Мексидол раствор д/ин. 50 мг/мл по 2 мл №10 (2 блистера х 5 ампул)

Мексидол®

Жоқ

Вена ішіне және бұлшықет ішіне енгізуге арналған ерітінді 50 мг/мл 2 мл және 5 мл-ден

Жүйке жүйесі. Жүйке жүйесі ауруларын емдеуге арналған басқа препараттар.

АТХ коды N07XX

- ми қанайналымының жедел бұзылуларында

- бассүйек-ми жарақатында, бассүйек-ми жарақатының салдарында

- дисциркуляторлы энцефалопатияда

- созылмалы ми ишемиясында

- вегетативті дистония синдромында

- жеңіл (орташа) когнитивті бұзылыстарда

- невроздық және невроз тәрізді жағдайдағы үрейлі бұзылыстарда

- жедел миокард инфарктінде (бірінші тәуліктен бастап) кешенді ем құрамында

- әр түрлі сатыдағы бастапқы ашық бұрышты глаукомада кешенді ем құрамында

- невроз тәрізді және вегетативті-қантамырлық бұзылыстар басым

болатын алкоголизм кезіндегі абстиненттік синдромды басуда

- психозға қарсы дәрілермен жедел уыттанғанда

- іш қуысының жедел іріңді-қабыну үдерістерінде (жедел некроздық панкреатит, перитонит) кешенді ем құрамында

Қолданудың басталуына дейін қажетті мәліметтер тізбесі

- этилметилгидроксипиридин сукцинатына немесе қосымша заттарының кез келгеніне аса жоғары сезімталдық

- бүйректің жедел жеткіліксіздігі

- бауырдың жедел жеткіліксіздігі

- жүктілік, бала емізу (препараттың әсерін зерттеудің жеткіліксіздігіне байланысты)

- 18 жасқа дейінгі балалық жас (препараттың әсерін зерттеудің жеткіліксіздігіне байланысты).

Бензодиазепиндік анксиолитиктердің, құрысуға қарсы дәрілердің (карбамазепиннің), паркинсон ауруына қарсы дәрілердің (леводопаның) әсерін күшейтеді. Этил спиртінің уытты әсерін төмендетеді.

Жекелеген жағдайларда, әсіресе бронх демікпесі бар әрі сульфиттерге жоғары сезімталдыққа бейім пациенттерде аса жоғары сезімталдықтың ауыр реакциялары және бронх түйілуі дамуы мүмкін.

Егде жастағы пациенттер

Егде жастағы пациенттер үшін дозаны түзету қажет емес.

Педиатрияда қолдану

18 жасқа дейінгі пациенттерге Мексидол® препаратын қабылдауға болмайды.

Жүктілік немесе лактация кезінде

Жүктілік және бала емізу кезеңінде әйелдерге Мексидол® препаратын қабылдауға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қабылдау кезеңінде психофизикалық реакциялардың жылдамдығын талап ететін жұмыста (көлік құралдарын, механизмдерді басқару және т.б.) сақ болу керек.

Дозалау режимі

Ересектер: ең жоғары тәуліктік доза 1200 мг-дан аспауы тиіс.

Қолдану сызбасы ауруға байланысты.

Ми қан айналымының жедел бұзылуларында

Мексидол® алғашқы 10-14 күнде қолданылады - вена ішіне тамшылатып 200 - 500 мг 2 - 4 рет тәулігіне, содан кейін бұлшықет ішіне 200 - 250 мг 2-3 рет тәулігіне 2 апта ішінде, содан кейін пероральді дәрілік түрлерін қабылдауға ауысу ұсынылады.

Бассүйек-ми жарақаты және бассүйек-ми жарақатының салдарында Мексидол® вена ішіне тамшылатып 200 - 500 мг-ден тәулігіне 2 - 4 рет 10 - 15 күн бойы қолданылады, содан кейін пероральді дәрілік түрлерін қабылдауға ауысу ұсынылады.

Дисциркуляторлы энцефалопатияның қалпына келмейтін фазасында Мексидол® вена ішіне сорғалатып немесе тамшылатып 200-500 мг дозада тәулігіне 1 - 2 рет 14 күн бойы тағайындалғаны жөн. Содан соң бұлшықет ішіне тәулігіне 100 - 250 мг-ден кейінгі 2 апта бойы, содан кейін пероральді дәрілік түрлерін қабылдауға ауысу ұсынылады.

Дисциркуляторлы энцефалопатияның курстық профилактикасы үшін Мексидол® бұлшықет ішіне 200 - 250 мг дозада тәулігіне 2 рет 10 - 14 күн бойы енгізіледі, содан кейін пероральді дәрілік түрлерін қабылдауға ауысу ұсынылады.

