Лордес сироп 2,5 мг / 5 мл по 100 мл (флакон)

ЛОРДЕС®

Дезлоратадин

Шәрбат, 2.5 мг/5 мл

Респираторлық жүйе. Жүйелі әсер ететін антигистаминдік препараттар. Жүйелі әсер ететін антигистаминдік басқа препараттар. Дезлоратадин

ATХ коды R06AX27

ЛОРДЕС® ересектер, жасөспірімдер мен 1 жастан асқан балаларға келесі жағдайларда тағайындалады:

- аллергиялық риниттің симптомдарын

- есекжем

Қолданудың басталуына дейін қажетті мәліметтер тізбесі

- препарат компоненттеріне жоғары сезімталдық

- 1 жастан кіші балаларға

- тұқым қуалайтын фруктоза жақпаушылығы, сахараза, изомальтаза тапшылығы, глюкоза-галактоза мальабсорбциясы.

Бүйрек жеткіліксіздігі

Бүйрек функциясының ауыр жеткіліксіздігі жағдайында дезлоратадинді сақтықпен қолдану керек.

Құрысулар

ЛОРДЕС® препаратын медициналық немесе отбасылық анамнезінде құрысу ұстамалары бар пациенттер, әсіресе кіші жастағы балалар сақтықпен қабылдауы керек, өйткені олар дезлоратадинмен емдеген кезде жаңа құрысу ұстамаларының дамуына көбірек ұшырайды. Құрысу ұстамалары пайда болған кезде ЛОРДЕС® препаратын қабылдауды тоқтату қажет.

Үлкенірек көлемдерді сақтықпен және қажет болған жағдайда ғана, әсіресе жиналу және уыттылық (метаболикалық ацидоз) қаупіне байланысты бауыр немесе бүйрек жеткіліксіздігі бар емделушілерде қолдану керек.

Педиатрияда қолданылуы

2 жасқа дейінгі балаларда аллергиялық ринитті басқа ринит түрлерінен айыру өте қиын. Жоғары тыныс алу жолдары инфецияларының, даму кемістіктерінің, ауру анамнезінің, физикалық, зертханалық тексеру деректерінің және терілік тестілер нәтижелерінің жоқтығын ескеру керек. 2-ден 11 жасқа дейінгі балалардың шамамен 6%-да дезлоратадиннің фенотиптік баяу метаболизаторлары және оның өте жоғары концентрациясы бар. 2-ден 11 жасқа дейінгі балаларда (метаболизаторлары баяу) дезлоратадиннің қауіпсіздігі қалыпты метаболизаторлар болып табылатын балалардағыдай. Дезлоратадин шәрбатын баяу метаболизаторларда (2 жастан кіші) қолданудың нәтижелері зерттелген жоқ.

Қосымша заттар

Пропиленгликоль

ЛОРДЕС® құрамында пропиленгликоль бар, алкогольге ұқсас әсер етуі мүмкін

Натрий

ЛОРДЕС® құрамында 1 ммольден аз натрий бар, яғни ол натрийсіз болып саналады

Сукроза

Құрамында қант болғандықтан ЛОРДЕС® қант диабеті және фруктозаны көтере алмаушылықпен ауыратын науқастарға сақтықпен қолданылуы керек.

Сорбитол

Препараттың құрамында сорбитол бар. Тұқым қуалайтын фруктоза жақпаушылығы бар пациенттер бұл препаратты қабылдамауы тиіс. Құрамында сорбит бар бір мезгілде қабылданатын препараттардың және сорбитті (немесе фруктозаны) тамақпен бірге қосымша қолданудың жиынтық әсерін ескеру қажет. Пероральді түрде қолдануға арналған дәрілік препараттың құрамында бар сорбитол бір мезгілде қабылданатын басқа дәрілік препараттардың биожетімділігіне ықпал етуі мүмкін.

Дезлоратадин таблеткаларын қолданып жүргізілген зерттеулерде эритромицинді немесе кетоконазолды бір мезгілде қолданғанда маңызды өзара әрекеттесулер байқалған жоқ.

Балалар популяциясы

Өзара әрекеттесуіне зерттеулер тек ересектерге ғана жүргізілді.

Алкогольмен бір мезгілде қолданғанда сақтық таныту ұсынылады.

Арнайы сақтандырулар

Жүктілік немесе лактация кезеңінде

Дезлоратадин жүктілік барысына, нәрестенің жатырішінде дамуына және туғаннан кейін оның жағдайына ықпалын тигізбейді, бірақ жүктілік кезінде ЛОРДЕС® препаратын қолдануға жол бермеген дұрыс.

Дезлоратадин емшек сүтімен бірге бөлініп шығуы мүмкін және оның нәрестеге әсері белгісіз, сондықтан дәрігер емшек емізуді тоқтату немесе ЛОРДЕС® препаратымен емдеуді тоқтату/бас тарта тұру керектігі туралы шешім қабылдайтын болады.

