Моносан таблетки по 40 мг №30 (3 блистера х 10 таблеток)

Дәрілік түрі, дозасы

Таблеткалар 20, 40 мг

Фармакотерапиялық тобы

Сүйек-бұлшықет жүйесі ауруларын емдеуге арналған препараттар. Жүрек ауруларын емдеуге арналған препараттар. Жүрек ауруларын емдеуге арналған вазодилататорлар. Органикалық нитраттар. Изосорбид мононитраты.

АТХ коды С01DA14

Қолданылуы

- стенокардияның профилактикасында және ұзаққа созылатын емінде

Қолдануды бастағанға дейін қажетті мәліметтер тізбесі

Қолдануға болмайтын жағдайлар

органикалық нитраттарға немесе препараттың «Дәрілік препараттың құрамы» тармағында аталған кез келген қосымша заттарына аса жоғары сезімталдық

силденафил фосфодиэстеразасы тежегішін (виагра) бір мезгілде қабылдау, өйткені силденафил нитраттардың гипертензияға қарсы әсерін көтермелейді

айқын артериялық гипотензия (систолалық қысым 90 мм с.б.-ден азырақ)

миокард инфарктісінің жедел сатысы

сол жақ қарынша функциясының жедел жеткіліксіздігі

қан айналымының жедел бұзылуы (шок, соның ішінде, кардиогендік, қантамырлық коллапс)

гиповолемия

гипертрофиялық обструкциялық кардиомиопатия

перикард қуысының тампонадасы, констриктивті перикардит

бассүйекішілік қан құйылулар, геморрагиялық инсульт, бассүйек-ми жарақаттары

ауыр аортальді және субаортальді стеноз, ауыр митральді стеноз

жабық бұрышты глаукома

айқын анемия

жүктілік (I триместр) және лактация кезеңі

18 жасқа дейінгі балалар мен жасөспірімдер

галактозаның тұқым қуалайтын жақпаушылығы, глюкоза-галактоза мальабсорбция синдромы немесе Лапп лактаза тапшылығы.

Қолданған кездегі қажетті сақтандыру шаралары

Изосорбид мононитратын сақтықпен қолданыңыз:

жүрек бұлшықетінің ішкі бөлігінің тарылуымен (гипертрофиялық обструктивті кардиомиопатия), жүрек қысу сөмкесінің қабынуымен (констриктивті перикардит) немесе жүрек сөмкесінің тампонадасымен (перикард тампонадасы).

төмен толтыру қысымымен, мысалы, жедел миокард инфарктісі жағдайында, сол жақ қарыншаның функциясының төмендеуі (сол жақ жүрек жеткіліксіздігі). Систолалық қысымды 90 мм сын. бағ. төмен түсірмеу керек.

егер сізде сол жақ қарыншаның жүрек қақпақшалары тарылса (аорта және/немесе митральді қақпақшалардың стенозы).

егер сізде төмен қысымға байланысты қан айналымы бұзылса (ортостаздық дисрегуляция).

бассүйекішілік қысымның жоғарылауымен байланысты ауруларда (осы уақытқа дейін қысымның одан әрі жоғарылауы венаға химиялық тектес препарат - глицерол тринитратының жоғары дозалары енгізілген кезде ғана байқалды).

Моносан® препараты кенеттен жүрек ауыруын (мысалы, стенокардияның жедел ұстамасын) және жедел миокард инфарктісін емдеуге жарамайды.

Препаратты қабылдау кезінде өкпенің ауамен нашар қамтамасыз етілген учаскелерінде қан ағынын салыстырмалы түрде қайта бөлу салдарынан артериялық қандағы оттегінің уақытша төмендеуі мүмкін, бұл коронарлық тамырларда қан айналымы бұзылған пациенттердің жүрек бұлшықетіне оттегінің жеткіліксіз түсуіне әкелуі мүмкін.

Басқа дәрілік препараттармен өзара әрекеттесуі

Емдеуші дәрігерге немесе дәріхана қызметкеріне қандай да бір басқа, соның ішінде рецептісіз дәрі қабылдағаныңыз немесе жақында қабылдағаныңыз туралы хабарлаңыз.

Келесі заттармен бір мезгілде қабылдаған кезде қысымды төмендету әсерінің күшеюі байқалады:

басқа вазодилататорлар

антигипертензивті дәрілер (бета-адреноблокаторлар, диуретиктер, АӨФ тежегіштері, кальций антагонистері)

антипсихотикалық дәрілер (нейролептиктер), трициклді антидепрессанттар

алкоголь

құрамында белсенді зат ретінде силденафил, варденафил немесе тадалафил сияқты фосфодиэстераза-5 тежегіштері бар эректильді дисфункцияны емдеуге арналған дәрілік препараттар (сондай-ақ «Қолдануға болмайтын жағдайлар» бөлімін қараңыз). Бұл жағдайда қысымды төмендету әсері айтарлықтай болуы мүмкін.

Бірге қолданған кезде Моносан® қан плазмасындағы дигидроэрготамин концентрациясын арттырады, бұл қысымның жоғарылау әсерін күшейтеді.

Арнайы ескертулер

Моносан® препаратының құрамында лактоза бар.

Егер Сізде кейбір қанттарға жақпаушылық болса, осы препаратты қабылдағанға дейін емдейтун дәрігерге қаралыңыз.

Педиатрияда қолдану

Моносан® препаратын тиімділігі мен қауіпсіздігі туралы деректер санының жеткіліксіз болуына байланысты 18 жасқа дейінгі балалар мен жасөспірімдерде қолдану ұсынылмайды.

Жүктілік немесе лактация кезінде

Барлық дәрілік препараттарды қабылдағанға дейін емдеуші дәрігермен немесе дәріхана қызметкерімен кеңесу керек.

Егер сіз жүкті болсаңыз, онда препаратты ерекше сақтықпен және тек дәрігердің тағайындауымен қабылдау керек, өйткені оны жүкті әйелдерде қолдану тәжірибесі жеткіліксіз. Жануарларға жүргізілген эксперименттік зерттеулерде ұрыққа зиян келтіретін ешқандай дәлел табылған жоқ.

Егер сіз бала емізетін болсаңыз, онда Моносан® препаратын емдеуші дәрігердің тікелей нұсқауы бойынша ғана қабылдау керек, өйткені препараттың емшек сүтіне енетініне қатысты деректер жоқ. Егер сіз бала емізу кезінде препаратты қабылдасаңыз, препараттың балаға тигізетін әсерін бақылауыңыз керек.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың көлік құралдарын немесе механизмдерді басқару қабілетіне әсері зерттелмеген. Тіпті тағайындау бойынша қолданған кезде де препарат реакцияны соншалықты өзгерте алады, сондықтан жол қозғалысына белсенді қатысу, механизмдерді басқару немесе сақтандырусыз жұмыс істеу қабілеті бұзылады, әсіресе емдеудің басында, дозаның жоғарылауымен және препараттың өзгеруімен, сондай-ақ алкогольмен үйлескенде. Мұндай жағдайларда, мысалы, бас айналуы, ұйқышылдық немесе шаршау пайда болуы мүмкін.

Сондықтан осы әрекеттерді орындау кезінде абай болу керек.

Қолдану бойынша ұсыныстар

Дозалау режимі

Барлық көрсетілімдер үшін дозалау режимі жекелей сезімталдықты ескеріп және аурудың ауырлығына байланысты белгілейді. Емдеуді төмен дозадан бастап, оны қажетті деңгейге дейін баяу арттырады. Бастапқы дозасы – күніне 1- 2 рет 10-20 мг. Ең төмен бір реттік доза – 10 мг. Содан кейін дозаны біртіндеп тәулігіне 1-2 реттік 20-40 мг-ге дейін арттырады.

Бір реттік дозаларды қабылдау арасындағы аралық кем дегенде 8 сағатты құрауы тиіс. Клиникалық әсерінің айқындылығына байланысты 3-5 күн емдеуден кейін препараттың бір реттік дозасын осындай қабылдау ретімен тәулігіне 60-80 мг-ге дейін арттыруға болады. Ең жоғары тәуліктік доза - 80 мг. Түнгі ұстамалары жиі болатын нұсқалық стенокардияда препаратты таңертең және тура ұйқыға жатар алдында  қабылдаған жөн. Емдеу күрт емес, біртіндеп тоқтатылуы тиіс, өйткені "тоқтату феноменін" жоққа шығаруға болмайды.

Енгізу әдісі мен жолы

Тамақтанудан 1 сағат бұрын немесе тамақтан кейін 2 сағаттан соң ішке қабылданады. Таблеткаларды шайнамай, аздаған мөлшерлі сұйықтықпен ішіп, тұтастай қабылдайды.

Артық дозаланған жағдайда қабылдануы тиіс шаралар

Симптомдары: бас ауыруы, бас айналу, тахикардия, гипертермия, тері гиперемиясы, тершеңдік, жүректің айнуы, құсу, диарея, метгемоглобинемия (цианоз, аноксия), гиперпноэ, диспноэ, брадикардия, құрысулар, көру бұзылыстары, бассүйекішілік қысымның жоғарылауы, коллапс, естен тану, салдану, кома.

Емі: симптоматикалық, аяқты сәл көтеріңіреп жатқызу, оксигенотерапия, таблетканың көп мөлшерін пайдаланған жағдайда – асқазанды шаю. Метемоглобинемиядан туындаған цианоз ішке қабылдау арқылы немесе венаішілік  1 г аскорбин қышқылын, венаішілік - 1% метилтиониний хлориді (метилен көгі) ерітіндісін дене салмағының әр кг шаққанда 1-2 мг дозада қолдану, қажет болғанда – 1 сағат аралықпен 2 мг/кг дозаны қайталап енгізу, оксигенотерапия, гемодиализ, қан құю арқылы жойылады.

Ауыр артериялық гипотензияда – вена ішіне фенилэфрин (эпинефрин және оған ұқсас қосылыстардың тиімділігі аз).

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Барлық препараттар сияқты Моносан® препараты жағымсыз реакциялар туғызуы мүмкін, бірақ олар барлығында бола бермейді.

Ең жиі тіркелген жағымсыз реакция бас ауыруы болды. Бас ауыруының пайда болу жиілігі уақыт өте келе және препаратты одан әрі қолданғанда азаяды.

Жағымсыз реакциялардың пайда болу жиілігінің мынадай санаттары бөлінеді: өте жиі (≥1/10); жиі (≥1/100-ден <1/10-ға дейін); жиі емес (≥1/1000-нан <1/100-ге дейін); сирек (≥1/10000-нан <1/1000-ға дейін); өте сирек (<1/10000); белгісіз (қолда бар деректер негізінде анықтау мүмкін емес).

Өте жиі:

- «нитратты» бас ауыруы (терапияның басында пайда болуы мүмкін және одан әрі қабылдау кезінде бірнеше күннен кейін кетеді).

Жиі:

- бас айналу, әлсіздік (әсіресе емдеудің басында, сондай-ақ дозаның жоғарылауымен).

- шаршағыштық.

Жиі емес:

- бет терісінің өткінші гиперемиясы.

Белгісіз:

- ұйқышылдық,

- стенокардияның өршуі; брадиаритмия, ортостаздық гипотензия (жағдай өзгерген кезде қан айналымының бұзылуы), рефлекторлық тахикардия,

естен тану, циркуляциялық коллапс,

- жүрек айнуы, құсу,

- эксфолиативті дерматит, терінің аллергиялық реакциялары

Өзгелері: изосорбид мононитратын жоғары дозаларда ұзақ уақыт үздіксіз қолданған кезде препаратқа төзімділіктің дамуы, сондай-ақ басқа нитраттарға қатысты айқаспалы төзімділіктің туындауы мүмкін. Басқа нитратты препараттармен емдеудің алдында тиімділіктің төмендеуі, сондай-ақ препараттың әсерінің әлсіреуі сипатталған. Тиімділікті әлсіретпеу немесе жоғалтпау үшін жоғары дозаларды үнемі қабылдаудан аулақ болу керек.

Моносан® препаратын аса жоғары сезімталдық реакциясының алғашқы белгілері кезінде қайталап қабылдамаңыз.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz.

Қосымша мәліметтер