Неотон раствор д/инф. по 1 г №4 (флакон)

Неотон

Фосфокреатин

Инфузия үшін ерітінді дайындауға арналған ұнтақ, 1 г

Жүрек-қантамыр жүйесі. Кардиологиялық препараттар. Кардиологиялық басқа препараттар. Фосфокреатин.

АТХ коды С01ЕВ06

Кардиоплегиялық ерітінділерге қосымша кардиохирургиядағы кардиопротекция.

Қолдануды бастағанға дейін қажетті мәліметтер тізбесі

- препаратқа аса жоғары сезімталдық

- созылмалы бүйрек жеткіліксіздігі (жоғары дозаларды енгізгенде тәулігіне 5-10 г)

Фосфокреатин басқа препараттармен өзара әрекеттеспейді.

Препаратты 1 г фосфокреатиннен асатын дозада вена ішіне тез енгізу қан қысымының төмендеуіне әкелуі мүмкін.

Препараттың жоғары дозаларын енгізу (тәулігіне 5-10 г) фосфаттардың көп мөлшерінің сіңуіне әкеледі, бұл кальций метаболизміне және гомеостазды реттеуге, бүйрек функциясына және пуриннің метаболизміне қатысатын гормондардың секрециясына әсер етуі мүмкін.

Препараттың жоғары дозаларын тек жекелеген пациенттерге және қысқа уақыт ішінде тағайындауға болады.

Неотон дәрілік препаратының 1 дозасы, 20 мг/мл, инфузия үшін ерітінді дайындауға арналған ұнтақтың құрамында 180 мг натрий бар, бұл ДДҰ ұсынған организмге тәуліктік ең жоғары түсімнің 9%-ына баламалы, бұл ересек адам үшін 2 г натрийге сәйкес келеді.

Педиатрияда қолдану

18 жасқа дейінгі балалар мен жасөспірімдерде фосфокреатинді қолданудың қауіпсіздігі мен тиімділігі туралы деректер жоқ.

Жүктілік немесе лактация кезінде

Препаратты жүктілік және лактация кезеңінде қолдануға болмайды.

Жүкті немесе бала емізетін әйелдерге препаратты қолданар алдында дәрігермен кеңесу ұсынылады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат пациенттердің көлік жүргізу және механизмдермен жұмыс істеу қабілетіне әсер етпейді немесе шамалы әсер етеді.

Дозалау режимі

Фосфокреатин әдеттегі кардиоплегиялық ерітінділерде 10 ммоль/л концентрациясында қолданылады.

1 құтының ішіндегісін ұзақтығы 45-60 минут вена ішіне инфузия түрінде енгізеді. Миокардты қорғау үшін кардиохирургияда препаратты стандартты кардиоплегиялық ерітінділер құрамында (мөлшері 3 г препаратты 1 л кардиоплегиялық ерітіндіде ерітеді) 10 ммоль/л концентрациясында қолданылады. Операция жүргізер алдында 3-5 күн ішінде және хирургиялық араласулардан кейінгі 1-2 күн ішінде 2 г дозада күніне екі рет вена ішіне инфузия курсын жүргізу ұсынылады. Енгізер алдында ұнтақты еріткіште ерітеді; еріткіш ретінде инъекцияға арналған суды, 0.9 % натрий хлоридінің ерітіндісін немесе 5 % глюкоза ерітіндісін пайдалануға болады. Хирургиялық емшараларда препаратты қолданған кезде оны кардиоплегиялық ерітінділерге қосу ұсынылады.

Енгізу әдісі мен жолы

Вена ішіне.

Белгілі антидоттардың болмауына байланысты симптоматикалық ем жүргізуге жол беріледі.

Жағымсыз реакциялардың сипаттамасы

Белгісіз.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz.

Қосымша мәліметтер

Бір құтының ішінде

белсенді зат – фосфокреатиннің натрий тұзы 1.0 г.

Ақ кристалды ұнтақ.

1 г препараттан эластомер тығынмен және металл сақинамен тығындалған бейтарап түссіз шыны құтыға салынады.

Препараты бар 1 немесе 4 құтыдан медициналық қолдану жөніндегі қазақ және орыс тіліндегі нұсқаулықпен бірге картон қорапқа салынады.

3 жыл.

Жарамдылық мерзімі өткеннен кейін қолдануға болмайды!

25 0С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Альфасигма С.п.А.

Виа Э. Ферми 1, 65020 Аланно (Пескара), Италия

тел.: + 39 08585711

Альфасигма С.п.А., Болонья, Италия

тел.: + 39 0516489511

info.it@alfasigma.com

«СОНА-ФАРМЕКСИМ» ЖШС

Қазақстан Республикасы, 050051, Алматы қ., Достық даңғ., 240 үй, 502 кеңсе

Телефон: +7 (727) 221 90 91

E-mail: safety@eastpharm.eu