Посиформин мазь глаз. 2% по 5 г (туба)

Посиформин®

Биброкатол

Көзге арналған жақпамай 2 %

Сезім мүшелері. Офтальмологиялық препараттар. Микробтарға қарсы препараттар. Басқа микробтарға қарсы препараттар. Биброкатол.

АТХ коды S01AX05

Инфекциялық емес генезді көздің сыртқы қабығының спецификалық емес тітіркенуі, қабақ шетінің созылмалы қабынуы (созылмалы блефарит), мөлдір қабықтың жаңа инфекцияланбаған жаралары.

Қолданудың басталуына дейін қажетті мәліметтер тізбесі

Препараттың белсенді затына немесе кез келген қосымша заттарына аса жоғары сезімталдық.

Препаратпен емдеу кезінде жанаспалы линзаларды қолдануға болмайды.

Қосымша зат ланолин жергілікті тері реакцияларын тудыруы мүмкін (мысалы, жанаспалы дерматит).

Препараттың дәрілік өзара әрекеттесуіне арнайы зерттеулер жүргізілген жоқ.

Препаратты басқа көзге тамызатын дәрілермен немесе жақпамайлармен бір мезгілде қолданғанда жағудың арасында ең аз дегенде 15 минуттық аралықты ұстаған жөн. Посиформин® соңында қолдану керек.

Педиатрияда қолданылуы

Ересектер мен 6 жастан асқан балалар үшін дозалануы бірдей.

Жүктілік немесе лактация кезінде

Препаратты жүктілік кезінде немесе бала емізу кезінде қолдану туралы клиникалық деректер болмағандықтан, осы кезеңде Посиформин® көзге арналған жақпамайын осындай қолданудың пайдасы мен қаупінің арақатынасын мұқият бағалағаннан кейін ғана тағайындауға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Майлы консистенциясы байланысты препаратты қолданғаннан кейін қысқа мерзімде көздің көру жітілігіне және осылайша, автокөлікті басқару немесе механизмдермен жұмыс істеу кезінде реакцияның жылдамдығына әсер етуі мүмкін.

Дозалау режимі

Егер дәрігер басқаша тағайындамаса, ұзындығы 0.5 см жақпамайдың жолағын конъюнктивалық қалтаға салады немесе зақымданған қабаққа күніне 3-5 рет жағады. Күні бойы көзге арналған жақпамайды шамамен бірдей уақыт аралығында жағады.

Препаратты симптомдар жойылғанға дейін қолдану керек. Әдетте емдеу ұзақтығы 14 күннен аспайды.

Шағымдар тұрақты болған кезде және жақсару болмағанда, сондай-ақ, көздің созылмалы тітіркенуі жағдайында дәрігермен кеңесу керек. Препаратты медициналық бақылаусыз ұзақ уақыт қолданбау керек.

Енгізу әдісі мен жолы

Көзге арналған жақпамайды жаққан кезде сықпаның ұштығының көзге немесе теріге қандай да бір жанасуын болдырмау керек.

Сықпаның қақпағын ашып, басыңызды сәл артқа еңкейтіп, төменгі қабақты аздап тартыңыз. Сықпаны абайлап қысып, конъюнктивалық қалтаға көзге арналған жақпамайдың жолағын енгізіңіз, содан кейін көзіңізді баяу жабыңыз. Қолданғаннан кейін сықпаны мұқият жабыңыз.

Егер препараттың әсері тым күшті немесе тым әлсіз болып көрінсе, өз дәрігеріңізге хабарласыңыз.

Посиформин® көзге арналған жақпамайдың қысқа мерзімді артық дозалануы кезінде жағымсыз әсерлердің дамуы күтілмейді. Арнайы шараларды қабылдау талап етілмейді.

Дәрілік препараттың бір немесе бірнеше дозасын өткізіп алу кезіндегі қажетті шаралар

Егер сіз доза қабылдауды өткізіп алсаңыз қосарлы дозаны қолданбаңыз. Препараттың келесі дозасын мүмкіндігінше тез енгізіңіз және дәрігер тағайындаған аралықпен сол дозаларды қолдануды жалғастырыңыз.

Дәрілік препаратты қолдану тәсілін түсіндіру үшін медицина қызметкерінен кеңес алу үшін жүгіну ұсынымдары

Әрқашан осы препаратты дәрігеріңіздің нұсқауымен дәл қолданыңыз. Егер сіз бір нәрсеге сенімді болмасаңыз, дәрігеріңізбен кеңесіңіз.

Барлық дәрілік препараттар сияқты Посиформин® жағымсыз әсерлерді тудыруы мүмкін, бірақ олар әр пациентте дами бермейді.

Препаратты қолдану кезінде байқалған жағымсыз реакциялар олардың жиілігіне қарай келесідей жіктеледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан <1/1000 дейін), өте сирек (< 1/10000), жиілігі белгісіз (қолда бар деректер негізінде анықталуы мүмкін емес).

Сирек

- аса жоғары сезімталдық реакциялары (аллергия) және қышу, гиперемия немесе көздің ісінуі, көздің ауырсынуы, беттің ісінуі, бетке қан тебу сияқты симптомдармен қатар жүретін көздің тітіркенуі.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz.

Қосымша мәліметтер

Бір грамм жақпамайдың құрамында

белсенді зат – 20 мг биброкатол,

қосымша заттар – ақ жұмсақ парафин, сұйық парафин, ланолин.

Сыртқы түрінің, иісінің, дәмінің сипаттамасы

Сарыдан сұр-сары түске дейінгі біртекті жақпамай (суспензия түрінде).

5 г алюминий сықпадағы көзге арналған жақпамай ұштықпен және қалпақшамен (полиэтилен) жабдықталған ішкі қорғаныс лагымен қапталған.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл.

Сықпаны алғаш ашқаннан кейінгі сақтау мерзімі – 4 апта.

Жарамдылық мерзімі өткеннен кейін қолдануға болмайды.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

УРСАФАРМ Арцнаймиттель ГмбХ / URSAPHARM Arzneimittel GmbH

Индустриештрассе 35, 66129 Саарбрюкен / Industriestrasse 35, 66129 Saarbrucken, Германия

тел: + 49 (0) 6805 92 92-0

е-mail: info@ursapharm.de

УРСАФАРМ Арцнаймиттель ГмбХ / URSAPHARM Arzneimittel GmbH

Индустриештрассе 35, 66129 Саарбрюкен / Industriestrasse 35, 66129 Saarbrucken, Германия

тел: + 49 (0) 6805 9292-0

е-mail: info@ursapharm.de

«СОНА-ФАРМЕКСИМ» ЖШС

Қазақстан, 050012, Алматы қ., Төле би к-сі, 101 үй, 9 қабат, D блок

тел.: +7 (727) 221 90 91

e-mail: safety@eastpharm.eu