Пан-40 таблетки по 40 мг №20 (2 блистера х 10 таблеток)

Пан-40

Пантопразол

Ішекте еритін таблеткалар 40 мг

Ас қорыту жолы және зат алмасу. Қышқылдығы бұзылуымен байланысты ауруларды емдеуге арналған препараттар. Ойық жараға қарсы препараттар және гастроэзофагальді рефлюкс ауруын (gastro-oesophageal reflux disease - GORD) емдеуге арналған препараттар. Протонды сорғы тежегіштері. Пантопразол

АТХ коды А02ВС02

Ересектер мен 12 жастан асқан балаларға:

- рефлюкс-эзофагитте

Ересектерге:

- Helicobacter pylori эрадикациясы, бактерияға қарсы препараттармен біріктірілімде

- асқазан мен он екі елі ішектің ойық жаралы ауруында

- Золлингер-Эллисон синдромы немесе патологиялық асқазандық гиперсекрецияны сипаттайтын басқа да жағдайларда

Қолдануды бастағанға дейін қажетті мәліметтер тізбесі

- пантопразолға немесе кез келген қосымша заттарға аса жоғары сезімталдық

- бауыр және бүйрек функциясының айқын бұзылулары

- пантопразолды құрамында рилпивирин бар препараттармен (атазанавир, нелфинавир) бірге қолдану

- 12 жасқа дейінгі балалар

- жүктілік және бала емізу кезеңі

Қолдану кезіндегі қажетті сақтық шаралары

Пациенттерді төмендегі жағдайларда емдеуші дәрігерге кеңес алуға жіберу керек:

- Дене салмағының өздігінен жоғалуы, анемия, асқазан-ішектен қан кету, дисфагия, толассыз құсу немесе қан құсудың дамуы, бұл жағдайда препаратты қолдану симптомдарды бүркеп, күрделі аурулардың диагнозын қоюды кейінге қалдыруы мүмкін. Мұндай жағдайларда қатерлі үдерістерді жоққа шығару керек.

- Асқазанда ойық жараның бар болуы немесе анамнезінде асқазан-ішек жолында хирургиялық араласудың болуы.

- 4 және одан да көп апта бойы ас қорыту бұзылыстарын немесе қыжылды үздіксіз симптоматикалық емдеу.

- Сарғаюдың, бауыр жеткіліксіздігінің немесе бауыр ауруының болуы.

- Пациенттің жалпы көңіл-күйіне әсер ететін басқа да күрделі аурулардың болуы.

- Егер 55 жастан асқан пациентте симптомдардың өзгеруі немесе жаңа симптомдардың пайда болуы байқалса.

Ас қорыту бұзылуының немесе қыжылдың қайталанатын симптомдары ұзаққа созылған пациенттерге емдеуші дәрігерге ұдайы қаралу ұсынылады. Әсіресе, бұл 55 жастан асқан пациенттерге қатысты, олар күн сайын рецептісіз босатылатын препараттарды ас қорыту немесе қыжыл кезде қабылдайды – олар бұл туралы өзінің фармацевтіне немесе емдеуші дәрігеріне хабарлауы тиіс.

Басқа дәрілік препараттармен өзара әрекеттесуі

рН-тәуелді сіңірілу фармакокинетикасы бар дәрілік заттар

Сіңуі рН-тәуелді болып табылатын препараттармен, мысалы, кетоконазол, итраконазол, позаконазол, эрлотиниб, оның ішінде бұл препараттар сіңірілуінің өзгерістерін ескере отырып, Пантопразолмен емдеу курсына дейін таяуда тағайындалған препараттармен бір мезгілде қабылдануына көңіл аударған жөн.

АИТВ протеаза тежегіштері

Пантопразол және АИТВ протеаза тежегіштерімен (атаназавир, нелфинавир), бір мезгілде қабылдау соңғысының тиімділігін елеулі төмендетеді.

Кумариндік антикоагулянттар (фенпрокумон немесе варфарин)

Фенпрокумонды немесе варфаринді бірге қолданған кезде Халықаралық қалыптастырылған қатынастың (ХҚҚ немесе INR) өзгеруінің бірлі-жарым жағдайлары болған. Сондықтан кумаринді антикоагулянттармен (мысалы, фенпрокумонмен немесе варфаринмен) ем қабылдап жүрген науқастар үшін, Пантопразолды бастағаннан кейін, аяқтағаннан кейін немесе жүйесіз қолданудан кейін протромбин уақытын/ХҚҚ бақылап отыру ұсынылады.

