Маалокс таблетки жев. №20 (2 блистера х 10 таблеток)

Маалокс®

Жоқ

Шайнайтын таблеткалар

Ас қорыту жолы және зат алмасу. Қышқылдылықтың бұзылуымен байланысты ауруларды емдеуге арналған препараттар. Антацидтер. Алюминий, кальций және магний препараттарының біріктірілімі. Тұздардың қарапайым біріктірілімі. АТХ коды A02AD01

- қыжылды және асқазан қышқылының жоғарылауын симптоматикалық емдеу

Қолданудың басталуына дейінгі қажетті мәліметтер тізбесі

- белсенді заттарға немесе препараттың қандай да бір компоненттеріне жоғары сезімталдық

- порфириясы бар пациенттер

- бүйрек жеткіліксіздігінің ауыр түрлері

- қатты жүдеу

- тұқым қуалайтын фруктоза жақпаушылығы, глюкоза-галактоза мальабсорбциясы бар адамдар

- 18 жасқа дейінгі жасөспірімдер және балалар 

Қолдану кезіндегі қажетті сақтық шаралары

Алюминий гидроксиді іш қатуды тудыруы мүмкін, ал магний тұздарының артық дозалануы ішек гипокинезиясын тудыруы мүмкін. Осы дәрілік препараттың жоғары дозалары: бүйрек функциясының бұзылуы, алғашқы іш қатуы, балалар (0-ден 24 айға дейін) немесе егде жастағы адамдардағы ішек моторикасының бұзылуы бар қауіп тобындағы пациенттерде ішектің бітелуі және мықын ішектің бітелуін тудыруы немесе өршітуі мүмкін.

Алюминий гидроксиді асқазан-ішек жолында нашар сіңеді. Сондықтан жүйелі әсер бүйрек функциясы қалыпты пациенттерде сирек байқалады. Алайда препаратты шамадан тыс дозаларда немесе ұзақ қолдану немесе әдеттегі дозаларда қабылдау рационда фосфор мөлшері төмен пациенттер немесе балалар (0 бастап 24 айға дейін) организмінде фосфат деңгейінің төмендеуіне (алюминийдің фосфатпен байланысуы салдарынан) әкелуі, бұл сүйек тіні резорбциясының жоғарылауына және остеомаляция даму қаупімен гиперкальциурияға әкелуі мүмкін. Препаратты ұзақ қолданған немесе оны гипофосфатемия туындау қаупі аясындағы пациенттер қолданған жағдайда қосымша медициналық ұсынымдар берілуі тиіс.

Қан плазмасындағы алюминий және магний деңгейінің бүйрек функциясы бұзылған пациенттерде, сәйкесінше гипералюминиемия және гипермагниемия туындата отырып, ұлғаюына бейімділік бар. Бұл пациенттермен алюминий және магний тұздарының жоғары дозаларын ұзақ тұтыну энцефалопатияға, деменцияға, микроцитарлық анемия немесе диализ туындатқан остеомаляция ушығуына әкелуі мүмкін.

Бүйрек жеткіліксіздігінің жеңіл және орташа түрлерінде препаратты қатаң медициналық бақылаумен қабылдаған жөн. Мұндай пациенттер жағдайында аталған дәрілік затты ұзақ қолданбаған дұрыс.

Алюминий гидроксидін қолдану порфириясы бар гемодиализ жүргізілетін  пациенттерге қауіпті болуы мүмкін.

Балаларда қолдану

Магний гидроксидін жас балаларда, әсіресе бүйрек жеткіліксіздігі немесе сусыздануы бар балаларда қолдану гипермагниемияға әкелуі мүмкін.

Қолдану кезіндегі сақтық шаралары

Маалокс® шайнайтын таблеткалар құрамында:

- Әр таблеткада 125 мг сорбитол және сахароза бар. Фруктоза жақпаушылығы, глюкоза және галактоза мальабсорбциясы синдромы немесе сахароза-изомальтаза тапшылығына байланысты сирек тұқым қуалайтын аурулары бар пациенттер бұл препаратты қабылдамауы тиіс.

- 1 дозаға 1 ммоль аз натрий (23 мг) бар, «натрийсіз» деп аталатын препарат.

