Пантокальцин таблетки по 250 мг №50 (5 блистеров х 10 таблеток)

Пантокальцин®

Гопантен қышқылы

Таблеткалар, 250 мг

Жүйке жүйесі. Психоаналептиктер. Зейін қою тапшылығы мен аса жоғары белсенділікте (ADHD-Attention deficit hyperactivity disorder) қолданылатын психостимуляторлар және ноотропты дәрілер. Басқа психостимуляциялайтын және ноотропты дәрілер.

АТХ коды N06BX

- мидың органикалық зақымданулары және невроздық бұзылыстар кезіндегі когнитивті бұзылулар

- ми қан тамырларының атеросклероздық өзгерістерден туындаған цереброваскулярлық жеткіліксіздікті кешенді емдеу құрамында; сенильді деменция (бастапқы түрі), ересек жастағы және егде жастағы адамдарда мидың резидуальді органикалық зақымданулары

- шизофрениямен ауыратын науқастардағы церебральді органикалық жеткіліксіздік (нейролептиктермен, антидепрессанттармен біріктіріп)

- жүйке жүйесінің тұқым қуалайтын аурулары бар науқастарда экстрапирамидті гиперкинез (Гентингтон хореясы, гепатоцеребральді дистрофия, Паркинсон ауруы және т. б.)

- бастан өткерген нейроинфекциялар мен бассүйек-ми жарақаттарының салдары (кешенді ем құрамында)

- нейролептиктердің жағымсыз әсерін түзету үшін және "бүркемелеу емі" ретінде бір мезгілде профилактикалық мақсатта; экстрапирамидтік нейролептикалық синдром (гиперкинетикалық және акинетикалық)

- психикалық үдерістер баяу дамитын эпилепсия (құрысуға қарсы препараттармен біріктірілімде)

- психоэмоциялдық жүктемелер, ақыл-ой және физикалық жұмысқа қабілеттіліктің төмендеуі; зейін қою мен есте сақтауды жақсарту үшін

- несеп шығару бұзылыстары: энурез, күндізгі несепті ұстай алмау, поллакиурия, императивті несеп шығаруға қысылу

- ақыл-ой кемістігі бар балаларда (психикалық, сөйлеу, моторлы даму іркілісі немесе олардың біріктірілімдері), балалардың церебральді салдануы; кекештену (көбіне клонус түрінде болатын); эпилепсия кезінде (құрысуға қарсы препараттармен біріктірілген ем құрамында, әсіресе полиморфты ұстамалар мен шағын эпилепсиялық ұстамалар кезінде)

Қолданудың басталуына дейінгі қажетті мәліметтер тізбесі

- кальций гопантенатына немесе препараттың кез келген қосымша заттарына аса жоғары сезімталдық

- бүйректің жедел ауыр аурулары

- жүктілік

- бала емізу кезеңі

- 6 жасқа дейінгі балалар (осы дәрілік түрі үшін)

Қолдану кезіндегі қажетті сақтық шаралары

Ұзақ емдеу жағдайында басқа ноотропты және орталық жүйке жүйесін стимуляциялайтын дәрілік заттармен бір мезгілде тағайындау ұсынылмайды.

Барбитураттардың әсерін ұзартады; орталық жүйке жүйесін стимуляциялайтын препараттардың, құрысуға қарсы дәрілік заттардың, жергілікті анестетиктердің (прокаин) әсерін күшейтеді. Фенобарбитал, карбамазепин, психозға қарсы дәрілердің (нейролептиктер) жағымсыз әсерлерін алдын алады.

Гопантен қышқылының әсері глицин, ксидифонмен үйлескенде күшейеді.

Педиатрияда қолдану

6 жасқа дейінгі балаларға қолданылмайды.

Жүктілік

Жүктілік кезінде гопантен қышқылын қолдану бойынша деректер жоқ, сондықтан препаратты жүктілік кезінде қолдануға болмайды.

Бала емізу

Бала емізу кезеңінде әйелдерде зерттеулер жүргізілмеген, сондықтан лактация кезеңінде препаратты қолдану қажет болған жағдайда бала емізуді тоқтату керек.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Мүмкін болатын өтпелі жағымсыз құбылыстарға (ұйқышылдық, бастағы шуыл) байланысты емнің басында автокөлікті немесе басқа қауіптілігі зор механизмдерді басқару кезінде сақтық таныту керек.

Қолдану бойынша ұсынымдар

Дозалау режимі

Ересектерге арналған бір реттік доза 0,5-1 г, балалар үшін - 0,25-0,5 г; ересектерге арналған тәуліктік доза - 1,5-3 г, балалар үшін - 0,75-3 г.

Балаларға, ақыл-ой кемістігі кезінде: 0,5 г.

Балаларға, сөйлеу дамуының кешігуі кезінде: 0,5 г.

Нейролептикалық синдром кезінде (нейролептикалық дәрілердің жағымсыз әсерін түзеткіш ретінде): ересектерге 0,5-1 г, балаларға - 0,25-0,5 г.

Эпилепсия кезінде: балаларға 0,25-0,5 г, ересектерге 0,5-1 г.

Гиперкинез кезінде (тартылулар): балаларға 0,25-0,5 г, ересектерге 1,5-3 г.

Несеп шығару бұзылыстары кезінде: ересектерге 0,5-1 г (тәуліктік доза 2-3 г), балаларға 0,25-0,5 г (тәуліктік доза 25-50 мг/кг).

