мезгілде қабылдау артық дозалануға әкелуі мүмкін.

Парацетамолмен артық дозалау бауырдың қайтымсыз зақымдануын туындатуы мүмкін, бұл бауыр трансплантациясына немесе өліммен аяқталған жағдайға әкелуі мүмкін.

Егер ұсынылған дозаны арттырған жағдайда, өзіңізді жақсы сезінсеңіз де, дереу дәрігерге хабарлауыңыз керек.

Парацетамолдың сіңу жылдамдығын метоклопрамид пен домперидон жоғарылатады, ал колестирамин төмендетеді. Парацетамол ұзақ уақыт бойы қабылдаған кезде тікелей емес антикоагулянттардың (варфарин және басқа кумариндер) әсерін күшейтеді, бұл қан кету қаупін жоғарылатады. Препаратты тұрақты қабылдамау ол әсерді көрсетпейді.

Кофеин литийдің шығарылуын арттыруы мүмкін, сондықтан мұндай препараттарды бір уақытта қабылдауға болмайды.

Бауырдың қатар жүретін аурулары парацетамолмен астасқан бауырдың зақымдану қаупін арттырады. Бауырдың созылмалы алкогольді цирроздық емес ауруы бар пациенттерде артық дозалану қаупі жоғары. Бауырдың немесе бүйректің созылмалы аурулары бар пациенттерге препаратты қабылдар алдында дәрігермен кеңесу қажет.

Сондай-ақ глутатион деңгейі төмендеген пациенттерде бауыр функциясының бұзылу жағдайлары (мысалы, жүдеу кезінде, анорексияда, дене салмағының төмендеген индексінде, алкогольді созылмалы шамадан тыс тұтынуда) туралы хабарламалар болған.

Глутатион деңгейін төмендететін жағдайда (мысалы, сепсис кезінде) парацетамолды қабылдау метаболизмдік ацидоздың туындау қаупін ұлғайтады.

Төмендегі симптомдар бірігуі:

- терең, жиі, қиын тыныс алу

- өзін нашар сезіну (жүрек айну, құсу)

- тәбеттің болмауы

байқалған кезде дәрігерге жүгіну керек.

Препаратты қолдану кезінде құрамында кофеин бар сусындарды (мысалы, кофе, шай және кейбір сергітетін сусындар) артық мөлшерде қабылдауға болмайды. Кофеинді шамадан тыс тұтыну ұйқының бұзылуына, мазасыздыққа, жүректің жиі соғуына әкелуі мүмкін.

Әр таблетканың құрамында 427 мг натрий бар, бұл ДДҰ ұсынған ересектерге арналған натрийдің ең жоғары тәуліктік дозасының (2 г) 21,35%-ына баламалы.

Педиатрияда қолдану

12 жасқа дейінгі балаларға қолдануға болмайды.

Жүктілік немесе лактация кезінде

Жүктілік кезінде қабылдауға болмайды, себебі жаңа туған нәрестелердің дене салмағының төмендеуі, сондай-ақ кофеин қолданумен байланысты өздігінен түсік тастаудың потенциалды  қаупі бар.

Кофеин емшек сүтінде балаға стимуляциялайтын әсер көрсететіндіктен, бала емізу кезеңінде  препаратты қабылдауға болмайды. Дегенмен, айтарлықтай уытты әсер байқалмады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автомобиль жүргізу және механизмдермен жұмыс істеу бойынша шектеулер жоқ.

Қолдану бойынша ұсынымдар

Дозалау режимі

Солпадеин Актив еритін таблеткаларын ішке қабылдар алдында кемінде жарты стақан суда еріту керек.

Ересектер (егде жастағыларды қоса) және 16 жастан асқан балалар: қажет болғанда, ішке 2 таблеткадан, әрбір 4-6 сағат сайын қабылдау керек. 4 сағаттан жиі қабылдауға болмайды. Ең жоғары бір реттік доза – 2 таблетка. 24 сағат ішінде 8 таблеткадан артық қабылдауға болмайды.

12-15 жастағы балалар: қажет болғанда, ішке 1 таблеткадан, әрбір 4-6 сағат сайын қабылдау керек. 4 сағаттан жиі қабылдауға болмайды. Ең жоғары бір реттік доза – 1 таблетка. 24 сағат ішінде 4 таблеткадан артық қабылдауға болмайды.

Препаратты дәрігердің тағайындауынсыз және қадағалауынсыз 3 күннен артық қабылдауға болмайды. Егер симптомдар сақталса, дәрігерге жүгініңіз.

Ұсынылған дозадан асырмаңыз.

Әсерге қол жеткізу үшін қажетті ең төменгі дозаны қабылдау керек

Артық дозаланғанда қабылдануы қажет шаралар

Ересек пациенттерде 10 г немесе одан артық парацетамол қабылдау бауырдың зақымдалуына әкелуі мүмкін.

Тері жабынының бозаруы, жүрек айну, құсу, анорексия және іштің ауыруы алғашқы 24 сағат ішінде парацетамолмен артық дозаланудың симптомдары болып табылады.

Егер ұсынылған дозадан асып кеткен жағдайда, өзіңізді жақсы сезінсеңіз де, дереу дәрігерге хабарлауыңыз керек.

Қажет болған жағдайда дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады

Дәрілік препаратты стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Өте сирек

- тромбоцитопения

- агранулоцитоз

- анафилаксиялық реакциялар

- тері бөртпесі, ангионевроздық ісіну, Стивенс-Джонсон синдромын, уытты эпидермалық некролизді қоса, терінің аса жоғары сезімталдық реакциялары

- ацетилсалицил қышқылы мен басқа ҚҚСД  жоғары сезімталдығы бар пациенттерде бронх түйілуі 

- бауыр функциясының бұзылуы

Белгісіз (қолда бар деректер негізінде бағалау мүмкін емес)

- бас айналу

- бас ауыруы

- жүрек қағысының жиілеуі   

- ұйқысыздық

- мазасыздық

- үрейлену сезімі және ашушаңдық, күйгелектік

Құрамында кофеин бар тамақ өнімдерімен бір мезгілде қабылдау кофеинмен байланысты жағымсыз реакциялардың ықтималдығын арттыруы мүмкін.

Жоғарыда аталған реакциялар, сондай-ақ қабыршықтану, ауыз қуысының ойық жаралары, тыныс тарылуы, гематома, қан кетулер немесе препаратқа басқа да  кез келген жағымсыз реакциялары пайда болғанда препаратты тоқтатып, дереу дәрігерге қаралу керек.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді заттар: парацетамол (ұнтақ тәрізді) 500 мг,

сусыз кофеин 65 мг,

қосымша заттар:сорбитол, натрий сахарині, натрий гидрокарбонаты (өте жұқа бикарбонат), повидон К25, натрий лаурилсульфаты, диметикон, сусыз лимон қышқылы, сусыз натрий карбонаты, тазартылған су.

Дөңгелек пішінді, беті жалпақ және шеттері қиғашталған, бір жағында сызығы бар ақ түсті таблеткалар.

4 таблеткадан ламинацияланған ұяшықсыз қаптамада (крафт-ағартылған қағаз/полиэтилен/алюминий фольга/полиэтилен немесе шыны жабыны бар қағаз/полиэтилен/алюминий фольга/сурлин).

4 таблеткадан 3 ұяшықсыз қаптамадан медициналық қолдану жөніндегі қазақ және орыс тілдеріндегі нұсқаулықпен картон қорапқа салынады.

4 жыл

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

GlaxoSmithKline Dungarvan Limited, Ирландия

Knockbrack, Dungarvan, County Waterford, Republic of Ireland

Тел/факс: +3535820257

Эл. пошта: www.gsk.com

Haleon UK Trading Limited, Ұлыбритания.

Вейбридж, Ұлыбритания.

+442080473834

www.haleon.com

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Haleon Kazakhstan» ЖШС.

Алматы қ., Манас көш., 32А

тел. +7 (727) 2446999

факс +7(727) 2446997.

SafetyReportingEMEA@haleon.com (жағымсыз құбылыстар туралы хабарламалар үшін)

CIS.LOC-PQC@haleon. (препараттың сапасына шағымдану туралы хабарламалар үшін)