Элькар

Элькар

Левокарнитин

Ішілетін ерітінді, 300 мг/мл

Ас қорыту жолы және зат алмасу. Асқазан-ішек жолының аурулары мен зат алмасудың бұзылуын емдеуге арналған басқа препараттар. Аминқышқылдары мен олардың туындылары. Левокарнитин.

АТХ коды: А16АА01

Элькар, ішілетін ерітінді, ересектер мен туылғаннан бастап 18 жасқа дейінгі балаларда карнитиннің бастапқы және салдарлы тапшылығын емдеу үшін қолданылады.

Қолдануды бастағанға дейін қажетті мәліметтер тізбесі

−левокарнитинге немесе қосымша заттардың кез келгеніне аса жоғары сезімталдық.

Қолдану кезіндегі қажетті сақтық шаралары

Инсулин немесе гипогликемиялық пероральді ем қабылдаған диабеттік пациенттерге L-карнитинді енгізу оларда гипогликемияны туындатуы мүмкін. Мұндай пациенттерде плазмадағы глюкоза деңгейі гипогликемиялық емдеуді реттеу үшін үнемі бақыланып отыруы тиіс.

Бүйрек функциясының айқын бұзылуы бар пациенттерде L-карнитиннің жоғары дозаларын ұзақ уақыт пероральді қабылдау әлеуетті уытты метаболиттер, триметиламин (ТМА) және триметиламин-N-оксид (ТМАО) концентрациясының жоғарылауын туындатуы мүмкін, өйткені бұл метаболиттер әдетте несеппен шығарылады. Бұл жағдайда несеп, тыныс алу және терлеу жағымсыз иіске ие.

Левокарнитинді тым тез қабылдау асқазан-ішек жолдарының жағымсыз реакцияларын туындатады. Ең жоғары жағымдылық үшін дозаны күн ішінде біркелкі бөлу керек.

Алдында құрысу белсенділігі болған және онсыз пациенттерде құрысу ұстамалары жағдайлары сипатталған. Алдыңғы құрысу белсенділігі бар пациенттерде құрысу ұстамаларының жиілігі және/немесе ауырлығы жоғарылаған.

Препаратты қабылдағанға дейін дәрігерге басқа препараттарды қабылдау туралы хабарлау керек.

Глюкокортикоидтар көптеген тіндерде (бауырдан басқа) карнитин деңгейін жоғарылатады. Холиннің шамадан тыс дозалары карнитиннің синтезі мен белсенділігін тежейді. Карнитинді әртүрлі анаболикалық дәрілермен үйлестіруге болады; антиоксидантты немесе/және антигипоксиялық белсенділігі бар препараттармен.

Препарат құрамында метилпарагидроксибензоат, пропилпарагидроксибензоат бар, олар баяу типті аллергиялық реакцияларды туындатуы мүмкін.

Балаларда қолданылуы

3 жасқа дейінгі балаларды емдеу дәрігердің бақылауымен жүзеге асырылады.

Жүктілік кезінде және лактация кезінде қолдану

Зерттеулердің болмауына байланысты сақтық шарасы ретінде жүктілік кезінде Элькарды пайдаланудан аулақ болған жөн.

Бала емізетін аналарда левокарнитинді пайдалану туралы мәліметтер жоқ. Нәресте үшін бала емізудің пайдасын және әйел үшін емнің пайдасын ескере отырып, бала емізуді тоқтату немесе Элькар препаратымен емдеуді тоқтату туралы шешім қабылдау қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат ерекше назар аударуды және жылдам реакцияны талап ететін әлеуетті қауіпті қызмет түрлерін орындауға әсер етпейді (автомобильді және басқа да көлік құралдарын басқару, қозғалатын механизмдермен жұмыс істеу, диспетчер мен оператордың жұмысы және т.б.).

Қолдану жөніндегі ұсынымдар

Дозалау режимі

Ересектер және 12 жастан асқан балалар

Талапқа сай дозаны анықтау үшін қан плазмасы мен несептегі бос және ацилді L-карнитин деңгейін өлшей отырып, терапияны бақылау ұсынылады.

Карнитиннің бастапқы немесе салдарлы тапшылығы кезінде дозалау зат алмасудағы нақты туа біткен ауытқуларға және емдеу кезеңіндегі олардың айқындалу дәрежесіне байланысты. Көп жағдайда ұсынылатын пероральді доза күніне 2-4 қабылдауға бөлінетін 100-200 мг/кг құрайды. Егер клиникалық және биохимиялық көрсеткіштер жақсармаса, дозаны қысқа мерзімді негізде арттыруға болады. Жоғары дозаларды сақтықпен және клиникалық және биохимиялық деректер дозаның жоғарылауы пайда әкеледі деп болжанатын жағдайларда ғана тағайындау керек. Жедел метаболизмдік декомпенсация кезінде күніне 400 мг/кг дейінгі жоғары дозалар керек немесе бұл жағдайда вена ішіне енгізу жолы қажет болуы мүмкін.

