Регидрон

Регидрон

Жоқ

Ішке қабылдау үшін ерітінді дайындауға арналған 18,9 г ұнтақ

Ас қорыту жолы және зат алмасу. Диареяға қарсы, ішекке арналған қабынуға қарсы/микробқа қарсы препараттар. Көмірсу қосылған электролиттер. Ішке қабылдауға арналған регидратанттар.

АТХ коды А07СА

Жеңіл және орташа деңгейдегі сусызданумен бірге жүретін жедел диарея кезіндегі пероральді регидратация және сусызданудың профилактикасы.

Қолдануды бастағанға дейін қажетті мәліметтер тізбесі

- әсер етуші затқа немесе препараттың кез келген басқа компонентіне жоғары сезімталдық

- естен тану

- асқазан-ішек бітелісі (илеус)

- бүйрек функциясының бұзылуы

- қант диабеті

- глюкозо-галактоза мальабсорбциясы

Регидрон препаратының басқа препараттармен өзара әрекеттесуі туралы ақпарат жоқ. Препарат ерітіндісінің рН – сілтілігі аз, сондықтан ішектің рН-на байланысты сіңірілетін дәрілік препараттарға әсер етуі мүмкін. Сондай-ақ дәрілік заттың сіңірілуі негізінен аш немесе тоқ ішекте сіңетін немесе олардың ішек-бауыр айналымында жүретін препараттар диарея кезінде өзгеріске ұшырауы мүмкін.

Ауыр дегидратацияда (балаларда дене салмағын 9%-дан артық жоғалтқан кезде, анурияда) регидратация үшін алдымен вена ішіне енгізуге арналған препараттарды қолдану арқылы емделу керек. Содан кейін Регидрон емді жалғастыру үшін пайдаланылуы мүмкін. Егер пациенттерге электролиттерді қосымша енгізу қажеттілігі зертханалық зерттеулер арқылы расталмаса, препаратты ұсынылған дозадан асыруға болмайды.

Регидрон препараты пакетінің ішіндегісін 1 л суға еріту керек. Дозаны арттырған кезде пациентте гипернатриемия дамуы мүмкін. Бүйрек жеткіліксіздігі, диабет немесе қышқыл-сілтілік, электролит немесе көмірсу теңгерімін бұзатын басқа созылмалы аурулар аясында дегидратация дамыған пациенттер Регидрон препаратымен емдеу кезінде мұқият мониторинг жүргізуді және ауруханаға жатқызуды қажет етуі мүмкін.

Препаратты 6 айға дейінгі балаларға қолданар алдында, әдетте дәрігермен кеңесу қажет.

Регидрон препаратын қолданған кезде дәрігердің көмегін қажет ететін жағдайлар:

- пациенттің баяу сөйлеуі байқалады, ұйқышылдық пайда болады, ол тез жүдей бастайды және сұрақтарға жауап бермейтін болады

- температурасы 39℃-ден жоғарылайды

- қанды сұйық нәжіс пайда болады

- несеп бөлінуі тоқтайды

- диарея 2 күннен артық болады

- диарея бірден тоқтап, қатты ауыру пайда болады

- басылмайтын құсу

- егер үйде емдеу тиімсіз немесе мүмкін болмаса

Басқасы

Дәрілік препараттың құрамында 1,3 г/калий пакеті (33,5 ммоль/л) бар. Бүйрек функциясы төмендеген адамдарға немесе тамақ арқылы калийдің тамақпен түсуі бақыланатын адамдарға мұқият тағайындау керек.

Дәрілік препараттың құрамында 2,1 г/натрий пакеті (89,5 ммоль/л) бар. 391 мг (17 ммоль) ДДҰ ұсынған тәуліктік тұтыну натрийдің 20%-на тең, яғни құрамында натрий мөлшері жоғары препарат. Тұзсыз диетаны ұстанатын адамдарға тағайындағанда абай болыңыз.

Дәрілік препараттың құрамында 10,0 г/глюкоза пакеті бар. Глюкоза-галактоза мальабсорбциясы бар пациенттер аталған препаратты қабылдауға болмайды.

Жүктілік және лактация кезеңі

Препаратты жүктілік және бала емізу кезеңінде ұсынылған дозада қолдануға рұқсат етілген.

Дәрілік препараттың автокөлікті және қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын басқару және басқа да механизмдермен жұмыс істеу кезінде реакция жылдамдығына әсер етпейді.

Дозалау режимі

1 пакет ұнтағы 1 литр қайнатылған, бөлме температурасына дейін салқындатылған суда ерітіледі. Ерітіндіге препараттың әсер етуін бұзбау үшін басқа компоненттерді қосуға болмайды. Дайын ерітіндіні әр сұйық босатудан кейін, кішкентай жұтыммен қабылдау керек. Емдеудің алдында пациенттің дене салмағының азайғанын және сусыздану шараларын анықтау үшін салмағын өлшеу керек.

