Орнисид Форте таблетки по 500 мг №10 (блистер)

Дәрілік түрі, дозасы

Үлбірлі қабықпен қапталған 500 мг таблеткалар

Фармакотерапиялық тобы

Паразитке қарсы дәрілер, инсектицидтер және репелленттер. Протозойға қарсы дәрілер. Амебиазға және протозойға қарсы басқа ауруларды емдеуге арналған дәрілер.   Нитроимидазол туындылары. Орнидазол.

ATХ коды P01AB03

Қолданылуы

- әйелдер мен еркектердегі трихомониазда: трихомонадалық вульвовагинитте, уретритте, бартолинитте, цервицитте, простатитте, аднекситте

- амебиазда: амебалық дизентерияда, ішектен тыс амебиазда (соның ішінде бауырдың амебалық абсцесінде)

- лямблиозда

- тоқ ішектегі хирургиялық операцияларда және гинекологияда анаэробтық инфекциялардың профилактикасында

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- әсер етуші затқа немесе препараттың қосымша заттарының кез келгеніне аса жоғары сезімталдық

- ОЖЖ органикалық аурулары

- жүктілік және лактация кезеңі

- 6 жасқа дейінгі балалар

Қолдану кезінде қажетті сақтандыру шаралары

Орнисид® форте эпилепсия немесе көптеген склероз, сондай-ақ бауыр аурулары сияқты орталық жүйке жүйесі ауруларына шалдыққан пациенттерге сақтықпен қабылдау керек. Препарат басқа дәрілік заттардың әсерін күшейтуі немесе әлсіретуі мүмкін.

Басқа дәрілік препараттармен өзара әрекеттесуі

Орнисид®фортені 5-нитроимидазолдың басқа туындыларымен  бірге

қолданғанда шеткері невропатия, депрессия және эпилепсия түріндегі құрысулар  байқалуы мүмкін.

Орнидазол альдегиддегидрогеназаны тежемейді, сондықтан алкогольмен өзара әрекеттеспейді.

Микросомалық ферменттердің индукторларымен (барбитураттар, бензодиазепиндер, рифампициндер және т.б.) бір мезгілде қолдану орнидазолдың сарысуда жартылай ыдырау кезеңін қысқартады. Микросомалық  ферменттердің тежегіштері (циметидин, макролидтер және т.б.) орнидазолдың жартылай ыдырау кезеңін ұзартады.

Орнидазол қанның ұюына қарсы дәрілердің әсерін күшейтеді, бұл олардың дозасын түзетуді қажет етеді.

Орнидазолды нейроуытты және гемоуытты препараттармен біріктіру ұсынылмайды.

Векуроний бромидінің бұлшықеттерді босаңсытатын әсерін ұзартады.  

Арнайы сақтандырулар

Егде жастағы пациенттер

Егде жастағы пациенттерде препаратты қолдануға қатысты клиникалық деректер жоқ.

Бауыр функциясының жеткіліксіздігі бар пациенттер

Бауыр функциясының ауыр жеткіліксіздігі бар пациенттер үшін препаратты қабылдау арасындағы аралықты екі есе арттыру керек.

Бүйрек функциясының жеткіліксіздігі бар пациенттер

Бүйрек функциясы бұзылған пациенттер үшін дозаны түзету қажет.

Жүктілік немесе лактация кезінде

Орнисид®форте жүкті әйелдерге сақтықпен тағайындау керек және бұл абсолютті қажеттілік туындаған жағдайларды қоспағанда, жүктіліктің ерте кезеңінде тағайындалмауы керек.

Бала емізу

Орнидазолдың адам организмінен емшек сүтімен бірге бөлінетіні-бөлінбейтіні белгісіз. Жануарларда орнидазолдың сүтпен бірге бөлінуіне зерттеу жүргізілген жоқ. Бала емізуді тоқтату немесе Орнисид® фортемен емдеуді тоқтату туралы шешім қабылдағанда, бала емізудің пайдасы мен ана үшін Орнисид® форте емінің пайдасын салыстыру керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ОЖЖ тарапынан жағымсыз әсерлердің пайда болуы мүмкін екендігін ескеріп, көлікті және қауіпті механизмдерді басқарған кезде сақ болған жөн. 

