Одестон таблетки по 200 мг №100 (10 блистеров х 10 таблеток)

Одестон®

Гимекромон

Таблеткалар 200 мг

Ас қорыту жолы және зат алмасу. Бауыр және өт шығару жолдарының ауруларын емдеуге арналған препараттар. Өт шығару жолдарының ауруларын емдеуге арналған басқа препараттар. Гимекромон.

АТХ коды А05АХ02

Кешенді ем құрамында:

- өт жолдарының түйілулерін, дискинезияны, диспепсиялық бұзылуларды емдеуде

- өт қабына және өт жолдарына жасалған операциялардан кейін, науқастардағы өт-тас ауруымен асқынбаған өт жолдарының функционалдық бұзылуларында

- өт бөлінуінің азаюына байланысты тәбеттің болмауы, жүрек айнуы, созылмалы іш қатуларында.

Қолдануды бастағанға дейін қажетті мәліметтер тізбесі

- гимекромонға немесе 6.1 бөлімінде аталған қосымша заттардың кез келгеніне аса жоғары сезімталдық

- өт жолдарының бітелуі

- бауыр/бүйректің жедел жеткіліксіздігі

- тоқ ішектің іріңді қабынуы және Крон ауруы бар пациенттер

- спецификалық емес ойық жаралы колит, асқазан мен 12 екі елі ішектің ойық жара ауруы

- бауыр функциясының бұзылуы

- гемофилия

- жүктілік және лактация кезеңі

- 10 жасқа дейінгі балалар

Қолданған кездегі қажетті сақтандыру шаралары

Одестон тікелей емес антикоагулянттардың әсерін күшейтеді. Морфин гимекромон әсерін бәсеңсітеді.

Гимекромон мен метоклопрамидті қоса қабылдағанда екі препараттың да әсері бәсеңдейді.

Жүктілік және лактация кезеңі

Одестонды жүктілік пен бала емізу кезеңінде қолданудың қауіпсіздігі туралы деректер жоқ. Препаратты жүкті әйелдерге және бала емізетін аналарға тағайындау ұсынылмайды.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Препаратты 2-3 апта бойы қабылдау керек.

Дозалау режимі

Ересектер мен 14 жастан үлкен балаларға: тамақтанудың алдында 30 минут бұрын 200-400 мг (1-2 таблеткадан) күніне үш рет. Ең жоғары тәуліктік доза: 1200 мг.

10-14 жастағы балаларға: – тамақтанудың алдында 30 минут бұрын 200 мг (1 таблеткадан) күніне үш рет.

Енгізу әдісі мен жолы

Ішке қабылдауға арналған. Таблеткаларды сумен ішу керек.

Артық дозаланған жағдайда қабылдануы тиіс шаралар

Артық дозаланған жағдай анықталмаған.

Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөнінде ұсыным

Дәрілік препаратты стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Сирек

- диарея

- құрсақ қуысында толуды немесе қысымды сезіну

- аллергиялық реакциялар

- анафилаксиялық шок

- метеоризм, іштің ауыруы

- бөртпе немесе терінің басқа аллергиялық реакциялары.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат – 200 мг гимекромон

қосымша заттар: картоп крахмалы, желатин, натрий лаурилсульфаты, магний стеараты.

Сыртқы түрінің, иісінің, дәмінің сипаттамасы

Дөңгелек пішінді, беті тегіс, ақ немесе сарғыш реңді ақ түсті, бір жағында «Ch» әріптерімен өрнектелген, диаметрі 8.8-ден 9.3 мм дейінгі таблеткалар.

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға немесе 50 таблеткадан пломбасы бар полиэтилен тығынмен тығындалған полиэтилен құтыға салынған.

Полиэтилен құтыға заттаңбалық қағаздан жасалған өздігінен желімденетін заттаңба жапсырылады.

2, 5 немесе 10 пішінді ұяшықты қаптамадан немесе 1 полиэтилен құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды.

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші және тіркеу куәлігінің ұстаушысы

Adamed Pharma S.A.,

Пенькув, М.Адамкевич к-сі 6А, 05-152 Чоснув, Польша

Өндірістік алаңның мекенжайы

Марш. Ю.Пилсудский к-сі 5, 95-200 Пабянице, Польша

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Адамед Фарма» АҚ ҚР өкілдігі, 050009, Алматы қ., Бөгенбай батыр к-сі, 150 үй, «Қадам Инвест» бизнес орталығы, 9 қабат.

тел.: +7(727) 2676054, е-mail: info.kz@adamed.com