Нифедипин таблетки по 10 мг №50 (5 блистеров х 10 таблеток)

Нифедипин

Нифедипин

Қабықпен қапталған таблеткалар, 10 мг және 20 мг

Жүрек-қантамыр жүйесі. Кальций өзекшелерінің блокаторлары. Қантамырларға әсері басым кальций өзекшелерінің селективті блокаторлары. Дигидропиридин туындылары. Нифедипин.

АТХ коды С08СА05

- артериялық гипертензияда,

- жүректің ишемиялық ауруында: созылмалы тұрақты стенокардия, вазоспазмдық стенокардия (Принцметал стенокардиясы).

Қолданудың басталуына дейінгі қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- дигидропиридиндерге жоғары сезімталдық

- кардиогендік шок

- аорта сағасының айқын стенозы

- тұрақсыз стенокардия

- миокард инфарктісінің жедел кезеңі (алғашқы 4 апта ішінде), миокард инфарктісінің салдарлы профилактикасы үшін тағайындалмайды

- рифампицинді бір мезгілде қолдану

- бауыр жеткіліксіздігі

- анамнезінде асқазан-ішек бітелісі, өңештің бітелісі бар немесе асқазан-ішек жолы саңылауы диаметрінің кез келген дәрежедегі кішіреюі болатын пациенттер

- Кокк резервуары бар пациенттер (проктоколэктомиядан кейінгі илеостома)

- ішектің қабыну аурулары немесе Крон ауруы

- жүктілік және бала емізу кезеңі

- 18 жасқа дейінгі балалар мен жасөспірімдер

- галактозаның сирек тұқым қуалайтын жағымсыздығы, лактаза тапшылығы, глюкоза-галактоза мальабсорбциясы синдромы (препарат құрамында лактоза бар).

Артериялық қысым өте төмен (систолалық артериялық қысым көрсеткіші 90 мм с.б. төмен ауыр артериялық гипотензия), сондай-ақ жүрек қызметінің айқын әлсіздігі (декомпенсацияланған жүрек жеткіліксіздігі) болғанда препаратты сақтықпен тағайындаған жөн.

Айқын артериялық гипотензия (систолалық қысым 90 мм с. б. төмен), ми қан айналымының ауыр бұзылулары, айқын жүрек жеткіліксіздігі, ауыр аорта стенозы, қант диабеті, бауыр мен бүйрек функциясының бұзылуы кезінде препараттың жоғары дозаларын тағайындаудан аулақ бола отырып, Нифедипинді тұрақты клиникалық бақылау жағдайында ғана қолдануға болады.

Нифедипинді гемодиализде жүрген пациенттерге, сондай-ақ қатерлі гипотензиясы немесе гиповолемиясы (айналымдағы қан көлемінің азаюы) бар науқастарға аса сақтықпен тағайындаған жөн, өйткені қантамырлардың кеңеюі артериялық қысымның едәуір төмендеуін туындатуы мүмкін.

Инфарктіден кейінгі кезеңде коронарлы ангиоспазмды емдеу кезінде Нифедипинмен емдеуді миокард инфарктісінен кейін шамамен 3-4 аптадан соң және коронарлы қан айналымы тұрақтанған жағдайда ғана бастау керек.

Грейпфрут шырыны нифедипиннің метаболизмін бәсеңдетеді, бұл қан плазмасында соңғысының концентрациясы жоғарылауына және препараттың гипотензиялық әсерінің күшеюіне әкеледі. Нифедипинді қолдану несептегі ванилил-миндаль қышқылын спектрофотометриялық түрде анықтағанда жалған жоғары нәтижелердің алынуына әкелуі мүмкін (алайда жоғары тиімді сұйықтық хроматографиясын қолданғанда бұл әсер байқалмайды).

Препаратты асқазан-ішек жолының қатты тарылуы бар пациенттерге қолдану кезінде обструкциялық симптомдардың пайда болу мүмкіндігіне байланысты сақ болу қажет. Безоарлар өте сирек туындайды, олар

хирургиялық араласуды қажет етуі мүмкін.

