Ринофлуимуцил спрей наз. по 10 мл (флакон)

Ринофлуимуцил

Жоқ

Мұрын спрейі, 10 мл

Мұрынға арналған препараттар. Деконгестанттар және жергілікті қолдануға арналған басқа мұрынға арналған препараттар. Басқа препараттармен біріктірілген симпатомиметиктер, кортикостероидтарды қоспағанда. Туаминогептан.

АТХ коды R01AB08

- бөлінуі қиын іріңді-шырышты қою секретпен жүретін жедел және жеделге жуық ринитте

- созылмалы ринит және мұрынның шырышты қабығында қабыршақтар түзілетін ринитте

- вазомоторлық ринитте

- синуситте

Қолданудың басталуына дейін қажетті мәліметтер тізбесі

- белсенді затқа немесе қандай да бір қосымша заттарға аса жоғары сезімталдық

- феохромоцитома

- жабық бұрышты глаукома

- басқа деконгенстанттарды қоса, мұрын ішіне қолданылатын басқа симпатомиметиктік дәрілерді бір мезгілде қолдану

- препаратты моноаминоксидаза (ИМАО) тежегіштерімен емдеу кезінде және емдеу аяқталғаннан кейін 2 апта бойы қолданбау керек

- гипофиздің алынып тасталуы немесе мидың қатты қабығына жетумен жасалған операцияларды бастан өткеру

- гипертиреоз

- 12 жасқа дейінгі балаларға

- жүрек-тамыр аурулары, оның ішінде гипертония

- цереброваскулярлық ауру анамнезде, оның ішінде негізгі қауіп факторларының болуы (альфа-симпатомиметикалық белсенділікке байланысты)

- құрысулар анамнезде

Артериялық гипертензия, тахикардия, пальпитация, аритмия, жүрек айнуы немесе кез келген неврологиялық белгілер мен симптомдар болса (мысалы, препаратты қабылдағаннан кейін пайда болған бас ауруы немесе препаратты қолданар алдында болған бас ауруының күшеюі), емдеуді тоқтату керек.

Туаминогептанның мұрын ішіне қолданғандағы жүйелік сіңу дәрежесінің төмендігіне қарамастан, төмендегі ықтимал өзара әрекеттесулерін назарда ұстау керек:

Моноаминоксидаза тежегіштері (ИМАО), соның ішінде қайтымдылары моноаминоксидаза тежегіштері (оИМАО) – гипертензиялық криздің даму қаупін арттырады.

Гипертензияға қарсы дәрілер (адренергиялық нейрондар блокаторларын және β-блокаторларды қоса) – гипотензиялық әсері төмендеуі мүмкін.

Жүрек гликозидтері – аритмияның даму қаупін арттыруы мүмкін.

Қастауыш алкалоидтары – эрготизм қаупін арттыруы мүмкін.

Паркинсон ауруына қарсы дәрілер – жүрек-қантамырлық уыттылығының қаупін арттыруы мүмкін.

Окситоцин – артериялық гипертензияның даму қаупін арттыруы мүмкін.

Тек мұрын ішіне қолдануға арналған.

Мынадай ауруларда сақтықпен қолдану керек:

- перифериялық тамырлардың окклюзиялық аурулары

- қант диабеті

- бронх демікпесі

Сондай-ақ, β-блокаторларды қабылдайтын емделушілер, препаратты сақтықпен қолдануы керек.

Құрамында вазоконстрикторлары бар препараттарды ұзақ уақыт қолданғанда мұрын жолдарының шырышты қабығының және параназальды синустардың қалыпты жұмысын бұзуы мүмкін, дәрі-дәрмектік ринитті туындатуы мүмкін. Сондықтан ұзақ уақыт бойы жиі пайдалану зиянды болуы мүмкін.

Препаратты қуық асты безінің гипертрофиясы бар егде жастағы емделушілерде несептің іркілуі қаупіне байланысты сақтықпен қолдану керек.

Жергілікті препараттарды қолдану (әсіресе ұзақ мерзімді) сенсибилизацияны тудыруы мүмкін. Бұл жағдайда емдеуді тоқтату, дәрігермен кеңесу және қажет болған жағдайда тиісті емдеуді бастау керек.

Бірнеше күннің ішінде толық емдік әсері болмаған кезде дәрігермен кеңескен жөн; емдеудің ұзақтығы 7 күннен аспауы тиіс.

Дәрігердің шешімі бойынша препарат қолдануды тиісті бактерияға қарсы еммен үйлестіруге болады.

Туаминогептан сульфаты допинг-тестінің оң нәтижесін беруі мүмкін.

Бұл препарат офтальмологиялық қолдануға арналмаған.

Дәрілік заттың бір доза құрамында 0,005 мг бензалконий хлориді бар (бір рет клапанға басқанда). Препаратты ұзақ қолдану мұрынның шырышты қабығының ісінуін тудыруы мүмкін.

Препараттың құрамында жалбыз иістендіргіші аллергиялық реакцияларды тудыруы мүмкін D-лимонендіқамтиды. Аллергенге сезімтал емделушілерде аллергиялық реакциялардан басқа, сезімтал емес пациенттерде де сезімталдық дамуы мүмкін.