Метотрексат

Бірге қолданған кезде пантопразол метотрексаттың уыттылығының артуына әкеледі. Сондықтан метотрексаттың жоғары дозаларын енгізген кезде пантопразолды тоқтату керек.

CYP2C19 тежейтін немесе күшейтетін дәрілік заттар

Флувоксамин сияқты CYP2C19 тежегіштері пантопразолдың жүйелік әсерін күшейтуі мүмкін. Пантопразолдың жоғары дозаларымен ұзақ уақыт бойы емделіп жүрген пациенттерге немесе бауыр жеткіліксіздігі бар пациенттерге дозаны төмендетуді қажет етуі мүмкін.

Рифампицин және шілтер жапырақты шайқурай (Hypericum perforatum) сияқты CYP 2C19 және CYP 3A4 әсер ететін ферменттердің индукторлары осы ферментті жүйелер арқылы метаболизденетін қан плазмасындағы протондық сорғы тежегіштерінің концентрациясын төмендетуі мүмкін.

Дәрілік өзара әрекеттесудің басқа зерттеулері

Пантопразолдың Р450 цитохромы жүйесімен өзара әрекеттесу ықтималдығы төмен. Сондықтан Пантопразолдың Р450 цитохромы жүйесімен метаболизденетін басқа препараттармен өзара әрекеттесуінен туындаған жағымсыз әсерлер қаупі ең төмен деп есептеуге болады. Арнайы зерттеулерде пантопразолдың кофеинмен, карбамазепинмен, диазепаммен, этанолмен, диклофенакпен, глибенкламидпен, напроксенмен, метопрололмен, нифедипинмен, фенитоинмен, пироксикаммен, теофиллинмен, құрамында левоноргестрел мен этинилэстрадиол бар ішу арқылы қабылданатын контрацептивтермен клиникалық тұрғыдан мәні бар өзара әрекеттесуі байқалмаған.

Кларитромицин, амоксициллин сияқты антибиотиктермен, метронидазолмен бір мезгілде қабылдағанда өзара әрекеттесуі анықталмаған.

Антацидтермен бір мезгілде қабылдағанда өзара әрекеттесуі анықталмаған.

Асқазанның қатерлі жаңа түзілімдері

Пантопразол асқазанның қатерлі түзілімдерінің симптомдарын бүркемелеуі және диагностиканы кідіртуі мүмкін.

Науқастар төмендегі жағдайларда дәрігермен кеңесуі қажет: дене салмағының еріктен тыс төмендеуі, анемия, асқазан-ішектен қан кету, дисфагия, тұрақты құсу немесе қан аралас құсу, мұндай жағдайларда қатерлі үдерістің болуын жоққа шығару керек.

Егер адекватты емдеуге қарамастан симптомдар сақталса, әрі қарай зерттеп тексеру қарастырылуы қажет.

Бауыр жеткіліксіздігі

Пантопразолды қабылдаған кезде бауыр функциясының ауыр бұзылуы бар пациенттерде, әсіресе ұзақ кезең ішінде, бауыр ферменттері деңгейіне ұдайы бақылау жүргізу ұсынылады. Бауыр ферменттерінің деңгейі артқанда препарат қолдануды тоқтату керек.

ҚҚСП бірге қолдану

Спецификалық емес стероидты емес қабынуға қарсы препараттармен (ҚҚСП) ұзақ уақыт бойы емдеуді қажет ететін және асқазан-ішек асқынуларының даму қаупі жоғары топтағы пациенттерге ҚҚСП қолданудан туындаған асқазан мен он екі елі ішектің ойық жарасының түзілуінің превентивті шаралары ретінде Пан-40 препаратын қабылдауды шектеген жөн.

В12 дәруменінің сіңірілуіне ықпал етуі

Золлингер-Эллисон синдромы және емі асқазанда қышқыл секрециясын бөгейтін препарат ретінде Пантопразолды ұзақ қабылдауды қажет ететін басқа да патологиялық гиперсекреция жағдайлары бар пациенттерде гипо- немесе ахлоргидрия салдарынан В12 дәруменінің (цианокобаламин) сіңуі азаюы мүмкін. Мұны сәйкес клиникалық симптомдары болғанда ескеру керек.

Препаратты ұзақ кезең қабылдағанда пациенттер ұдайы бақылауда болулары тиіс.

Бактериялар туындатқан асқазан-ішек инфекциялары

Асқазан қышқылдығының төмендеуі, әдетте асқазан-ішек жолында болатын асқазан бактериялары санын жоғарылатады.

Пантопразолмен емдеу Salmonella, Campylobacter және Clostridium difficile сияқты бактериялар туындататын асқазан-ішек инфекциялары көлемінің елеусіз артуына әкелуі мүмкін.

Сүйектердің сынуы:

Протонды сорғы тежегіштері (ПСТ), әсіресе жоғары дозаларын және ұзақ уақыт бойы (> 1 жыл) пайдаланған кезде ортан жіліктің, білектің және омыртқаның, әсіресе егде жастағы адамдарда немесе басқа белгілі қауіп факторлары бар болған кезде сыну қауіп елеусіз артуы мүмкін. Остеопороздың даму қаупі бар пациенттер қолданыстағы клиникалық ұсынымдарға сәйкес ем алуы қажет, сондай-ақ олар D дәруменін және кальцийді жеткілікті мөлшерде қабылдауы қажет.

Гипомагниемия:

Гипомагнезиемияның ауыр деңгейі ПСТ, мысалы, пантопразолды, кем дегенде үш ай бойы, ал көптеген жағдайда – бір жыл бойы қабылдаған пациенттерде байқалған. Шаршағыштық, құрысулар, сандырақтау, бас айналуы және қарыншалық аритмия сияқты гипомагниемияның күрделі белгілері пайда болуы мүмкін, алайда олар симптомсыз дамып, назарға алынбауы мүмкін. Пациенттердің көбінде гипомагниемия магнийді ауыстырғаннан кейін және ПСТ қабылдауды тоқтатқаннан кейін жақсарған.

Ұзақ уақыт бойы емдеудегі немесе ПСТ дигоксинмен немесе гипомагниемияны туындатуы мүмкін дәрілік заттармен (мысалы, диуретиктер) бірге қабылдаған пациенттер үшін дәрігерлерге ПСТ емдеуді бастамас бұрын және кезеңмен емдеу барысында магнийдің деңгейін өлшеу мүмкіндігін қарастырған жөн..

Препаратты ұзақ уақыт бойы қабылдаған кезде, әсіресе 1 жылдан астам, пациенттер үнемі бақылауда болуы қажет.

Жеделге жуық жүйелік қызыл жегі (ЖҚЖ)

Протонды сорғы тежегіштері өте сирек жағдайларда жеделге жуық ЖҚЖ байланысты болады. Егер зақымдану, әсіресе күн сәулелерінен қорғалмаған терінің аймағында болса және егер олар артралгиямен қатар жүрсе, пациент дереу медициналық көмекке жүгінуі тиіс. Жеделге жуық ЖҚЖ протонды сорғы тежегіштерімен алдыңғы емдеуден кейін басқа протонды сорғы тежегіштерімен жеделге жуық ЖҚЖ қаупін арттыруы мүмкін.

Зертханалық зерттеулердің нәтижелеріне ықпал етуі

Хромогранин А (CgA) деңгейінің артуы нейроэндокриндік жаңа түзілімдерді тексеруге кедергі келтіруі мүмкін. Бұл кедергіні болдырмау үшін Пан-40 препаратымен емдеуді хромогранинді А (CgA) зерттеуге дейін кем дегенде 5 күн бұрын тоқтатқан жөн. Егер хромограниннің А (CgA) деңгейі және гастриннің деңгейі бастапқы зерттеуден кейін қалпына келмесе, протонды сорғы тежегіштерін емдеуді тоқтатқаннан кейін 14 күннен кейін талдауды қайталаған жөн.

Фундальді бездің полиптері

Пантопразолды қолдану фундальді бездің полиптерінің пайда болу қаупімен жоғарылауымен байланысты, ол ұзақ уақыт бойы пайдаланған кезде әсіресе бір жылдан кейін ұлғаяды. Пациенттердің көбінде фундальді бездің полипі симптомсыз болған және эндоскопия кезінде кездейсоқ табылған.