Бірлі-жарым жағдайларда анамнезде асқазан-ішек жолы тарапынан бұзылулар жоқ болғанда, обструкциялық симптомдардың болғаны сипатталған.

Мықын-ішек резервуары бар (проктоколэктомиядан кейінгі илеостома) пациенттерге қолдануға болмайды.

Препаратты қолдану барий контрастылы заттарын пайдаланып жүргізген рентгендік тексерулерде жалған оң нәтижелердің алынуына (мысалы, толу кемістіктері полип ретінде түсіндіріледі) әкелуі мүмкін.

Бауыр функциясы бұзылған пациенттер мұқият бақылауды, ал ауыр жағдайларда дозаны азайтуды қажет етеді.

Нифедипин Р450 3А4 цитохромы жүйесі арқылы метаболизденеді, сондықтан ферменттердің осы жүйесін тежейтін немесе индукциялайтын препараттар нифедипиннің «алғашқы өтуін» немесе клиренсін өзгертуі мүмкін.

Р450 3А4 цитохромы жүйесінің әлсіз немесе орташа тежегіштері болып табылатын және плазмадағы нифедипин концентрациясының жоғарылауына әкелуі мүмкін препараттарға мыналар жатады, мысалы:

- макролидті антибиотиктер (мысалы, эритромицин);

- АИТВ-ға қарсы протеаза тежегіштері (мысалы, ритонавир);

- азолды антимикотиктер (мысалы, кетоконазол);

- нефазодон және флуоксетин антидепрессанттары;

- хинупристин/далфопристин;

- вальпрой қышқылы;

- циметидин.

Нифедипинді осы препараттармен бір мезгілде қолданған кезде артериялық қысымды бақылау және қажет болған жағдайда нифедипин дозасын төмендету туралы мәселені қарау қажет.

In vitro жекелеген тәжірибелері кальций антагонисттерін, атап айтқанда нифедипинді қолдану мен сперматозоидтардың ұрықтану қабілетін нашарлататын қайтымды биохимиялық өзгерістері арасындағы байланысты анықтады. Егер in vitro ұрықтандыру әрекеттері сәтсіз болса, басқа түсініктемелер болмаса, кальций антагонистері, мысалы, нифедипин, бұл құбылыстың мүмкін болатын себебі ретінде қарастырылуы мүмкін.

Егер нифедипинді алдыңғы қолдану мен ишемиялық ауырсыну арасында байланыс ықтималдығы бар болса, препаратты қолдануға болмайды. Стенокардиясы бар пациенттерде ұстамалар жиі туындауы ықтимал, ал олардың ұзақтығы мен қарқындылығы, әсіресе емдеудің басында артуы мүмкін.

Әсер етуші заты нифедипин дәрілік заттарды стенокардияның жедел ұстамасы бар пациенттерге қолданбайды.

Нифедипинді қант диабетімен ауыратын науқастарға қолдану емдеуді түзетуді қажет етуі мүмкін.

Гипертензияға қарсы дәрілерді, бета-блокаторларды, диурездік дәрілерді, нитроглицеринді және әсері ұзаққа созылатын изосорбидті бір мезгілде қолданғанда нифедипиннің синергиялық әсерінің болуы мүмкін екендігін ескеру қажет.

Дигоксин

Нифедипин қан плазмасындағы дигоксин концентрациясын арттыруы мүмкін. Нифедипинмен емдеуді бастаған кезде, нифедипин дозасын арттырғанда және емдеуді тоқтатқанда қан плазмасында дигоксиннің концентрациясын бақылаған және дозасын түзеткен жөн.

Магний сульфаты

Нифедипин магний сульфатының уытты әсерін күшейтуі мүмкін, бұл нейробұлшықет блокадасына әкеледі. Нифедипин мен магний сульфатын бір мезгілде қолдану қауіпті және пациенттің өміріне қауіп төндіруі мүмкін, сондықтан бұл препараттарды бірге қолдану ұсынылмайды.

