Мелоксевин таблетки по 7,5 мг №20 (2 блистера х 10 таблеток)

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Мелоксевин

Халықаралық патенттелмеген атауы

Мелоксикам

Дәрілік түрі, дозасы

Таблеткалар, 7,5 мг

Фармакотерапиялық тобы

Сүйек-бұлшықет жүйесі.

Қабынуға қарсы/ревматизмге қарсы препараттар.

Қабынуға қарсы және ревматизмге қарсы стероидты емес препараттар. Оксикамдар. Мелоксикам

АТХ коды: М01АС06

Қолданылуы

Ересектер мен 16 жастағы және одан үлкен балаларға:

- остеоартроз өршуін қысқа мерзімді симптоматикалық емдеу

- ревматоидты артритті, шорбуынданған спондилоартритті ұзақ мерзімді симптоматикалық емдеу.

Қолданудың басталуына дейін қажетті мәліметтер тізбесі

Қолдануға болмайтын жағдайлар

- препарат компоненттеріне (оның ішінде басқа топтардағы ҚҚСП түрлеріне) аса жоғары сезімталдық

- бронх демікпесінің, мұрынның және мұрын маңы қойнауларының қайталамалы полипозының және ацетилсалицил қышқылы (АСҚ) мен қабынуға қарсы басқа стероидты емес дәрілерге жақпаушылықтың бірігуі. Егер пациентте аспирин немесе қабынуға қарсы басқа стероидты емес препаратты (ҚҚСП) қабылдаудан кейін төменде тізбеленген симптомдардың қандай да бірі пайда болса:

ысқырып дем алу, кеуде қуысының қысылу сезімі, ентігу, демікпе, шырышты қабық ісінуімен байланысты (мұрын полиптері) мұрынның бітелуі, тері бөртпесі (есекжем)

терінің немесе шырышты қабықтардың кенеттен ісінуі, мысалы, тынысты тарылтуы мүмкін көз айналасының, бет, ерін, ауыз қуысының немесе тамақтың ісінуі (тамырлық-қозғалыстық ісіну)

- осының алдында ҚҚСП емімен себептік байланысты анамнездегі асқазан-ішек жолынан қан кету немесе асқазан-ішек жолының тесілуі

- асқазанның және (немесе) он екі елі ішектің ойық жаралы ауруының өршуі немесе қайталамалы ойық жара ауруы және анамнездегі қан кету

- бауырдың ауыр жеткіліксіздігі

- бүйректің ауыр жеткіліксіздігі (егер гемодиализ жүргізілмесе)

- ойық жаралы асқазан-ішектен қан кету, таяуда өткерілген цереброваскулярлық қан кету немесе басқа геморрагиялық аурулар, оның ішінде анамнезде

- декомпенсацияланған жүрек жеткіліксіздігі

- жүктіліктің үшінші триместрі

- лактация кезеңі

- балалар мен 16 жасқа дейінгі жасөспірімдер

- егер пациентте, препарат құрамында лактоза болуына байланысты,

кейбір қанттардың жақпаушылығы бұрын диагностикаланған болса

Қолдану кезіндегі қажетті сақтандыру шаралары

Мелоксевинді қолдануды бастар алдында емдеуші дәрігермен немесе дәріхана қызметкерімен кеңесіңіз: егер пациентте бір кездері мелоксикам немесе басқа оксикам (мысалы, пироксикам) қабылдаудан кейін дәрілік бөртпе (бөрту) [әдетте, бір ғана жерде (сол бір ғана жерлерде) пайда болатын терідегі дөңгелек немесе сопақша, қызыл және ісіп кеткен дақтар, сулы бөртпелер, есекжем және қышыну].

Мелоксевин сияқты препараттарды қабылдау жүрек ұстамасы (миокард инфарктісі) немесе инсульт қаупінің шамалы артуымен байланысты болуы мүмкін. Бұл қауіп препараттың үлкен дозаларын ұзақ қабылдауды ұзартады. Ұсынылуынан көп дозаларын қолдануға және емдеуді өте ұзақ уақытқа созуға болмайды («Қолдану жөніндегі нұсқаулар» тармағын қараңыз).