Ұзаққа созылатын ем

Ұзаққа созылатын емдеу кезінде, әсіресе емдеу кезеңі 1 жылдан асқан кезде пациенттер тұрақты бақылауда болуы тиіс.

Маннитол

Пан-40 препаратының құрамында әрбір таблеткада 10 г-дан (81,76 мг) аз маннитол бар. Осы себепті іш жүргізетін әсер күтілмейді.

Натрий

Препараттың бір реттік дозасында 10,4 мг натрий бар; тұзсыз диетаны ұстанатын тұлғаларға тағайындау кезінде сақ болу керек.

Педиатрияда қолдану

Пан-40 препаратын асқазан мен он екі елі ішектің ойық жара ауруы, Helicobacter pylori эрадикациясы, рефлюкс-эзофагит және Золлингер-Эллисон синдромы кезінде 12 жасқа дейінгі балаларға қолдану туралы деректер жоқ. Препаратты 12 жасқа дейінгі балаларға қолдану ұсынылмайды.

Жүктілік немесе лактация кезінде

Пантопразолды жүктілік кезінде қолдану туралы адекватты деректер жоқ. Жануарларға жүргізілген зерттеулер препараттың репродуктивті уыттылығын көрсетеді. Пантопразол жүктілік кезінде қолданылмауы тиіс.

Препаратпен емдеу кезеңінде емшек емізуді тоқтатады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бас айналу және көру қабілетінің бұзылу ықтималдығына байланысты көлік құралдарын және жоғары назар аударуды қажет ететін басқа механизмдерді басқарудан бас тарту керек.

Дозалау режимі

Ересектер мен 12 жастан бастап және одан үлкен жасөспірімдер

Рефлюкс-эзофагит

Ересектер мен 12 жастан асқан балаларға тәулігіне 1 таблеткадан тағайындайды, қажет болған жағдайда дозаны тәулігіне 2 таблеткаға дейін арттыруға болады.

Ұсынылған емдеу курсы 4 апта, қажет болған жағдайда емдеуді тағы 4 аптаға дейін ұзартуға болады.

Ересектер

Ересектер мен 12 жастан бастап және одан үлкен жасөспірімдер:

Асқазан және он екі елі ішектің ойық жарасы бар, Н.pylori инфекциясын жұқтырған пациенттерде бактериялардың эрадикациясын біріктірілген емнің көмегімен жүргізу керек. Емдеуді бактериялардың резистенттілігіне, сондай-ақ бактерияға қарсы препараттарды дұрыс пайдалану және тағайындауға қатысты ресми жергілікті нұсқаулықтарды (мысалы, ұлттық ұсыныстарды) ескере отырып жүргізу керек. H. pylori эрадикациясы үшін төзімділік сипатына байланысты келесі препараттарды қолдануға болады:

- Пан-40 40 мг-ден күніне екі рет + амоксициллин 1000 мг-ден күніне екі рет + кларитромицин 500 мг-ден күніне екі рет

- Пан-40 40 мг-ден күніне екі рет + метронидазол 400 - 500 мг-ден күніне екі рет (немесе 500 мг тинидазол) + кларитромицин 250 – 500 мг-ден күніне екі рет

- Пан-40 40 мг-ден күніне екі рет + амоксициллин 1000 мг-ден күніне екі рет + метронидазол 400 - 500 мг- күніне екі рет (немесе 500 мг тинидазол).

H. pylori тудырған инфекцияны эрадикациялау мақсатында біріктірілген ем шеңберінде Пан-40-тың екінші таблеткасын кешкі ас ішуден 1 сағат бұрын қабылдау керек. Біріктірілген ем әдетте 7 күн бойы жүргізіледі және жалпы ұзақтығы 2 аптаға дейін тағы 7 күн бойы жалғасады. Егер ойық жараны жазудың кепілдігі үшін пантопразолмен емдеуді жалғастыру көрсетілсе, асқазан мен он екі елі ішектің ойық жарасы кезінде ұсынылатын тиісті дозаларды пайдалану керек.