Циметидин

Нифедипин мен циметидинді бір мезгілде қолдану қан плазмасындағы нифедипин концентрациясының жоғарылауына және нифедипин гипотензиялық әсерінің күшеюіне әкелуі мүмкін. Циметидин СУР3А4 цитохромды изоферменттің белсенділігін басады. Циметидин қабылдаған пациенттерге нифедипинді сақтықпен және дозасын біртіндеп арттыра отырып қолдану керек.

Хинупристин, дальфопристин нифедипиннің плазмалық деңгейін жоғарылатуы мүмкін.

Фенитоин, карбамазепин

Нифедипинді қолдану қан плазмасындағы карбамазепин мен фенитоин концентрациясының жоғарылауына әкелуі ықтимал. Нифедипин мен фенитоин немесе карбамазепинді бір мезгілде қабылдап жүрген пациенттер дәрігердің тұрақты бақылауында болуы тиіс. Уыттылық белгілері пайда болған немесе қан плазмасында карбамазепин мен фенитоин концентрациясының жоғарылауы жағдайында осы препараттардың дозасын азайтқан жөн.

Хинидин

Нифедипин қан сарысуындағы хинидин концентрациясын төмендетуі, ал хинидин пациенттің нифедипин әсеріне сезімталдығын арттыруы мүмкін. Егер хинидинді қабылдаған пациент нифедипинмен емдеуді бастаса, нифедипиннің жағымсыз әсерлеріне назар аудару керек. Емдеуді бастар алдында және нифедипинмен емдеуді тоқтатқан жағдайда қан сарысуындағы хинидин деңгейін бақылау қажет, сондай-ақ хинидин дозасын реттеу керек.

Теофиллин

Нифедипин мен теофиллинді бір мезгілде қолданғанда қан плазмасындағы соңғысының концентрациясы жоғарылауы, төмендеуі немесе өзгеріссіз қалуы мүмкін. Қан плазмасындағы теофиллин концентрациясын бақылау және қажет болған жағдайда оның дозасын реттеу ұсынылады.

Рифампицин

Рифампицин мен нифедипинді бір мезгілде қолдану қан плазмасындағы нифедипин концентрациясының төмендеуімен және соның салдарынан оның емдік әсерінің азаюымен қатар жүруі мүмкін. Нифедипин мен рифампицинді бір мезгілде қолданған кезде стенокардия ұстамалары немесе артериялық қысымның жоғарылауы пайда болған жағдайда нифедипиннің дозасын арттырған жөн.

Дилтиазем нифедипиннің еруін баяулатады, ол дозаны төмендетуге себеп болады.

Винкристин

Винкристинді бір мезгілде қабылдағанда винкристиннің шығарылуы бәсеңдегені байқалады.

Цефалоспорин

Нифедипин мен цефалоспоринді бір мезгілде қолданған кезде плазмадағы цефалоспорин деңгейінің жоғарылауы байқалады.

Итраконазол, эритромицин, кларитромицин

Нифедипин мен итраконазолды (сондай-ақ CYP3A4 цитохром изоферментінің әсерін баяулататын зеңге қарсы басқа азолды дәрілермен, эритромицинмен және кларитромицинмен) бір мезгілде қолдану қан плазмасындағы нифедипин концентрациясының жоғарылауына және оның әсерінің күшеюіне әкелуі мүмкін. Нифедипиннің жағымсыз әсерлері пайда болған кезде оның дозасын азайту (мүмкін болса) немесе зеңге қарсы дәрілер қолдануды тоқтату қажет.

Циклоспорин, ритонавир немесе саквинавир

Қан сарысуындағы нифедипиннің концентрациясы және оның әсері нифедипинді, циклоспоринді, ритонавирді немесе саквинавирді бір мезгілде қолданғанда да күшеюі мүмкін (бұл препараттар CYP3A4 цитохромды изоферментінің әсерін баяулатады). Нифедипиннің жағымсыз әсерлері пайда болған кезде оның дозасын азайту қажет.

Такролимус

Такролимус пен нифедипинді бір мезгілде қабылдаған бауыр трансплантаты бар пациенттерде қан сарысуындағы такролимус концентрациясының жоғарылауы байқалды (такролимус CYP3A4 цитохромы арқылы метаболизденеді). Бұл өзара әрекеттесудің маңыздылығы мен клиникалық салдары зерттелмеген.