Жүрек кінәраттары, өткерілген инсульт немесе осы бұзылулардың пайда болу қаупіне күмән туындаған жағдайда дәрігермен немесе дәріхана қызметкерімен емдеу тәсілін пысықтау қажет.

Мысалы, егер пациентте:

- жоғары қан қысымы болса (артериялық гипертония),

- қандағы қант мөлшері жоғары (қант диабеті) болса,

- қандағы холестерин концентрациясы жоғары (гиперхолистеринемия) болса,

- шылым шексе.

Асқазанның және (немесе) он екі елі ішектің ойық жаралы ауруы бар пациенттерге, егде жастағы пациенттерге және ацетилсалицил қышқылының немесе АІЖ зақымдану қаупін арттыратын өзге препараттардың аз дозаларын бір мезгілде қабылдау қажет болатын пациенттерге дәрігер емдеуді асқазан-ішек жолынан қан кету, ойық жаралану немесе тесілудің пайда болуы мүмкін екенін ескере отырып, дәрінің ең аз тиімді дозасынан бастайды. Дәрігер асқазанның шырышты қабығын қорғайтын дәрілерді бір мезгілде қабылдауға да кеңес бере алады.

Ауыр аллергиялық реакциялар пайда болған жағдайда Мелоксевин дәрісін қабылдауды тері бөртпесінің, жұмсақ тіндер зақымдануының (шырышты қабық зақымдануы) алғашқы симптомдарының немесе аллергияның қандай да бір өзге белгілерінің пайда болуынан кейін бірден үзуі және дәрігерден кеңес алуы қажет. Мелоксевин дәрісін қабылдауды қан кету пайда болса (қарамай тәрізді нәжісті туындататын) немесе ас қорыту жолының ойық жаралануы жағдайында (іш аумағының ауыруын тудыратын) бірден үзу қажет.

Мелоксевин жедел ауырсыну ұстамаларын емдеу үшін ұсынылмайды.

Мелоксевин инфекция симптомдарын (мысалы, қызбаны) бүркемелеуі мүмкін. Егер пациент өзінде инфекция бар екенінен күмәнданса, ол дәрігермен кеңесуі тиіс.

Мелоксевин дәрісін қолданар алдында дәрігердің немесе дәріхана қызметкерінің кеңесіне жүгіну қажет, егер пациентте:

- бұрын эзофагит, гастрит немесе ас қорыту жолының қандай да бір өзге қабынуы, мысалы, ойық жаралы колит, Крон ауруы болса

- қан қысымы жоғары болса (артериялық гипертония)

- егде жаста болса

- жүрек, бауыр немесе бүйрек ауруы болса

- қандағы қант концентрациясы жоғары (қант диабеті) болса

- айналымдағы қан көлемінің азаюы (гиповолемия) болса, мысалы, көп қан жоғалту немесе күйік, хирургиялық араласу немесе аз мөлшерде сұйықтық ішу нәтижесінде

- дәрігер диагностикалаған кейбір қанттар жақпаушылығы болса (бұл препарат құрамында лактоза болуына байланысты)

- бұрын дәрігер диагностикалаған қандағы калий концентрациясы жоғары болса.

Жоғарыда атап көрсетілген жағдайларда дәрігер емдеу барысын бақылап отырады.

Кейде ҚҚСП интерстициальді нефрит, гломерулонефрит, бүйректің медулярлы некрозы немесе нефроздық синдромға себеп болуы мүмкін.

Пеметрекседпен бірге қолдану

Ауырлығы жеңілден орташа дәрежеге дейінгі бүйрек жеткіліксіздігі бар пациенттерге мелоксикам қабылдауды пеметрексед енгізуге дейін, кем дегенде, 5 күн бұрын үзу, пеметрексед енгізген күні және оны енгізуден кейін, кем дегенде, 2 күн бойы мелоксикамды қабылдамау қажет.