Педиатрияда қолдану

Препаратты 12 жасқа дейінгі балаларда қолдануға қарсы көрсетілімдерді ескере отырып, балаларға сақтықпен қолдану керек.

Жүктілік және лактация кезеңі

Бұл препаратты жүктілік кезінде қабылдаған пациенттердің шектеулі санының деректері ацетилцистеиннің жүктілік ағымына немесе ұрықтың / жаңа туған нәрестенің денсаулығына жағымсыз әсерін көрсетпейді. Осы уақытқа дейін басқа тиісті эпидемиологиялық деректер жоқ. Ацетилцистеиннің жануарларға жүргізілген зерттеулері репродуктивті уыттылық тұрғысынан тікелей немесе жанама жағымсыз әсерлерді көрсетпейді. Жүктілік және жануарларды зерттеу кезінде туаминогептанды немесе ацетилцистеинді туаминогептанмен біріктіруді қолдану туралы деректер жоқ.

Препаратты жүктілік кезінде қолдану ұсынылмайды.

Ацетилцистеиннің немесе туаминогептанның емшек сүтіне бөлінуі туралы ақпарат болмаса да, емшек сүтімен қоректенетін нәрестелер үшін қауіпті жоққа шығаруға болмайды. Бала емізу кезінде бұл дәрілік препаратты қолдану ұсынылмайды.

Дәрілік заттың көлік құралын және қауіптілігі зор механизмдерді  басқару қабілетіне әсер ету ерекшеліктері

Деректер жоқ.

Пациенттер препаратты қолдану кезінде галлюцинация жағдайлары туралы хабарламалар бар екенін білуі керек.

Дозалау режимі

Ересектерге: 2 дозадан (клапанды 2 басу) әр мұрын жолына күніне 3-4 рет.

Балаларға: 1 дозадан (клапанды 1 басу) әр мұрын жолына күніне 3-4 рет.

Препарат мұрын қуысына арнайы бүріккіш арқылы спрей түрінде енгізіледі.

Емдеу ұзақтығы 7 күннен аспауы тиіс.

Симптомдары: ересек пациенттерде артериялық гипертензия, жарықтан қорқу, қатты бас ауыруы, кеуде қуысының қысылуы; балаларда - гипотермия сананың айқын бәсеңдеуімен дамуы мүмкін.

Емі: симптоматикалық.

Егер Сізге дәрілік препаратты қолдану тәсілі түсініксіз болған жағдайда, кеңес алу үшін медицина қызметкеріне жүгінуді ұсынамыз.

Препаратты жоғары дозада жиі қолдану симпатомиметикалық типті жағымсыз әсерлері дамуының себебі болуы мүмкін (жоғары қозғыштық, жүрек қағуының жиілеуі, тремор сияқты және т.б.). Кейде мұрын және тамақ шырышты қабығының құрғауы, безеу бөртпесі болуы мүмкін. Препарат қолдануды тоқтатқаннан кейін бұл әсерлері қайтады.

Көрсетілген жағымсыз реакциялары Ринофлуимуцил қолданумен байланысты болуы мүмкін; олардың туындау жиілігі белгісіз (қолда бар деректер негізінде бағалау мүмкін емес).

Жиілігі белгісіз:

- жоғары сезімталдық

- артериялық гипертензия

- жүрек айнуы

- есекжем, тері бөртпесі

- несеп шығарудың іркілуі

Әсіресе ұзақ және/немесе жиі қолданғанда:

- үрей, елестеулер, сандырақтау

- бас ауыруы, мазасыздық, қозу, ұйқысыздық, тремор

- пальпитация, тахикардия, аритмия

- мұрын қуысының және тамақтың құрғауы, мұрын қуысындағы жайсыздық, мұрынның бітелуі

- қолдану орнында ашушаңдық, препараттың әсеріне төзімділік (дағдылану)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

100 мл ерітіндінің құрамында

белсенді заттар: 1 г ацетилцистеин,

0,5 г туаминогептан сульфаты,

қосымша заттар: бензалконий хлориді, гипромеллоза, динатрий эдетаты, натрий дигидрофосфатының моногидраты, натрий гидрофосфатының додекагидраты, дитиотреитол, сұйық сорбитол, жалбыз хош иістендіргіші, этанол 96%, натрий гидроксиді, тазартылған су.

Өзіне тән жалбыз иісі бар мөлдір, түссіз дерлік сұйықтық

10 мл препараттан күңгірт шыныдан жасалған, бүріккіш құрылғымен жабдықталған құтыларға құяды.

Құтыны медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

2,5 жыл.

Құтыны ашқаннан кейін ішіндегісін 20 күн бойы пайдалануға болады.

Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Замбон С.П.А.,

Виа делла Кимика, 9 – 36100 Виченца, Италия

Тел.: +39 0444 968911

Факс: ++39 0444 348049

E-mail: info.zambonspa@zambongroup.com

Замбон С.П.А.,

Виа Лилло дель Дука, 10 20091 Брессо, Милан, Италия

Тел.: +39 02 665241

Факс: +39 02 66501492

E-mail: info.zambonspa@zambongroup.com

«ВИВА ФАРМ» ЖШС, Қазақстан Республикасы

050030, Алматы қ., Дегдар к-сі, 33

Тел.: +7 (727) 383 74 63, факс: +7 (727) 383 74 56

E-mail: pv@vivapharm.kz