Емнің ұзақтығы аурудың сипаты мен ауырлығына, қол жеткізілген емдік әсерге байланысты және дәрігер белгілейді.

Пациенттердің ерекше топтары

Бүйрек жеткіліксіздігі бар пациенттер:

Созылмалы бүйрек жеткіліксіздігінің терминалды сатысы бар пациенттерде карнитиннің салдарлы тапшылығы кезінде күніне 1 г демеуші ем пероральді тағайындалады.

Балалар

12 жасқа дейінгі балалар, сәбилер және жаңа туылған нәрестелер

Дозалау зат алмасудағы нақты туа біткен ауытқуларға және емдеу кезеңінде олардың айқындалу дәрежесіне байланысты. Ұсынылатын доза күніне 2-4 қабылдауға бөлінетін 50-ден 100 мг/кг дейінді құрайды. Егер клиникалық және биохимиялық көрсеткіштер жақсармаса, дозаны қысқа мерзімді негізде арттыруға болады. Жоғары дозаларды сақтықпен және клиникалық және биохимиялық деректер дозаның жоғарылауы пайда әкеледі деп болжанатын жағдайларда ғана тағайындау керек.

Енгізу әдісі мен жолы

Тек пероральді қолдануға арналған.

Ішке қабылдайды. Препаратты сұйылтпай ішуге немесе суытылған қайнаған сумен сұйылтуға болады.

Артық дозаланған жағдайда қабылдануы қажет шаралар

L-карнитиннің артық дозалануы жағдайында уыттылық туралы деректер жоқ.

Емі: артық дозалану жағдайында демеуші ем.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну ұсынылады.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Сирек:

- аллергиялық реакциялар

- миастения

- тері мен несептің спецификалық иісі

- жүрек айнуы, мезгіл мезгіл құсу, диарея, диспепсия, іштің түйіліп ауыруы.

Препараттың жағымдылығы қабылдаудың бірінші аптасы ішінде және қабылданатын дозаның әрбір жоғарылауынан кейін бақыланады.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл препараттың құрамында:

белсенді зат: левокарнитин 300 мг,

қосымша заттар: лимон қышқылының моногидраты, метилпарагидроксибензоат, пропилпарагидроксибензоат, тазартылған су

Сыртқы түрінің, иісінің, дәмінің сипаттамасы

Мөлдір түссіз немесе сәл боялған сұйықтық. Өзіне тән иістің болуына жол беріледі

Ішілетін ерітінді 300 мг/мл.

100 мл шыны құты. 100 мл бұрандалы полимерлік қақпақтармен тығындалған, кіріктірілген тығыздау элементтері немесе төсемдері бар, алғашқы ашылуын бақылау сақинасы бар I-III класс күңгірт шыны құтыда. Құтыға көлемі 20 мл өлшеуіш стақан киіледі. 1 құтыдан өлшеуіш стақанмен және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

50 мл шыны құты. 50 мл алғашқы ашылуы бақыланатын сақинасымен тамшылатқышы бар, бұрандалы полимерлік қақпақтармен тығындалған, мойыны бұрандалы I-III класс күңгірт шыны құтыда. 1 құтыдан «¼» және «½» (бұл 1,25 мл және 2,5 мл сәйкес келеді) таңбасы бар, медициналық қолдану жөніндегі мемлекеттік және орыс тілдеріндегі нұсқаулықтары бар номиналды көлемі 5 мл өлшеуіш қасықпен бірге картон қорапшаға салынады.

25 мл шыны құты. 25 мл алғашқы ашылуы бақыланатын сақинасымен тамшылатқышы бар, бұрандалы полимерлік қақпақтармен тығындалған, мойыны бұрандалы I-III класс күңгірт шыны құтыда. 1 құтыдан медициналық қолдану жөніндегі мемлекеттік және орыс тілдеріндегі нұсқаулықтармен бірге картон қорапшаға салынған.

3 жыл.

Ашылғаннан кейінгі қолдану мерзімі – 2 ай.

Жарамдылық мерзімі өткеннен кейін қолдануға болмайды.

Жарықтан қорғалған жерде, 25°С-ден аспайтын температурада сақтау керек.

Алғаш ашқаннан кейін құтыны 2-ден 8 °С-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз.

«ПИК-ФАРМА ЛЕК» ЖШҚ, Ресей, 308010, Белгород обл., Белгород ауданы, Северный қтк, Березовая к-сі, 1/19 үй

«ПИК-ФАРМА» ЖШҚ, Ресей, 125047, Мәскеу қ., Оружейный қиыл., 25 үй, 1 құр., 1 орынж., 1 қабат

Тел./факс: +7 (495) 925-57-00

www.pikfarma.ru

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, электронды пошта)

«ИнтерФармасьютикал» ЖШС

Мекенжайы: 483110, Қазақстан Республикасы, Қаскелең қ., Бокин к-сі, 58

Телефон: 8-800-777-86-04; +7 (495)799-21-86

Электронды пошта: adversereaction@drugsafety.ru

Интернеттегі сайт: www.elkar.ru