Фентанил

Нифедипинді қолданатын пациенттерде фентанил артериялық гипотензияны тудыруы мүмкін. Фентанил наркозын қолданып жүргізілетін жоспарлы операцияда кемінде 36 сағат бұрын нифедипин қолдануды тоқтату қажет.

Кумарин сияқты антикоагулянттар

Кумарин сияқты антикоагулянттарды қабылдап жүрген пациенттерде нифедипин енгізгеннен кейін протромбин уақытының ұзаруы байқалды. Бұл өзара әрекеттесудің маңыздылығы толық зерттелмеген.

Метахолин

Нифедипин бронхтардың метахолинге жауап реакциясын өзгертуі мүмкін. Нифедипинмен емдеуді метахолинмен спецификалық емес бронхопровокациялық тест жүргізгенге дейін тоқтатқан жөн (мүмкіндігінше).

Нимодипиннің кальций антагонистерін қолдану тәжірибесі нифедипин үшін келесі өзара әрекеттесулерді жоққа шығарылмайтындығын айғақтайды: карбамазепин, фенобарбитал – нифедипиннің плазмалық деңгейін төмендетеді; макролидтерді (атап айтқанда эритромицинді), флуоксетинді, нефазодонды, вальпрой қышқылын бір мезгілде қабылдағанда – нифедипиннің плазмалық деңгейін арттырады.

Анти-АИТВ протеаза тежегіштері

Нифедипин мен АИТВ-протеаза кейбір тежегіштері (мысалы, ритонавир) арасындағы өзара әрекеттесу потенциалын тексеруге клиникалық зерттеулер жүргізілген жоқ. Осы кластағы препараттар Р450 3А4 цитохромы жүйесін тежейтіні белгілі. Сонымен қатар, бұл препараттар нифедипин метаболизмін Р450 3А4 цитохромымен in vitro тежейді. Нифедипинмен бір мезгілде қолданғанда алғашқы өту метаболизмі төмендеуіне және организмнен шығарылуы төмендеуіне байланысты оның плазмалық концентрациясының елеулі ұлғаюын жоққа шығаруға болмайды.

Азолды антимикотиктер

Нифедипин мен азол тобының кейбір зеңге қарсы препараттары (мысалы, кетоконазол) арасындағы өзара әрекеттесуге әлі зерттеу жүргізілген жоқ. Осы кластағы препараттар Р450 3А4 цитохромы жүйесін тежейді. Нифедипинмен бір мезгілде пероральді қолданғанда бірінші өту метаболизмінің төмендеуіне байланысты оның жүйелік биожетімділігінің елеулі ұлғаюын жоққа шығаруға болмайды.

Антигипертензивті препараттар

Нифедипинді және төменде келтірілген басқа гипертензияға қарсы препараттарды бір мезгілде қолдану гипертензияға қарсы әсердің ұлғаюына әкелуі мүмкін:

- диуретиктер;

- β-адреноблокаторлар (жекелеген жағдайларда жүрек ұстамалары да

туындауы мүмкін);

- АӨФ тежегіштері;

- ангиотензин рецепторларының антагонистері;

- басқа кальций антагонистері;

- α-адреноблокаторлар;

- ФДЭ-5 тежегіштері;

- α-метилдофа.

Грейпфрут шырыны

Грейпфрут шырыны қан сарысуындағы нифедипин концентрациясын жоғарылатып, оның гипотензивті әсерін күшейтуі және вазодилататорлық жағымсыз әсерлер жиілігін арттыруы мүмкін.

Өзара әрекеттесудің басқа түрлері

Нифедипинді қолдану несептегі ванилил-бадам қышқылының концентрациясын спектрофотометриялық анықтау кезінде жалған күшейтілген нәтижелерге әкелуі мүмкін (алайда жоғары тиімді сұйықтық хроматография әдісін қолданғанда бұл әсер байқалмайды).