Басқа дәрілік препараттармен өзара әрекеттесуі

Мелоксевин дәрісі басқа қабылданатын препараттарға әсер етуі мүмкін болуына, сондай-ақ басқа да дәрілер Мелоксевин препаратына әсер ете алуына байланысты, емдеуші дәрігерге немесе дәріхана қызметкеріне пациенттің қазіргі уақытта қабылдап жүрген немесе соңғы уақытта қабылдаған барлық дәрілер, сондай-ақ ол қабылдамақ болған дәрілер туралы хабарлау қажет.

Егер пациент төменде көрсетілген қандай да бір препараттарды қабылдаса, ол туралы емдеуші дәрігерге немесе дәріхана қызметкеріне хабарлау қажет:

- басқа қабынуға қарсы стероидты емес препараттар (ҚҚСП)

- антикоагулянттар

- қан ұйындыларын ерітетін препараттар (тромболитиктер),

- жүрек және бүйрек аурулары кезінде қолданылатын препараттар

- кортикостероидтар (қабыну немесе аллергиялық реакцияларды емдеу кезінде қолданылатын)

- ағзаларды трансплантациялаудан кейін немесе терінің ауыр ауруларында, ревматоидты артрит немесе нефроздық синдром кезінде қолданылатын циклоспорин

- несеп айдайтын препараттар; егер пациент оларды қабылдаса, дәрігер бүйрек функциясын бақылауға алуы мүмкін

- гипертонияны емдеуде қолданылатын препараттар (мысалы, бета-блокаторлар)

- көңіл-күй бұзылыстарын емдеу үшін қолданылатын литий

- серотонинді кері қармаудың селективті тежегіштері (SSRI)

- депрессияны емдеу кезінде қолданылатын

- ісіктерді немесе ауыр бақыланбайтын тері ауруын және белсенді ревматоидты артритті емдеу кезінде қолданылатын метотрексат

- холестерин концентрациясын төмендету мақсатында қолданылатын холестирамин

- пероральді қолдануға арналған диабетке қарсы дәрілер (сульфонилмочевина туындылары, натеглинид)

- егер пациент әйел әдетте спираль деп аталатын жатырішілік контрацепцияны қолданса.

Мелоксевин препараты тағаммен және сусындармен

Мелоксевин препаратын сумен немесе басқа сұйықтықпен іше отырып, тамақтану кезінде қабылдайды.

Арнайы сақтандырулар

Мелоксевин препаратының құрамында лактоза бар

Егер пациентте кейбір қанттар жақпаушылығы диагностикаланса, препаратты қабылдар алдында дәрігермен кеңесу қажет.

Балалар және жасөспірімдер

Мелоксевин препаратын балалар мен 15 жасқа дейінгі жасөспірімдерде қолдануға болмайды.

Жүктілік немесе лактация кезінде

Егер әйел жүкті болса немесе бала емізіп жүрсе, жүкті болып қалдым деп ойласа немесе балалы болуды жоспарласа, бұл дәріні қолдануды бастар алдында емдеуші дәрігермен немесе дәріхана қызметкерімен кеңесу қажет.

Жүктілік

Мелоксевинді жүктілік кезінде қабылдамаңыз.

Мелоксевинді жүктіліктің соңғы үш айы кезінде қабылдауға болмайды, өйткені ол балаға ауыр әсерін тигізуі немесе босану кезіндегі асқынуларға себеп болуы мүмкін. Мелоксевин дәрісі әлі тумаған сәбидің бүйрек және жүрек функциясының бұзылуын туындатуы мүмкін. Ол әйел мен сәбиде қан кетуге бейімділікті тудыруы, сондай-ақ босану кідірісін немесе босану кезеңінің ұзаққа созылуына түрткі болуы мүмкін. Жүктіліктің алғашқы 6 айының ішінде, егер тек дәрігер бұл қажет деп санамаса, Мелоксикам дәрісін қолдануға болмайды. Егер осы кезеңде немесе әйел бала көтеруге әрекеттенетін кезеңде емделу абсолютті қажет болса, дәрінің ең аз дозасын ең қысқа кезең ішінде қабылдау қажет. Жүктіліктің 20 аптасынан бастап Мелоксевин дәрісі, егер бірнеше күннен көп қолданылса, шаранада бүйрек функциясының бұзылуын тудыруы мүмкін. Бұл шарананы қоршап тұрған ұрық маңындағы сулардың төмен деңгейіне (қағанақ суының аздығына) немесе сәби жүрегіндегі қан тамырларының (артериялық өзектің) тарылуына алып келуі мүмкін. Егер бірнеше күннен ұзаққа созылатын емдеу қажет болса, дәрігер қосымша мониторингтеуді тағайындауы мүмкін.

Бала емізу

Мелоксевин бала емізетін әйелдерге ұсынылмайды.

Фертильділік

Бұл дәрі әйелдерде фертильділікке қолайсыз әсерін көрсетуі мүмкін препараттар тобына (қабынуға қарсы стероиты емес препараттар) жатады. Бұл әсер уақытша және емді тоқтатудан кейін басылады.

Егер пациент әйел жүктілікті жоспарласа немесе бала көтеру кінәраттары болса, ол дәрігерге Мелоксевин дәрісін қолданып жүргені жөнінде баяндауы тиіс.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Мелоксикам көлік құралдарын басқару және механизмдер қызметін көрсету қабілетіне әсер етпейді немесе мардымсыз әсер етеді.

Алайда, көрудің бұзылуы, ұйқышылдық, бас айналу немесе орталық жүйке жүйесі тарапынан басқа да бұзылулар пайда болған жағдайда көлік құралдарын басқаруды және қозғалмалы механизмдер қызметін көрсетуді тоқтатуға кеңес беріледі.

Қолдану жөніндегі нұсқаулар

Дозалау режимі

Тәуліктік дозаны бір рет қабылдау керек.

Жағымсыз реакцияларды симптомдарды басуға қажетті емдеудің қысқа кезеңі ішінде ең аз тиімді дозаны қолдану арқылы барынша азайтуға болады. Пациенттің дозаны азайту қажеттілігін, симптомдар айқындылығына және оның емдеуге жауап беруіне байланысты, әсіресе, остеоартрит бар пациенттерде мезгіл-мезгіл бағалау керек.

15 МГ/ТӘУЛІК ДОЗАДАН АСЫРМАҢЫЗ.

Қолдану жиілігі

Мелоксевин препаратын сумен немесе басқа сұйықтықпен іше отырып, тамақпен бірге қабылдау керек.

Дәрігермен кеңесусіз препаратты 7 күннен артық қабылдамаңыз.

Бүйрек немесе бауыр аурулары бар пациенттер: «Қолдану кезіндегі қажетті сақтандыру шаралары» бөлімін қараңыз.

Егер пациент Мелоксевин препаратының әсері тым күшті немесе тым әлсіз деп санаса немесе егер бірнеше күн өткен соң жағдайының жақсаруын сезінбесе, ол емдеуші дәрігермен кеңесуі тиіс.

Артық дозалану жағдайында қабылдау қажет болатын шаралар

Мелоксевин препаратының дозасын ұсынылуынан көбірек қабылдап қойған немесе артық дозалануы күмән тудырған жағдайда дәрігерге немесе жақын жердегі ауруханаға жедел қаралу қажет.

ҚҚСП артық дозалану симптомдары, әдетте:

- әлсіздік (сылбырлық),

- ұйқышылдық,

- жүрек айну және құсу,

- асқазан аумағының ауырсынуына дейін шектеледі.

Бұл симптомдар, әдетте, Мелоксевин препаратын қолдануды тоқтатудан кейін басылады. Пациентте асқазаннан немесе ішектен қан кету (асқазан-ішек жолынан қан кету) пайда болуы мүмкін.

Ауыр улану күрделі жағымсыз реакциялардың пайда болуына әкелуі мүмкін:

- қан қысымының жоғарылауы (гипертония),

- бүйректің жедел жеткіліксіздігі,

- бауыр функциясының бұзылуы,

- ентігу немесе тыныс алудың тоқтауы (тыныс тарылуы),

- естен айырылу (кома),

- эпилепсиялық ұстамалар (құрысулар),

- тамырлық коллапс (жүрек-қантамыр коллапсы),

- жүрек жұмысының тоқтап қалуы,

- жедел аллергиялық реакциялар (аса жоғары сезімталдық), оның ішінде:

- естен тану,

- ентігу,

- тері реакциялары.

