Индометацин

Индометацин

Индометацин

Сыртқа қолдануға арналған жақпамай, 100 мг/г 40 г

Сүйек-бұлшықет жүйесі. Буын және бұлшықет ауыруы кезінде жергілікті қолдануға арналған препараттар. Жергілікті қолдануға арналған қабынуға қарсы стероидты емес препараттар. Индометацин.

АТХ коды М02АА23

- жедел және созылмалы ревматоидты артрит, остеоартрит, остеоартроз, шорбуынданған спондилит, псориазды полиартрит, подагра артритін кешенді емдеудегі қосымша дәрі;

-тірек-қимыл аппаратының буыннан тыс ревматизмінің оқшауланған түрлері: тендиниттер, синовиттер, тендовагинит, фасциялар мен буын байламдарының қабынуы, бурсит;

-тірек-қимыл аппаратының жарақаттан кейінгі зақымдануларында (созылу, шығып кету, көгеру) қабынуды, ауырсынуды және ісінуді жергілікті симптоматикалық емдеу.

Қолдануды бастағанға дейін қажетті мәліметтер тізбесі

- белсенді затқа немесе қосымша заттардың кез келгеніне аса жоғары сезімталдық

- демікпе ұстамасының, есекжемнің немесе аллергиялық риниттің клиникалық көрінісімен ацетилсалицил қышқылына немесе басқа ҚҚСП-ға аса жоғары сезімталдық

- бронх демікпесінің, мұрын шырышты қабығының немесе мұрын маңы қойнаулары синусының қайталанатын полипозының толық немесе толық емес үйлесімі

- асқазан мен 12 елі ішектің ойық жарасының өршуі

- гипокоагуляция

- созылмалы бүйрек аурулары

- жүктілік және бала емізу кезеңі

- болжамды қолдану орнында тері жабындысы тұтастығының бұзылуы

- балалар мен 14 жасқа дейінгі жасөспірімдер

Препаратпен емдеу дәрігердің бақылауымен жүзеге асырылады.

Препаратты қолданумен байланысты кез-келген жағымсыз әсерлер дамыған жағдайда дәрігермен кеңесу керек.

Жақпамай терінің зақымданбаған жерлеріне ғана қолданылуы керек, көзге немесе шырышты қабаттарға түспеуі керек.

Ұзақ емдеу кезінде (10 күннен артық) қан көрінісін (лейкоциттер және тромбоциттер санын) тексеру керек.

Басқа ҚҚСП-мен бір мезгілде қолдану, бауыр порфириясы (өршу), асқазан-ішек жолдарының эрозиялық ойық жаралы зақымдануы, бауыр мен бүйрек функциясының ауыр бұзылуы, созылмалы жүрек жеткіліксіздігі, егде жас.

Дәрілік препаратпен емдеу аса сақтықпен және тамақ өнімдеріне және дәрілік препараттарға аса жоғары сезімталдық көріністері немесе аллергиялық аурулары бар – пішен қызбасы, бронх демікпесі, мұрын полипозы бар пациенттерде дәрігермен кеңескеннен кейін ғана жүргізіледі.

Басқа дәрілік препараттармен өзара әрекеттесу

Индометацинді жергілікті қолдану кезінде ең төменгі резорбцияға байланысты басқа дәрілік препараттармен өзара әрекеттесу ықтималдылығы аз.

Индометацинді ҚҚСП тобындағы басқа препаратпен, соның ішінде COX-2 селективті тежегішімен бір мезгілде қолданудан аулақ болу керек, себебі жағымсыз реакциялар қаупі артады.

Гепарин жақпамайымен бірге қолданған кезде екі препараттың да анальгетикалық және қабынуға қарсы әсерінің жоғарылауы байқалады, гепариннің антикоагулянттық әсері күшейеді.

Ментол, капсаицин препараттары, эфир майлары индометацин жақпамайымен бір мезгілде қолданғанда оның анальгетикалық әсерін күшейтеді.

Диметилсульфоксид индометацин жақпамайымен бір мезгілде қолданғанда оның жүйелік сіңуін күшейтеді және аппликация аймағындағы жұмсақ тіндерге ену тереңдігін арттырады.

Индометацинді аспиринмен немесе кортикостероидтармен бір мезгілде қолдану асқазан-ішек жолдарының асқыну қаупін арттырады.

ҚҚСП артериялық қысымды төмендететін дәрілік препараттармен өзара әрекеттесуі мүмкін, дегенмен бұл жергілікті қолдану мүмкіндігі өте аз.

Жақпамай фотосезімталдықты тудыратын препараттардың әсерін күшейтуі мүмкін.

Препараттың құрамында диметилсульфоксид, пропиленгликоль, метилпарагидроксибензоат және пропилпарагидроксибензоат бар, бұл терінің тітіркенуін тудыруы мүмкін.

Жүктілік немесе лактация кезінде

Жүкті әйелдерде бақыланатын клиникалық зерттеулер жүргізілмеген, сондықтан жүктілік кезінде индометацинді қолдану ұсынылмайды.

Емшек сүтіне аз мөлшерде енеді, нәтижесінде бала емізу кезеңінде әйелдерге қолдануға ұсынылмайды.