Созылмалы ми ишемиясында

Мексидол тәулігіне 1 рет 10 мл-ден (500 мг) вена ішіне тамшылатып немесе вена ішіне баяу сорғалатып 14 күн бойы енгізуге тағайындалуы керек, содан кейін пероральді дәрілік түрлерін қабылдауға ауысу ұсынылады.

Жеңіл (орташа) когнитивті бұзылуларда

Мексидол тәулігіне 1 рет 10 мл-ден (500 мг) вена ішіне тамшылатып немесе вена ішіне баяу сорғалатып 14 күн бойы енгізуге тағайындалуы керек, содан кейін пероральді дәрілік түрлерін қабылдауға ауысу ұсынылады.

Мазасыздық бұзылыстарында

Мексидол® бұлшықет ішіне 100 -300 мг тәуліктік дозада 14 - 30 күн бойы қолданылады, содан кейін пероральді дәрілік түрлерін қабылдауға ауысу ұсынылады.

Жедел миокард инфарктісінде кешенді ем құрамында

Мексидол® нитраттар, бета-адреноблокаторлар, ангиотензин өзгертуші фермент тежегіштері (АӨФ), тромболитиктер, антикоагулянтты және антиагрегантты дәрілер, сондай-ақ көрсетілімдер бойынша симптоматикалық дәрілерді қамтитын миокард инфарктісін дәстүрлі емдеу аясында вена ішіне немесе бұлшықет ішіне 14 тәулік бойы енгізіледі. Алғашқы 5 тәулікте ең жоғары әсеріне қол жеткізу үшін Мексидол® мүмкіндігінше вена ішіне енгізілгені дұрыс, одан кейінгі 9 тәулікте Мексидол® бұлшықет ішіне енгізілуіне болады. Мексидол® 0,9 % натрий хлориді ерітіндісінде немесе 5 % декстроза ерітіндісінде (глюкоза) 30 -90 мин бойы 100- 150 мл көлемінде вена ішіне тамшылатып, баяу (жағымсыз әсерлерін болдырмас үшін) енгізіледі. Қажет болғанда Мексидол® ұзақтығы кем дегенде 5 минут болатындай, баяу сорғалатып енгізілуіне болады.

Мексидол® (вена ішіне немесе бұлшықет ішіне) тәулігіне 3 рет әрбір 8 сағат сайын енгізіледі. Тәуліктік емдік дозасы дене салмағының әр кг тәулігіне 6 -  9 мг, бір реттік доза – дене салмағының әр кг 2 -  3 мг құрайды. Ең жоғары тәуліктік доза 800 мг, бір реттік доза - 250 мг аспауы тиіс.

Әр түрлі сатыдағы бастапқы ашық бұрышты глаукомада кешенді ем құрамында

Мексидол® бұлшықет ішіне тәулігіне 100-300 мг-ден, тәулігіне 1-3 рет 14 күн бойы енгізіледі.

Абстиненттік алкогольдік синдромда

Мексидол® 200-500 мг дозада вена ішіне тамшылатып немесе бұлшықет ішіне тәулігіне 2-3 рет 5-7 күн бойы енгізіледі.

Психозға қарсы дәрілермен жедел уыттанғанда

Мексидол® вена ішіне тәулігіне 200-500 мг дозада 7-14 күн бойы енгізіледі.

Іш қуысының жедел іріңді–қабыну үдерістерінде (жедел некроздық панкреатит, перитонит)

Мексидол® операцияның алдындағы және операциядан кейінгі тәуліктерде тағайындалады. Енгізілетін дозалар аурудың түріне және ауырлығына қарай, үдерістің таралғандығына, клиникалық ағымының нұсқаларына байланысты болады. Мексидол® тоқтатылуы біртіндеп, тек оңды клиникалық-зертханалық әсерден кейін ғана жүргізілуі тиіс.

Жедел ісінумен (интерстициялық) панкреатитте

Мексидол® 200-500 мг-ден күніне 3 рет, вена ішіне тамшылатып (0,9 % натрий хлоридінің ерітіндісінде) және бұлшықет ішіне тағайындалады.

Жеңіл дәрежедегі ауырлықтағы некроздық панкреатит – 100-200 мг-ден күніне 3 рет вена ішіне тамшылатып (0,9 % натрий хлоридінің ерітіндісінде) және бұлшықет ішіне.

Ауырлығы орташа дәрежеде – 200 мг-ден күніне 3 рет, вена ішіне тамшылатып (0,9 % натрий хлоридінің ерітіндісінде) тағайындалады. Ауыр түрінде – алғашқы тәулікте 800 мг пульс-дозалануда, екі рет енгізу режимінде; бұдан әрі тәуліктік дозаны біртіндеп төмендете отырып, 200-500 мг-ден күніне 2 рет.

Өте ауыр түрінде – бастапқы дозалауда панкреатогенді шоктың байқалуы тұрақты басылғанға дейін тәулігіне 800 мг-ден, жағдай қалыптанған соң 300-500 мг-ден күніне 2 рет тәуліктік дозалауды біртіндеп төмендете отырып, вена ішіне тамшылатып (0,9 % натрий хлоридінің ерітіндісінде) енгізеді.

