Небилет таблетки по 5 мг №28 (2 блистера х 14 таблеток)

Небилет®

Небиволол

5 мг таблеткалар

Жүрек-қантамыр жүйесі. Бета-адреноблокаторлар. Селективті бета-адреноблокаторлар. Небиволол.

АТХ коды С07АВ12

- Эссенциальді артериялық гипертонияны емдеу

- Егде жастағы ≥ 70 жастағы пациенттерде стандарты емдеу әдісіне қосымша ретінде жеңіл және орташа дәрежелі ауырлықтағы тұрақты созылмалы жүрек жеткіліксіздігін емдеуде.

Қолдануды бастағанға дейін қажетті мәліметтер тізбесі

- әсер етуші затқа немесе «құрамы» бөлімінде көрсетілген қосымша заттардың кез келгеніне аса жоғары сезімталдық

- бауыр жеткіліксіздігі немесе бауыр функциясының бұзылуы

- инотропты әсерге ие әсер етуші заттарды вена ішіне енгізуді талап ететін жедел жүрек жеткіліксіздігі, кардиогендік шок немесе жүрек жеткіліксіздігінің декомпенсация кезеңдері.

Бұдан басқа да -адреноблокаторлар секілді, Небилет® төмендегі жағдайларда қарсы көрсетілімді:

• синоатриальді блокаданы қоса, синусты түйін әлсіздігі синдромы (sick-sinus-syndrom)

• II және III дәрежедегі АВ-блокада (кардиостимуляторсыз)

• анамнезінде бронхтүйілуі және бронх демікпесі

• емделмеген феохромоцитома

• метаболизмдік ацидоз

• брадикардия (емді бастағанға дейін жүректің жиырылу жиілігі минутына 60 төмен),

• артериялық гипотензия (систолалық артериялық қысым 90 мм с.б. төмен),

• шеткері қанайналымының ауыр бұзылулары.

Сондай-ақ, «Жағымсыз реакциялардың сипаттамасы» бөлімін қараңыз.

-адреноблокаторлар үшін келесі ескертулер мен сақтық шаралары ортақ болып табылады.

Анестезия

-адренорецепторлары блокадасы наркозға енгізу және интубациялау кезінде жүрек ырғағының бұзылу қаупін азайтады. Егер хирургиялық араласымға дайындалу кезінде -адренорецепторлары блокадасын тоқтату қажет болса, онда -адреноблокаторларды кем дегенде осыған дейін 24 сағат бұрын тоқтату керек.

Миокардтың бәсеңдеуін туындататын белгілі анестетиктерді сақтықпен қолдану қажет. Пациентте вагустық реакциялардың пайда болуын атропинді вена ішіне енгізу арқылы алдын алуға болады.

Жүрек-қантамырлар жүйесі

Әдетте, -адреноблокаторлар жай-күйлері тұрақталмағанға дейін емделмеген жүрек жеткіліксіздігі бар пациенттерге тағайындамайды.

Жүректің ишемиялық ауруынан зардап шегетін пациенттерге, -адреноблокаторлармен емді 1–2 апта ішінде, біртіндеп тоқтату керек. Қажет болғанда стенокардияның асқынуын болдырмау үшін – бір мезгілде орын басушы- препараттармен емді бастау ұсынылады.

-адренорецепторлардың блокаторлары брадикардияны туындатуы мүмкін. Егер тыныш жағдайдағы тамырдың соғуы минутына 50–55 соғуға дейін төмендесе және/немесе пациентте брадикардияны көрсететін симптомдар дамыса, онда дозаны азайту керек.

-адренорецепторлары блокаторларын төмендегі жағдайларда сақтықпен қабылдау керек:

-аурулары асқынуы мүмкін болғандықтан, шеткері қан айналымы бұзылған (Рейно ауруы немесе Рейно синдромы, мезгіл-мезгіл ақсақтық) пациенттерде

--адреноблокаторлардың өткізгіштікке теріс әсер етуіне байланысты I дәрежелі АВ-блокадасы бар пациенттерде;

--адренорецепторлардың белсенділендірілуіне байланысты коронарлық артериялардың вазоконстрикциясы салдарынан Принцметал стенокардиясы бар пациенттерде: -адренорецепторлардың блокаторлары стенокардия ұстамасының жиілігі мен ұзақтығын арттыруы мүмкін.