Бала емізуді қанша қажет еткенше жалғастыруға болады, тіпті пероральді регидратация кезінде немесе оны регидратациядан кейін бірден жалғастыру керек. Майлы тағамдар мен қарапайым қант мөлшері жоғары тағамдарды қабылдаудан аулақ болу керек.

Регидрон препаратымен емді диарея басталғаннан кейін бастау керек. Әдетте препаратты кем дегенде 3-4 күннен асырмай қабылдау, диарея тоқтағаннан кейін препаратты қабылдауды тоқтату керек. Жүрек айныған және құсқан кезде салқындатылған ерітіндіні аз дозада қабылдаған дұрыс.

Ерітіндіні пероральді қабылдайды немесе дәрігердің қарауымен назогастральді зонд арқылы енгізеді.

Регидратация: дегидратацияны түзету үшін препаратты алғашқы 6-10 сағат ішінде диарея кезінде дене салмағын жоғалтудан екі есеге арттыратын мөлшерде, яғни, егер салмақтың азаюы 400 мл құраса, препарат мөлшері 800 мл құрайтынды қабылдау керек. Регидрон препаратымен емдеу кезінде басқа сұйықтық қабылдаудың қажеті жоқ.

Әрі қарай емдеу: егер диарея дегидратацияны түзеткеннен кейін келесі 24 сағат ішінде жалғасатын болса Регидронды, су және басқа сұйықтықтарды келесі схема бойынша қолдануға болады:

* Жеңіл сусыздану - дене салмағының 3-5% жоғалуы;

* Орташа сусыздану - дене салмағының 6-9% жоғалуы;

* Ауыр сусыздану - дене салмағының >9% жоғалуы.

Енгізу әдісі мен жолы

Пероральді.

Артық дозаланған жағдайда қабылдануы тиіс шаралар

Регидрон препаратының өте көп мөлшерін немесе жоғарғы концентрацияланған ерітіндісін енгізу кезінде гипернатриемия дамуы мүмкін. Бүйрек функциясы төмендеген пациенттерде метаболизмдік алкалоз туындауы мүмкін. Гипернатриемия симптомдарына әлсіздік, нейробұлшықеттік қозу, ұйқышылдық, сананың шатасуы жатады, кейде тыныс алудың тоқтауы болуы мүмкін. Метаболизмдік алкалоз кезінде өкпені желдету төмендеуі, нейробұлшықеттің қозуы және тетаниялық құрысу байқалуы мүмкін.

Айқын салдары бар артық дозалану жағдайында Регидрон препаратын енгізуді тоқтату қажет. Дәрігердің кеңесі қажет. Электролиттік және сұйықтықтың теңгерімін түзету зертханалық тексерістер негізінде жүргізілуі тиіс.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Қолданар алдында дәрілік препаратты қолдану тәсілін түсіндіру үшін дәрігерге немесе фармацевтке кеңес алу үшін жүгініңіз.

Ұсынылған дозаны сақтаған кезде жағымсыз реакциялардың даму ықтималдығы аз.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 пакеттің (18,9 г ұнтақтың) ішінде

белсенді заттар: калий хлориді 2,5 г

натрий хлориді 3,5 г

натрий цитраты 2,9 г

глюкоза 10 г

Ақ кристалды ұнтақ.

18.9 г препараттан полиэтилен/алюминий/Сурлин® - ламинатынан жасалған пакеттерге салынады.

20 пакеттен медициналық қолдану жөніндегі қазақ және орыс тіліндегі нұсқаулықпен бірге картон қорапқа салынады.

3 жыл.

Жарамдылық мерзімі өткеннен кейін қолдануға болмайды!

15C-ден 25C-ге дейінгі температурада сақтау керек.

Балалардың қолы жетпейтін жерде сақтау керек!

Дайын ерітіндіні тоңазытқышта 2C-ден 8C-ге дейінгі температурада 24 сағат бойы сақтау керек.

Рецептісіз.

Рецифарм Паретс, С.Л.У,

Сантьяго Рамон және Кахаль, 2, Паретс дел Валлес, 08150 Барселона, Испания.

Телефон: +34 93 462 98 00

Электрондық пошта: parets@recipharm.com

«Валента Фарм» АҚ, Ресей

141108, Ресей, Мәскеу облысы, Щелково қ., Фабричная к-сі, 2 үй.

Телефон: +7 (495) 933-48-62, факс +7 (495) 933-48-63

Электрондық пошта: info@valentapharm.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Валента Фармацевтика» акционерлік қоғамының Қазақстан Республикасындағы өкілдігі

Қазақстан Республикасы, 050009, Алматы қаласы, Алмалы ауданы, Абай даңғылы, № 151 үй, № 1106 кеңсе

Тел: +7 (727) 3341551

Моб. +7 771 779 79 37

Электрондық пошта: asia@valentapharm.com