Қосымша заттар бойынша ақпарат

Қосымша зат ретінде лактоза моногидратының болуына байланысты қант диабетімен ауыратын науқастарға абайлап тағайындау керек.

Галактоза жақпаушылығы, Лапп лактаза жеткіліксіздігі және глюкоза-галактоза мальабсорбциясы сияқты сирек тұқым қуалайтын аурулары бар пациенттерге бұл препаратты қабылдауға болмайды.

Педиатрияда қолдану

Препаратты балаларға (18 жасқа дейін) қолданбайды.

Жүктілік немесе лактация кезінде

Нифедипинді стандартты емнің тиімділігі болмағанда артериялық ауыр гипертензиясы бар әйелдерге қолдануға болады.

Нифедипинді магний сульфатын вена ішіне артериялық қысымын мұқият бақылау керек, өйткені артериялық қысымның шамадан тыс төмендеуі мүмкін, бұның анасына да, шаранаға да зияны болуы мүмкін.

Препаратты емшекпен емізу кезінде қолдану ұсынылмайды, өйткені нифедипин адам сүтімен шығарылады және нифедипиннің сәбиге әсерінің салдары белгісіз.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Бұл дәрілік препаратты қолданумен ем жүргізу тұрақты медициналық бақылауды талап етеді. Организмнің препаратқа жеке реакциясының айырмашылығы салдарынан көлік құралдарын басқаруға, механизмдермен жұмыс істеуге және денені тіремейтін жағдайларда операцияларды орындау қабілеті бұзылады. Көбінесе бұл сақтандырулар ем жүргізудің бастапқы кезеңіне, препарат дозасын арттыру кезеңіне, басқа препаратқа ауысқан кезде немесе препаратты алкогольмен бірге қабылдаған жағдайға қатысты.

Дозалау режимі

Препараттың дозасы мен емдеу курсының ұзақтығын дәрігер аурудың ауырлық дәрежесін және науқастың емге реакциясын ескере отырып, әр адамға жекелей белгілейді.

Клиникалық көрінісіне байланысты әрбір жеке жағдайда негізгі дозаны біртіндеп енгізген жөн. Бауыр функциясы бұзылған пациенттерде оның жай-күйіне мұқият мониторинг жүргізу, ал ауыр жағдайларда – дозаны азайту қажеттілігі туындауы мүмкін.

Жүректің ишемиялық ауруы

Жүректің ишемиялық ауруын емдеу үшін препараттың 1 (20 мг доза) немесе 2 (10 мг доза) таблеткасын тәулігіне екі рет (тәулігіне 40 мг) қабылдау ұсынылады.

Егер препараттың неғұрлым жоғары дозалары қажет болса, оларды ең жоғары доза – тәулігіне 60 мг дейін біртіндеп арттырған жөн.

Артериялық гипертензия

Артериялық гипертензияны емдеу үшін Нифедипинді 1 (20 мг доза) немесе

2 (10 мг доза) таблеткадан күніне екі рет (тәулігіне 40 мг) қабылдау ұсынылады.

Нифедипин препаратын CYP 3A4 тежегіштерімен немесе CYP 3A4 индукторларымен бір мезгілде қолданғанда нифедипин дозасын түзету немесе нифедипинді тоқтату қажеттілігі туындауы мүмкін.

Препараттың ишемияға қарсы және гипертензияға қарсы айқын әсері болғандықтан, әсіресе жоғары дозаларын қолданған жағдайда оны қолдануды біртіндеп тоқтатқан жөн.

Пациенттердің ерекше топтары

Балалар

18 жасқа дейінгі балаларда қолдануға болмайды.

Егде жастағы пациенттер

Фармакокинетикалық деректер негізінде 65 жастан асқан егде жастағы адамдарда дозаны түзету талап етілмейді.

Бауыр жеткіліксіздігі бар пациенттер

Ауырлығы жеңіл дәрежедегі бауыр функциясы бұзылған пациенттерде нифедипин дозасы төмендетілуі тиіс. Бауырдың орташа және ауыр жеткіліксіздігі бар пациенттерде препаратты қолдануға болмайды.