Дозаны өткізіп алу кезіндегі қажетті шаралар

Өткізіп алған таблетканың орнын толтыру үшін қосарлы дозасын қабылдамаңыз. Келесі дозаны белгіленген уақытта қабылдау керек.

Егер сіз Мелоксевин препаратын қабылдауды тоқтатсаңыз

Препаратты қолдану жөнінде сұрақтар болса, емдеуші дәрігерге немесе дәріхана қызметкеріне хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Барлық дәрілік препараттар сияқты, Мелоксевин жағымсыз реакцияларды тудыруы мүмкін, бірақ олар бәрінде бірдей туындай бермейді.

Егер төменде сипатталған реакциялардың қандай да бірі пайда болса, Мелоксевин препаратын қабылдауды тоқтату және емдеуші дәрігермен немесе жақын жердегі ауруханада кеңесу қажет.

Келесі тәсілмен көрініс беруі мүмкін аллергиялық реакциялар (аса жоғары сезімталдық):

- ағымы ауыр болуы мүмкін қышыну, сулы бөртпелердің түзілуі және терінің қабыршақтануы сияқты терінің реакциялары (Стивенс-Джонсон синдромы және уытты эпидермалық некролиз), жұмсақ тіндердің зақымдануы (шырышты қабықтардағы өзгерістер) немесе мультиформалы эритема; мультиформалы эритема теріде дақтарды, қызыл немесе күлгін жолақтарды немесе сулы бөртпелерді тудыратын терінің ауыр аллергиялық реакциясы түрінде болады; олар ерінде, көзде және дененің басқа ылғалды бөліктерінде де пайда болуы мүмкін

- терінің немесе шырышты қабықтардың ісінуі, мысалы, тынысты тарылтуы мүмкін көз, бет және еріннің, ауыз қуысының немесе тамақ аумағының ісінуі, тобық пен аяқ ісінуі (аяқтың ісінуі)

- ентігу немесе демікпе ұстамалары

- гепатит, мынадай симптомдарды тудыруы мүмкін:

- терінің және көз алмасының сарғаюы (сарғаю),

- іш аумағының ауыруы,

- тәбетті жоғалту.

Асқазан-ішек жолы тарапынан кез келген жағымсыз реакциялар, әсіресе:

- қан кету (қарамай тәрізді нәжіске түрткі болатын)

- асқазан-ішек жолының ойық жаралануы (іш аумағының ауыруына түрткі болатын)

Асқазан-ішек жолынан қан кету, ойық жаралардың түзілуі немесе асқазан-ішек жолының тесілуі кейде аса ауыр ағымда өтуі мүмкін және әсіресе егде жастағы тұлғаларда өлімге ұшыратуы мүмкін.

Егер пациентте ҚҚСП ұзақ уақыт бойы қолдануға байланысты ас қорыту жүйесі тарапынан қандай да бір бұзылулар бұрыннан болса, әсіресе, егер ол егде жаста болса, дереу дәрігерге қаралуы тиіс. Дәрігер бір мезгілде емдеу сәттіліктерін бақылап отыруы тиіс.

Егер Мелоксевин препаратын қолдану көрудің бұзылуын туындатса, автокөлік жүргізуге де, машина қызметін көрсетуге де болмайды.

Қабынуға қарсы стероидты емес препараттарды (ҚҚСП) қолданудан кейін пайда болатын жалпы жағымсыз реакциялар

Кейбір қабынуға қарсы стероидты емес препараттарды (ҚҚСП) қолдану, әсіресе, дәрілерді жоғары дозаларда қолдану және ұзақ уақыт емделу кезінде артериялар окклюзиясы (артериялық тромбоз) қаупінің аздап артуымен, мысалы, миокард инфарктісімен немесе инсультпен байланысты болуы мүмкін.

ҚҚСП емдеуіне байланысты ісіну, артериялық гипертония және жүрек жеткіліксіздігінің пайда болуы хабарланды.

Асқазан-ішек жолына қатысты жағымсыз реакциялар (асқазан мен ішек тарапынан бұзылулар) ең көп жиі байқалды:

- асқазан мен он екі елі ішектің ойық жаралы ауруы

- ішек жақтауының тесілуі немесе асқазан-ішек жолынан қан кету (әсіресе, егде жастағы тұлғаларда кейде өлім қауіпті)

ҚҚСП қабылдаудан кейін келесі жағымсыз реакциялар туралы хабарланды:

- жүрек айну және құсу

- сұйық нәжіс (диарея)

- газ шығарылуымен метеоризм

- іш қату

- ас қорытудың бұзылуы (диспепсия)

- іш аумағындағы ауыру

- асқазан-ішек жолынан қан кетуге қатысты қарамай тәрізді нәжіс

- қан аралас құсу

- ойық жаралы стоматит

- колит өршуі

- асқазан-ішек жолының жедел қабынуы (Крон ауруының өршуі)

Гастрит сирегірек байқалды.

Мелоксевин дәрісінің әсер етуші заты - мелоксикам жағымсыз реакциялары

Өте жиі: 10 адамның 1-нен көбінде туындауы мүмкін

- ас қорыту бұзылуы (диспепсия)

- жүрек айну және құсу

- іш аумағындағы ауыру

- іш қату

- метеоризм

- сұйық нәжіс (диарея)

Жиі: 10 адамның, көп дегенде,1-де туындауы мүмкін

- бас ауыру

Жиі емес: 100 адамның, көп дегенде,1-де туындауы мүмкін

- бас айналу (бас ішінің бос қалуын сезіну)

- бас айналу немесе айналып тұру сезімі (құлақ иірімінен болатын)

- ұйқышылдық (сылбырлық)

- анемия (қанның қызыл пигменті - гемоглобин концентрациясының төмендеуі)

- қан қысымының артуы (артериялық гипертония)

- беттің қызаруы (бет пен мойынның уақытша қызаруы)

- натрий мен судың іркілуі

- калий концентрациясының жоғарылауы (гиперкалиемия); бұл келесі симптомдарға әкелуі мүмкін:

- жүрек ырғағының бұзылуы

- тахикардия (пациент жүректің әдеттегіден көбірек соғуын сезінсе)

- бұлшықет әлсіздігі

- кекіру

- гастрит

- асқазан-ішек жолынан қан кету

- ауыз қуысының шырышты қабығының қабынуы

- жедел аллергиялық реакциялар (аса жоғары сезімталдық)

- қышыну

- тері бөртпесі

- сұйықтық іркілісіне байланысты ісіну, оның ішінде тобық немесе аяқтың ісінуі (аяқтың ісінуі)

- терінің немесе шырышты қабықтардың кенеттен ісінуі, мысалы, тыныс алуға кедергі келтіруі мүмкін көз, бет, ерін, ауыз қуысының немесе тамақ айналасының ісінуі (ангионевроздық ісіну)

- бауыр функциясын талдау нәтижелерінің уақытша бұзылуы (мысалы, бауыр энзимдері - аминотрансферазалар белсенділігінің жоғарылауы немесе өт пигменті - билирубин концентрациясының жоғарылауы); дәрігер бұл өзгерістерді қан талдауы арқылы анықтай алады

- бүйрек функциясына жүргізілген зертханалық зерттеулер нәтижелерінің бұзылуы (мысалы, креатинин немесе мочевина концентрациясының жоғарылауы)

Сирек: 1 000 адамның, көп дегенде, 1-де туындауы мүмкін

- көңіл-күйдің бұзылуы

- түнгі қорқынышты түстер

- қан морфологиясының бұзылуы, оның ішінде:

- аномалиялық қан жағындысы

- лейкоциттер санының төмендеуі (лейкоцитопения)

- тромбоциттер санының төмендеуі (тромбоцитопения)

бұл жағымсыз әсерлер ауру жұқтырудың жоғары қаупіне және қанталап кету мен мұрыннан қан кету сияқты симптомдардың пайда болуына әкелуі мүмкін;

