Ренгалин раствор д/внут. прим. по 100 мл (флакон)

Ішуге арналған ерітінді

Басқа да препараттар. Басқа емдік препараттар барлығы. Басқа дәрілік препараттар.

АТХ коды V03AХ

- жөтелмен және бронх түйілуімен қатар жүретін тыныс алу жолдарының жедел және созылмалы аурулары. Тұмау және ЖРВИ, жедел фарингит, ларинготрахеит, жедел обструктивті ларингит, созылмалы бронхит, жоғарғы және төменгі тыныс алу жолдарының басқа инфекциялық-қабыну және аллергиялық аурулары кезінде қақырықпен және қақырықсыз жөтелде

Қолдануды бастағанға дейін қажетті мәліметтер тізбесі

- препарат компоненттеріне жоғары жеке сезімталдық

- тұқым қуалайтын фруктоза жақпаушылығы (құрамында мальтитол болуы салдарынан).

- 3 жасқа дейінгі балалар

Сақтықпен: қант диабеті.

Қатысты емес.

Жүргізілген клиникалық зерттеулер барысында Ренгалин препаратының қатарлас ем ретінде қолданылатын дәрілік заттармен өзара әрекеттесуі туралы деректер алынбады.

Айрықша нұсқаулар

Құрғақ (қақырықсыз) жөтелмен қатар жүретін ауруларда оның ылғалды (қақырықпен) жөтелге өтуіне ықпал етеді. Қажет болса муколитиктермен біріктіруге болады.

Қант диабеті бар науқастарғапрепараттың әрбір шай қасығында (5 мл) 0,3 г мальтитол бар екенін естен шығармау керек, бұл 0,02 нан бірлігіне (НБ) сай келеді. Мальтитолдың метаболизмі үшін инсулин қажет, алайда баяу гидролиздің және асқазан-ішек жолында сіңірілуінің арқасында инсулинге қажеттілік аз. Мальтитолдың энергетикалық құндылығы 10 кДж немесе 2,4 ккал/г, бұл сахарозадағыға қарағанда едәуір аз. Препараттың бір қасығының энергетикалық құндылығы 5,7 кДж (1,37 ккал) жуық.

Педиатрияда қолдану

Ренгалин препаратын 3 жасқа толмаған балаларда қолдануға арналмаған.

Жүктілік немесе лактация кезінде

Жүкті әйелдерде және емшек емізу кезеңінде Ренгалинді қолдану қауіпсіздігі зерттелмеген.

Жүктілік және емшек емізу кезеңінде препаратты анасы үшін күтілетін пайда шарана мен балаға төнетін потенциалды қауіптен басым жағдайда ғана қолданады. Пайда/қауіп арақатынасын емдеуші дәрігер анықтайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ренгалин көлік құралдарын және басқа да қауіпті механизмдерді басқару қабілетіне әсер етпейді.

Дозалау режимі

Ішке. Бір қабылдауға – 1-2 шай қасық (5-10 мл) – ас қабылдаудан тыс. Препараттың барынша әсер етуі үшін жұтардың алдында ерітіндіні ауызда ұстап тұра тұрған дұрыс.

Тәулігіне 3 рет 1-2 шай қасықтан қолданады. Жағдайдың ауырлығына байланысты алғашқы үш күнде қабылдау жиілігін тәулігіне 4-6 ретке дейін ұлғайтуға болады.

Емдеу ұзақтығы аурудың күрделілігіне байланысты және емдеуші дәрігермен анықталады.

Артық дозаланған жағдайда қабылдануы тиіс шаралар

Артық дозалану кезінде препарат құрамына кіретін толтырғыштарға (мальтитол, глицерол) байланысты диспепсиялық құбылыстар (жүрек айнуы, құсу, диарея) болуы мүмкін.

Емі: симптоматикалық.

Дәрілік препараттың бір немесе бірнеше дозасын өткізіп алған кезде қажетті шаралар

Препарат дозасын қабылдауды өткізіп алған жағдайда өткізіп алған дозаны мүмкіндігінше ертерек қабылдау және басталған сызба бойынша препаратты қабылдау курсын жалғастыру қажет. Ұмытылған дозаның орнына дозаны екі есеге арттыруға болмайды.

Дәрілік препаратты қолдану тәсілін түсіну үшін медицина қызметкерінен кеңес алуға  бару жөнінде нұсқаулар

Препаратты қолданар алдында дәрігермен кеңесіңіз.

Препарат компоненттеріне жоғары жекелей сезімталдық реакциялар болуы мүмкін.

Жағымсыз реакциялардың туындау жиілігін постмаркетингтік бақылау негізінде есептеу мүмкін емес.

Егер препаратты қабылдау кезінде жағымсыз реакциялар туындаса, қабылдауды тоқтатып дәрігерге қаралу қажет.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

ҚР ДСМ Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК.

http://www.ndda.kz

Қосымша мәліметтер

100 мл препараттың құрамында

белсенді заттар: аффинді тазартылған брадикининге антиденелер – 0,12 г*, аффинді тазартылған гистаминге антиденелер - 0,12 г*, аффинді тазартылған морфинге антиденелер - 0,12 г*,

қосымша заттар: гипромеллоза, мальтитол, глицерол, калий сорбаты, сусыз лимон қышқылы, тазартылған су.

* тиісінше 10012, 10030, 10050 есе сұйылтылған субстанцияның үш белсенді сулы ерітіндісінің қоспасы түрінде енгізіледі.

Түссіз немесе түссіз дерлік мөлдір сұйықтық.

Ішуге арналған ерітінді.

100 мл полиэтиленді тамшылатқышы бар алғашқы ашылуы бақыланатын қақпақпен тығындалған ОС маркалы құтыларда немесе боялған шыны құтыларда. 1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Жарамдылық мерзімі өткеннен кейін қолдануға болмайды.

Қаптаманы алғаш ашқаннан кейінгі сақтау кезеңі 25°С-ден аспайтын температурада 35 күн.

25 °С-ден аспайтын температурада сақтау керек.

Балалардың қолы жетпейтін жерде сақтау керек.

Мұздатып қатыруға болмайды.

Рецептісіз.

«МАТЕРИА МЕДИКА ХОЛДИНГ» ҒӨФ» ЖШҚ;

Ресей, 127473, Мәскеу қ., 3-й Самотечный қысқа к-сі, 9 үй.

Тел./факс: +7 (495) 684-43-33.

«МАТЕРИА МЕДИКА ХОЛДИНГ» ҒӨФ» ЖШҚ;

Ресей, 127473, Мәскеу қ., 3-й Самотечный қысқа к-сі, 9 үй.

Тел./факс: +7 (495) 684-43-33.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«МАТЕРИА МЕДИКА ХОЛДИНГ» ҒӨФ» ЖШҚ ҚР-да өкілдігі,Алматы қ., Сейфуллин к-сі 498.

Тел./факс: 2734713.

E-mail: kz@dep.materiamedica.ru