Нейроксон раствор д/ин. 1000 мг / 4 мл по 4 мл №10 (2 блистера х 5 ампул)

Нейроксон®

Цитиколин

Вена ішіне, бұлшықет ішіне енгізуге арналған ерітінді, 500 мг/4 мл және 1000 мг/4 мл.

Жүйке жүйесі. Психоаналептиктер. Зейін тапшылығы және аса жоғары белсенділік кезінде қолданылатын психостимуляторлар (ADHD –Attention deficit hyperactivity disorder) және ноотропты дәрілер. Басқа психостимуляторлық және ноотропты дәрілер. Цитиколин.

АТХ коды N06ВХ06

- инсульт, жедел фаза мен оның неврологиялық және когнитивті асқынулары

- мидың жарақаттық зақымдануы (бассүйек-ми жарақаттары) мен оның неврологиялық және когнитивті асқынулары

Қолдануды бастағанға дейін қажетті мәліметтер тізбесі

- әсер етуші заттарға немесе препарат қосымша заттарының кез келгеніне аса жоғары сезімталдық

- парасимпатикалық жүйке жүйесінің жоғары тонусы

- жүктілік және лактация кезеңі

- 18 жасқа дейінгі балалар мен жасөспірімдер

Қолдану кезіндегі қажетті сақтық шаралары

Арнайы сақтық шаралары қажет емес.

Цитиколин леводопаның әсерін күшейтеді. Құрамында центрофеноксин немесе меклофеноксат бар дәрілік заттармен бір мезгілде тағайындауға болмайды.

Вена ішіне қолданған жағдайда препаратты баяу (енгізілетін дозаға байланысты 3-5 минут бойы) енгізу керек.

Вена ішіне тамшылатып қолданған жағдайда құю жылдамдығы минутына 40-60 тамшы болуы керек.

Тұрақты бассүйек ішіне қан құйылу жағдайында тәулігіне 1000 мг дозадан және вена ішіне енгізу жылдамдығы минутына 30 тамшыдан аспауы керек.

Нейроксон, 500 мг/4 мл, вена ішіне және бұлшықет ішіне енгізуге арналған ерітіндінің құрамында бір дозаға 1 ммоль натрий (23,5 мг) болады. Натрийдің түсуін шектейтін диетадағы пациенттерді ескеру қажет.

Нейроксон, 1000 мг/4 мл, вена ішіне және бұлшықет ішіне енгізуге арналған ерітіндінің құрамында бір дозаға 2 ммоль натрий (47,1 мг) болады. Натрийдің түсуін шектейтін диетадағы пациенттерді ескеру қажет.

Педиатрияда қолдану

Балалар мен 18 жасқа дейінгі жасөспірімдерге препаратты қолдануға болмайды.

Жүктілік немесе лактация кезінде

Цитиколинді жүкті әйелдерге қолдану туралы жеткілікті деректер жоқ.

Цитиколиннің емшек сүтіне шығарылуы және оның шаранаға әсері туралы деректер белгісіз. Сондықтан жүктілік немесе бала емізу кезінде күтілетін емдік пайдасы кез келген ықтимал қауіптен жоғары болған кезде ғана препаратты тағайындауға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жеке жағдайларда орталық жүйке жүйесінің кейбір жағымсыз реакциялары көлік құралын басқару немесе күрделі механизмдермен жұмыс істеу қабілетіне әсер етуі мүмкін.

Қолдану бойынша ұсынымдар

Дозалау режимі

Вена ішіне баяу вена ішіне инъекция (5 минут бойы) немесе тамшылатып вена ішіне енгізу (минутына 40-60 тамшы) түрінде тағайындалады.

Инсульттің және бассүйек-ми жарақатының жедел кезеңінде емдеу екі апта бойы ауру ауырлығына қарай күн сайын 1000 – 2000 мг дозада препаратты вена ішіне енгізуден басталады, содан кейін күніне 1-2 инъекция (500-2000 мг) бұлшықет ішіне енгізуге немесе 45-90 күнге дейін ішке қабылдауға ауысады.

Енгізу әдісі мен жолы

Инъекцияға арналған ерітінді вена ішіне немесе бұлшықет ішіне енгізіледі.

Препаратты қабылдау дозасы мен курсы емдеуші дәрігердің ұсынысы бойынша өзгертілуі мүмкін.

Артық дозалану жағдайында қабылдануы қажет шаралар

Симптомдары: препараттың жағымсыз реакцияларының күшеюі.

Цитиколинді ұзақ уақыт қолдану енгізу әдісіне қарамастан уытты әсерлермен бірге жүрген жоқ.

Емі: симптоматикалық.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Дәрілік препаратты қолдану тәсілін түсіндіру үшін емдеуші дәрігерге жүгіну ұсынылады.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте сирек

- бас ауыруы, бас айналу, елестеулер, қозу, ұйқысыздық, ысыну сезімі, тремор

- артериялық гипертензия, артериялық гипотензия, тахикардия

- диспноэ

- жүрек айнуы, құсу, диарея

- аллергиялық реакциялар, оның ішінде: бөртпе, гиперемия, экзантема, есекжем, пурпура, қышыну, ангионевроздық ісіну, анафилаксиялық шок

- қалтырау, ісіну

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір ампуланың ішінде

белсенді зат-натрий цитиколині 522,5 мг немесе 1045,0 мг (500,0 мг немесе 1000,0 мг цитиколинге қайта шаққанда).

қосымша зат – инъекцияға арналған су.

Мөлдір түссіз сұйықтық.

4 мл сақинасы немесе сындыру нүктесі бар сыйымдылығы 5 мл ампулаларда.

5 ампуладан пішінді ұяшықты қаптамаға салынады немесе 5 ампуладан үлбірмен қапталған пішінді ұяшықты қаптамаға салынады.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге қорапшаға салынады.

3 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, 30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Галичфарм» ЖАҚ, Украина, 79024, Львов қ., Опрышковская к-сі, 6/8

тел./факс: (032) 294-99-94, 294-99-02

E-mail: office@arterium.ua

«Галичфарм» ЖАҚ, Украина, 79024, Львов қ., Опрышковская к-сі, 6/8

тел./факс: (032) 294-99-94, 294-99-02

E-mail: office@arterium.ua

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ТД Фармамед» ЖШС, 

Қазақстан Республикасы, Алматы қ., Ходжанов көшесі, 67 ғимарат, т.е. 4а

Тел.: +7 (727) 344-99-05/06

E-mail: Almaty@pharmamed.kz