- құлақтағы шыңыл (құлақтың шуылдауы)

- тахикардия (жүрек соғуын сезіну)

- асқазанның немесе он екі елі ішектің ойық жара ауруы

- өңеш қабынуы

- демікпе ұстамалары (басқа ҚҚСП немесе аспиринге аллергиясы бар тұлғаларда),

- теріде сулы бөртпелердің түзілуі және терінің қабыршақтануы (Стивенс-Джонсон синдромы және уытты эпидермалық некролиз),

- есекжем

- көрудің бұзылуы, оның ішінде:

- анық көрмеу

- конъюнктивит (көз алмасының немесе қабақтың қабынуы)

- колит

Өте сирек: 10 000 адамның, көп дегенде, 1-де туындауы мүмкін

- күлбіреуіктер және мультиформалы эритема түріндегі тері реакциялары

- гепатит, мынадай симптомдарды туындатуы мүмкін:

- терінің және көз алмасының сарғаюы (сарғаю)

- іш аумағының ауыруы

- тәбет жоғалту

- бүйректің жедел жеткіліксіздігі, әсіресе, жүрек ауруы, қант диабеті немесе бүйрек аурулары сияқты қауіп факторлары бар пациенттерде

- ішек жақтауының тесілуі

Жиілігі белгісіз: қолда бар деректер бойынша туындау жиілігін анықтау мүмкін емес

- сананың шатасуы

- бағдардан жаңылу

- ентігу және тері реакциялары (анафилаксиялық немесе анафилактоидты), күн сәулесінің әсерінен болатын бөртпе (жарыққа жоғары сезімталдық реакциясы)

- ҚҚСП емдеуімен байланысты тіркелген жүрек жеткіліксіздігі

- лейкоциттердің белгілі бір типтерінің толық жоғалуы (агранулоцитоз), әсіресе, сүйек кемігі функциясын тежеуі немесе оны ыдыратуы мүмкін басқа дәрілермен (миелоуытты препараттар) бірге мелоксикам қабылдаған пациенттерде. Бұл мыналарды туындатуы мүмкін:

- кенеттен болатын қызба

- тамақтың ауыруы

- инфекция

- панкреатит

- дәрілерді қайталап қолдану кезінде, әдетте, бір ғана жерде (бір ғана сол жерлерде) пайда болатын терідегі қышытатын дөңгелек немесе сопақша ісінген қызарған дақтар, сулы бөртпелер (есекжем) түрінде болуы мүмкін дәрілік бөртпе ретінде белгілі терінің сипаттас аллергиялық реакциясы

Қабынуға қарсы стероидты емес препараттар (ҚҚСП) тудырған, бірақ мелоксикам қолданудан кейін әлі тіркелмеген жағымсыз әсерлер:

- бүйрек құрылымындағы өзгерістер нәтижесіндегі бүйректің жедел жеткіліксіздігі:

- өте сирек нефрит жағдайлары (интерстициальді нефрит),

- бүйректегі кейбір жасушалардың некрозы (жедел гломерулярлы некроз немесе жедел бүйрек папиллярлы некрозы),

- несепте ақуыздың пайда болуы (протеинуриямен нефроздық синдром)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша тікелей ақпараттық дерекқорға хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – мелоксикам, 7,5 мг

қосымша заттар: лактоза моногидраты, повидон, кросповидон, магний стеараты.

Сыртқы түрінің, иісінің, дәмінің сипаттамасы

Дөңгелек, екі беті дөңес ашық сары түсті таблеткалар.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада. 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Польша

Биофарм ЖШҚ

Валбжиск көш. 13

60-198 Познань

тел. + 48 61 66 51 500

Тіркеу куәлігінің ұстаушысы

Польша

Биофарм ЖШҚ

Валбжиск көш. 13

60-198 Познань

тел. + 48 61 66 51 500

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Новатор Фарма» ЖШС, Қазақстан Республикасы, Алматы қ., Масанчи көш., 23/10, тел./факс: 8(727) 978 60 77, +7 707 519 19 19