Қолдану жөніндегі нұсқаулар

Дозалау режимі

Ересектердегі трихомониазды емдеген кезде біріктірілген емнің екі сызбасы қолданылады

Орнидазолды қабылдау кезеңінде және қабылдауды тоқтатқаннан кейін 3 күн бойы алкогольді ішуден бас тарту керек, өйткені бұл қызарумен, седациямен, жүрек айнумен, құсумен, гипотензиямен және күйдірумен сипатталатын реакцияларға әкелуі мүмкін.

Емдеу курсы

1 сызба

2 сызба

Бір рет қабылдау

1,5 г (3 таб.) ішке

1г (2 таб.) ішке

+ 1 қынаптық таб. (Орнисид) ұйықтар алдында

5 күн

500 мг (1таб.) таңертең

және 500 мг (1 таб.) ішке кешке

500 мг (1таб.) таңертең

500 мг  (1 таб.) кешке ішеді + 1 қынаптық таб. (Орнисид) ұйықтар алдында

Қалай болғанда да, жыныстық серігі қайта инфекциялануды болдырмау мақсатында сондай пероральді дозаны қолдану арқылы емдеу курсынан өтуі керек.

Балаларға дозаны тәулігіне кг дене салмағына 25 мг есебінен белгілейді.

Амебалық дизентерияда ересектер мен дене салмағы 35 кг асатын балаларға кешке ішке тәулігіне 1 рет 1,5 г (3 таб.) тағайындайды;

дене салмағы 60 кг асатын ересектерге – тәулігіне 2 г (2 таб. таңертең және 2 таб. кешке).

Дене салмағы 35 кг аздау балаларға препаратты тәулігіне 1 рет кг дене салмағына 40 мг есебімен тағайындайды. Емдеу курсы – 3 күн.

Амебиаздың басқа түрлерінде ересектер мен дене салмағы 35 кг асатын балаларға тәулігіне 2 рет 500 мг-ден (1 таб. таңертең және 1 таб. кешке) ішке тағайындайды.

Емдеу курсы– 5-10 күн.

Лямблиоз кезінде ересектер мен дене салмағы 35 кг асатын балаларға 1-2 күн бойы кешке ішке тәулігіне 1 рет 1,5 г-ден (3 табл.), немесе 5-10 күн бойы

тәулігіне 2 рет 500 мг-ден (1 таб. таңертең және 1 таб. кешке) тағайындайды. Дене салмағы 35 кг аздау балаларға препаратты 1-2 күн бойы қабылдағанда тәулігіне 1 рет кг дене салмағына 40 мг есебінен тағайындайды.

Анаэробтық бактериялардан туындаған инфекциялардың профилактикасында - операция алдында 0.5-1 г және операциядан кейін 3-5 күн бойы тәулігіне 2 рет 0.5 г. Балаларға арналған тәуліктік доза кг дене салмағына 25 мг есебімен белгіленеді.

Енгізу әдісі мен жолы

Таблеткаларды тамақтан кейін қабылдайды.

Артық дозалану жағдайында қабылдау қажет болатын шаралар

Симптомдары: жағымсыз әсерлер көріністерінің күшеюі.

Емі: антидоты жоқ, симптоматикалық ем жүргізіледі, құрысулар кезінде диазепам тағайындалады.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну жөніндегі нұсқаулар.

Егер Сізде осы препаратты қолдану туралы қосымша сұрақтар туындаса, дәрігермен кеңесіңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі емес

- жүрек айну, құсу, диарея, эпигастрий аймағындағы жағымсыз сезім, ауыздың құрғауы және анорексия

Сирек

- лейкопения

- дәм сезудің бұзылуы

- қышыну және тері реакциялары

Өте сирек

- ұйқышылдық, бас ауыру, бас айналу, термор, сіреспелілік, үйлесімнің бұзылуы, құрысулар, шаршау, вертиго, сананың уақытша жоғалуы, сенсорлық немесе аралас шеткері нейропатия

Белгісіз (қолда бар деректер негізінде бағалау мүмкін емес)

- өттің жайылуы, бауыр функциясының қалыптан тыс көрсеткіштері

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер