Панангин Форте таблетки 316 мг + 280 мг №60 (4 блистера х 15 таблеток)

Панангин® Форте

Жоқ

Үлбірлі қабықпен қапталған таблеткалар, 316 мг/280 мг

Ас қорыту жолы және зат алмасу. Минералды қоспалар. Басқа да минералды заттар. Басқа да минералды препараттар.

АТХ коды А12СХ

- емдеуші дәрігердің тағайындауы бойынша жүректің созылмалы ауруларында (созылмалы жүрек жеткіліксіздігі, миокард инфарктісінен кейінгі жағдай), жүрек ырғағының бұзылуларында (негізінен қарыншалық аритмия) кешенді ем құрамында

- емдеуші дәрігердің тағайындауы бойынша жүрек гликозидтерімен емге қосымша дәрі ретінде

- магний және калийдің тұтынылуын арттыру үшін қоспа түрінде.

Қолданудың басталуына дейін қажетті мәліметтер тізбесі

Қолдануға болмайтын жағдайлар

- препараттың кез келген компонентіне жоғары сезімталдық

- жедел немесе созылмалы бүйрек жеткіліксіздігі

- Аддисон ауруы

- III дәрежелі атриовентрикулярлық блокада

- кардиогенді шок (артериялық қысым 90 мм с.б. кем)

- 18 жасқа дейінгі балалар.

Гиперкалиемия қатар жүретін аурулары бар пациенттер ерекше сақ болуы керек: қан сарысуындағы электролиттердің құрамын үнемі бақылау ұсынылады.

Калий жинақтаушы диуретиктермен, ангиотензинге өзгертуші фермент (АӨФ) тежегіштерімен, бета-адреноблокаторлармен, циклоспоринмен, гепаринмен және қабынуға қарсы стероидты емес препараттармен бірге қолданған кезде гиперкалиемияның даму қаупі артады.

Тетрациклиндер (пероральді қолданған кезде), темір тұздары мен натрий фториді калий аспарагинаты мен магний аспарагинатының асқазан-ішек жолынан сіңірілуін төмендетеді. Жоғарыда аталған препараттармен Панангин Форте препаратын қабылдау арасында кем дегенде 3 сағат үзіліс болуы қажет.

Арнайы сақтандырулар

Панангин Форте препаратын тамақтанудан кейін қабылдаған жөн, себебі асқазанның қышқыл ортасы препараттың тиімділігін төмендетуі мүмкін.

Педиатрияда қолданылуы

Панангин Форте препаратын 18 жасқа дейінгі балалар мен жасөспірімдерге қолдануға болмайды, өйткені оны пациенттердің осы санатына қолданудың қауіпсіздігі мен тиімділігі анықталмаған.

Жүктілік немесе лактация кезеңі

Жүктілік немесе емшек емізу кезінде Панангин Форте препаратының теріс әсерін көрсететін деректер жоқ.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Панангин Форте көлік құралдарын және басқа механизмдерді басқару қабілетіне әсер етпейді.

Дозалау режимі

Ересектер

Ұсынылған тәуліктік доза: 1 таблеткадан күніне 3 рет.

Ең жоғарғы тәуліктік доза: 1 таблеткадан күніне 3 рет.

Енгізу әдісі мен жолы

Ішке қабылдау үшін. Препаратты тамақтанудан кейін қабылдаған жөн.

Құрамында калий аспарагинаты және магний аспарагинаты бар препаратының, үлкен дозаларын қабылдағанның өзінде, артық дозалануы туралы ақпарат жоқ. Бүйректің калийді көп мөлшерде шығаратын қабілетін ескере отырып, препарат дозасын арттыру калий шығарылуының жедел немесе айқын бұзылулары аясында ғана гиперкалиемияға әкелуі мүмкін.

Магний кең емдік «терезесімен» сипатталады, бүйрек жеткіліксіздігі болмағанда күрделі жағымсыз әсерлері өте сирек болады.

Магний қоспаларын ішке қабылдау диарея типті жеңіл жағымсыз реакцияларды туындатуы мүмкін. Панангин Форте препаратының жоғары дозалары олардың құрамында магний болуына байланысты нәжісті жиілетуі ықтимал.

Гиперкалиемия симптомдары: жалпы әлсіздік, парестезия, брадикардия, салдану, аритмия.

Гипермагниемия симптомдары: жүрек айну, құсу, летаргиялық ұйқы, артериялық қысымның төмендеуі, брадикардия, әлсіздік, гипорефлексия.

Емі: артық дозаланғанда препаратты қабылдауды тоқтату қажет; симптоматикалық ем ұсынылады (кальций хлоридін тамыр ішіне енгізу; қажет болғанда - гемодиализ).

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Егер сізде осы препаратты қолдану тәсіліне қатысты қосымша сұрақтарыңыз болса, емдеуші дәрігермен кеңесіңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау қажет шаралар

- препараттың үлкен дозаларын қолданған кезде нәжістің жиілеуі мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында:

белсенді заттар: калий аспарагинаты 316 мг (калий аспарагинаты гемигидраты түрінде 332,6 мг), магний аспарагинаты 280 мг (магний аспарагинаты тетрагидраты түрінде 350 мг);

қосымша заттар: сусыз коллоидты кремнийдің қостотығы, картоп крахмалы, повидон К-30, магний стеараты, тальк, жүгері крахмалы;

үлбірлі қабықтың құрамы: макрогол 6000, титанның қостотығы (Е 171), эудрагит (E 100), тальк.

Сопақша пішінді, екі беті дөңес, аздап жылтыр және тегіс емес, іс-жүзінде иіссіз дерлік, ақ немесе ақ дерлік түсті үлбірлі қабықпен қапталған, бір жағында «А83» жазуы бар таблеткалар.

15 таблеткадан ПВХ/ПВДХ үлбір және алюминий фольгадан жасалған пішінді ұяшықты қаптамада.

2, 4 немесе 6 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды.

25 C-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«Гедеон Рихтер» ААҚ,

1103 Будапешт, Дёмрёи к-сі, 19-21, Венгрия

Тіркеу куәлігі ұстаушысының атауы мен елі

«Гедеон Рихтер» ААҚ

1103 Будапешт, Демреи көшесі, 19-21, Венгрия

Тел: +361-431-4000, +361-431-4782, +361-431-4985

Факс: + 361-431-5944

E-mail: RA.CISRichter@richter.hu

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекен-жайы және байланыс деректері (телефон, факс, электрондық пошта)

«Гедеон Рихтер» ААҚ Қазақстан Республикасындағы өкілдігі, Алматы қ., Төле би к-сі, 187

E-mail: info@richter.kz; pv@richter.kz(фармакоқадағалау)

Телефон: 8-(7272)-58-26-22, 8-(7272)-58-26-23, 8-701-787-47-01