Вена ішіне немесе бұлшықет ішіне (сорғалатып немесе тамшылатып). Инфузиялық енгізу тәсілінде Мексидол® сорғалатып баяу 5-7 минут бойы, тамшылатып – минутына 40-60 тамшы жылдамдықпен енгізіледі.

Инфузиялық енгізу әдісімен препаратты 100-150 мл 0,9 % натрий хлориді ерітіндісінде немесе 5% декстроза (глюкоза) ерітіндісінде сұйылту керек.

Симптомдары: ұйқышылдық, ұйқысыздық.

Емі: препараттың уыттылығы төмен болғандықтан, артық дозалану ықтималдығы аз. Әдетте емдеу қажет емес - симптомдар тәулік ішінде өздігінен жоғалады. Айқын көріністерде демеуші және симптоматикалық емдеу жүргізіледі.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолдану тәсілін түсіндіру үшін медицина қызметкерінің немесе емдеуші дәрігердің кеңесіне жүгінген жөн.

Өте сирек:

- анафилаксиялық шок, ангионевроздық ісіну, есекжем

- ұйқышылдық

- бас ауыруы, бас айналуы (енгізу жылдамдығы шамадан тыс жоғары болуымен байланысты болуы мүмкін және ол қысқа мерзімдік сипатқа ие)

- АҚ төмендеуі, АҚ жоғарылауы (енгізу жылдамдығы шамадан тыс жоғары болуымен байланысты болуы мүмкін және ол қысқа мерзімдік сипатқа ие)

- құрғақ жөтел, тамақтың жыбырлап ашуы, кеуде қуысындағы жайсыздық, тыныс алудың қиындауы (енгізу жылдамдығы шамадан тыс жоғары болуымен байланысты болуы мүмкін және ол қысқа мерзімдік сипатқа ие)

- ауыздың құрғауы, жүрек айнуы, жағымсыз иісті сезіну, ауыздың темір татуы

- қышыну, бөртпе, гиперемия

- жылуды сезіну

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл препараттың құрамында

белсенді зат – этилметилгидроксипиридин сукцинаты - 50 мг,

қосымша заттар: натрий метабисульфиті, инъекцияға арналған су

Мөлдір, түссіз немесе сәл сарғыштау сұйықтық.

2 мл немесе 5 мл препараттан  сындыру нүктесі және үш таңбалағыш сақинасы бар (жоғарғысы – сары, ортаңғысы – ақ, төменгісі – қызыл) немесе таңбалағыш сақинасы болмайтын түссіз 1-ші гидролитикалық класты немесе   HC-3 таңбалы  бейтарап шыныдан жасалған ампулаларда.

Ампулаға жазу қағазындағы немесе заттаңба қағазындағы немесе өзі жапсырылатын заттаңба жапсырылады, немесе ампуладағы жазуды шыны бұйымдарға арналған терең немесе сорғалатып басып жазатын бояумен жазады немесе жазуды соңынан термоөңдейтін эмальді баспа әдісімен жасайды.

5 ампуладан ЭП-73 типті поливинилхлоридті үлбірден жасалған пішінді ұяшықты қаптамаға салынады. 2 мл ампулалар үшін - 2 пішінді ұяшықты қаптама дәрілік препаратты  медициналық қолдану жөніндегі қазақ және орыс тілдерінде нұсқаулықпен бірге тұтыну ыдысына арналған картон қорапшаға салынады. 5 мл ампулалар үшін - 1 пішінді ұяшықты қаптама дәрілік препаратты  медициналық қолдану жөніндегі қазақ және орыс тілдеріндегі нұсқаулықпен бірге тұтыну ыдысына арналған картон қорапшаға салынады.

3 жыл.

Қаптамасында көрсетілген жарамдылық мерзімі өткеннен кейін қолдануға болмайды.

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Эллара» ЖШҚ, Ресей

601122, Владимир обл., Петушинск ауданы,

Покров қ., Франц Штольверк к-сі, 20 үй, құр. 2

Тел./факс: +7 (49243) 6-41-69

Е-mail: office@ellara.ru

«ҒӨК «ФАРМАСОФТ» ЖШҚ, Ресей

115407, Мәскеу қ., Судостроительная к-сі, 41 үй, 1 қабат, 12 орынжай

Тел./факс: +7 (495) 626-47-55

Е-mail: pharmasoft@pharmasoft.ru

Қазақстан Республикасы

«Registrarius» ЖШС

Алматы, 050040, Бостандық ауданы, Байзақов к-сі 280,

Almaty Towers БО, SmArt.Point Коворкинг Орталығы, 29 кеңсе.

Тел. +7 727 3131207

Е-mail: info@registrarius.org