- Әр таблеткадағы 0,000072 мг бензил спирті бұрышты жалбыз дәмі бар хош иістендіргіш құрамында. Бензил спирті аллергиялық реакциялар тудыруы мүмкін.

- Жүктілік және бала емізу кезінде, сондай-ақ бауыр немесе бүйрек жеткіліксіздігі бар пациенттерде жинақтау және уыттылық (метаболизмдік ацидоз) қаупіне байланысты жоғары дозаларды сақтықпен және өте қажет болған жағдайда ғана қолдану керек.

Алюминий және магний тұздары асқазан-ішек жолында тетрациклиннің сіңірілуін төмендететін болғандықтан, тетрациклинмен пероральді ем кезінде Маалоксты қабылдамаған дұрыс.

Құрамында алюминий бар антацидтік дәрілерді бір мезгілде қолданған кезде, H2-блокаторлары, атенолол, бисфосфонаттар, цефдинир, цефподоксим, хлорохин, тетрациклиндер, дазатиниб моногидраты, дифлунизал, дигоксин, дексаметазон, элтромбопаг оламин, элвитегравир, этамбутол сияқты, фторхинолондар, глюкокортикоидтар, индометацин, темір тұздары, изониазид, кетоконазол, левотироксин, линкозамидтер, метопролол, нилотиниб, фенотиазидті нейролептиктер, пеницилламиндер, пропранолол, калий ралтегравирі, рилпивирин, риоцигуат, розувастатин, натрий фториді және тенофовир алафенамиді фумараты/эмтрицитабинмен/натрий биктегравирімен біріктірілімдегі вирусқа қарсы препараттар дәрілік препараттардың сіңуін төмендеуі мүмкін.

Ескеру қажет біріктірілімдер

Калиймен байланысқанда шайыр тиімділігінің төмендеуі, бүйрек функциясы бұзылған пациенттерде метаболизмдік алкалоздың туындауы (алюминий гидроксиді және магний гидроксидіне байланысты), сондай-ақ ішектің бітелуі пайда болуының (алюминий гидроксидіне байланысты) потенциалды қаупі салдарынан Маалоксты полистиролсульфонатпен (кайексалатпен) бірге қабылдағанда сақ болу қажет.

Алюминий гидроксиді мен цитраттар, әсіресе бүйрек жеткіліксіздігі бар пациенттерде гипералюминемияны тудыруы мүмкін.

Интеграза тежегіштері (долутегравир, ралтегравир, биктегравир) және Маалокс біріктірілімінен аулақ болу керек (дозалау жөніндегі ұсынымдарды тиісті нұсқаулықтан қараңыз).

Басқа дәрілік препараттармен өзара әрекеттесуді болдырмау үшін Маалокс® препаратын қабылдау алдында кемінде 2 сағат (фторхинолондар үшін 4 сағат) аралықты сақтау қажет.

Хинидинмен бірге қолдану қан сарысуында хинидин деңгейін арттыруы және хинидиннің артық дозалануына әкелуі мүмкін.

Алюминий гидроксиді және цитраттар бірге қолданғанда, әсіресе бүйрек функциясы бұзылған пациенттерде алюминиемий деңгейінің артуына әкелуі мүмкін.

Магний гидроксидін қолдану салдарынан несептің сілтіленуі кейбір дәрілердің шығарылуына әсер етуі мүмкін; салицилаттардың көп шығарылуы байқалды.

Жүктілік немесе лактация кезінде

Жүктілік

Жүктілік кезінде препаратты тек қажет болған жағдайда ғана мұқият медициналық бақылаумен қолдануға болады. Жүкті әйелдерге препаратты тағайындау туралы мәселе, егер емдеудің потенциалды пайдасы шаранаға төнетін қауіптен асып түскен жағдайда ғана қарастырылуы мүмкін.

Бала емізу

Ананың емшек сүтінде сіңірілуі шектеулі болуына байланысты Маалоксты ұсынылған дозаларда қолданғанда алюминий гидроксиді мен магний гидроксидінің елеусіз мөлшерін анықтауға болады, бұл емізумен үйлесімді деп саналады.