Көлік құралын немесе қауіптілігі зор механизмдерді басқару қабілетіне препараттың ықпал ету ерекшеліктері

ЛОРДЕС® препараты автомобильді басқару немесе механизмдермен жұмыс жасау қабілетіне ықпалын тигізбейді немесе аздап ықпалын тигізеді. Көптеген адамдарда ұйқышылдық болмайды, сондықтан дәрілік препаратқа өзінің жеке реакциясын анықталғанға дейін автомобильді немесе қозғалыстағы механизмдерді басқаруды қоса, ақыл-ойдың елеулі белсенділігін қажет ететін қызметпен айналыспай тұра тұру ұсынылады.

Дозалау режимі

Ересектер және жасөспірімдер (12 жас және одан үлкен): күніне бір рет 10 мл (5 мг) шәрбат.

Балалар:

Емдеуді тағайындаған кезде дәрігер 2 жастан кіші балаларда көптеген жағдайларда мұрынның шырышты қабығы қабынуының шығу тегі аллергиялық емес екендігін, тек қабыну екендігін ескеретін болады.

1-ден 5 жасқа дейінгі балалар: күніне бір рет 2,5 мл-ден (1,25 мг).

6-дан 11 жасқа дейінгі балалар: күніне бір рет 5 мл (2,5 мг).

Пациенттердің ерекше топтары

Балалар:

ЛОРДЕС® 2,5 мг/5 мл шәрбаттың 1 жасқа дейінгі балалардағы қауіпсіздігі мен тиімділігі анықталмаған.

Препарат пероральді түрде қолдануға арналған, оны тамақ ішуге қарамай қабылдай беруге болады.

Емдеу ұзақтығын емдеуші дәрігер белгілейді.

Егер аллергиялық ринит тұрақты түрде білінбесе (симптомдар аптасына 4 күннен азырақ білінгенде немесе ұзақтығы 4 аптадан азырақ болғанда), дәрігер ауру симптомдары жойылғаннан кейін емдеуді тоқтатуды ұсынуы және олар пайда болған кезде қайтадан тағайындауы мүмкін.

Созылмалы аллергиялық ринитте (симптомдар аптасына 4 күннен көбірек білінген кезде және ұзақтығы 4 аптадан көбірек болғанда) аллергеннің әсер етуінің бүкіл кезеңінде емдеу үздіксіз режиммен тағайындалуы мүмкін.

Симптомдары: әдеттегі қолдану кезіндегідей жағымсыз әсерлер пайда болуы мүмкін.

Емі: шұғыл түрде дәрігерге қаралу ұсынылады, өйткені асқазанды шаю, белсендірілген көмір қабылдау қажет және басқа шараларды жүргізу керек болуы мүмкін.

Дәрілік препаратты қолдану тәсілін түсіндіру үшін кеңес алуға медицина қызметкеріне жүгіну ұсынылады.

Жиі

- бас ауыру, ауыз ішінің құрғауы, шаршау

- ұйқысыздық, диарея, қызба (2 жасқа дейінгі балаларда)

Өте сирек

- елестеулер

- бас айналу, ұйқышылдық, ұйқысыздық, психомоторлы жоғары белсенділік, құрысу ұстамалары

- тахикардия, жүректің қағуы

- іштің ауыруы, жүректің айнуы, құсу, сұйық нәжіс, диспепсия

- бауыр ферменттері деңгейінің жоғарылауы, билирубиннің жоғарылауы, гепатит

- бұлшықет ауыруы

- ауыр аллергиялық реакциялар (тез, ауыр, өмір үшін қауіпті аллергиялық реакция – анафилаксия, терінің тереңдегі қабаттарының және теріасты тіндерінің тығыз, асимметриялық, ауырмайтын ісінуі – ангионевроздық ісіну, ентігу, терінің қышынуы, тез дамитын бөртпе, теріде күшті қышитын бозғылт-қызғылт күлбіреуіктер).

Белгісіз

- тәбеттің күшеюі

- адекватты емес мінез-құлық, агрессия, депрессиялық көңіл-күй

- көздердің құрғауы

- электрокардиограммадағы бұзылулар

- терінің сарғаюы, терінің күн жарығына реакциясы

- салмақтың артуы

- созылмалы шаршау синдромы

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

5 мл препараттың құрамында

белсенді зат – 2.50 мг дезлоратадин,

қосымша заттар: пропиленгликоль (монопропиленгликоль), сусыз лимон қышқылы, натрий цитраты, натрий бензоаты, динатрий эдетаты, сукроза (рафинадталған қант), 70 % сорбитол ерітіндісі, бета-каротин (лукаротин 1 CWD\Y), ғажайып қызыл АС (Е129), Тутти Фрутти хош иістендіргіші (AG 7322), тазартылған су.

Өзіне тән иісі бар, қызыл сары түсті мөлдір сұйықтық.

Алғаш ашылуы бақыланатын, пластик қақпақпен бұрап жабылатын, қызыл сары шыны құтыға 100 мл препараттан салынған.

Құтыға өздігінен желімденетін заттаңба жапсырылған.

1 құты өлшеуіш қасықпен немесе өлшеуін стақанмен және медициналық қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау мерзімі 3 жыл

Құтыны алғаш ашқаннан кейін сақтау мерзімі 3 ай

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25 ºС-ден аспайтын температурада

сақтау керек.

Балалардың қолы жетпейтін жерде сақтау керек!

Рецептісіз

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі, 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі, 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі, 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz