Регидрон Оптим

Регидрон Оптим

Жоқ

Ішке қабылдау үшін ерітінді дайындауға арналған ұнтақ 10,7 г

Ас қорыту жолы және зат алмасу. Диареяға қарсы, ішекке арналған қабынуға қарсы және микробқа қарсы препараттар. Көмірсу қосылған электролиттер. Ішу арқылы қабылдауға арналған регидратанттар.АТХ коды А07СА

- жеңіл және орташа сусызданумен байланысты жедел диареядағы оральді регидратацияда

- сусызданудың алдын алуда

- организмдегі сұйықтық пен электролиттердің орнын толтыруда

Қолданудың басталуына дейінгі қажетті мәліметтер тізбесі

-әсер етуші заттарға немесе қандай да бір қосымша заттарға өте жоғары сезімталдық

-ауыр дегидратация

-гиповолемиялық шок

-гемодинамикалық шок

-ішек бітелісі

-тоқтаусыз құсу

Регидрон Оптим препаратын ішек жолы бітелісінде, олигоурия немесе анурия кезеңіндегі бүйрек функциясының жеткіліксіздігі жағдайында, парентеральді регидратациялық терапияда  немесе басылмайтын құсуда абайлап қолданады.

Дәрігердің араласуын қажет ететін Регидрон Оптим препаратын қолданған кездегі жағдайлар:

- пациенттің психикалық жай-күйінің өзгеруі (ашушаңдық, апатия, әлсіздік)

- қызба (39 °С-ден жоғары температура)

- нәжісте қанның болуы

- басылмайтын құсу

- диарея 2 күннен астамға созылады

- іштің қатты ауыруы

Тырысқақ және басқа да қоздырғыштар әсерінен туындаған диареяны емдеген кезде аурумен байланысты шамадан тыс жоғалған тұздың орнын алмастыру үшін препараттағы тұз мөлшері жеткіліксіз болуы мүмкін.

Регидрон Оптим препаратының басқа препараттармен өзара әрекеттесуі жөнінде ақпарат жоқ. Препарат ерітіндісінің рН  – сілтілігі аз, сондықтан сіңуі ішектегі рН-қа байланысты болатын дәрілік препараттарға әсер етуі мүмкін. Сондай-ақ дәрілік заттың сіңірілуі негізінен аш немесе тоқ ішекте сіңетін немесе олардың ішек-бауыр айналымында жүретін препараттар  диарея  кезінде өзгеріске ұшырауы мүмкін.

Регидрон Оптим препаратымен қант диабеті бар науқастарды, бауыр немесе бүйрек аурулары бар пациенттерді, сондай-ақ натрий мен калийдің шектеулі мөлшерімен диета ұстанатын пациенттерді емдеген кезде сақ болу керек. Диабеті, бүйрек функциясының жеткіліксіздігі немесе кейбір созылмалы аурулары бар пациенттерде диарея сұйықтық пен глюкоза  теңгеріміне елеулі ықпалын тигізуі мүмкін. Сондықтан диарея симптомдары әлі де сақталса, мұндай  пациенттер зертханалық бақылау мен стационарлық жағдайда ауруханалық регидратациялық еммен бірге өте мұқият мониторингілеуді қажет етеді.

Басқа

Дәрілік препараттың құрамында 0.019 г/пакет калий бар (20 ммоль/л). Бүйрек функциясы төмендеген немесе тағаммен түсетін калийдің мөлшері бақыланатын адамдарда сақтықпен тағайындалу керек.

Дәрілік препараттың құрамында 6.75 г/пакет глюкоза бар. Глюкоза-галактоза мальабсорбциясы бар пациенттер аталған препаратты қабылдауға болмайды.

Дәрілік препараттың құрамында 0.851 г/пакет натрий бар (75 ммоль/л). 391 мг (17 ммоль) ДДҰ ұсынған натрийдің тәуліктік тұтынуының 20%-ына баламалы, яғни құрамында натрий мөлшері жоғары препарат. Тұзсыз диетаны сақтанатын адамдарда сақтықпен тағайындалу керек. Педиатрияда қолдану

Емшек еметін жастағы балаларда жедел диарея сусыздануды және электролиттік бұзылыстарды туындатуы ықтимал, бұл пациенттің жай-күйінің тез нашарлауына әкелуі мүмкін. Емшек еметін жастағы балалардағы диарея мен дегидратацияның барлық жағдайлары жөнінде, мүмкіндігінше, тезірек дәрігерге хабарлау керек.

Жүктілік және лактация кезеңі

Препаратты жүктілік және бала емізу кезеңінде ұсынылған дозада қолдануға рұқсат етілген. Баланы  емізуді қажетінше, тіпті пероральді регидратация барысында да жалғастыра беруге болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын басқару және басқа да механизмдермен жұмыс істеу кезінде реакция жылдамдығына әсер етпейді.

Қолдану бойынша ұсынымдар

Дозалау режимі

1 пакеттің ішіндегісін қайнатылған, бөлме температурасына дейін салқындатылған судың 0,5 литрінде ерітеді және ерітіндіні пероральді түрде қабылдайды.

Жеңіл және орташа сусыздануды емдеу (орнын алмастырушы ем):

Препарат дозасы пациенттің дене салмағына және сусыздану дәрежесіне байланысты  және дене салмағының әр кг-на  шаққанда 50-100 мл препарат ерітіндісін құрайды. Организмдегі сұйықтық тапшылығын жою үшін Регидрон Оптим препаратын 4 сағат бойы қабылдау керек.

Егер орнын алмастырушы емді енгізгеннен кейін диарея симптомдары сақталса, Регидрон Оптим ерітіндісін қолдану демеуші ем ретінде жалғастырылады. Жеңіл және орташа сусыздану кезінде ересектер мен балаларға препаратты кестеде келтірілген деректерге сәйкес қабылдау керек:

Жүрек айнығанда және құсқанда салқындатылған ерітіндіні азғана, қайталанатын дозаменқабылдаған дұрыс. Қажет болғанда алдымен ерітіндінің азғана мөлшерін(мысалы, шәй қасықты, шприцті немесе тостағанды пайдалана отырып) қолдану керек, дозаның жағымдылығына қарай біртіндеп арттыруға болады. Препаратты жедел енгізу қауіпсіз, бірақ көп мөлшерде енгізгенде құстыруы мүмкін. Орнын алмастыратын ем ретінде (алғашқы төрт сағатта), пациентке басқа ешқандай тағам беруге болмайды; алайда, бала емізуді сәбидің қалауы бойынша жалғастырылуы мүмкін (сондай-ақ орнын алмастырушы оральді ем кезінде де).

Регидрон Оптим препаратымен емдеген кезде басқа сұйықтықтарды қолдануға болады, бірақ құрамында қанты көп сұйықтықтардан аулақ болу қажет, өйткені қанттың жоғары концентрациясы диареяны күшейтуі мүмкін.

Дегидратацияның профилактикасы (демеуші ем):

Организмнен сұйықтықтың жоғалуына жол бермеу үшін және демеуші ем ретінде өте төменірек  дозаларды қолданады.

Регидрон Оптим препаратымен емді диареяның басында бастау қажет. Әдетте препаратты 3-4 күннен асырмай қабылдау керек, оны диарея аяқталғаннан кейін тоқтату қажет.

Препарат дозасы дене салмағына байланысты. Сусызданудың профилактикасы үшін доза дене салмағының  5-15 мл/кг құрайды:

- дене салмағы 10 кг-ге дейінгі балалар:  іштің сұйықтықтан әрбір босауынан кейін 50-100 мл препарат ерітіндісін;

- дене салмағы 10 кг-ден жоғары ересектер мен балалар: іштің сұйықтықтан әрбір босауынан кейін 100-200 мл препарат ерітіндісін.

Регидрон Оптимді қолданғанда басқа сұйықтықтарды және тағамды қолдануға болады.

Енгізу әдісі мен жолы

Пероральді. Қажет болғанда ерітіндіні дәрігердің қадағалауымен назогастральді зонд арқылы енгізуге болады.

Артық дозаланғанда қабылдануы қажет шаралар

Симптомдары: Регидрон Оптим препаратының шамадан тыс мөлшерін немесе өте концентрациялы  ерітіндісін енгізген кезде бүйрек функциясының бұзылуы бар пациенттерде гипернатриемия немесе гиперкалиемия дамуы мүмкін.

Емі: симптоматикалық.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Қолданар алдында дәрілік препаратты қолдану тәсілін түсіндіру үшін дәрігер немесе фармацевт кеңесіне жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Белгісіз

- құсу (үлкен дозада бір уақытта қабылдағанда)

- бүйрек функциясы қалыпты пациенттерде гипернатриемияның немесе  гипергидратацияның туындау ықтималдығы төмен

Ұсынылған дозаны ұстанған кезде жағымсыз реакциялардың пайда болуы екіталай.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір пакеттің ішінде

белсенді заттар: 0,750 г калий хлориді,

1,300 г натрий хлориді ,

1,450 г натрий цитраты,

6,750 г глюкоза.

қосымша заттар: калий ацесульфамы, лимон хош иістендіргіші.

Сыртқы түрінің, иісінің, дәмінің сипаттамасы

Лимонға тән иісі бар ақ немесе ашық-сары түсті кристалды ұнтақ.

10,7 г ұнтақтан ламинацияланған пакетте: ішкі және сыртқы жағында қағаз жабыны, полиэтилен қабаты, алюминий қабаты және иономерлік жабыны бар.

20 пакеттен медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл

Жарамдылық мерзімі өткеннен кейін қолдануға болмайды.

15 °C-ден 25 C-ге дейінгі температурада сақтау керек.

Дайын ерітіндіні 2 °C-ден 8 °C-ге дейін температурада 24 сағат бойы сақтау керек.

Балалардың қолы жетпейтін жерде сақтау керек!

Рецептісіз

Рецифарм Паретс, С.Л.У.,

Сантьяго Рамон және Кахаль, 2, Паретс дел Валлес, 08150 Барселона, Испания

Орион Корпорейшн,

Орионинтие 1, 02200 Эспоо, Финляндия

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта)

«ORION PHARMA EAST (ОРИОН ФАРМА ИСТ)» ЖШС

Қазақстан Республикасы, 050000, Алматы қ., Төле би к-сі, 69 үй, 19 кеңсе.

Тел.: 8 (727) 272-61-10

Факс: 8(727) 272-62-09

Электронды пошта: kz.drugsafety@orionpharma.com