Бензил спиртінің үлкен көлемін жүктілік және бала емізу кезінде жинақтау және уыттылық (метаболизмдік ацидоз) қаупіне байланысты сақтықпен және қажет болған жағдайда ғана қабылдау керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Қолдану бойынша ұсынымдар

Дозалау режимі

Күніне 4 рет 1-2 таблеткадан, тамақтанудан кейін 20-60 минуттан соң және ұйықтар алдында.

Енгізу әдісі мен жолы

Таблеткаларды мұқият сору немесе жақсылап шайнау қажет. Таблеткаларды сумен немесе сүтпен ішуге болады. Ұсынылған ең жоғары дозалардан асыру ұсынылмайды.

Артық дозаланғанда қабылдануы қажет шаралар

Алюминий тұздарымен артық дозалануы келесі симптомдары бар созылмалы бүйрек ауыр жеткіліксіздігі бар пациенттерде жиі болуы мүмкін: энцефалопатия, құрысулар және деменция, гипермагниемия.

Жедел дозалануда жиі кездесетін симптомдарға диарея, іштің ауыруы, құсу жатады. Бұл препараттың жоғары дозалары қауіп тобының пациенттерінде ішектің бітелуін және мықын ішектің бітелуін туындатуы немесе өршітуі мүмкін.

Жалпы демеуші шараны қамтитын симптоматикалық ем ұсынылады; алюминий және магний несеппен шығарылады. Магний жедел артық дозалануын емдеу регидратация, қарқынды диурез көмегімен жүзеге асырылады; бүйрек жеткіліксіздігі жағдайында гемодиализ немесе перитонеальді диализ қажет.

Дәрілік препараттың бір немесе бірнеше дозасын өткізіп алу кезіндегі қажетті шаралар

Өткізіп алған дозаның орнын толтыру үшін қосарлы дозаны қабылдамаңыз.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Осы препаратты қолдануға қатысты қандай да бір сұрақтар туындаған жағдайда емдеуші дәрігермен хабарласыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі емес

- диарея, іш қату

Өте сирек

- препаратты ұзақ қабылдаған бүйрек жеткіліксіздігі бар пациенттерде гипермагниемия байқалған.

Белгісіз

- аса жоғары сезімталдық реакциялары, анафилаксиялық реакциялар, қышыну, есекжем, Квинке ангионевроздық ісінуі

- гипералюминемия, гипофосфатемия (төмен фосфатты диетадағы пациенттерде немесе балаларда (0 бастап 24 айға дейін) жоғары немесе әдеттегі дозаның өзін ұзақ қабылдағанда, сүйек резорбциясына, гиперкальциурия және остеомаляция күшеюіне әкелуі мүмкін.

- іштің ауыруы

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді заттар: алюминий гидроксиді

(200,0 мг алюминий тотығына баламалы) 400,0 мг,

магний гидроксиді 400,0 мг,

қосымша заттар: крахмал қосылған сахарозадан алынған ұнтақ**, сорбитол, маннитол, натрий сахаринаты, магний стеараты, бұрышты жалбыз дәмі бар хош иістендіргіш ұнтағы, сахароза.

** - құрамында 3% крахмал бар кондитерлік қант.

Дөңгелек, жалпақ, екі жағында да ойығы және “MX” бедері бар, ақ түсті шайнайтын таблеткалар

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады. 

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды

25ºС-ден аспайтын температурада сақтау керек

Балалардың қолы жетпейтін жерде сақтау керек!

Рецептісіз

Санофи С.р.Л.

S.S.17 km 22, Scoppito (AQ), 67019, Скоппито, Италия

Телефон: +39 02 39 39 1

Опелла Хелскеа Франc САС, Франция

157 avenue Charles de Gaulle, 92200 Neuilly-sur-Seine, France

тел.:+33(0)1.41.24.70 00

www.sanofi.fr

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, электронды пошта)

"STADA Kazakhstan" ЖШС

050011, Қазақстан Республикасы,

Алматы қ., Сүйінбай даңғылы, 258В үй

тел.: +7 (727) 222 21 00

e-mail: PVEurasia@stada.kz , EurasiaQA@stada.com