Платифиллина Гидротартрат раствор д/ин. 2 мг/мл по 1 мл №10 (ампулы)

Платифиллин гидротартраты

Жоқ

Тері астына енгізуге арналған ерітінді 2 мг/мл, 1 мл

Ас қорыту жолы және зат алмасу. Асқазан-ішектің функционалдық бұзылыстарын емдеуге арналған препараттар. Синтетикалық холиноблокаторлар – үштік амин тобы эфирлері. АТХ коды А03АА.

Кешенді емнің құрамында:

- асқазан мен он екі елі ішектің ойық жара ауруы (біріктірілген ем құрамында)

- пилороспазм

- холецистит

- холелитиаз

- ішек, бүйрек және өт қабының шаншуы.

Қолданудың басталуына дейінгі қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- жүктілік және лактация кезеңі

- гипертензия

- тиреотоксикоз

- гипертермиялық синдром

- миастения gravis

- несептің іркілуі немесе оған бейімділік

- мидың зақымдануы

- жабық бұрышты глаукома

- кахексия

- айқын атеросклероз

- жүректің II-III дәрежелі жеткіліксіздігі, аритмиялар, тахикардия

- қуықасты безінің гиперплазиясы

- бауыр және/немесе бүйрек жеткіліксіздігі

- пилородуоденальді стеноз

- рефлюкс-эзофагитпен біріккен диафрагмалық жарық

- салданған илеус

- ішек атониясы

- асқазан-ішек жолы ағзаларынан қан кету

- ойық жаралы колитпен асқынған мегаколон

- егде және қарт жас.

- 15 жасқа дейінгі балалар мен жасөспірімдер

Жүректің жиырылу жиілігінің артуы жағымсыз болатын жүрек-қантамыр жүйесі ауруларында (жедел қан кету, жыпылықтағыш аритмия, тахикардия және басқалар), дене температурасы жоғарылағанда (тер бездері белсенділігінің басылуы салдарынан ол әрі қарай жоғарылауы мүмкін), өңештің ахалазияларында және қақпаның стенозында (моторикасының және тонусының төмендеуі, ол асқазан ішіндегісінің іркіліп, бітелісіне әкелуі мүмкін), егде жастағы науқастарда немесе әлсіз науқастарда ішек атониясында, жабық бұрышты және ашық бұрышты глаукомада, жүкті әйелдер токсикозында, балалардың миы зақымданғанда ерекше сақтық қажет.

Рефлюкс-эзофагит, диафрагманың өңештік саңылауы жарығының рефлюкс-эзофагитпен бірігуі (өңеш пен асқазанның моторикасы төмендеуі және өңештің төменгі сфинктерінің босаңсуы асқазанның босауын баяулатуы және қызметі бұзылған сфинктер арқылы гастроэзофагеальді рефлюкстің күшеюіне ықпалын тигізуі мүмкін).

Бітелумен қатар жүретін асқазан-ішек жолының аурулары: ахалазия және қақпа стенозы (моторикасының және тонусының төмендеуі, ол асқазан ішіндегінің бітелісіне және іркілісіне әкелуі мүмкін).

Егде жастағы науқастарда немесе әлсіз науқастарда ішек атониясы (бітеліс пайда болуы мүмкін), ішектің салданған бітелісі.

Көзішілік қысым жоғарылайтын аурулар: жабық бұрышты глаукома (көзішілік қысымның артуына әкелетін мидриаздық әсер жедел ұстаманы туындатуы мүмкін), ашық бұрышты глаукома (мидриаздық әсер көзішілік қысымды біршама арттыруы мүмкін; емдеуді түзету қажет болуы мүмкін), 40 жастан асса (диагностикаланбаған глаукоманың біліну қаупі).

Спецификалық емес ойық жаралы колит (жоғары дозалар ішектің перисталтикасын бәсеңдетіп, ішектің салданған бітелісінің ықтималдығын арттыруы мүмкін; бұдан басқа, уытты мегаколон сияқты асқынудың білінуі немесе өршуі мүмкін).

Ауыз қуысының шырышты қабығының құрғауы (ұзақ уақыт қолдану ксеростомия айқындылығын әрі қарай күшейтуі мүмкін).

Бауыр жеткіліксіздігі (метаболизмнің төмендеуі) және бүйрек жеткіліксіздігі (шығарылудың төмендеуі салдарынан жағымсыз әсерлердің пайда болу қаупі).

Өкпенің созылмалы аурулары, әсіресе кішкентай балаларда және әлсіз науқастарда (бронх секрециясының азаюы секреттің қоюлануына және бронхтарда тығынның түзілуіне әкеліп соғуы мүмкін).

Миастения (ацетилхолиннің тежелуіне байланысты жағдай нашарлауы мүмкін).

Вегетативтік (автономдық) невропатия (несептің іркілуі және аккомодацияның салдануы күшеюі мүмкін), несеп шығару жолдарының обструкциясынсыз болатын қуықасты безінің гиперплазиясы, несептің іркілуі немесе оған бейімділік немесе несеп шығару жолдарының обструкциясымен (соның ішінде қуықасты безінің гиперплазиясы салдарынан қуық мойнының) қатар жүретін аурулар.