Небивололдың верапамил және дилтиазем типті кальций антагонистерімен, I топтағы аритмияға қарсы дәрілермен, сондай-ақ орталықтық әсері бар гипотензиялық препараттармен біріктірілімі негізінде ұсынылмайды. Қосымша ақпаратты алу үшін - Дәрілік заттардың өзара әрекеттесуін қараңыз.

Зат алмасу және эндокриндік жүйе

Небилет® диабеті бар пациенттердегі глюкоза деңгейіне әсер етпейді. Осыған қарамастан, осы жағдайда небиволол гипогликемияның кейбір симптомдарын (тахикардия, жүрек қағуы) жасыруы мүмкін болғандықтан сақтық шараларын сақтау керек.

Қалқанша бездің гиперфункциясында -адреноблокаторлар тахикардия секілді аурудың симптомдарын бүркемелеуі мүмкін. Емді кенеттен тоқтатқанда бұл симптомдар күшеюі мүмкін.

Тыныс алу жолдары

Тыныс алу жолдарының созылмалы обструкциялық аурулары бар пациенттерге тыныс алу жолдарының констрикциясын күшейтуі мүмкін болғандықтан -адреноблокаторларды сақтықпен қолдану керек.

Фармакодинамикалық өзара әрекеттесуі

-адреноблокаторлар үшін келесі өзара әрекеттесулер ортақ болып саналады.

Бір мезгілде қолдануға болмайды:

I топтағы антиаритмиялық препараттар (хинидин, гидрохинидин, цибензолин, флекаинид, дизопирамид, лидокаин, мексилетин, пропафенон):

Атриовентрикулярлық өткізгіштікке әсері және теріс инотропты әсері күшеюі мүмкін.

Верапамил / дилтиазем типтегі кальций антагонистері:

Жиырылғыштыққа және атриовентрикулярлық өткізгіштікке теріс әсер. -адреноблокаторларды қабылдайтын пациенттерге верапамилді вена ішіне енгізу айқын артериялық гипотонияға және АВ-блокадаға әкелуі мүмкін.

Орталықтық әсері бар гипотензиялық препараттар (клонидин, гуанфацин, моксонидин, метилдофа, рилменидин):

Орталықтық сипаттағы симпатикалық жүйке жүйесі тонусының төмендеуіне байланысты (жүректің жиырылу жиілігі және екпінді көлемінің азаюы, вазодилатация) орталықтық әсері бар гипотензиялық препараттармен бір мезгілде қолдану жүрек жеткіліксіздігін асқындыруы мүмкін (айрықша нұсқаулар бөлімін қараңыз). Кенеттен тоқтатқанда, атап айтқанда, -адреноблокаторлармен емді тоқтатар алдында, артериялық қысымның жоғарылау ықтималдығы болуы мүмкін (тоқтату синдромы).

Бір мезгілде қолданған кезде айрықша сақтық талап етіледі

III топтағы антиаритмиялық препараттар (амиодарон)

Атриовентрикулярлық өткізгіштікке әсер күшеюі мүмкін.

Галогенделген ұшпа анестетиктер:

-адреноблокаторлар мен анестетиктерді бір мезгілде қолдану рефлекторлық тахикардияны бәсеңдетуі және гипотония қаупін арттыруы мүмкін (айрықша нұсқаулар бөлімін қараңыз). Үнемі -адреноблокаторлармен емді күрт тоқтатуды болдырмау керек. Егер пациент Небилет® қабылдайтын болса, онда оны анестезиологқа хабарлау керек.

Инсулин мен пероральді диабетке қарсы дәрілер

Небилет глюкозаның деңгейіне әсер етпегенмен, бір мезгілде қолданғанда ол гипогликемияның кейбір симптомдарын (жүрек қағуы, тахикардия) жасыруы мүмкін.

Баклофен (антиспазмдық миорелаксант), амифостин (ісікке қарсы препараттармен емде қосымша дәрілік заттар)

Гипотензиялық дәрілермен бір мезгілде қолданғанда артериялық қысымның түсіп кету мүмкіндігі жоғарылайды; сондықтан гипотензиялық препараттардың дозасын сәйкесінше түзету керек.

Бір мезгілде қолданғанда ескеру керек

Оймақгүл тобының гликозидтері:

Бір мезгілде қолданғанда атриовентрикулярлық өткізгіштік баяулауы мүмкін. Әйтсе де небивололға клиникалық зерттеулер жүргізген кезде осы өзара әрекеттесулердің белгілері анықталған жоқ. Небиволол дигоксиннің кинетикасына әсер етпейді.

Дигидропиридин типтегі кальций антагонистері (амлодипин, фелодипин, лакидипин, нифедипин, никардипин, нимодипин, нитрендипин секілді)

Бір мезгілде қабылдау гипотония қаупін жоғарылатуы мүмкін. Жүрек жеткіліксіздігінен зардап шегетін пациенттерде, қарыншалардың сорғылық функциясының әрі қарай нашарлау қаупінің артуын жоққа шығаруға болмайды.

Психозға қарсы, депрессияға қарсы препараттар (трициклді антидепрессанттар, барбитураттар және фенотиазин туындысы)

Бір мезгілде қолданғанда -адреноблокаторлардың гипотензиялық әсері әсерлерінің қосылу принципі бойынша күшеюі мүмкін.

Қабынуға қарсы стероидты емес препараттар (ҚҚСП)

Небивололдың гипотензиялық әсеріне әсер етпейді.

Симпатомиметиктер

Бір мезгілде қолданғанда -адреноблокаторлардың әсеріне қарама қайшы әсер етуі мүмкін. -адренергиялық әсерге ие әсер етуші заттар, -, сондай-ақ -адренергиялық әсердің (артериялық гипертонияның, ауыр брадикардияның және жүрек блокадасының даму қаупі) болуымен симпатомиметиктердің кедергісіз -адренергиялық белсенділігіне әкелуі мүмкін.

Фармакокинетикалық өзара әрекеттесуі:

Небиволол метаболизмінің үдерісіне CYP2D6 изоферменті қатысатын болғандықтан, осы ферментті тежейтін препараттарды, атап айтқанда, пароксетинді, флуоксетинді, тиоридазинді және хинидинді бір мезгілде қабылдау, небивололдың плазмадағы деңгейін жоғарылатып, солайша, айқын брадикардия және басқа да жағымсыз әсерлерінің пайда болу қаупін жоғарылатады.

Циметидинді бір мезгілде тағайындау кезінде небивололдың плазмадағы деңгейі клиникалық әсердің өзгеруінсіз, жоғарылаған. Ранитидинді бір мезгілде тағайындау небивололдың фармакокинетикасына әсер еткен жоқ.

Небилетті тамақпен бірге, ал антацидті дәріні – ас қабылдау арасында қабылдау қажет болғанда, екі дәрілік затты бірге тағайындауға болады.

Небивололдің никардипинмен біріктірілімі кезінде плазмада клиникалық тиімділігінің өзгеруінсіз екі субстанцияның да деңгейлері аздап жоғарылады. Алкогольді, фуросемидті немесе гидрохлортиазидті бір мезгілде қабылдау небиволол фармакокинетикасына әсер еткен жоқ. Небиволол варфариннің фармакокинетикасы мен фармакодинамикасына әсер етпейді.

Басқалары

Анамнезінде псориазы бар пациенттерге -адреноблокаторларды жағдайды мұқият бағалағаннан кейін тағайындау керек.

-адренорецепторлардың блокаторлары аллергендерге сезімталдықты және анафилаксиялық реакциялар ауырлығы дәрежесін жоғарылатуы мүмкін.

Созылмалы жүрек жеткіліксіздігін небивололмен емдеу алдында пациентті үнемі бақылау талап етіледі. Дозаға, сондай – ақ, қолдану әдісі мен ұзақтығына қатысты - Қолдану жөніндегі ұсынымдар бөлімін қараңыз. Емді шұғыл қажеттігінсіз дереу тоқтатуға болмайды.