Бүйрек жеткіліксіздігі бар пациенттер

Бүйрек функциясы бұзылған пациенттерде дозаны түзету талап етілмейді.

Таблеткаларды аздаған сұйықтықпен ішіп, жұту керек. Препаратты тамақтануға байланыссыз қолдана береді.

Препаратты қабылдау кезінде грейпфрут шырынын ішпеу ұсынылады.

Қабылдау уақыты көрсетілген қолданылу жиілігі

Таблеткаларды қолдану арасындағы ұсынылатын аралық – 12 сағат (кемінде 6 сағат).

Емдеу ұзақтығын дәрігер анықтайды.

Симптомдары: бас ауыруы, бет гиперемиясы, ұзаққа созылған жүйелік гипотензия, шеткері артерияларда пульстің болмауы. Ауыр жағдайларда тахикардия немесе брадикардия, синустық түйін функциясының бұзылуы, атриовентрикулярлық өткізгіштіктің баяулауы, гипергликемия, метаболизмдік ацидоз және гипоксия, есінен айыратын коллапс және өкпенің ісінуімен қатар жүретін кардиогендік шок, комаға дейін сананың бұзылуы байқалады.

Емі. Шұғыл жәрдем беру шаралары ең алдымен препаратты организмнен шығаруға және тұрақты гемодинамиканы қалпына келтіруге бағытталуы тиіс. Науқастарда жүрек-қантамыр және тыныс алу жүйелерінің функцияларын, қан плазмасындағы қант пен электролиттердің (калий, кальций) деңгейін, тәуліктік диурезді және айналымдағы қан көлемін үнемі бақылап отыру қажет. Кальций препараттарын енгізуге болады. Егер кальцийді енгізу жеткілікті тиімді болмаса, артериялық қысымды тұрақтандыру үшін допамин немесе норадреналин сияқты симпатомиметиктерді қолданған дұрыс болады. Бұл препараттардың дозалары қол жеткізілген емдік әсерін ескере отырып таңдалады. Брадикардияны бета-симпатомиметиктерді қолдану арқылы жоюға болады. Өмірге қауіп төндіретін жүрек ырғағының баяулауы кезінде жасанды ырғақ тасымалдағышты қолдану ұсынылады. Сұйықтықты қосымша енгізуде өте сақтық таныту керек, өйткені мұндайда жүрекке жүктеме түсу қаупі ұлғаяды.

Нифедипинге қан плазмасы ақуыздарымен байланысу дәрежесінің жоғарылығы және таралу көлемінің біршама аздығы тән болғандықтан, гемодиализ тиімді емес, алайда плазмаферез жүргізу ұсынылады.

Дәрілік препараттың бір немесе бірнеше дозасын өткізіп алу кезіндегі қажетті шаралар

Өткізіп алған дозаның орнын толтыру үшін қосарлы дозаны қабылдамаңыз.

Тоқтату симптомдары қаупінің болуына нұсқау

Препаратпен емдеуді алдын-ала дәрігердің кеңес алмай үзбеу және тоқтатпау керек.

Препаратпен емдеуді, әсіресе, жоғары дозаларын қолдану кезінде тоқтату біртіндеп жүзеге асырылуы тиіс.

Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар

Бұл препаратты қолдану жөнінде қандай-да бір қосымша сұрақтар туындаған жағдайда, өзіңіздің емдеуші дәрігеріңізбен кеңесіңіз.

Өте жиі:

- бас ауруы

- ісінулер (шеткері ісінуді қоса)

Жиі:

- вертиго

- бас айналу

- әлсіздік

- пальпитация

- вазодилатация (мысалы, ысыну)

- іш қату

- жүрек айнуы

- эритромелалгия, әсіресе емдеу бастағанда

- тершендік

- жалпы дімкәстік

Жиі емес:

- аллергиялық реакция

- аллергиялық ісіну/ангионевроздық ісіну (көмейдің ісінуін қоса1)

- қышыну

- бөртпе

- үрей сезімі

- ұйқының бұзылуы

- бас сақинасы

- діріл

- пар-/дизестезия

- ұйкышылдық/шаршағандық

- күйгелектік

- көрудің бұзылуы

- тахикардия

- кеуде қуысының ауыруы (стенокардия2)