Гестоз (артериялық гипертензияның күшеюі мүмкін).

Балаларда мидың зақымдануы (орталық жүйке жүйесі тарапынан әсерлер күшеюі мүмкін).

Даун ауруы (қарашық әдеттен тыс кеңеюі және жүректің жиырылу жиілігі жоғарылауы мүмкін).

Балаларда орталықтан болатын салдану (холиноблокаторларға реакциялары өте айқын болуы мүмкін).

Емдеу кезеңінде артериялық қысымды және тамырдың соғуын жүйелі бақылап отыру қажет.

Емделу кезеңінде алкоголь ішімдіктерін тұтынудан аулақ болған жөн.

Шизофрениямен ауыратын науқастарда галоперидолмен бір мезгілде қолданған кезде психозға қарсы әсердің төмендеуі мүмкін.

Фенобарбиталдың, пентобарбиталдың, магний сульфатының және натрий этаминалының тыныштандыратын және ұйықтататын әсерін күшейтеді. Верапамил қабылдаудан болатын брадикардияны жояды; морфиннен туындаған жүрек айнуын, құсуды және брадикардияны жояды.

Просериннің әсерлерін бөгейді.

Ішке тағайындалатын Н2-гистаминолитиктердің, дигоксин мен рибофлавиннің әсерін арттырады (перистальтиканы баяулатады және сіңуін жақсартады).

Адреномиметиктер және органикалық нитраттар көз ішіндегі қысымның жоғарылауын күшейтеді.

М-холиноблокаторлар, амантадин, галоперидол, фенотиазиндер, МАО тежегіштері, трициклдық антидепрессанттар, бензактизин, хинидин сульфаты, изониазид, кейбір антигистаминдік препараттар (дифенгидрамин), дизопирамид, новокаинамид антихолинергиялық жағымсыз әсерлердің даму қаупін арттырады.

Холинэстераза тежегіштерімен антагонизмді көрсетеді. Антихолинэстеразалық препараттармен бір мезгілде қолдануға болмайды.

Морфин жүрек-қантамыр жүйесін бәсеңдететін әсерін күшейтеді, моноаминоксидаза тежегіштері - оң хроно- және батмотроптық әсер; жүрек гликозидтері - оң батмотроптық әсер; хинидин, прокаинамид - м-холиноблокаторлық әсер береді.

Тегіс бұлшықет түйілуімен байланысты ауыру пайда болғанда әсер етуін анальгетиктер, тыныштандыратын дәрілер, транквилизаторлар; қантамырлық түйілулерде - гипотензиялық және тыныштандыратын дәрілер күшейтеді.

Арнайы сақтандырулар

Жүрек-қантамыр жүйесінің аурулары, яғни жүректің жиырылу жиілігінің (ЖЖЖ) артуы жағымсыз болуы мүмкін: жыпылықтағыш аритмия, тахикардия, жүректің созылмалы жеткіліксіздігі, жүректің ишемиялық ауруы, митральді стеноз, артериялық гипертензия, жедел қан кету.

Гипертиреоз (тахикардия күшеюі мүмкін).

Дене температурасының жоғарылауы (май бездері белсенділігінің басылуы салдарынан одан әрі жоғарылауы мүмкін).

Рефлюкс-эзофагит, диафрагманың өңештік саңылауы жарығының рефлюкс-эзофагитпен бірігуі (өңеш пен асқазанның моторикасы төмендеуі және өңештің төменгі сфинктерінің босаңсуы асқазанның босауын баяулатуы және функциясы бұзылған сфинктер арқылы гастроэзофагеальді рефлюкстің күшеюіне ықпалын тигізуі мүмкін).

Бітелумен қатар жүретін асқазан-ішек жолының аурулары: ахалазия және қақпа стенозы (моторикасының және тонусының төмендеуі, ол асқазан ішіндегінің бітелісіне және іркілісіне әкелуі мүмкін).

Егде жастағы науқастарда немесе әлсіз науқастарда ішек атониясы (бітеліс пайда болуы мүмкін), ішектің салданған бітелісі.

Көзішілік қысым жоғарылайтын аурулар: жабық бұрышты глаукома (көзішілік қысымның артуына әкелетін мидриаздық әсер жедел ұстаманы туындатуы мүмкін), ашық бұрышты глаукома (мидриаздық әсер көзішілік қысымды біршама арттыруы мүмкін; емдеуді түзету қажет болуы мүмкін), 40 жастан асса (диагностикаланбаған глаукоманың біліну қаупі).

Спецификалық емес ойық жаралы колит (жоғары дозалар ішектің перисталтикасын бәсеңдетіп, ішектің салданған бітелісінің ықтималдығын арттыруы мүмкін; бұдан басқа, уытты мегаколон сияқты асқынудың білінуі немесе өршуі мүмкін).

Ауыз қуысының шырышты қабығының құрғауы (ұзақ уақыт қолдану ксеростомия айқындылығын әрі қарай күшейтуі мүмкін).