Егер біріктірілген ем қолданылмаса, мысалы, H. Pylori-ға теріс нәтиже болған пациенттерде Пан-40 монотерапия кезінде төмендегі дозалау пайдаланылуы мүмкін:

Асқазанның ойық жаралы ауруын емдеу

Пан-40 күніне бір таблетка. Жекелеген жағдайларда доза екі еселенуі мүмкін (күніне 2 таблеткаға дейін Пан-40), әсіресе басқа емдеуге жауап реакциясы болмаған кезде. Асқазанның ойық жарасын емдеу үшін әдетте 4 апта қажет. Егер бұл уақыт жеткіліксіз болса, жазылуға әдетте тағы 4 апта бойы қол жеткізуге болады.

Он екі елі ішектің ойық жарасын емдеу

Пан-40 күніне бір таблетка. Жекелеген жағдайларда доза екі еселенуі мүмкін (күніне 2 таблеткаға дейін Пан-40), әсіресе басқа емдеуге жауап реакциясы болмаған кезде. Асқазанның ойық жарасын емдеу үшін әдетте 4 апта қажет. Егер бұл уақыт жеткіліксіз болса, жазылуға әдетте тағы 4 апта бойы қол жеткізуге болады.

Золлингер-Эллисон синдромы және жоғары секрециямен қатар жүретін басқа да патологиялық жай-күйлер

Золлингер-Эллисон синдромы және жоғары секрециямен қатар жүретін басқа да патологиялық жай-күйлерді ұзақ уақыт бойы емдеу үшін емдеуді тәуліктік доза 80 мг-нан (40 мг-нан 2 таблетка Пан-40) бастаған жөн. Содан соң, қажет болған жағдайда, асқазан сөлінің қышқылдық көрсеткішіне қарай дозаны арттыруға немесе азайтуға болады.

Тәулігіне 80 мг-нан жоғары дозаларды бөлген және күніне екі рет қабылдаған жөн. 160 мг-нан жоғары пантопрозолдың дозасын уақытша арттыруға болады, алайда бұл қышқылдықты бақылауға қол жеткізу үшін қажетті уақыттан ұзаққа созылмауы тиіс. Золлингер-Эллисон синдромы және жоғары секрециямен қатар жүретін басқа да патологиялық жай-күйлер кезінде емдеу ұзақтығы шектеусіз, және емнің мерзімі клиникалық қажеттілікке байланысты анықталуы мүмкін.

Пациенттердің ерекше топтары

Бауыр жеткіліксіздігі бар пациенттер

Бауыр функциясының айқын бұзылулары бар пациенттерде пантопрозолдың 20 мг тәуліктік дозасын арттырмаған жөн.

Бауыр жеткіліксіздігі бар пациенттер және егде жастағы пациенттер

Егде жастағы пациенттерге және бүйрек функциясының бұзылулары бар пациенттерге дозаны түзетудің қажеті жоқ.

Балалар

Пан-40 12 жастан кіші балаларға осы жас тобындағы қауіпсіздігі мен тиімділігі туралы деректердің жеткіліксіздігі үшін қолдану ұсынылмайды.

Енгізу әдісі мен жолы

Пероральді қабылдау үшін.

Пан-40 таблеткаларын таңғы асқа дейін 1 сағат бұрын, (ұсақтамай және ерітпей) жеткілікті мөлшердегі сумен бүтін күйінде ішке қабылдау қажет.

Симптомдары: жағымсыз әсерлері айқындылығының күшеюі, көрудің бұзылуы, ұйқышылдық, қозу, бас ауыру, қатты тер бөліну, ауыздың құрғауы, жүрек айну, тахикардия.

Емі: препаратты тоқтату. Арнайы антидоты жоқ. Симптоматикалық ем. Препарат гемодиализ арқылы шығарылмайды.

Дәрілік препаратты қолданар алдында дәрігерден кеңес алыңыз

Төменде байқалған жағымсыз реакциялар олардың кездесу жиілігімен берілген: өте жиі (≥1/10); жиі (≥ 1/00-ден < 1/10 дейін); жиі емес (≥ 1/1000-нан < 1/100 дейін); сирек (≥ 1/10000-нан < 1/1000 дейін); өте сирек (< 1/10000); белгісіз (қолда бар деректер бойынша бағалау мүмкін емес).

