Лоридамин спрей 0,15% по 30 мл (флакон)

Лоридамин

Бензидамин

Жергілікті қолдануға арналған спрей 0.15%, 30 мл

Ас қорыту жүйесі және зат алмасу. Стоматологиялық препараттар. Ауыз қуысын жергілікті емдеуге арналған препараттар. Бензидамин.

АТХ коды А01AD02

Ауыз қуысы мен тамақтағы ауыру синдромымен (мысалы, гингивит, стоматит, фарингит) қатар жүретіндерді қоса, тітіркенулер мен қабыну жағдайларын симптоматикалық емдеу, сондай-ақ консервативті стоматологиялық ем-шаралардан кейін немесе тіс экстракциясынан кейін.

Қолдануды бастағанға дейін қажетті мәліметтер тізбесі

- бензидамин гидрохлоридіне немесе қосымша заттардың кез келгеніне аса жоғары сезімталдық

Бұл препаратты қолдану, әсіресе ұзақ уақыт бойы, жоғары сезімталдықтың дамуына әкелуі мүмкін. Мұндай жағдайда препаратты қолдануды тоқтатып, тиісті ем тағайындайтын дәрігермен кеңесу керек.

Пациенттердің шектеулі санында тамақ пен ауыз қуысында ойық жаралардың болуы анағұрлым ауыр патологияның болуын көрсетуі мүмкін. Егер симптомдар 3 күннен артық кетпесе, дәрігермен кеңесу керек.

Лоридамин препаратын ацетилсалицил қышқылына немесе басқа да қабынуға қарсы стероид емес препараттарға аса жоғары сезімталдығы бар пациенттерде қолдану ұсынылмайды.

Лоридамин препараты анамнезінде бронх демікпесі бар пациенттерде препаратты қабылдау аясында оларда бронх түйілуінің даму мүмкіндігі себебінен сақтықпен қолданылуы тиіс.

Препараттың басқа дәрілік заттармен клиникалық тұрғыдан маңызды өзара әрекеттесуі анықталмаған.

Лоридамин препаратының құрамында метилпарагидроксибензоат бар, ол аллергиялық реакцияларды (оның ішінде кейінге қалдырылғандарды) және ерекше жағдайларда бронх түйілуді тудыруы мүмкін.

Педиатрияда қолдану

12 жасқа дейінгі балаларда тек дәрігердің ұсынысы бойынша және тағайындалған дозаларда қолдану керек.

Жүктілік немесе лактация кезінде

Жүкті әйелдерде бензидаминді қолдану туралы деректер жоқ. Лоридамин препаратын жүктілік кезінде қолдану ұсынылмайды.

Бензидаминнің адамның емшек сүтіне енуі туралы деректер жеткіліксіз. Лоридамин препаратын емізу кезеңінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын басқару және механизмдермен жұмыс істеу қабілетіне әсер етпейді.

Дозалау режимі

Ересектер мен 12 жастан асқан балаларға күніне 2-6 рет 4-8 бүрку.

Ұсынылған дозадан асырмау керек.

Пациенттердің ерекше топтары

Балалар

6-дан 12 жасқа дейінгі балаларға - күніне 2-6 рет 4 бүрку.

3-тен 6 жасқа дейінгі балаларға әрбір 4 кг салмаққа 1 бүркуден, бірақ күніне 2-6 рет 4 бүркуден (ең жоғары бір реттік доза) асырмау керек.

Енгізу әдісі мен жолы

Жергілікті қолдану үшін.

Емдеу ұзақтығын дәрігер анықтайды

Артық дозаланған жағдайда қабылдануы тиіс шаралар

Қазіргі уақытта бензидаминмен артық дозалану жағдайлары туралы хабарланған жоқ. Уыттану бензидаминнің көп мөлшері (> 300 мг) кездейсоқ жұтылған жағдайда ғана күтіледі.

Симптомдары

Ішке қабылданған бензидаминнің артық дозалануымен байланысты негізгі симптомдары асқазан-ішек бұзылыстары және орталық жүйке жүйесінің бұзылуы болып табылады. Асқазан-ішек жолдарының жиі кездесетін аурулары - жүрек айнуы, құсу, іштің ауыруы және өңештің тітіркенуі. Орталық жүйке жүйесінің бұзылуларына бас айналу, елестеулер, қозу, мазасыздық және тітіркену жатады.

Емдеу

Жедел артық дозаланған жағдайда симптоматикалық емдеу ғана көрсетіледі. Пациентті мұқият бақылау және демеуші ем тағайындау қажет. Пациенттің тиісті гидратациясын қамтамасыз ету керек.

Дәрілік препараттың бір немесе бірнеше дозасын өткізіп алған кезде қажетті шаралар

Өткізіп алған дозаны толықтыру үшін қос дозаны қолданбаңыз

Тоқтату симптомдары қаупінің болуын көрсету

Қатысты емес

Дәрілік препаратты қабылдамас бұрын дәрігер немесе фармацевт кеңесіне жүгініңіз.

Жиі емес

- жарыққа сезімталдық

Сирек

- аса жоғары сезімталдық реакциясы

- ауыз қуысының шымылдауы, ауыздың құрғауы

Өте сирек

- ларингоспазм

- ангионевроздық ісіну, қышыну, есекжем, бөртпе

Белгісіз (қолда бар деректер негізінде бағалау мүмкін емес)

- анафилаксиялық реакция

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл препараттың құрамында

белсенді зат - бензидамин гидрохлориді 1.500 мг

қосымша заттар: натрий гидрокарбонаты, полисорбат 20, 96% этил спирті, глицерин, сахарин, метилпарагидроксибензоат, бұрыш жалбызы майы, тазартылған су.

Өзіне тән жалбыз иісі бар, мөлдір түссіз сұйықтық.

30 мл препараттан пульверизатормен жабдықталған күңгірт шыныдан жасалған құтыларға құйылады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

КК «Флумед-Фарм» ЖШҚ, Молдова Республикасы, МД-2002, Кишинев қ., Четатя Албэ к-сі, 176

Телефон нөмірі: +373 22 521 452

Электронды пошта: flumed-farm@mail.ru

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Автожауапбергіш номері +7 7252 (561342)

Электронды пошта complaints@santo.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610150)

Электронды пошта phv@santo.kz