Бауыр жеткіліксіздігі (метаболизмнің төмендеуі) және бүйрек жеткіліксіздігі (шығарылудың төмендеуі салдарынан жағымсыз әсерлердің пайда болу қаупі).

Өкпенің созылмалы аурулары, әсіресе кішкентай балаларда және әлсіз науқастарда (бронх секрециясының азаюы секреттің қоюлануына және бронхтарда тығынның түзілуіне әкеліп соғуы мүмкін).

Миастения (ацетилхолиннің тежелуіне байланысты жағдай нашарлауы мүмкін).

Вегетативтік (автономдық) невропатия (несептің іркілуі және аккомодацияның салдануы күшеюі мүмкін), несеп шығару жолдарының обструкциясынсыз болатын қуықасты безінің гиперплазиясы, несептің іркілуі немесе оған бейімділік немесе несеп шығару жолдарының обструкциясымен (соның ішінде қуықасты безінің гиперплазиясы салдарынан қуық мойнының) қатар жүретін аурулар.

Гестоз (артериялық гипертензияның күшеюі мүмкін).

Балаларда мидың зақымдануы (орталық жүйке жүйесі тарапынан әсерлер күшеюі мүмкін).

Даун ауруы (қарашық әдеттен тыс кеңеюі және жүректің жиырылу жиілігі жоғарылауы мүмкін).

Балаларда орталықтан болатын салдану (холиноблокаторларға реакциялары өте айқын болуы мүмкін).

Жүктілік және лактация

Жүктілік кезінде қолдануға болмайды. Лактация кезеңінде препаратты қолдана отырып, емдеу қажет болғанда бала емізуді тоқтату керек.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын басқаруды және зейін қою мен психомоторлы реакциялардың шапшаңдығын қажет ететін басқа да қауіпті қызмет түрлерімен айналысуды тоқтата тұру қажет.

Дозалау режимі

Асқазан мен он екі елі ішектің ойық жара ауруында түйіліп ауыру ұстамаларын (ішек, бауыр, бүйрек шаншулары) басу үшін препаратты тері астына 2-4 мг-ден (2 мг/мл ерітіндісінің 1-2 мл-ін). Курстық емдеу үшін (10-20 күн) тері астына тәулігіне 2-3 рет 2-4 мг-ден енгізеді.

Ересектер үшін ең жоғары доза: бір реттік – 10 мг, тәуліктік – 30 мг.

Тері астына.

Симптомдары: ішектің салданған бітелісі, несептің жедел кідіруі (қуықасты безінің аденомасы бар науқастарда), аккомодацияның салдануы, көзішілік қысымның жоғарылауы; ауыз қуысының, мұрынның, тамақтың шырышты қабығының құрғауы, жұтынудың, сөйлеудің қиындауы, мидриаз (нұрлы қабықтың толық жоғалуына дейін), тремор, құрысулар, гипертермия, қозу, орталық жүйке жүйесінің бәсеңдеуі, тыныс алу және қантамырларды қозғалту орталығы белсенділігінің басылуы.

Емі: қарқынды диурез, м-холиномиметиктерді және холинэстераза тежегіштерін парентеральді түрде енгізу. Гипертермияда - ылғал дәкемен сүрту, ыстықты түсіретін дәрілер, қозған кезде - натрий тиопенталын вена ішіне енгізу; мидриазда - жергілікті, көз тамшылары түрінде пилокарпин. Глаукома ұстамалары пайда болған жағдайда дереу конъюнктивалық қалтаға әр сағат сайын 2 тамшыдан 1% пилокарпин ерітіндісін тамызады және тері астына - 1 мл 0,05% прозерин (неостигмин метилсульфатын) ерітіндісін тәулігіне 3-4 рет енгізеді.

Дәрілік препаратты қолдану тәсілін түсіну үшін медицина қызметкерінен кеңес алуға жүгіну жөнінде нұсқаулар

Дәрілік препаратты қолдану тәсілін түсіндіру үшін кеңес алуға медицина қызметкеріне немесе емдеуші дәрігерге жүгіну ұсынылады.

- ауыздың құрғауы, шөлдеу, дәм сезудің бұзылуы, дисфагия, атонияға дейін ішек моторикасының төмендеуі, өт шығару жолдары мен өт қабының тонусының төмендеуі

- несеп шығарудың қиындауы және кідіруі

- тахикардия, аритмия, экстрасистолияны қоса, миокард ишемиясы

- беттің қызаруы, ысыну сезімі

- бас ауыруы, бас айналуы, күйгелектік, ұйқысыздық

- қарашықтың кеңеюі, фотофобия, аккомодация салдануы, көзішілік қысымның жоғарылауы

- секрециялық белсенділік пен бронх тонусының төмендеуі, бұл жөтелуге қиын болатын тұтқыр қақырықтың түзілуіне әкеледі

- тері бөртпесі, есекжем, эксфолиативті дерматит

- анафилаксиялық реакциялар, анафилаксиялық шок

- басқалары: терлеудің азаюы, терінің құрғауы, дизартрия.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер