Микостер лак д/ногтей 8% по 3 мл (флакон)

Микостер® 8%

Циклопирокс

Тырнаққа арналған дәрілік лак, 3 мл

Дерматология. Тері ауруларын емдеуге арналған зеңге қарсы препараттар. Жергілікті қолдануға арналған зеңге қарсы препараттар. Жергілікті қолдануға арналған басқа да зеңге қарсы препараттар. Циклопирокс.

АТХ коды D01AE14

- тырнақ ұясының қатысуынсыз және дерматофиттер және/немесе циклопирокске сезімтал басқа зеңдерден туындайтын әлсізден орташаға дейінгі онихомикозды бастапқы емдеуде

Қолдануды бастағанға дейін қажетті мәліметтер тізбесі

- циклопирокске және препараттың қандай да бір компонентіне жоғары сезімталдық

- 18 жасқа дейінгі балалар мен жасөспірімдер

Қолданған кездегі қажетті сақтандыру шаралары

Қатысы жоқ.

Басқа дәрілік препараттармен өзара әрекеттесулеріне зерттеулер жүргізілген жоқ.

Микостер® 8% тек сыртқа қолдануға арналған. Көзге және шырышты қабықтарға тигізіп алмау керек.

Өңделген тырнақтарға әдеттегі тырнаққа арналған лак немесе кез келген басқа косметикалық лакты жақпау керек.

Жергілікті немесе жүйелі сенсибилизация жағдайында емдеу дереу тоқтатылып, лакты кетіруге арналған сұйықтықпен лак қабатын абайлап алып тастау керек. Тиісті емді бастау керек. Онихомикозды жергілікті емдеудің барлық жағдайларындағы сияқты, бірнеше тырнақ зақымданған жағдайда (> 5 тырнақ), тырнақ пластинасының үштен екі бөлігінен астамы зақымдалған жағдайда, сондай-ақ, диабет және иммунитет бұзылулары сияқты бейімділік факторларында, қосымша жүйелі емдеуді қарастыру керек.

Инсулинге тәуелді қант диабетімен және диабеттік невропатиямен науқастар үшін инфекцияланған, қозғалып тұрған тырнақты медицина қызметкерінің немесе пациенттің өзінің тазалау кезінде алып тастауындағы қауіпке баға беру қажет.

Жүктілік немесе лактация кезінде

Жүктілік

Ешқандай эмбриоуытты немесе тератогендік әсер байқалмады. Жүктілік кезінде ешқандай әсер күтілмейді, өйткені циклопирокстың жүйелік әсері шамалы. Циклопирокс жүктілік кезінде қолданылуы мүмкін.

Лактация

Циклопирокс экскрециясы және оның емшек сүтімен әлеуетті метаболиттері туралы ақпарат жеткіліксіз, бұл ретте жаңа туған нәрестелер/сәбилер үшін қауіпті жоққа шығаруға болмайды. Микостер® 8% препараты бала емізу кезеңінде қолданылмауы тиіс.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Микостер® 8% препараты көлікті басқару және механизмдермен жұмыс істеу қабілетіне әсер етпейді.

Қолдану бойынша ұсыныстар

Дозалану режимі

Қатысы жоқ.

Енгізу әдісі мен жолы

Сыртқа қолдануға арналған.

Қабылдау уақыты көрсетілген қолдану жиілігі

Микостер® 8% ересектерде қолдануға арналған. Егер басқасы ұсынылмаса, онда Микостер® 8% препаратын зақымданған тырнаққа күніне бір рет, мүмкіндігінше кешкі уақытта жұқа қабатпен жағу керек.

Микостер® 8% бүкіл тырнақ пластинасының бетіне жағу керек.

Пайдаланғаннан кейін құтыны тығыз жауып ұстаңыз.

Емдеуді бастар алдында зақымдалған тырнақтардың өсіп кеткен бөліктерін, тырнаққа арналған қысқаштарды, тырнаққа арналған егеу немесе қайшыны пайдаланып алып тастау ұсынылады.

Бүкіл емдеу кезеңі бойына, тырнақ беткейіндегі үлбір түзуші қабатты тырнақтағы лакты кетіруге арналған косметикалық құралды пайдаланып, аптасына бір рет алып тастап отыру қажет, өйткені ары қарай ол белсенді заттардың енуіне кедергі жасауы мүмкін. Бұл кезде зақымданған тырнақтың өскен бөліктерін де алып тастау ұсынылады.

Емдеудің ұзақтығы

Емдеуді клиникалық және микологиялық тұрғыдан толығымен сауыққанша және сау тырнақ өсе бастағанша жалғастыру керек. Емдеу әдетте 3 айдан (қол тырнақтарындағы онихомикоз) 6 айға дейін (аяқ тырнақтарындағы онихомикоз) созылады.

Емдеу ұзақтығы 6 айдан аспауы тиіс.

Пациенттердің ерекше топтары

Жаңа туған нәрестелерде, сәбилерде және балаларда Микостер ® 8% препараттың қауіпсіздігі мен тиімділігі анықталмаған. Деректер жоқ.

Артық дозаланған жағдайда қабылдануы тиіс шаралар

Препаратты артық дозалану жағдайлары туралы хабарланбаған.

Дәрілік препараттың бір немесе бірнеше дозасын өткізіп алған кезде қажетті шаралар

Қатысы жоқ.

Тоқтату симптомдары қаупінің болуын көрсету

Қатысы жоқ.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Егер пациентте осы дәріні пайдалануға қатысты қандай да бір қосымша сұрақтар болса, онда ол өз дәрігеріне жүгіну қажет.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажеттілігі болғанда)

Жағымсыз әсерлер жүйелік ағзалар класы мен жиілігі бойынша жіктеледі.

Жиілігі белгісіз

- жанаспалы дерматит (экземаға ұқсас бөртпе) және жүйелік аллергиялық реакциялар белгісіз жиілікте пайда болуы мүмкін (қол жетімді мәліметтер негізінде бағалау мүмкін емес)

- аса жоғары сезімталдық*

* Жалпыланған аллергиялық реакция (ісіну, терінің қышуы, бөртпе, есекжем, ентігу) емдеуді тоқтатуды талап етеді.

Микостерді® 8% қолдануды тоқтатыңыз және егер сізде мынадай симптомдардың бірі: еріннің, беттің, тілдің немесе тамақтың ісінуі; жұту кезіндегі қиындықтар; тері бөртпесі (есекжем) немесе тыныс алудың қиындауы болса, дереу дәрігерге қаралыңыз.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

100 г препарат құрамында:

белсенді зат – 8,0 г циклопирокс,

қосымша заттар: метилвинил эфирінің кополимері және монобутил эфирінің малеин қышқылы**, этилацетат, изопропил спирті.

** метилвинил эфирінің және монобутил эфирінің малеин қышқылының 15 г кополимеріне сәйкес келеді

Мөлдір, сәл тұтқыр сұйықтық

3 мл препараттан жаққышпен жабдықталған, бұралатын қақпағы бар шыны құтыда.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл.

Құты ашылғаннан кейін препаратты 3 ай ішінде пайдалану керек.

Жарамдылық мерзімі өткеннен кейін қолдануға болмайды.

Жарықтан қорғалған жерде, 30ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Пьер Фабр Медикамент Продакшн,

Каор алаңы, Ле-Пера,

46000 Каор, Франция,

Тел/факс: 33 (0) 5 63 58 88 0,

E-mail: contact.pf@pierre-fabre.com

Пьер Фабр Медикамент,

Les Сauquillous, 81500 Лавор, Франция,

Тел/факс: 33 (0) 5 63 58 88 0,

E-mail: contact.pf@pierre-fabre.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ВИВА ФАРМ» ЖШС, Қазақстан, 050030, Алматы, Дегдар к-сі, 33

тел: +7 727 383 74 63, факс: +7 727 383 74 56, E-mail: pv@vivapharm.kz