Қосымша заттар туралы ақпараттар

Осы препараттың құрамында лактоза бар. Тұқым қуалайтын галактоза көтере алмаушылығы, ағзада лактаза-тапшылығы, глюкоза-галактоза мальабсорбциясы бар пациенттерге Небилет® қабылдауға болмайды.

Жүктілік немесе лактация кезінде

Жүктілік

Небиволол жүктілікке және/немесе шаранаға және жаңа туған нәрестеге теріс ықпал етуі мүмкін фармакологиялық әсерге иеленген. Жалпы алғанда, -адреноблокаторлар шарана өсуінің баяулауы, жатырішілік өлім, түсік және уақытынан бұрын басталатын толғақ байланыстырылатын плацентаға қанның ағып келуін азайтады. Шарана мен жаңа туғандарда гипогликемия және брадикардия секілді жағымсыз құбылыстар орын алуы мүмкін. Егер -адреноблокаторлармен емдеу қажет болса, онда 1-селективті -адреноблокаторларды таңдау керек.

Небивололды жүктілік кезінде оған шұғыл қажеттілік болғанда ғана қабылдау керек. Егер небивололмен емдеу қажет болса, жатырлық-плацентарлық қан ағымы мен шарананың өсуін бақылау керек. Жүктілікке немесе шаранаға зиянды әсер анықталған кезде баламалы препараттармен емдеу туралы сұрақты қарастыру керек. Жаңа туған балаларды мұқият бақылау керек. Гипогликемия және брадикардия секілді симптомдардың пайда болуын көптеген жағдайда алғашқы 3 күн ішінде күтуге болады.

Бала емізу кезінде

Жануарларға жүргізілген тәжірибелер небивололдың емшек сүтіне өтетінін көрсетті. Бұл процестің адамдарда болып-болмайтыны белгісіз. -адренорецепторлар блокаторларының көпшілігі, әсіресе небиволол және оның белсенді метаболиттері секілді липофильді қосылыстар, әр түрлі дәрежеде болса да, емшек сүтіне өтеді. Жаңа туылған нәрестелер мен сәбилер үшін қауіпті жоққа шығаруға болмайды. Сондықтан небиволол қабылдайтын әйел пациенттер баланы емізбеуі керек.

Фертильділігі

Небиволол адам үшін ұсынылатын ең жоғары дозадан бірнеше еселенген дозаларда егеуқұйрықтардың және тышқандардың аталықтары мен аналықтарының тұқым өрбіту ағзаларына әсер еткен жағымсыз әсерлерді қоспағанда, егеуқұйрықтардың фертильділігіне әсер еткен жоқ. Небивололдың адам фертильділігіне әсері белгісіз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Небилет® көлік құралын басқару және қауіптілігі зор механизмдермен жұмыс істеу қабілетіне әсері зерттелген жоқ. Фармакодинамиканы зерттеу Небилет® психомоторлық функцияға әсер етпегенін көрсетті. Көлік құралын басқару немесе механизмдермен жұмыс істеу кезінде кейде бас айналу және шаршау сезімі орын алу мүмкін екенін ескеру керек. Көлік құралдарын басқару немесе механизмдермен жұмыс істеу кезінде кейде бас айналу және шаршаудың пайда болуы мүмкін екенін ескерген жөн.

Дозалау режимі

Эссенциальді гипертензия

Ересектер

Доза тәулігіне 1 таблетканы (5 мг небиволол) құрайды; оны дұрысы әрдайым тәуліктің бір мезгілінде қабылдау керек.

Гипотензиялық әсер емнің 1-2 аптасынан кейін байқалады. Кейде оңтайлы әсерге 4 апта өткеннен кейін жетеді.

Басқа гипотензиялық дәрілермен біріктірілімде

-адренорецепторлары блокаторларын монотерапия үшін де, сондай-ақ басқа гипотензиялық дәрілермен біріктірілімде де қолдануға болады. Осыған дейін қосымша гипотензиялық әсері Небилет® 5  мг-де 12,5-25 мг гидрохлортиазидпен біріктірілімінде ғана байқалды.

Бүйрек жеткіліксіздігі бар пациенттер

Бүйрек жеткіліксіздігінен зардап шегетін пациенттер үшін, ұсынылған бастапқы доза тәулігіне 2,5 мг құрайды. Қажет болғанда тәуліктік дозаны 5 мг дейін жоғарылатуға болады.

Бауыр жеткіліксіздігі бар пациенттер

Препаратты бауыр жеткіліксіздігі бар немесе бауыр функциясы бұзылған пациенттерде қолдануға қатысты деректер саны шектеулі. Осы себепті Небилет® осындай пациенттерге қарсы көрсетілген.

Егде жастағы пациенттер

65 жастан асқан пациенттер үшін ұсынылған бастапқы доза тәулігіне 2,5 мг құрайды. Қажет болғанда тәуліктік дозаны 5 мг дейін жоғарылатуға болады. Препаратты 75 жастан асқан пациенттерде қолдану тәжірибесінің жеткіліксіз екенін ескеріп, осы пациенттерге оны тағайындағанда сақ болып, мұқият бақылау жүргізу талап етіледі.

Педиатрияда қолдану

Небилет® балалар мен 18 жастан кіші жасөспірімдерге қауіпсіздігі мен тиімділігі анықталмаған. Осы тақырыпқа байланысты деректер жоқ. Осы себептен препаратты балалар мен жасөспірімдерде қолдану ұсынылмайды.

Созылмалы жүрек жеткіліксіздігі

Тұрақты созылмалы жүрек жеткіліксіздігін емдеу жеке тиімді демеуші дозаға жеткенге дейін дозаны баяу титрлеумен басталуы керек.

Осындай пациенттерге препаратты егер оларда соңғы 6 апта ішінде оның жедел декомпенсациясының эпизодтарынсыз тұрақты созылмалы жүрек жеткіліксіздігі болған жағдайда тағайындайды.

Созылмалы жүрек жеткіліксіздігін емдеуді тәжірибелі дәрігер жүргізуі керек.

Диуретиктер және/немесе дигоксин және/немесе АӨФ тежегіштері және/немесе ангиотензин II рецепторларының антагонистерін қоса жүрек-қантамырлық препараттарды қабылдайтын пациенттерде Небилет® препаратымен емді бастар алдында осы дәрі-дәрмектердің соңғы 2 аптада таңдап алынған дозасы тұрақты болуы керек.

Дозаның бастапқы титрлеуін бір-ден екі аптаға дейін аралықты сақтай

отырып және пациенттің осы дозаны көтеруіне қарай келесі

сызба бойынша жүргізу керек:

Тәулігіне бір рет 1,25 мг небивололды, тәулігіне бір рет 2,5 мг дейін, содан соң тәулігіне бір рет 5 мг дейін, содан соң тәулігіне бір рет 10 мг дейін жоғарылатуға болады.

Ең жоғары ұсынылған доза тәулігіне бір рет 10 мг небивололды құрайды.

Емнің басында және дозаны әрбір жоғарылату кезінде пациент кем дегенде 2 сағат клиникалық жағдайдың тұрақты болып қалғанына (әсіресе артериялық қысым, жүректің жиырылу жиілігі, өткізгіштіктің бұзылуы, сондай-ақ жүрек жеткіліксіздігінің ауырлауының симптомдарына қатысты) көз жеткізу үшін тәжірибелі дәрігердің бақылауында болуы керек.

Жағымсыз әсерлердің пайда болуы барлық пациенттерді ұсынылған ең жоғары дозалармен емдеуге болмайтындығына әкелуі мүмкін.

Қажет болғанда қол жеткен дозаны қайтадан біртіндеп азайтуға немесе сәйкесінше оған қайта оралуға болады.

Жүрек жеткіліксіздігі асқынғанда немесе оны титрлеу фазасында препаратты көтере алмаушылықта, небивололдың дозасын алдымен төмендету немесе қажет болғанда оны дереу тоқтату керек (ауыр гипотензия пайда болғанда, өкпенің жедел ісінуімен жүрек жеткіліксіздігі ауырлағанда, кардиогенді шок, симптоматикалық брадикардия немесе АВ-блокада дамығанда).