Препараттың көлік құралын немесе ықтимал қауіпті механизмдерді басқару қабілетіне әсер ету ерекшеліктері

Көлік құралдарын және ықтимал қауіпті механизмдерді басқару қабілетіне әсер етпейді.

Қолдану бойынша ұсынымдар

Дозалау режимі

Тәулігіне 3-4 рет, теріге ысқылай отырып, ауыратын буындар немесе дене бөліктеріне жағады. Препаратты бекіту үшін жағу орнында окклюзиялық таңғыштар пайдаланады. Ересектер үшін жақпамайдың сықпадан сығылатын жалпы мөлшері тәулігіне 15 см-ден аспауы тиіс.

Енгізу әдісі мен жолы

Жергілікті, теріге. Препаратты терінің зақымдалмаған жерлеріне ғана қолдану керек. Жақпамай көзге, шырышты қабаттарға және ашық жараларға түспеуі керек.

Дәрігердің кеңесінсіз емнің ұзақтығы 2 аптадан аспайды. Ұзақ емдеу кезінде (10 күннен артық) қан көрінісін (лейкоциттер және тромбоциттер санын) тексеру керек.

Пациенттердің арнайы топтары

Балалар

14 жасқа дейін қолдануға болмайды.

14 жастан бастап балаларға арналған сықпадан сығылған жақпамайдың тәулігіне жалпы мөлшері– 7.5 см-ден аспауы тиіс.

Балаларға окклюзиялық таңғыштарды қолдану ұсынылмайды.

Артық дозалану жағдайында қабылдануы қажет шаралар

Жергілікті қолданғанда, жүйенің әлсіз резорбциясына байланысты артық дозалану ықтималдығы аз. Артық дозалану құбылыстарын (негізінен ас қорыту жолы тарапынан, гепатоуыттылық) тек терінің үлкен беткейлеріне ұзақ уақыт қолданғанда өте сирек байқауға болады. Лейкоциттер формуласы мен қандағы тромбоциттер санына мониторинг жүргізу қажет.

Кездейсоқ ішке қабылдаған кездегі симптомдар: шырышты қабықтың күйдіріп ашуы, сілекей бөлінуі, жүрек айнуы, құсу.

Емі: ауыз қуысы мен асқазанды шаю, қажет болған жағдайда - симптоматикалық емдеу. Спецификалық антидоты жоқ.

Көзге, шырышты қабықтарға немесе ашық жараларға түсу симптомдары: жергілікті тітіркену байқалады - көзден жас ағу, қызару, күйдіріп ашу, ауырсыну.

Емі: симптомдар басылғанға дейін және шағымдар жойылғанға дейін аумақты көп мөлшердегі дистилденген сумен немесе физиологиялық ерітіндімен шаю.

Дәрілік препаратты қолдану тәсілін түсіндіру үшін медициналық қызметкерден кеңес алу ұсынылады

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Сирек

- ангионевроздық ісіну және тұншығу

- жүрек айнуы, қыжыл, құсу, диарея, қан құйылу мен ойық жаралар, дәм сезудің бұзылуы, бауыр ферменттері деңгейінің жоғарылауы, ҚҚСП- гастропатия

- фотосезімталдық реакциялары, терінің қышынуы және гиперемиясы, бөртпе, аллергиялық реакциялар, терінің құрғауы, қабыршақтану, аппликация орнында күйдіріп ашу, псориаздың өршуі

- бас ауыруы және бас айналу

- интерстициальді нефрит, протеинурия

- визуалды қабылдаудың бұлыңғырлығы

- анорексия

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті "Дәрілік заттар мен медициналық бұйымдарды сараптау ұлттық орталығы"

ШЖҚ РМК

http://www.ndda.kz

Қосымша мәліметтер

Бір сықпаның құрамында

белсенді зат - индометацин 4.0 г,

қосымша заттар: диметилсульфоксид, мочевина, макрогол 400, макрогол 1500, пропиленгликоль, левоментол, метилпарагидроксибензоат Е218, пропил парагидроксибензоат Е216, тазартылған су.

Ментолдың өзіне тән иісі бар, біртекті консистенциядағы, ақшыл-сарыдан күңгірт-сары түске дейінгі жақпамай.

40 г алюминий сықпада. Әр сықпа медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

"Борисов медициналық препараттар зауыты» ашық акционерлік қоғамы, Беларусь Республикасы, Минск облысы, Борисов қ., Чапаев к-сі, 64

тел/факс +375(177)734043

E-mail: market@borimed.com

"Борисов медициналық препараттар зауыты» ашық акционерлік қоғамы, Беларусь Республикасы, Борисов қ., Чапаев к-сі, 64

тел/факс +375(177)734043

E-mail: market@borimed.com

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«LEKARSTVENNAYA BEZOPASNOST (Лекарственная безопасность)» ЖШС

Қазақстан Республикасы, 050047, Алматы қ., Алатау ауданы, Саялы шағын ауданы, 16 үй, 8 пәтер,

тел.: +7 777 064 27 02, +7 499 504 15 19

E-mail: kazakhstan@drugsafety.ru, adversereaction@drugsafety.ru