Рибоксин раствор д/ин. 20 мг/мл по 5 мл №10 (ампулы)

Дәрілік препаратты медициналық қолдану

жөніндегі нұсқаулық  (Қосымша парақ)

Саудалық атауы

Рибоксин

Халықаралық патенттелмеген атауы

Инозин

Дәрілік түрі, дозасы

Вена ішіне енгізуге арналған ерітінді, 20 мг/мл

Фармакотерапиялық тобы

Жүрек-қантамыр жүйесі. Кардиологиялық препараттар. Басқа кардиологиялық препараттар.

АТХ коды С01ЕВ

Қолданылуы

– өткерілген миокард инфарктісін, ишемиялық жүрек ауруын, өткерген инфекциялық аурулардан кейінгі миокардиодистрофия аясында жүрек гликозидтерін қолдану себебінен болатын жүрек ырғағының бұзылуларын кешенді емдеу;

– бауыр ауруларының (гепатит, цирроз, бауырдың майлы дистрофиясы) және урокопропорфирияның кешенді емінде;

– оқшауланған бүйрекке жасалатын операциялар (қан айналымы тоқтап қалғанда фармакологиялық қорғаныс дәрісі ретінде).

Қолданудың басталуына дейін қажетті мәліметтер тізбесі

Қолдануға болмайтын жағдайлар

– әсер етуші затқа немесе қосымша заттардың кез келгеніне аса жоғары сезімталдық;

– подагра;

– гиперурикемия;

– бүйрек жеткіліксіздігі;

– жүктілік, лактация кезеңі;

– 18 жасқа дейінгі балалар.

Басқа дәрілік препараттармен өзара әрекеттесуі

Бір мезгілде қолданғанда анаболикалық стероидтар мен стероидты емес анаболикалық дәрілердің әсерлерін күшейтеді.

Теофиллиннің бронхолитикалық әсерін және кофеиннің психостимуляциялық әсерін әлсіретеді.

Кешенді ем құрамында қолданғанда Рибоксин аритмияға қарсы, жүрек қыспасына қарсы және инотропты дәрілік препараттар тиімділігінің артуына ықпал етеді.

Рибоксинді бета-адреноблокаторлармен бір мезгілде қолданғанда Рибоксин әсері кемімейді. Жүрек гликозидтерімен біріктіргенде препарат аритмияның туындауына жол бермеуі және инотропты әсерін күшейтуі мүмкін.

Иммунодепрессанттармен бір мезгілде қолданғанда тиімділігі төмендейді.

Рибоксиннің басқа топтардың дәрілік препараттарымен клиникалық мәнді өзара әрекеттесуі сипатталмаған.

Рибоксинді, препараттардың химиялық үйлесімсіздігіне жол бермеу үшін, басқа дәрілік препараттармен бір шприцте араластыруға болмайды.

Арнайы сақтандырулар

Рибоксинді ұзақ уақыт қолданғанда подагра өршуі болуы мүмкін. Рибоксинді ұзақ уақыт қолданғанда қанда несеп қышқылы деңгейін бақылап отыру керек.

Рибоксин жүрек қызметінің бұзылуларын шұғыл түзету үшін қолданылмайды.

Қышыну және тері гиперемиясы пайда болғанда препаратты тоқтату керек. Педиатрияда қолдану

Препаратты балаларда қолдану қауіпсіздігі жөнінде деректер болмауына байланысты, балалар мен 18 жасқа дейінгі жасөспірімдерде қолдану ұсынылмайды.

Лейкопенияда пайдалану

Шеткері қан нейтрофилдерінің литрдегі 1,5×109 төмен деңгейінде қолдану ұсынылмайды.

Ерекше сақтық шарасы Рибоксин бүйрек функциясының бұзылуы бар пациенттерде тағайындалғанда қадағалануы тиіс. Осы орайда, қанда несеп қышқылы мен мочевина деңгейін бақылап отыру ұсынылады.

Жүктілік немесе лактация кезінде

Қауіпсіздігі жөніндегі деректердің жеткіліксіздігіне орай, препаратты жүктілік немесе бала емізу кезеңінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралын немесе аса қауіпті механизмдерді басқару кезінде сақтық шарасын қадағалау керек.

Қолдану жөніндегі нұсқаулар

Дозалау режимі

Емдеу күніне 1 рет 200 мг (10 мл ерітінді 20 мг/мл) енгізуден басталады, одан кейін жағымдылығы жақсы болса, дозаны күніне 1-2 рет 400 мг (20 мл ерітінді 20 мг/мл) дейін арттырады. Емдеу ұзақтығы – 10-15 күн.

Жүрек ырғағының жедел бұзылуларында препаратты бір реттік 200-400 мг дозада (10-20 мл ерітінді 20 мг/мл) сорғалатып енгізуге болады.

Ишемияға ұшыраған бүйректің  фармакологиялық қорғанысы үшін бүйрек артерияларының қысылуына дейін 5-15 минут бұрын Рибоксин 1,2 г (60 мл ерітінді 20 мг/мл), ал одан кейін қан айналымының қалыпқа келуінен кейін іле-шала тағы 0,8 г (40 мл ерітінді 20 мг/мл) бір реттік дозада вена ішіне сорғалатып енгізіледі.

Венаға тамшылатып енгізу кезінде 20 мг/мл ерітіндіні 5% декстроза (глюкоза) ерітіндісінде немесе натрий хлоридінің изотониялық ерітіндісінде (250 мл дейін) сұйылтады.

Енгізу әдісі және жолы

Препарат вена ішіне баяу сорғалатып немесе тамшылатып (1 минутта 40-60 тамшы) қолданылады.

Артық дозалану жағдайында қабылдау қажет болатын шаралар

Қазіргі уақытта препараттың артық дозалану жағдайлары аталмады. Симптомдары: бүйрек функциясының бұзылуы бар пациенттерде жоғары дозаларын енгізгенде жүрек айну, асқазанның ауыруы, жүрек ырғағының бұзылулары (блокада типі бойынша) пайда болуы мүмкін.

Емдеу: препаратты тоқтату, симптоматикалық ем, қажет болса, тері астына 200-400 мг натрий кофеин-бензоатын енгізу. Спецификалық антидот жоқ. Дәрілік препаратты қолдану тәсілін түсіндіру мақсатында кеңес алу  үшін медициналық қызметкерге хабарласу ұсынылады

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

– аллергиялық/анафилаксиялық реакциялар, бөртпені, қышынуды, тері гиперемиясын, есекжем, анафилаксиялық шокты қоса;

– липодистрофия;

– тахикардия, бас ауырумен, бас айналумен, жүрек айнумен, құсумен, тершеңдікпен қатар жүруі мүмкін артериялық гипотензия;

Емдеу кезінде сирек жағдайларда қанда несеп қышқылы деңгейінің жоғарылауы, ұзақ уақыт емдеуде подагра өршуі болуы мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір (5 мл) ампуланың ішінде

белсенді зат – 100 мг инозин (100% затқа шаққанда);

қосымша заттар: гексаметилентетрамин, 1 М натрий гидроксиді ерітіндісі, инъекцияға арналған су.

Сыртқы түрінің, иісінің, дәмінің сипаттамасы

Мөлдір түссіз немесе сәл боялған сұйықтық.

Шығарылу түрі және қаптамасы

5 мл шыны ампулаларда.

Әр ампулаға өздігінен желімденетін заттаңба жапсырылады немесе ампулаға тез кебетін бояумен терең басу әдісімен мәтін түсіріледі.

10 ампуладан ампулаларды ашуға арналған пышақпен немесе скарификатормен бірге хром-эрзац, макулатуралық немесе гофрлауға арналған қағаздан гофрланған полиграфиялық картоннан жасалған қорапқа салынады.

Қорапқа офсетті қағаздан немесе көп бояумен басып шығарылатын қағаздан жасалған бандероль-заттаңба желімденеді.

Қораптар медициналық қолдану жөніндегі қазақ және орыс тілдеріндегі нұсқаулықтармен бірге топтық қаптамаға салынады.

Медициналық қолдану жөніндегі қазақ және орыс тілдеріндегі нұсқаулықтар саны қораптар санына сәйкес болуы тиіс.

10 ампуладан ампулаларды ашуға арналған пышақпен немесе скарификатормен және медициналық қолдану жөніндегі қазақ және орыс тілдеріндегі нұсқаулықпен бірге хром-эрзац картоннан немесе целлюлозалық картоннан ампулаларды бекітуге арналған бір немесе екі ендірме бөліктері бар хром-эрзац картоннан немесе целлюлозалық картоннан жасалған қорапқа салынады.

Сындыру сақинасы немесе сындыру кертігі мен нүктесі бар ампулаларды пайдаланған жағдайда ампулаларды ашуға арналған пышақ немесе ампулалық скарификатор салу қаралмайды.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Сақтау шарттары

Жарықтан қорғалған жерде, 15 °С -ден 25 °С дейінгі температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші туралы мәліметтер

«Борисов медициналық препараттар зауыты» ашық акционерлік қоғамы, Беларусь Республикасы, Борисов қ., Чапаев көш. 64,

тел: +375 (177) 734043.

Е-mail: market@borimed.com

Тіркеу куәлігінің ұстаушысы

«Борисов медициналық препараттар зауыты» ашық акционерлік қоғамы, Беларусь Республикасы, Борисов қ., Чапаев көш. 64,

тел: +375 (177) 734043.

Е-mail: market@borimed.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электронды пошта)

«LEKARSTVENNAYA BEZOPASNOST (Лекарственная безопасность)» ЖШС, Қазақстан Республикасы, 050047, Алматы қ., Алатау ауданы, Саялы ықшам ауданы, 16 үй, 8 пәтер, тел.: +7 777 064 27 02, +7 499 504 15 19.

Е-mail: kazakhstan@drugsafety.ru, adversereaction@drugsafety.ru