Әдетте тұрақты созылмалы жүрек жеткіліксіздігі небивололмен ұзақ уақыт емделеді.

Жүрек жеткіліксіздігінің уақытша ауырлауына әкелуі мүмкін болғандықтан, небивололмен емдеуді кенеттен тоқтатуға болмайды. Егер препаратты тоқтату қажет болса, дозаны бір апта аралықпен екі есе азайта отырып, біртіндеп төмендету керек.

Бүйрек жеткіліксіздігі бар пациенттер

Дозаны ең жоғары көтерімді дозаға дейін титрлеу жеке жүргізілетін болғандықтан, бүйрек жеткіліксіздігі кезінде оны жеңілден орташа ауырлықтағы дәрежеге дейін түзетудің қажеті жоқ.

Ауыр дәрежедегі бүйрек жеткіліксіздігі бар (қансарысуы креатинині ≥ 250 мкмоль/л) науқастарда препаратты қолдану тәжірибесі жоқ. Сондықтан осы пациенттерде небивололды қолдану ұсынылмайды.

Бауыр жеткіліксіздігі бар пациенттер

Препаратты бауыр жеткіліксіздігі бар пациенттерде қолдануға қатысты тек шектелген деректер бар. Осыған байланысты Небилет® препаратын осындай пациенттерде қолдануға болмайды.

Егде жастағы пациенттер

Дозаны ең жоғары көтерімді дозаға дейін титрлеу жеке жүргізілетін болғандықтан, оны түзетудің қажеті жоқ.

Балалар және жасөспірімдер

Небилет® препаратының балалар мен 18 жастан кіші жасөспірімдердегі қауіпсіздігі мен тиімділігі анықталмаған. Осы себепті препаратты балалар мен жасөспірімдерде қолдану ұсынылмайды.

Енгізу әдісі мен жолы

Ішке қабылдауға арналған. Таблеткаларды тамақпен бірге қабылдауға болады.

Таблетканы бірдей дозадағы төрт бөлікке бөлуге болады.

Небилет® препаратының артық дозалануына қатысты деректер жоқ.

Симптомдары

-адреноблокаторлармен артық дозалану симптомдары: брадикардия, артериялық гипотония, бронхтүйілуі және жедел жүрек жеткіліксіздігі болып табылады.

Емі

Артық дозалану немесе аса жоғары сезімталдық реакциясының дамуы жағдайында пациентті үнемі бақылауды және қарқынды емдеу бөлімшесінде емдеуді қамтамасыз ету керек. Қандағы глюкоза мөлшерін бақылау ұсынылады. Асқазан-ішек жолындағы әсер етуші заттың сіңуіне, асқазанды шаю, белсендірілген көмірді және іш жүргізетін дәрілерді тағайындау арқылы кедергі етуге болады. Өкпені жасанды желдету қажет болуы мүмкін. Брадикардияны немесе жоғары ваготонияны қайтару үшін атропин немесе метилатропинді енгізу ұсынылады. Гипотония мен шокты емдеуді плазма/плазма алмастырғыштар көмегімен және қажет болғанда катехоламиндермен жүргізу керек.

Бета-бөгейтін әсерді күтілетін әсерге жеткенге дейін изопреналин гидрохлоридін, шамамен 5 мкг/мин жуық дозадан немесе добутаминді 2,5 мкг/мин дозадан бастап баяу вена ішіне енгізумен тоқтатуға болады. Резистенттілік жағдайында изопреналинді допаминмен біріктіруге болады. Егер осы шара күтілген әсерге әкелмесе, онда 50-100 мкг/кг есебімен глюкагонды в\і енгізуге болады. Қажет болғанда инъекцияны бір сағаттың ішінде қайталауға болады және егер қажет болса глюкагонның 70 мкг/кг/сағ есебімен в/і инфузиясын жасау керек. Жедел жағдайларда, емге резистентті брадикардия кезінде ырғақтың жасанды ырғақ жүргізушісін қолдануға болады.

Препаратты қолдану бойынша сұрақтар туындаған жағдайда медицина қызметкеріне жүгіну кеңес етіледі.