- гипотония

- естен тану

- мұрыннан қан кету

- мұрынның бітеліп қалуы

- ентігу

- асқазан-ішек жолдарының ауыруы және іштің ауыруы

- диспепсия

- метеоризм

- ауыздың құрғауы

- уақытша бауыр ферменттерінің жоғарылау

- эритема

- бұлшықеттердің құрысуы

- буындардың ісінуі

- миалгия

- полиурия

- дизурия

- бүйрек жеткіліксіздігі кезінде бүйрек функциясының уақытша

нашарлауы мүмкін

- эректильді дисфункция

- спецификалық емес ауырсыну

- қалтырау

Сирек:

- лейкопения

- анемия

- тромбопения

- тромбоцитопениялық пурпура

- есекжем

- гипергликемия

- қызылиектің гиперплазиясы

- анорексия

- асқазанның толып кетуін сезіну

- кекіру

- сарғаю

- аллергиялық фотосезімталдық

- пальпацияланатын пурпура

- нифедипинді тоқтатудан кейін қайтымды гинекомастия

Өте сирек:

- агранулоцитоз

- миокард инфарктісі2

- эксфолиативті дерматит

Жиілігі белгісіз:

- анафилаксиялық/анафилактоидтық реакция

- гипестезия

- көздің ауыруы

- өкпенің ісінуі3

- безоар

- дисфагия

- ішек түйнегі

- ішектің ойықжарасы

- құсу

- эзофагит

- уытты эпидермалық некролиз

- артралгия

1 = өмірге қауіп төндіретін жағдайға әкелуі мүмкін.

2 = сирек, әсіресе емдеу басталғанда, стенокардияның ұстамалары пайда болуы мүмкін немесе стенокардия ұстамаларының жиілігі мен ұзақтығының күшеюі, сондай-ақ оның ауырлық дәрежесі артуы мүмкін.

Жүрек ұстамасының бірең-сараң жағдайлары туралы хабарланды.

3 = жүктілік кезінде нифедипинді токолитикалық зат ретінде қолданған кезде жағдайлары байқалды.

Гемодиализде жүрген қатерлі гипертензиясы және гиповолемиясы бар пациенттерде вазодилатация салдарынан артериялық қысымының айтарлықтай төмендеуі байқалуы мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат: нифедипин – 10 мг немесе 20 мг;

қосымша заттар: лактоза моногидраты, картоп крахмалы, микрокристалды целлюлоза, повидон, натрий лаурилсульфаты, магний стеараты, гипромеллоза (гидроксипропилметилцеллюлоза), полисорбат 80, титанның қостотығы (Е 171), полиэтиленгликоль 6000, тальк, хинолинді сары (Е 104).

Дөңгелек пішінді, екі беті дөңес, сары түсті қабықпен қапталған таблеткалар. Сынығын лупамен қарағанда бірыңғай тұтас қабатпен қоршалған ядросы көрінеді.

10 таблеткадан поливинилхлоридті үлбірден және алюминий фольга негізіндегі бума қаптама материалдан жасалған пішінді ұяшықты қаптамада.

5 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшада.

3 жыл.

Жарамдылық мерзімі өткеннен кейін қолдануға болмайды!

Түпнұсқалық қаптамасында 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Технолог» ЖАҚ.

Украина, 20300, Черкасск обл., Умань қ., Старая прорезная көш., 8.

тел./факс: +38-(04744) 4-03-02

E-mail: info@technolog.ua

Web site: www.lekhim.ua/tehnolog

«Технолог» ЖАҚ.

Украина, 20300, Черкасск обл., Умань қ., Старая прорезная көш., 8.

тел./факс: +38-(04744) 4-03-02

E-mail: info@technolog.ua

Web site: www.lekhim.ua/tehnolog

«АЛДИМЕД» ЖШС.

Қазақстан Республикасы, Алматы қ., 050051, Самал-1 ы/а, 1 үй

тел/факс: (727) 263-27-34

E-mail: aldimed@mail.ru