Нейроинфекция және бассүйек-ми жарақаттарының салдары кезінде: 0,25 г.

Жоғары жүктемелер мен астениялық жағдайларда жұмыс қабілеттін қалпына келтіру үшін: 0,25 г.

Балаларға дозаны дәрігер жекелей (клиникалық көрсетілімдерге байланысты) тағайындайды.

Енгізу әдісі мен жолы

Ішке, тамақтан кейін 15-30 минуттан соң.

Қабылдау уақыты көрсетілген қолдану жиілігі

Балаларға, ақыл-ой кемістігі кезінде: күніне 4-6 рет.

Балаларға, сөйлеу дамуы кешеуілдеген кезде: күніне 3-4 рет.

Нейролептикалық синдром кезінде (нейролептикалық дәрілердің жағымсыз әсерін түзеткіш ретінде): ересектерге күніне 3 рет, балаларға - күніне 3-4 рет.

Эпилепсия кезінде: балаларға күніне 3-4 рет, ересектерге күніне 3-4 рет, күн сайын.

Гиперкинез кезінде (тартылулар): балаларға күніне 3-6 рет, ересектерге тәуліктік дозаны 2-3 қабылдауға бөлуге болады.

Несеп шығару бұзылыстары кезінде: күніне 2-3 рет.

Нейроинфекция және бассүйек-ми жарақаттарының салдары кезінде: күніне 3-4 рет.

Жоғары жүктемелер мен астениялық күйлерде өнімділікті қалпына келтіру үшін: күніне 3 рет.

Балалар үшін емдеу режимін дәрігер жеке тағайындайды (клиникалық көрсетілімдерге байланысты).

Емдеу курсының ұзақтығы 1 айдан 4 айға дейін, жекелеген жағдайларда - 6 айға дейін.

3-6 айдан кейін емдеу курсын қайталап жүргізуге болады.

Балалар үшін емдеу режимін дәрігер жеке тағайындайды (клиникалық көрсетілімдерге байланысты).

Балаларға, ақыл-ой кемістігі кезінде: емдеу курсының ұзақтығы 3 ай.

Балаларға, сөйлеу дамуы кешеуілдеген кезде: емдеу курсының ұзақтығы 2-3 ай.

Нейролептикалық синдром кезінде (нейролептикалық дәрілердің жағымсыз әсерін түзеткіш ретінде): емдеу курсының ұзақтығы 1-3 ай.

Эпилепсия кезінде: ұзақ уақыт бойы (6 айға дейін).

Гиперкинез кезінде (тартылулар): балаларда емдеу курсының ұзақтығы 1-4 ай, ересектерде 1-5 ай.

Несеп шығару бұзылыстарында: емдеу курсының ұзақтығы 2 аптадан 3 айға дейін (бұзылулардың айқындығына және емдік әсеріне байланысты).

Артық дозалану жағдайында қабылдануы қажетті шаралар

Симптомдары: жағымсыз әсерлердің күшеюі.

Емі: асқазанды шаю, белсендірілген көмір, симптоматикалық ем.

Дәрілік препараттың бір немесе бірнеше дозасын өткізіп алу кезіндегі қажетті шаралар

Жекелеген дозларды өткізіп алғанда препараттың қосарлы дозасын қабылдау қажет емес.

Тоқтату симптомдарының болу қаупіне нұсқау

Тоқтату симптомдарының жағдайлары туралы осы уақытқа дейін хабарланған жоқ.

Дәрілік препратты қабылдамас бұрын дәрігерге кеңес алу үшін жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)

Өте сирек

- аллергиялық реакциялар (ринит, конъюнктивит, терінің аллергиялық реакциялары)

- аса қозу, бас ауруы, бас айналу, бастағы шуыл

- сылбырлық, мәңгіру, ұйқының бұзылуы, ұйқышылдық

Аллергиялық реакциялар туындаған жағдайда препаратты қабылдау тоқтатылады. Басқа жағдайларда препараттың дозасын азайтады.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат – гопантен қышқылы 250 мг,

қосымша заттар: магний гидроксикарбонаты, кальций стеараты, тальк, картоп крахмалы.

Дөңгелек жалпақ цилиндр пішінді, ойығы және крест тәрізді сызығы бар ақ түсті таблеткалар.

10 таблеткадан пішінді ұяшықты қаптамада немесе баспалы лакталған алюминий фольгадан және перфорацияланған поливинилхлоридті үлбірден жасалған пішінді ұяшықты қаптамада.

5 пішінді қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

4 жыл.

Жарамдылық мерзімі өткеннен кейін қолдануға болмайды!

Жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

«Валента Фарм» АҚ, Ресей

141108, Ресей, Мәскеу облысы, Щелково қ., Фабричная көш., 2 үй.

Телефон: +7 (495) 933-48-62, факс +7 (495) 933-48-63

Электронды пошта: info@valentapharm.com

«Валента Фарм» АҚ, Ресей

141108, Ресей, Мәскеу облысы, Щелково қ., Фабричная көш., 2 үй.

Телефон: +7 (495) 933-48-62, факс +7 (495) 933-48-63

Электронды пошта: info@valentapharm.com

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Валента Фармацевтика» акционерлік қоғамының өкілдігі

Қазақстан Республикасы, 050009, Алматы қаласы, Алмалы ауданы, Абай даңғылы, № 151 үй, № 1106 кеңсе

Тел: +7 (727) 3341551

Моб. +7 771 779 79 37

Электронды пошта: asia@valentapharm.com