Жиі

– асқазан түбі бездерінің (қатерсіз) полиптері

Жиі емес

- бас ауыру, бас айналу

- ауыздың құрғауы, жүрек айну, құсу, іштің кебуі, абдоминальді ауыру және жайсыздық, диарея, оның ішінде Clostridium difficile – астасқан диарея, іш қату

- тері бөртпесі, қышыну, экзантема

- астения, қажу және дімкәстік

- бауыр ферменттері белсенділігінің (трансаминазалар, γ – GT) жоғарылауы

- ұйқының бұзылуы

- ортан жіліктің, білезіктің және омыртқаның сынуы

Сирек

- агранулоцитоз

- препараттың белсенді және қосымша компоненттеріне жоғары сезімталдық (анафилаксиялық реакциялар мен анафилаксиялық шокты қоса)

- гиперлипидемия, триглицеридтер, холестерин деңгейінің жоғарылауы

- билирубин мөлшерінің жоғарылауы

- дене салмағының өзгеруі, дәм сезудің бұзылуы

- депрессия (және барлық қатар жүретін нашарлаулар)

- көрудің бұзылуы/көрудің айқынсыздығы

- есекжем, ангионевроздық ісіну

- артралгия, миалгия

- гинекомастия

- дене температурасының көтерілуі, шеткері ісінулер

Өте сирек

- тромбоцитопения, лейкопения, панцитопения

- бағдардан адасу (және барлық қатар жүретін нашарлаулар)

Белгісіз

- гипонатриемия, гипомагниемия, гипокальциемия1, гипокалиемия

- елестеулер, сананың шатасуы (әсіресе осы жағдайға бейім науқастарда, сондай-ақ, егер ем басталғанға дейін осы симптомдар болған болса, олардың нашарлауы)

- парестезия

- гепатоцеллюлярлы зақымдану, сарғаю, гепатоцеллюлярлы жеткіліксіздік

- Стивенс-Джонсон синдромы, Лайелл синдромы, экссудативті көпформалы эритема, жарыққа сезімталдық

- рабдомиолиз

- сүйектердің сынуы

- бұлшықет түйілуі2

- интерстициальді нефрит (бүйрек жеткіліксіздігіне дейін ықтимал өршумен)

- микроскопиялық колит

1 гипомагниемиямен қатар жүретін гипокальциемия

2 электролиттік теңгерімнің бұзылу салдарынан бұлшықет түйілуі

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында:

белсенді зат: натрий пантопразолы 45.48 мг (40 мг пантопразолға баламалы),

қосымша заттар: натрий карбонат моногидраты, маннитол 60, кросповидон, поливинилпиролидон К-25, полисорбат – 80, натрий лаурилсульфаты, кальций стеараты, темірдің сары тотығы (Е172)

қабық - Opadry® II 85G68918 (ақ) – поливинил спирті, титанның қостотығы (Е 171), макрогол, соя лицитині;

Акрил EZE 93086832 (қоңыр) - метакрил қышқылы сополимері (С типі), тальк, титанның қостотығы (Е171), темірдің сары тотығы (Е172), темірдің қызыл тотығы (Е172), триэтил цитрат, коллоидты кремнийдің қостотығы, натрий бикарбонаты, натрий лаурилсульфаты.

Сыртқы пішінінің, иісінің, дәмінің сипаттамасы

Дөңгелек, екі беті дөңес, екі жағы да тегіс, күңгірт қоңыр түсті ішекте еритін таблеткалар.

Алюминий фольгадан жасалған пішінді ұяшықты қаптамаға қабықпен қапталған 10 таблеткадан салынған.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Alkem Laboratories Ltd, Үндістан

Alkem House, Devashish, Senapati

Bapat Marg, Lower Parel,

Mumbai- 400 013

Тел.: +912239829999

Электронды пошта:contact@alkem.com

Alkem Laboratories Ltd, Үндістан

Alkem House, Devashish, Senapati

Bapat Marg, Lower Parel,

Mumbai- 400 013

Тел.: +912239829999

Электронды пошта:contact@alkem.com

«The Pharma Network» (Зэ Фарма Нэтворк) ЖШС

Алматы қ-сы, Қонаев к-сі 21 Б, «Сәт» бизнес орталығы, 43 кеңсе

Телефон нөмірі +7 727 244 66 11, +77715065566

Электронды пошта: rgm@tpnalkem.com