Осы препаратты қолдануға байланысты сұрақтар туындаған жағдайда өз дәрігеріңізге хабарласуыңыз керек.

Жағымсыз құбылыстардың жиілігін анықтау келесі критерийлерге сәйкес жүзеге асырылады: өте жиі (≥1/10), жиі (≥1/100 - <1/10), сирек емес (≥ 1/1000 - <1/100), сирек (≥ 1/10000 - <1/1000), өте сирек (<1/10000), белгісіз (қолда бар деректер негізінде бағалау мүмкін емес).

Артериялық гипертензия және созылмалы жүрек жеткіліксіздігі кезіндегі жағымсыз құбылыстар - осы жағдайлардың негізінде жатқан аурулардың айырмашылығына байланысты - бөлек көрсетілген.

Артериялық гипертензия

Жиі (≥ 1/100-ден < 1/10)

- бас ауыруы, бас айналуы, парестезиялар

- диспноэ

- іш қатуы, жүрек айнуы, диарея

- шаршау, ісінулер

Жиі емес (≥ 1/1000-ден ≤ 1/100)

- қорқынышты түстер, депрессия

- көру қабілетінің бұзылуы

- брадикардия, жүрек жеткіліксіздігі, атриовентрикулярлық өткізгіштіктің баяулауы/АВ-блокада

- гипотония, мезгіл-мезгіл ақсақтықтың ауырлауы

- бронхтүйілуі

- диспепсия, метеоризм, құсу

- қышыну, эритематозды сипаттағы тері бөртпесі

- импотенция

Өте сирек(≤ 1/10000)

- синкопе

- псориаздың ағымының ауырлауы

Белгісіз

- ангионевроздық ісіну, аса жоғары сезімталдық

- есекжем

Одан басқа, кейбір -адреноблокаторлармен туындаған келесі жағымсыз әсерлер туралы хабарланған: елестеулер, психоздар, сананың шатасуы, аяқ қолдың салқындауы/цианоз, Рейно синдромы, көздің құрғауы және практололдық типтегі окуло-мукокутандық уыттылық.

Созылмалы жүрек жеткіліксіздігі

Небиволол қабылдаған пациенттер хабарлаған ең жиі жағымсыз әсерлер, брадикардия және бас айналуы болды. Препаратты қабылдауға байланысты және созылмалы жүрек жеткіліксіздігін емдеуде тән және маңызды деп қарастырылатын келесі жағымсыз әсерлер туралы хабарланды

- жүрек жеткіліксіздігінің асқынуы

- ортостатикалық гипотензия

- дәрілік затты көтере алмаушылық

- І дәрежедегі АВ-блокада

- аяқтардың ісінуі

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында:

белсенді зат – небиволол гидрохлориді 5,45 мг, 5,00 мг небивололға баламалы

қосымша заттар: полисорбат 80, гипромеллоза 2910 15 мПас, лактоза моногидраты, жүгері крахмалы, натрий кроскармеллозасы, микрокристалды целлюлоза, сусыз коллоидты кремнийдің қостотығы, магний стеараты.

Дөңгелек екі беті дөңес ақ дерлік түсті, бір жағында бөлуге арналған крест тәрізді кертігі бар таблеткалар.

7 немесе 14 таблеткадан поливинилхлоридті үлбір мен алюминий фольгадан жасалған пішінді ұяшықты қаптамаға салынған.

1, 2 немесе 4 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынған.

3 жыл

Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек!

Балалардың қолы жетпейтін жерде сақтау керек!

Рецепт арқылы

Берлин-Хеми АГ

Темпельхофер Вег 83, Берлин

12347 Германия

Эл. пошта: info@berlin-chemie.de

Менарини Интернэшнл Оперейшнз Люксембург С.А.

1, Авеню де ла Гар,

Л-1611 Люксембург

«Берлин-Хеми АГ» АҚ Қазақстан Республикасындағы филиалы

050051, Алматы қ, Луганский к-сі 54, № 2 коттедж

Телефон:+7 727 2446183, 2446184, 2446185;

Электронды пошта: Kazakhstan@berlin-chemie.com